名門私房菜

營業中

休息中

屋企人生日，所以就book左呢間私房菜慶生🙆🏻‍♀️如果有老人家一齊食，可以請餐廳為我地度身訂造菜式，令老人家都可以放心咁食所有餸😋 而且餐廳又可以推薦時令菜式，就食到最合時宜既美食😋首先餐廳見呢排開始熱，所以推薦我地食冬瓜盅🙆🏻‍♀️冬瓜盅貌相已經好吸引，而且十分足料，有蟹肉，蝦，菇等，重有加左夜香花，令成個湯更清新😋在埸侍應會幫手分湯，好細心👍🏻之後我地點左冰鎮鮑魚拌青芥末手撕雞，食完就明點解餐廳推介呢道！手撕雞既配料好特別，有酸薑絲，炸芋絲，海哲，食落口感多層次，而個汁酸酸地，再配埋青芥末，好夾又惹味🤣飽魚都好大隻，煮得剛好又入味！鮑汁扣鵝掌煲亦係我好中意既一道，上菜用鍋上，所以keep到好熱🙆🏻‍♀️鵝掌好厚同肥美，鮑汁非常入味，食落好滿足😋底下重有菜，又係吸滿鮑汁，相當惹味😋另外我地點左個香口啲既陳皮骨，餐廳用上陳皮作調味，好有趣，好少地方有😳即使個排骨好厚身多肉，陳皮味依然入到𥚃面，所以每一啖都好甘香🤤

新年食團年飯，梗係要食中菜。今次揀咗朋友介紹嘅依間順德私房菜試吓。入到嚟，依一間私房菜有好多間房，坐得好闊落，傾偈都好舒服，唔會好似啲普通酒樓咁嘈。🥢杏汁燉白肺湯首先，我哋飲咗一個杏汁燉白肺湯，一個我好鍾意嘅養顏滋補湯。呢個湯燉到奶白色，好足料，有好香嘅杏仁味，非常香甜清潤。🥢冰鎮鮑魚鮑魚好彈牙，唔腥，食落口好鮮甜，唔點Wasabi豉油都好正。🥢醬爆黃金蝦多士蝦多士鋪有厚厚一層鹹蛋黃醬，鹹香惹味。加埋新鮮炸起嘅蝦多士，真係十分邪惡嘅人間美食！🥢順德煎釀鯪魚食完蝦梗係要食魚，就係食順德名菜。上菜嗰陣，原本以為食原條煎魚，點知內有乾坤！鯪魚肉好彈牙，加上外面煎到香脆嘅魚皮，食落口感更上一層樓。🥢蝦乾魚肚燉芥菜食完啲濃味嘢，當然要食返清清哋嘅菜。芥菜好清甜，而且煮到好腍。魚肚都唔腥，食落爽口，加埋清甜嘅魚湯，消濟一流👍🏻🥢 XO醬海鮮炒飯呢個炒飯海鮮配料都算多，而且炒得好乾身，加上微辣嘅XO醬，每啖飯都好香口！屋企人食完都讚不絕口。🥢蛋白杏仁茶甜品成為我今晚最愛😍 蛋白好滑，杏仁茶好香，成個糖水甜而不膩，一個非常滋潤嘅糖水，為今晚做一個完美嘅總結！

今晚同媽咪吃生日飯。順德菜都係係逳合D。魚蓉豆腐羹 : 先上頭啖湯濕濕口。整碗魚蓉豆腐羹D料超豐富。魚肉超多，魚湯鮮味不需用任何調味。🥰🥰黃金𧎚多士 ： 很多的咸蛋皇蓉舖在一片用𧎚滑炸戊多士形狀而𧎚滑中係有隻鮮蝦。極至味覺享受。👍🏻👍🏻砵酒燉蠔 ：鮮蠔大大隻，蠔外掛滿砵酒加上洋蔥的汁，獨特好味。👏🏻👏🏻👏🏻薑蔥香煎鮑魚：鮑魚煎得好香口，但師傅煮得鮑魚唔會over，仍然軟滑彈牙。😍😍梅子鴨 : 酸酸甜甜真係好開胃。啫啫生菜煲 ：有咸香配上清甜又爽口的生菜，簡單但好味。欖菜肉碎炒飯：欖菜肉碎平均的在碗內，每啖都有。最後送上糖水：綠豆沙。清甜解熱。好正。一家人相聚又有美味的晚餐真足完美。

