影片
港鐵觀塘站 B2 出口, 步行約8分鐘
繼續閱讀
電話號碼
5546 6499
6209 3572
開飯介紹
藝人杜大偉開設的火鍋店。雞煲、火鍋一應俱全。海鮮拼盤、刺身拼盤等食材新鮮而且份量十足。
繼續閱讀
營業時間
星期一至日
18:00 - 00:00
以上資料只供參考, 請與餐廳確認詳情
今晚係Happy Friday, 收咗工，我地一行三人，去咗倫哥觀塘店食晚飯😙好彩有book位，今日都幾多人。。。我地自己帶咗白酒🥂，收開瓶費$30 (每款酒收$30)，收費都算平呢👏🏻首先，先黎一個雞煲，由於我唔食得辣，所以叫咗最少辣，即係bb 辣🌶正呀！真係好少好少辣，岩哂我😆食完後，上了刺身，都幾新鮮，都好正，然後到打邊爐時間到食之前，先黎碗糖水清清喉嚨先🤗有海鮮，有🦐有🦀有扇貝，有魚，有帶子😋😱好新鮮呀但係計人頭，冇得無限供應。。。再黎肥牛。。。一樣新鮮，但都係冇得無限量供應😟呢期邊爐煱底係冬瓜雞煲，又幾特別喎😛好靚呀！其次邊爐食物都係一般菜，丸咁。。。飲品任飲！啤酒除外🍺總結，呢個價錢，都算底食嘅！因為食才用料都算新鮮！
繼續閱讀
呢間有一定名氣,已經開了數間分店所以諗住趁同朋友慶祝生日去試一試好彩預早一定時間book,實左太多人了海鮮種類不少,份量充足,而且質素不錯湯底更加值回票價除海鮮外,其他火窩材料都好多選擇絕對可以飲飽食醉
繼續閱讀
呢間係朋友帶我去食既，食物好多好豐富，首先嚟咗個雞煲先，唔好以為有打邊爐有雞煲佢就會好求其，雞煲又麻又辣，好認真。蠔汁鮑魚夠冧夠入味，蟹湯底用黎打邊爐勁正，海鮮品種都有八款仲要好新鮮！牛頸脊就唔係任食嘅，但就算加單都係加＄39左右，仲要係手切！最主要係大部分啲嘢食都係可以無限再叫，價錢又平，又唔限時，可以舒舒服服咁慢慢食，下次都會再帶其他朋友去食，係可以值得再去嘅餐廳，服務態度亦都好好，所以成個過程都食得好開心！
繼續閱讀
上次係太子食過一次倫哥覺得好好食之後, 今次決定搵埋一大班朋友去, 順便同朋友farewell!!觀塘店較大又比較多圓台, 仲可以有房添(房間最低消費3000元，最多容納14人，需落500元訂金)最近倫哥仲玩埋直播抽獎, 依家生日正日或前後1日黎有“足金金牌”. 真係又食又拎, 可惜我地無人生日~哈哈哈! 不過, 朋友就抽到個安慰獎下次黎用.海鮮任食放題包左鮑魚, 同蒸海鮮, 大大隻好入味!跟住就開始食雞煲, 吾完吾夠同事仲問你要吾要加雞, 吾駛我地就開始打邊爐啦!!今次就擇左個蟹鍋, 係原隻甘上既蟹鍋(+30)~因為我地10人甘就有2個鍋.重點黎啦............................就係海鮮拼盤, 依到係10人份量, 黎既時候我地真係哇哇聲~手切肥牛都好好食!!!但每人只有一碟, 再加就要+$38.丸就係沙拉丸, 墨汁丸都好好食, 任叫除左聖子, 貝款同帶子其他都可以免費再叫. 但因為我地太足料既關係, 食吾哂,所以無再叫~今晚真係好滿足, 食得好飽又好美~
繼續閱讀
上星期去觀塘倫哥為家人慶祝生日，去嘅原因係以前食過都幾好，不過係佐敦個間 ，以為今次都係同上次差唔多，點知今次中晒伏 。訂咗位大概七點半開始， 先食雞煲 ，都ok啦 ，跟住一人一隻鮑魚 ，然後到打邊爐 ，上咗個海鮮盤，裏邊有蝦，帶子，聖子，生蠔，龍躉片，蜆 。份量就一人一隻，一人一片咁啦 。裏邊好多都唔可以refill，只得蝦 魚片 蜆 可以refill ，牛肉就兩個人一碟 ，冇得refill 。要再食就38蚊一碟 。諗住都冇所謂啦 ，有其他火鍋配料可以再叫。點知再叫嘅時候， 啲火鍋配料乜都話賣曬 ，牛柏葉冇 ，魷魚冇，連豆腐都冇 ，啲豆腐只係百福豆腐，都話冇！我哋只係叫咗一輪，再叫第二輪就話冇 ，極之 令人失望， 咁唔好叫任叫任食火鍋啦 ，價錢又唔係平，每人平均要三百幾 ，旺角任食火鍋都好過佢啦， 人哋都係平均 160 ，170 倒， refill 5 ，6輪都仲有。一句講曬 ，冇下次！
繼續閱讀