首爾石鍋燒

營業中

休息中

晚上非常餓的時候來到旺角找餐廳，起初找了很多家全都需要排長隊，路過這家餐廳的時候都看見裡面有好多人！想著進去試試看，點了雙人餐B，十分抵食，同時味道都幾好，老闆十分客氣，服務也滿意

昨晚去了首爾。昨晚去了首爾。不是真的去了趟韓國旅行！只是去了旺角的餐廳，名字叫【首爾石鍋燒】（笑）我們的一餐很spicy！！先叫了一個泡菜粉絲豆腐石頭鍋配白飯。超滾燙，又辣。不過食落係幾惹味，男朋友都話食順左就ok！之後來了一客海鮮炒年糕。有兩隻蝦，兩隻青口，一些蝦米。年糕和韓國甜辣醬幾甜，好煙韌。最後才上菜的炸雞有點麥當勞的炸雞風味，炸衣做到很脆口很滋味。我吃不夠呀！！

💫水冷麵面嘅質地係OK嘅👌🏻 但個蘋果肉中間有啲變黑😹 應該係氧化咗但suppose應該係落咗單先會即刻切？所以唔知佢係唔係一早切好咗擺咗好耐…另外成碗嘢冇咩味…所以落咗好多辣醬🌶️ 中規中矩冇咩特別-💫泡菜烤肉石頭鍋飯呢個真係好難食😹 烤肉乾到食唔到，啲飯好濕💧同埋就算撈埋啲辣汁、泡菜同蛋都冇味，食到一半放棄咗…-首先衛生都幾差，因為keep住有嘢喺我哋面前飛來飛去…之後未食完就勁急收走晒啲嘢😢 態度勁差好似想趕我哋走…雖然出面係有人排緊隊，但都真係有啲過分😹 唔會再去食😵‍💫-整體評價：🌟

本身諗住食另一間，但經過既時候好似有少少吸引，就行左入去喊左幾樣嘢食物，發覺佢d賣相都幾好，但味道就因人而異啦😂 前菜有一碟泡菜、米線、芽菜，仲有一個唔記得左😅 黑椒金菇肥牛石頭鍋有少少辣，肥牛都唔係得一兩件，食落去同平時石頭鍋好似冇分別，相對起韓式烤肉拌飯，份量亦都較少，建議卑既拌飯汁唔好全部倒曬入去，除非你鍾意濕濕地韓式炒年糕冇咩特別，都係一樣多醬汁，但有d雜海鮮係度本身諗住所有韓國餐廳有果d半半炸雞食，呢間係冇㗎😂 鍾意食炸雞既朋友要留意下啦

真係唔好食 牛肉石鍋飯是但撈埋一碟 d牛肉似牛腩唔知點形容前菜都好難食唔好貪平叫左個二人餐埋單都225仲有個泡菜肉湯 都唔好食自問鍾意食嘢嘅人我以後決定唔會再嚟😂😂

一共叫了兩個餐。最啱食係前菜青瓜😂芝士泡菜豚肉辛辣麵：麵質地偏硬（幾好），湯底普通調味料湯包，個豚肉幾好食🆗總共有3-4塊。泡菜一般水平。香蔥炸蒜牛肉粒石頭鍋飯：首先，個石頭鍋飯無汁👎🏻，真係普通飯加蘿蔔絲牙菜。牛肉粒：有5粒⋯⋯實質上似牛腩（硬）⋯⋯👎🏻。飯：軟硬程度正常（無汁）但係，一個石頭鍋飯冇汁，真係好難食落口，實質上似蘿蔔絲加芽菜撈白飯食。本身牛肉粒已經好乾，最後頂唔住要撈埋前菜嘅泡菜汁嚟食。☹️☹️BTW，加咗$10葡萄汁，size係雀巢咖啡甘，配搭珍珠奶茶飲管，兩啖已飲完⋯⋯令我諗起食神個句「飲管有咁大整咁大啲凳有咁窄整咁窄，等佢快啲飲完叫過第二杯」😂（啲凳正常size嘅）

西洋菜南街有街行，行到攰要搵餐廳可以行通菜街😎。行過幾間餐廳見呢間韓國嘢餐牌都吸引，入面都幾多人食，就試吓先😊。入到去發現好港式既風格，唔係正宗韓國菜😟🤨，味道都係，前菜有粉絲泡菜青瓜，粉絲無乜味，泡菜唔夠酸😣。泡菜烤肉豆腐煲加烏冬 🐷$80 3/5望落去好似幾辣有啲料到🌶️🫕，泡菜都係夠辣味但唔係好酸，豆腐泡過辣湯底食落去幾舒服好暖和，秘制豬肉好淋又散無味，係咪落左咩鬆肉粉？😩😩個烏冬幾煙銀好食🤤。泡菜拼薯條 4/5小編好欣賞個薯條，唔係老麥個隻，佢厚身得黎又有脆口鹹香既感覺，食晒成碟都未夠喉🤭🤭🫣。地點:通菜街咁長中間馬路又比舖頭阻住晒係要啲時間搵，想快就豉油街轉入通菜街就最快，路係窄啲又多冷氣滴水😰。環境:茶餐廳坐法，枱之間好近好彩仲有膠板隔住好似有啲私隱😂，裝修算係有俾心機用韓國文化又有燈牌。價錢:一個石鍋80蚊，晚餐黎講算平，但無意欲再去第二次。服務:正正常常無特別。