1家6口慶祝🍾母親節，梗係要食啲好有口碑嘅🧐果然冇令我哋失望！👍🏻🐠豆腐魚蓉羹好多魚肉，值得一提係佢自家製嘅胡椒粉，一定要落，簡直係畫龍點睛。👏👏👏🦞薑蔥鮑魚鮑魚夠大隻，又好嫩滑，薑蔥都入晒味！🦐鹹蛋蝦多士呢個真係對佢愛恨交織，因為好好味，但係整整一個嘅鹹蛋黃啊🙈膽固醇啊🙊食咗先算啦！🦪砵酒焗蠔呢個砵酒蠔，炸過，酒味唔算重，幾正！🦆 梅子鴨鴨好嫩好滑，滿滿嘅梅子味，連汁都食埋。🍚炒飯呢個欖菜雞肉炒飯，比起上次喺呢間食嘅XO醬，我都比較鍾意食上次，但呢個都幾特別🫶🏻

母親節各有各忙，於是決定早一個星期食，媽媽喜歡食懷舊粵菜，我哋就揀咗灣仔名門私房菜魚蓉豆腐羹，絕對係手功菜，先將鯇魚蒸熟，再去骨切碎，豆腐都切到極細，令口感一致，魚肉嘅分量超多，食完飽咗一半薑蔥爆鮑魚，用砂鍋上，上枱時仲熱焫焫香噴噴，廚師將鮑魚𠝹花，令鮑魚更入味，最後連啲薑蔥都唔放過黃金蝦多士，蝦多士已經有蝦膠連一隻蝦，在响上面放滿炒香嘅鹹蛋黃蓉，我估每件多士用足一隻鹹蛋黃，極度邪惡，極度好味砵酒焗生蠔，上枱同樣香噴噴，蠔煮完都冇乜點縮水，吸收哂啲砵酒汁，連墊底嘅洋蔥都特別好食梅子鴨，鴨用秘制梅子醬炆煮，又腍又入味，可以送幾碗白飯啫啫唐生菜，唐生菜揀咗最靚嘅菜遠部位，加入炒香嘅蝦米蔥頭蒜頭，爆香之後用砂鍋上，青翠嫰綠，味道亦不過鹹欖菜肉鬆菜頭冬菇粒炒飯，炒飯粒粒分明，配料又足，調味合適，食埋就完全滿足哂最後仲送上海帶臭草綠豆沙，清甜下火，完美完美

最近經朋友介紹之下來到了這間灣仔的私房菜，品嚐一下正宗的順德菜.餐廳離地鐵站大概2分鐘十分之方便.凍鮑魚十分之爽口，配上自家製的醬汁十分之開胃。這個鮑魚和坊間的鮑魚有十分之大不同，size比較巨型,肉質吃得出質量!頭抽配上香濃的蔥，加上蝦油,令這個面線充滿了精華,看得出廚師的用心烹調菜式！ 魚腸蒸蛋真是一道美味絕佳的菜餚！它結合了魚腸的鮮嫩和蛋的綿密，烹調出一道口感豐富的料理。魚腸的豐富膠原蛋白質和蛋的營養價值相互輝映，給人帶來滿滿的美味和營養，這道菜式的功夫也十分之繁複.而柚皮則是鮑魚汁柚皮菜餚的亮點之一。柚皮的香氣芬芳而清新，能為菜餚帶來獨特的風味。它的微苦和微甜味道與鮑魚的鮮甜相融合，形成了一種絕妙的味道平衡。這個碌鵝十分之入味，也是最佳的送飯之選.

