影片
港鐵灣仔站 A3 出口, 步行約4分鐘
繼續閱讀
電話號碼
28933033
25732668
營業時間
今日營業
12:00 - 15:00
17:30 - 22:30
星期一至日
12:00 - 15:00
17:30 - 22:30
以上資料只供參考, 請與餐廳確認詳情
相關文章
屋企人生日，所以就book左呢間私房菜慶生🙆🏻♀️如果有老人家一齊食，可以請餐廳為我地度身訂造菜式，令老人家都可以放心咁食所有餸😋 而且餐廳又可以推薦時令菜式，就食到最合時宜既美食😋首先餐廳見呢排開始熱，所以推薦我地食冬瓜盅🙆🏻♀️冬瓜盅貌相已經好吸引，而且十分足料，有蟹肉，蝦，菇等，重有加左夜香花，令成個湯更清新😋在埸侍應會幫手分湯，好細心👍🏻之後我地點左冰鎮鮑魚拌青芥末手撕雞，食完就明點解餐廳推介呢道！手撕雞既配料好特別，有酸薑絲，炸芋絲，海哲，食落口感多層次，而個汁酸酸地，再配埋青芥末，好夾又惹味🤣飽魚都好大隻，煮得剛好又入味！鮑汁扣鵝掌煲亦係我好中意既一道，上菜用鍋上，所以keep到好熱🙆🏻♀️鵝掌好厚同肥美，鮑汁非常入味，食落好滿足😋底下重有菜，又係吸滿鮑汁，相當惹味😋另外我地點左個香口啲既陳皮骨，餐廳用上陳皮作調味，好有趣，好少地方有😳即使個排骨好厚身多肉，陳皮味依然入到𥚃面，所以每一啖都好甘香🤤
繼續閱讀
新年食團年飯，梗係要食中菜。今次揀咗朋友介紹嘅依間順德私房菜試吓。入到嚟，依一間私房菜有好多間房，坐得好闊落，傾偈都好舒服，唔會好似啲普通酒樓咁嘈。🥢杏汁燉白肺湯首先，我哋飲咗一個杏汁燉白肺湯，一個我好鍾意嘅養顏滋補湯。呢個湯燉到奶白色，好足料，有好香嘅杏仁味，非常香甜清潤。🥢冰鎮鮑魚鮑魚好彈牙，唔腥，食落口好鮮甜，唔點Wasabi豉油都好正。🥢醬爆黃金蝦多士蝦多士鋪有厚厚一層鹹蛋黃醬，鹹香惹味。加埋新鮮炸起嘅蝦多士，真係十分邪惡嘅人間美食！🥢順德煎釀鯪魚食完蝦梗係要食魚，就係食順德名菜。上菜嗰陣，原本以為食原條煎魚，點知內有乾坤！鯪魚肉好彈牙，加上外面煎到香脆嘅魚皮，食落口感更上一層樓。🥢蝦乾魚肚燉芥菜食完啲濃味嘢，當然要食返清清哋嘅菜。芥菜好清甜，而且煮到好腍。魚肚都唔腥，食落爽口，加埋清甜嘅魚湯，消濟一流👍🏻🥢 XO醬海鮮炒飯呢個炒飯海鮮配料都算多，而且炒得好乾身，加上微辣嘅XO醬，每啖飯都好香口！屋企人食完都讚不絕口。🥢蛋白杏仁茶甜品成為我今晚最愛😍 蛋白好滑，杏仁茶好香，成個糖水甜而不膩，一個非常滋潤嘅糖水，為今晚做一個完美嘅總結！
繼續閱讀
今日難得約到好朋友食飯，就揀咗名門私房菜，食吓正宗順德菜，餐廳環境舒服，服務又好，好啱同朋友放工後傾吓偈。🔸冰鎮鮑魚 配燒汁芥辣醬大隻嘅鮑魚彈牙有嚼勁，加少少燒汁芥辣醬，唔錯。🔸黃金蝦用流沙蛋黃製成嘅炸蝦，炸成金黃色，賣相好邪惡🤤蝦肉爽脆，蝦肉同流沙蛋黃嘅味道很夾，值得一試。🔸順德煎釀鯪魚新鮮鯪魚肉打成魚膠，再釀回魚身煎香，魚肉表面酥香，魚肉爽口彈牙，又冇魚骨，可以大啖大啖咁食。🔸杏汁豬肺湯個湯好足料，豬肺軟綿綿，個湯杏汁味濃，感覺好滋潤。