影片
以上資料只供參考, 請與餐廳確認詳情
今日一行三人去食，一坐低已經覺得張枱好似冇抹乾淨，痴立立，落單後好快黎左餐飲，我同朋友A嘅凍奶茶有怪味，佢接受唔到於是換左凍檸水，我好後悔冇換，因為最後真係怪到飲唔落，朋友B嘅凍檸茶係正常味。個時餐廳總共得2,3枱客，但我地等左大半個鐘先有野食，我叫牛肉又黎左雞肉，於是又叫waitress換，等左咁耐仲要整錯真係有啲唔耐煩，之後朋友嘅野食都陸續黎左，我問老闆(?)係咪有泡菜，佢話一陣上，但十幾分鐘之後仲未有(正常泡菜唔係夾出黎就可以比客人? 但我地食到一半都未見泡菜嘅踪影) 朋友A忍唔住催下，老闆(?)就態度好差咁話等下啦，黎緊啦，我地個下靜晒，好聲好氣問但就有種比人鬧嘅feel。野食方面我地叫左牛肉豆腐鍋(中辣)，辣炒雞肉飯(中辣)，泡菜豚肉石鍋飯，跟餐會有湯、泡菜同飲品，普普通通冇乜特別，中辣都係微辣。食物係正常(唔計凍奶茶)，但服務足以令我black list呢間餐廳。
繼續閱讀
第一次食評就俾呢間野 (由於太失望既關係相只有一張 其餘文字).本身諗住spicy lip 點知無開 唯有上open rice 揾下韓式野點個中個正伏 中伏程度: (3個為滿分) 男經理(應該係) 不停講野 嘈音極多 不停以扮溫柔又長氣方式教新人 煩!!! 侍應 極新 安排混亂 食物 點左個二人餐，有三色菜，什錦拌飯，豆腐青口鍋，雞鎚，韓式粉絲。本身間野應該係日式 點知又要攪韓式 個三色前菜 除左個泡菜 其餘既菠菜同豆芽都係白烚出黎個湯本身係應該係麵豉湯黎，放韓式辣醬沖開 所以啲辣醬仲會未溶晒係個湯到個飯 一滴醬都無，得泡菜味雞鎚一般，汁太多，港式咕嚕雞鎚 味太濃肥牛粉絲，ok既, 港式茶餐廳味道.最後俾錢，先發現仲要收加一，唔知係我睇唔到定根本無印落menu la, but你ser過我咩？.總括黎講只能稱得上為唔合格既港式茶記 一啲都唔韓式
繼續閱讀
過去幾年，經過呢家店無數次，由眼望望決定過而不入，入而不再，到今天心思思又想番黎食，心路歷程係：1. 幾年前佢價格相對貴；2. 佢無供應理所當然的前菜小碟；3. 佢無韓國餐館自助飲水機（當然家陣香港韓式餐館都唔係間間有）；4. 事實真係無乜客；及至最近：5. 隔離貴左，相對佢又唔算貴；6. 呢期世界杯佢將營業時間臨時改成24小時仲有電視睇；7. 宵夜ge小菜的確大件好味夾抵食；8. 員工醒目左好多，老闆一如既往的勤力認真仲親力親為；9. 人真係多左！「唔正宗」係最初唔想入ge原因，飲品唔係無柚子茶，但例牌餐茶真係港式ge咖啡或茶，接受左呢個事實之後，對佢ge港式飲品給予「中上」評分。上次食係上星期：韓式牛肉石窩飯，好足料，蘿蔔絲、牛肉、麻油大豆芽、泡菜、蔬菜、香菇絲（45蚊），宵夜可以12蚊配多個甜蕃薯，連餐飲，凍飲加3。食左呢個石窩飯之後，發現「泡菜」ge泡菜都好好食、麻油大豆芽好香又入味。如果佢有小碟，一樣唔會走樣夾失禮。於是開始接受佢本身特色。琴晩再黎，凌晨兩點多，入去見到7成滿，大部分靚仔靚女（除左我啦！），亦都知道左德國對法國1:0。老細老老實實話，如果你唔趕可以坐住先轉頭點菜，因為依家仲有好多枱等菜上。有波睇無所謂。最後點左上圖嗰個，辣度可自訂，豚肉薄薄的但肥瘦適中香軟，豆腐配上可能係爆香過的肉碎，令到個湯有陣肉香好鬼誘人。豆腐都唔係水汪汪嗰隻，再多少少都唔區，豆芽都好多添。甜蕃薯一點再點就知佢好好食。短期間食兩次，客亦見越來越多，相信佢食物性價比實在係越黎越高，有機會旺落去。但觀乎老老實實ge老細八成人滿都做得咁頻撲，起菜速度未招呼到可能再多的一兩成客，咁除左宵夜唔介意打躉ge客可以常來之外，如何能再應付早午夜飯市ge常客呢？真心的希望佢生意興隆！
繼續閱讀
自很久以前的韓點後最近荃灣終於又有返間食下韓國野因為夠新 而且鍾意韓國野 又唔知食咩好 所以同老豆妹妹三人試下一入到去 就簡約風格 黑白為主幾舒服的感覺 叫左個二人餐 大約$250多但好多野食除左個炸醬飯同薄餅其他都係個餐包了識食韓國野的朋友都知道韓式辣醬係重點之一今次個醬好好食 辣味岩岩好加落個拌飯到好好食 而且拌飯的材料都新鮮另外係炒粉絲 雖然呢個唔難整都無特別但真係好彈牙好好食 最快哂清好似係炒粉絲之後就係個炸醬飯 感覺不錯 但好似太多配料牛肉方面都可以接受最後係個薄餅大塊都算抵食 不過味道淡淡地 下次未必會叫了其實呢間算不錯了普通價錢一定係普通野啦如果覺得唔夠正宗可以食d貴價店呀當然我估呢間野的師傅未必個個都係韓國人食過韓國人整的真係有不同但係荃灣黎講 如果我要選擇韓國野又唔想食連鎖店 我會選擇返呢間仲要24小時 希望愈做愈出色愈做愈好味
繼續閱讀
經過門囗見到二人餐好抵食，又唔使等位，女皇又愛韓國餐。種種理由下便決定進去！內在環境整齊簡潔，甚有韓國食店的 feel剛入店時，只有數張枱。環境頗寧靜舒服被帶到靠牆的位置，感覺特别好！以這價錢有多種選擇，認真抵。足以三人分量！女皇想食石頭鍋飯，所以選了198的套餐先來幾道小食，泡菜，芽菜仔，韓國菜。味道還可以，泡菜較辣，不嗜辣，可另order少辣。秋刀魚，燒得香脆，味道咸咸的，不沾醬汁也可以。泡菜豆腐海鮮湯，較辣。但豆腐吸盡了泡菜辣汁，愈食愈好味！最後這個是我包底了石鍋飯，端來時忘記影相飯粒黏黏的，自己自行加辣醬搞伴。伴菜不算多，只有少數肉片；但最後有吃到飯焦，也不錯！韓式年糕，看樣已經想像到跟正宗的分别。味道很淡！韓式雞腿，原先想點雞翼，但服務員極力推介雞腿，所以就試一試。比起雞翼，雞腿是比較多肉，配上酸酸甜甜醬汁，不知不覺會想多吃幾件。（啊，雞腿是另外點的，不包括在套餐內）其實食物方面是不過不失，可以一試的；但其中較年輕的男女服務員應該要注意自己的行為，整頓飯都在他們的粗囗中度過，而且聲量也不少！其實這行為非常擾人，就算菜式再好，這環境亦足以令我卻步
繼續閱讀