今年的母親節，繼續預約媽媽最愛的中餐。餐廳於灣仔，是一間用廣東菜和順德菜做招牌的私房菜，每一道都令人回味。碌鴨大大碟，很香稔，皮薄肉嫩，每一口都充滿醬香，實在令人唇齒留香。蔥油蒜香大蝦配麵線味道很夾，大蝦外殼乾身香脆，蝦肉彈牙而且爽口。油香蔥香蝦香加上老抽香，令原本平凡的麵線十分入味。蝦子柚皮已經很少地方可以食到，鮑汁令柚子很入味，香稔幼滑，十分考功夫。冬瓜盅賣相、口感、味道樣樣皆得，清爽甘甜。焗魚腸香蔥蛋煲熱騰騰，加點胡椒粉，十分惹味。最後每人來一碗熱辣辣的糖水，大滿足。

今晚去的餐廳位於灣仔，主打順德私房菜。餐廳以白色和金色為主調，座位舒服，服務態度親切。菜式多樣化，而且具有特色。冬瓜盅 🍲原個冬瓜盅，擺盤精美，材料十足，是消暑解渴的湯水。雞肉、豬肉、蝦肉、金華火腿、蓮子等令整個湯清甜可口。黃金蝦 🍤成隻雞腿🍗那麼大的蝦，外皮用了麥皮和鹹蛋黃，充滿口感，內裏的蝦肉保持爽彈。連蝦頭亦十分酥脆香口。冰鎮鮑魚 🧊大大隻的鮑魚，很厚身，十分爽滑彈牙，蘸秘制的燒汁芥末醬更為惹味。炒菜心✨菜心很脆綠爽口，加上鹹香的梅菜，別有一番風味。蛋白杏仁茶 ✨白皚皚、熱辣辣的杏仁茶，香氣撲鼻，加上嫩滑的蛋白，增加了口感，是滋潤養顏的甜品之選。

好耐冇食過私房菜，經朋友介紹去品嚐灣仔一間好高質嘅順德私房菜餐廳。知道佢哋有一道叫陳皮醬碌鴨招牌菜， 需要早一日預訂製作。食落估唔到真係幾有驚喜，呢道菜主要配上獨特嘅陳皮醬，因為鴨肉需要將特製醬汁不停在鑊上翻滾"碌煮"， 令到佢加入味，完全沒有騷味之餘，鴨肉滑嫩多汁，每一口都非常惹味，令人回味無窮。 薑蔥焗大蝦配煎餅脆米粉，係一道經典嘅順德小吃，可以話係必試嘅菜式。大蝦新鮮彈牙，同薑蔥嘅香氣完美結合，每一口都帶來滿滿嘅海鮮風味。 煎餅脆米粉係一道經典嘅順德小吃，絕對值得一試，脆米粉口感酥脆香口。鮑汁扣鵝掌係一道經典而製作精緻嘅菜式，鵝掌鮮嫩多汁，配上鮑汁燉煮，滋味豐富濃郁，肉質淋滑，入口即化。 金銀蒜子蛋莧菜: 蒜子蛋炒得香口，蛋香濃郁，配上鮮嫩嘅莧菜，口感豐富，營養豐富又開胃。 最後係XO醬炒飯。飯粒鬆散，炒得香口，加入香辣嘅XO醬，再配上臘腸、蝦仁、冬菇、瑤柱、蛋等等嘅材料， 炒得乾身之餘，又帶出豐富既味道，令人胃口大開。