🔸冰燒雞有薑絲，芋頭絲，青瓜絲，彈牙海蜇，燒雞絲，入口口感層次分明 ，各種配料混合起來嘅味道又幾特別，酸薑味幾岀，一口一口，令人食不停。🔸薑蔥蠔大大隻嘅蠔炸過後外層變得微脆，再以薑蒜炒香，放入砂煲焗一焗，開蓋後香氣四溢，蠔肉肥美飽滿，好滋味。🔸荷葉飯荷葉份量很足，飯調味得剛剛好，唔會過鹹同過油，食落淡淡飯都有荷葉香氣。最後再食埋碗綠豆沙，又唔會過甜，味道剛好又清熱，正吖。
繼續閱讀
上星期日和家人到灣仔食晚飯，媽媽想食順德菜，我們就去名門試試，餐館環境幾舒適，座位寬敞，一家人坐好合適，侍應招呼熱情，耐心為我們講解特色菜。酸梅轆鴨，都幾大隻，酸酸地又惹味，鴨肉好軟滑入味，大人細路都合適，有傳統的味道，比內地的更好味。鯽魚片煎蛋白，幾有特色，以前未食過，魚片幾嫩滑，煎得幾香，口感不錯，沒想過魚片和蛋白煎起來是那麼夾。薑蔥上湯焗大蝦配煎脆米粉，好大碟，賣相已相當吸引，大蝦真的好大隻，好新鮮，入口爽脆彈牙，加上煎米粉好香脆，加上濃郁的上湯，真是有畫龍點睛之感。京蔥遼參爆鮮牛柳，爆京蔥香到無朋友，遼參爽口嫩滑，一食就知是高檔貨，牛柳亦好鮮嫩，整體好惹味，有一種滿足感。麵醬啫啫生菜煲，啫啫聲響，熱氣騰騰，好香，生菜爽脆，麵醬味道濃淡適中，一會兒就給我們食清光。冬瓜盅，消暑佳品，味道清淡中帶有鮮香，材料豐富，入口慢慢感到陣陣的鮮甜。還送了我們糖水，紫米露夠糯香，不太甜，好味。
繼續閱讀
星期一晚，我與幾位朋友光顧了位於灣仔區的名門私房菜。餐廳的裝潢融合了現代與傳統元素，既有簡約的現代設計，也點綴了古典的中式裝飾，營造出舒適而不失雅緻的氛圍。老闆和服務人員態度親切，服務周到，每一個細節都體現出對顧客的關懷。我們點了多道菜品，包括時令冬瓜盅、薑蔥上湯焗大蝦配煎脆米粉、鯽魚片煎蛋白、順德焗魚腸、京蔥遼參爆鮮鮮牛柳、秘醬酸梅轆鴨、麵醬啫啫唐生菜煲和蝦乾瑤柱蠔仔泡飯。時令冬瓜盅清香宜人，冬瓜的清甜與湯底的鮮美完美融合，令人回味無窮。薑蔥上湯焗大蝦配煎脆米粉色彩鮮豔，蝦肉嫩滑多汁，薑蔥香氣撲鼻，上湯與蝦肉的結合恰到好處，配上煎得酥脆的米粉，口感層次豐富。鯽魚片煎蛋白鮮嫩滑嫩，帶有清新的口感，讓人感受到食材的原汁原味。順德焗魚腸處理得非常乾淨，焗得外脆內嫩，口感特別且味道濃郁但不油膩。京蔥遼參爆鮮鮮牛柳的牛柳嫩滑多汁，遼參Q彈有勁，京蔥的香氣提升了整道菜的風味，讓人食慾大開。秘醬酸梅轆鴨色香味俱全，鴨肉香嫩多汁，酸梅的酸甜適中，秘醬獨特的風味更是讓人難以抗拒。麵醬啫啫唐生菜煲非常出色，麵醬的香濃與唐生菜的清脆形成了完美對比，煲中的食材吸收了麵醬的精華，每一口都充滿了濃郁的味道，非常下飯。蝦乾瑤柱蠔仔泡飯的湯底鮮美濃郁，蝦乾、瑤柱和蠔仔的加入提升了整道菜的鮮味，米飯吸收了湯汁的精華，口感滑嫩，每一口都充滿海鮮的香氣。總的來說，名門私房菜的每一道菜都充滿了濃郁的粵式風味，無論是食材的選擇還是烹調的技巧都無可挑剔，是一次令人難忘的美食體驗。
繼續閱讀
您可能會有興趣的...