影片
港鐵灣仔站 A3 出口
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
啲雪糕好好味 幾乎冇唔好食嘅味（試過大部分嘅味）而且都有唔少出面冇嘅口味 好特別都好好味 價錢都唔算高 物有所值甚至超值 店員人都好好 試食唔會有唔好嘅態度 櫻花荔枝係我嘅最愛 之前幾乎日日都會去都食 櫻花荔枝有種好特別嘅啫喱口感 荔枝味好重 真係超級好味 喺出面完全搵唔返搵唔到呢個口味 店內個環境都好好 好乾淨簡潔 望落去都好舒服嘅感覺 唔會話過度裝飾或者太單調 非常舒適 店嘅位置都好容易搵 可惜結咗業 如果再開返嘅話一定會不停咁去！
繼續閱讀
今日行過英皇集團大厦旁邊，見到店名已覺熟悉，當望入裡面見到黑色時裝紙袋就確認係我平時去開北角健威商場都會入去Oops睇吓衫嘅店，但係點解係賣小食同雪糕嘅？(抓頭)一於入去睇吓先，店面積細細但係有個頗大嘅雪糕櫃，仲有十幾款雪糕選擇，當然要試吓啦。一眼望見我至愛口味:香芋、椰子，即刻order兩球華夫筒。 店員喺一位甜姐兒雖然排晒長龍但臉上掛滿笑容，仲好大力添！個個雪糕球都好大個，唔似名牌雪糕店啲mini size。芋頭味到唔錯，紫色好吸引，而椰子味清香仲有粒粒椰肉，呢兩個口味簡直perfect match呀！一定會再試其他口味。
繼續閱讀
去灣仔買野…途經呢度…俾佢門口大大個13蚊一球雪糕吸引左…熱辣辣行到成身汗…諗住買球雪糕消暑…都無期望過會有咩特別…點知入到舖頭…見到有好幾個人企埋一邊食緊…行到雪糕櫃前…哇…有成十幾款味揀…仲有得試食添! 試左椰子味就即刻order左了~細球13蚊…大球19蚊…叫左細球…但出到黎都唔細呀! 係normal size…最驚喜嘅係…試食時只食到雪糕…無食到有果肉嫁!!椰肉加上椰子味雪糕…一流呀!
無諗過13蚊都會有咁好嘅質素!!雖然位置有d唔方便…附近亦無咩野行…但如果落開灣仔…一定會再去試其他味!!
繼續閱讀
行完冬日美食展，食得太多野~~同friend行灣仔諗住消化下，點知又俾呢間野吸引左....好多cakesss、macaroonssss、仲有糯米糍sss~~~~~睇真d原來有部分蛋糕係ROLL ge出品~~~~macaroon有d有可愛ge造型~~~~~~仲有d奇怪味道--->sakura、wasabii~!!!!!!入到去仲發現有好多零食、chocolat-ier ge 朱古力、同埋雪糕呀~~~~~~花多眼亂~~~~最後雖然o向美食展都食左apolo 乳酪雪糕但係都忍唔住再o向呢度食埋黑芝麻+ bailey 雪糕~~(其實仲想食埋榴槤味~~~不過真係太over lar!!!)朋友就食左椰子味~~~d雪糕係好似土耳其雪糕咁，可以拉長ga~~~!!!!勁~~~~bailey 入面有d脆脆朱古力~~~好夾~~~真係一路食一路都覺得好好味~~芝麻味就勁足料~~~正~~~~店員話d雪糕係自家師傅製，可按客人意見調整甜度~~~^^佢話曾經有客人話椰子味太單~反映左之後師傅加左椰子肉~~~~食到我個friend "lam lam" 脷之後再一人一件糯米糍~~~原來糯米糍係代理街知巷聞ge~~~~我食左奶黃味，朋友甲食左豆腐味，朋友乙雖然咳，但係最後都食左個香蕉朱古力的~~~~第一次食~~~室溫都好好味~~~~個皮好軟熟，個filling亦唔太甜~~~~我地再追加share 左jellybird ge 勁酒桃味jelly + 一件戚風蛋糕超級飽呀~~~~~~~~~~~但係因為chocolat-ier ge朱古力好好食~~~~~又有d好靚ge樽仔賣所以最後再買多左3樽朱古力作為中學同學聖誕聚會ge禮物~~~~so happy~~~~~~~~~個店員仲話可以訂造蛋糕tim ga!!!!!!!味道同埋造型都可以自己揀~~~~佢俾左個catalog 我睇~~~~連3層蛋糕都整到~~~太勵害了吧~~!!!!!正呀~~~~下次一定會再黎~~~我仲未食到佢賣晒o個個wasabii macaroon，同埋仲要食榴槤雪糕呀~~~~
繼續閱讀