有同事介紹，覺得中國菜黎講，順德菜係數一數二好食， 今日就同一班同事黎名門食順德私房菜！餐廳有包間， 亦有唔同size既圓枱， 適合一大班朋友一齊食飯記得一定要book位同預留菜式， 先可以食到比較複雜既順德菜時令冬瓜盅最近開始熱， 要食下冬瓜消暑，冬瓜盅好足料，原汁原味，冬瓜肉亦燉得好腍，每人有足足兩碗冰鎮鮑魚拼青芥冰燒雞鮑魚好大一隻，肉質爽口彈牙，一啲都唔韌中間嘅手撕雞更為惹味，喺香港其他地方都未食過，手撕雞包括雞絲，青瓜絲，海蜇，紅薑絲，最特別嘅係仲有炸芋頭絲，口感好豐富。雖然當中有落芥辣，但食落唔會太辣，適合香港人口味薑蔥焗大蝦拼煎脆米粉薑蔥焗大蝦好有家的味道，蝦肉爽口彈，食得出係新鮮蝦。好鍾意呢度嘅煎脆米粉，米粉脆口煙靭，配上薑蔥汁，真係忍唔住一啖接一啖金銀蛋蒜子莧菜金銀蛋嘅份量好足夠，而且好平衡，食咗咁多肉類最適合食返啲菜XO名門炒飯餐廳用石鍋上炒飯，可以保存到炒飯嘅溫度，好貼心。炒飯有臘肉，蝦等等材料，配上XO醬，格外惹味最後甜品叫咗綠豆沙同蛋白杏仁茶，同事都話好食我同同事食完都覺得餐廳嘅用料高質，而且食得出冇落味精，真材實料，值得下次再嚟食

同事大推呢間私房菜，家庭聚餐就試下佢，爸媽都好滿意🥰冰鎮鮑魚+青芥冰燒雞-用左大連鮑魚，爽口彈牙，極肥美厚肉。鮑魚來貨質素好高，真的食到飽魚味！配上自家調味的芥末汁好惹味。-雞絲再mix 埋酸薑+薑絲+青瓜絲+海哲+炸芋絲，出奇地夾，仲非常有口感薑蔥焗大蝦+煎脆米粉-大蝦真的好大隻，蝦頭蝦身都有膏👍🏻-十分欣賞個煎米粉，耐心之作，完全唔燶但底面都金黃色。唔油膩但非常脆口，沾上醬汁同大量薑絲，配角都可以好好食！陳皮醬碌鴨-極考驗師傅心機的菜式，師傅要十分長時間係陳皮醬度碌住隻鴨，等鴨慢慢吸收醬汁-陳皮醬好好好香濃！鴨肉淋嫩，全家都被呢道菜驚艷到！陳皮骨-姐最歡喜的一碟，愈食愈有深度。貌似普通但食落好有陳皮味，陳皮味愈食愈出-肉質唔鞋口，啖啖肉，下次定必再encore !

知道呢間價錢不普通，但又想試吓，一家人食飯唔想太貴，所以只選擇一些平時唔會整。又相對經濟的菜式。居然全部都好好味，食得出真材實料及新鮮。物超所值，最緊要老人家也樣樣菜吃得到。紅酒牛筋腩，煎釀鯪魚，牛肉餅好好味不用說，尤其白肺湯。很濃郁。大家都覺得比很多連鎖集團的做得好，煎雞一絕，香嫩多汁，真心推介必選。大良炸鮮奶，皮薄酥脆，金錢藕餅肉香脆口，最後糖水：疍白杏仁茶還可以做少甜。令我呢班糖友亦可以盡情享用。一定會再去幫襯🤩

這間私房菜酒家位於灣仔廳房佈置清雅, 環境舒適自在, 主打海鮮, 海味和順德菜, 可以吃到懷舊嘅菜式。花膠響螺瘦肉湯花膠厚滑, 湯底清甜, 膠質好豐富, 響螺片腍滑。冰鎮鮑魚 配秘製山葵醬汁賣相吸引, 原隻新鮮鮑魚, 以新鮮蔬菜伴碟托底, 肉質厚滑, 點配特製醬汁, 更為鮮美。大蝦配煎米粉餅底口感幾特別, 煎米粉餅好香脆鬆化, 沾滿薑葱醬汁, 米粉好爽彈, 大蝦爽脆彈牙。煎釀鯪魚魚皮煎得香脆, 鯪魚肉爽脆, 沾有豆豉醬汁, 吃起來好滋味。鮑汁蝦子柚皮呢個餸都幾好功夫, 柚皮完全冇苦澀味, 肉質好腍滑, 加上香口嘅蝦子, 吸收咗濃郁嘅鮑魚鮮汁, 味道好有層次。XO醬炒飯原煲熱辣辣, 飯粒炒得好乾身, 配料都幾多, 叉燒, 蔥粒等, 加上xo醬辣辣地, 惹味又唔油膩。上湯芥菜蝦干魚肚食完較濃味嘅餸菜, 這道較清淡嘅上湯菜式就相當合適, 芥菜好清甜, 魚肚又爽脆。

食私房菜有個特色, 就係餐廳嘅烹調方法有獨特之處, 名門私房菜位於灣仔道, 主打順德菜和海鮮。花膠響螺瘦肉湯湯底好鮮甜, 膠質豐富, 花膠幾厚肉, 火喉十足火喉十足煎釀鯪魚這是一道著名嘅順德菜, 鯪魚肉煎得香脆, 肉質鮮甜, 配以豉汁, 特別香口。鮑汁蝦子柚皮這是一道功夫菜, 平時好難食到。柚皮鬆軟又沒有澀味，口感有如海綿, 又吸收了鮑汁的濃香和蝦子的鮮味，非常美味。 大蝦配煎米粉餅底大蝦好鮮甜, 煎米粉餅底香脆有特色。冰鎮鮑魚 配秘製山葵醬汁鮑魚腍身爽脆, 又唔會韌, 秘製山葵醬汁好惹味。上湯芥菜蝦干魚肚湯底鮮甜, 芥菜新鮮, 蝦乾魚肚夠曬惹味。原煲XO醬炒飯材料好豐富, 口感好像揚州炒飯, 加上惹味xo醬, 口感好豐富口感好豐富#灣仔美食 #中菜館 #私房菜 #順德菜 #海鮮 #香港生活 #香港必吃 #香港探店 #香港打卡 #香港美食 #銅鑼灣 #hkfood #hkrestaurant #hkfoodie #foodporn #hkfoodblog #foodies #foodiehk #hkfoodporn #foodblogger 名門私房菜灣仔灣仔道83號2樓

今日約了兩個朋友去灣仔食私房菜, 裝修與一般的茶樓差不多, 但別有一番懷舊的格調前菜同樣一點也不馬虎，溏心皮蛋 香滑而不膩，子薑甜甜辣辣令人非常開胃.杏汁豬肺花膠湯杏香不會過火, 花膠真才實料, 鮮香濃郁, 滋潤美顏, 女士恩物~.炸茄子 喼汁雖說是炸物但無丁點油膩感, , 口感外酥脆內軟!.冰鎮鮑魚鮑魚肉爽彈QQ, 沾了秘製的芥末醬油更能凸顯鮮味.京蔥爆關東遼參海參充分浸發, 煙韌而爽口 , 搭配京蔥香氣十足, 而且啖啖充滿膠原蛋白.煎釀生煎豆腐豆腐表面煎得焦香 兩層豆腐中間釀入一層豬肉 ,  讓豆腐充分吸收了冬菇和肉的香味, 嫩滑滋味, 平平無奇的菜式卻令人驚喜蝦乾魚肚芥菜魚肚吸收了蝦乾的香氣 , 豐富多汁.XO醬名門炒飯香氣十足而且乾身有鑊氣, 粒粒分明, 愈簡單的菜式愈顯師傅的功架.蕃薯糖水甜度適中.薑味剛好不會過火,甜甜綿綿的蕃薯為這頓晚餐畫上完美句號我認為餐廳除了食物高質素之餘, 最難得是用心的服務,侍應姨姨非常細心 , 會細心留意到客人的喜好和關心其需要, 從而提供更合適的菜式選擇, 令人感到無比窩心