係附近工作，之前間唔中都會幫襯，但今日服務態度超差。本身4人去食飯，有人要遲，中午食飯時間又有限，早少少去拎位好正常。12:30開始多人，係咁問我哋仲有兩位幾時嚟，點解咁耐未到。咁我哋已經幫未嚟的人落定餐，都仲要問，態度是非常差。我哋唔係無幫襯，一係你就set人齊先入座，咁我哋去其他餐廳食。But anyway，我永遠都唔會再幫襯。

韓式蔬菜素食石頭鍋飯素食石鍋飯都幾少有！新鮮嘅蔬菜菇類同飯焦結合得恰到好處，有鮮甜味同時有脆口嘅感覺。加咗辣醬就辣辣地，幾刺激味蕾。石頭鍋煮嘅飯有種獨特香味，更加增添食欲。唔論你係素食者定唔係，都值得試下！泡菜炒豬肉豆腐煲我自己就覺得偏港式家庭味，味道無乜驚喜。煲裡的湯汁其實幾好味，有辣有鮮，口感不俗。反而豆腐煲入面嘅秘製醬汁豬肉味道有啲奇怪，好似食緊豬柳強，都可以算一個驚喜😂 對於追求正宗韓式料理風味，可能會感到有些失望。泡菜薯條都喺貪得意叫吓，就喺茶記薯條加一堆泡菜喺側邊，完😂

🥣🇰🇷🥢旺角一般石鍋飯▫️午市套餐包餐湯&飲品☑️餐湯有別其他韓國餐廳，呢到嘅湯係蛋花粟米胡椒湯，蛋花同粟米粒好多，有一條蘿蔔😂加埋胡椒粉微辣，幾好飲，但就冇豆腐。🆗傳統石頭鍋飯（烤肉）- $54石鍋一送上咋咋聲，真係好熱，飯量好多，配料除左有烤肉，仲有粟米粒、紅蘿蔔絲、芽菜絲，同一隻蛋，但冇菇絲同菜絲。烤肉是豚肉，有調味但好散，一般。因為石鍋夠熱，所以有飯焦，中意飯焦嘅可以一試，拌飯辣醬有味噌味，質量一般未必有下次。☑️熱菜蜜熱飲唔使加錢，凍飲要加$3，菜蜜沖得夠味，吾錯。

拌面叫左少辣但其實無咩辣味桌面都有支韓國辣醬比客人自由加豬肉有少少鞋口同乾但份量都幾大有醃青瓜都加分係正正常常嘅韓國菜餐廳播住韓國音樂同冷氣都夠環境ok💛💛

食物好吃，價格實惠，分量大！！！大力推薦◎牛肋骨 石鍋飯～招牌必點。大家都是為了這碗傳統石鍋飯，而來，不得不說這是很少有飯焦，而且超熱！夠爽◎豆腐鍋～看名字沒有什麼特別、結果沒有想到溫泉蛋～而且是即點即整。◎雞翼～好吃，夠脆！

咁多人好評，但原來係一個伏。。。。。。話說本身攞位時已經覺得侍應態度好差，佢係寫住人齊入坐咁我未齊人，我都好乖喺門口等，突然有個侍應叫我入咗去先，咁我咪入去坐。過左五分鐘，入到去佢有另一組客人攞位，佢想趕返我出去，我想講再差嘅餐廳都唔會衰到想趕返個客出去。好彩朋友及時嚟到。但啲侍應喺間鋪入面勁大聲冷嘲暗諷，成餐飯食得極唔舒服。又唔係我自己主動要求要入嚟坐住等食物水準都十分茶餐廳，叫左個海鮮豬肉豆腐鍋，佢寫預設係中辣，但真心淡過水。雖然唔係貴，但真心食左都一肚氣，無下次

旺角有好多平價美食，其中一間就係「首爾石鍋燒」。店鋪位於通菜街，驟眼望落去可能唔算起眼，但食過覺得自己搵到寶豆腐泡菜湯飯 $69入面有豆腐有魚腐等等，同出面嘅豆腐鍋分到唔大，但勝在價錢吸引味道: 3.5/5韓國炒粉絲 $58加咗蛋炒韓國粉絲，食落更加香而且粉絲炒得幾乾身，食落一啲都唔油膩。$58係晚市時段，食到大碟而且味道唔錯嘅粉絲，真心覺得抵味道: 4/5而且店員態度好好，有禮貌之餘亦好親切係到食飯嘅舒服

話說呢2日要去旺角上堂，作為孤獨的美食家就當然搵下附近有咩好野食啦，平時都好少出城食野，中午放飯又唔想食茶仔咁普通，食特別野又貴，就俾我搵到呢間首爾石鍋燒，睇過下價錢一個午餐都係$5x-6x，算幾經濟，黎到門口有部電視播住kpop既mv，如果要排隊都有d野睇下無咁悶。呢間都係小店一間，店內坐位都排得幾密，中午1點左右黎到都已經爆晒場我一人要搭枱，店內都播住d kpop歌唔會好大聲，但就無mv睇啦。蘿白粟米蛋白豆腐湯午市跟餐送既餐湯，口感比較厚身，味道我個人不太喜歡，怪怪地，又蘿蔔又蛋白咁，飲左2啖無飲了，泡菜烤肉豆腐鍋轉烏冬食韓國餐最基本就當然係泡菜湯啦，泡菜湯鍋非常滾熱，泡菜豆腐豬肉片做配菜，仲有隻已打落去既生蛋冚埋左撈一撈先見到，材料算幾足，另外今日唔多想食飯就轉左烏冬加5蚊，烏冬就唔算係煙韌果隻，但都ok，韓國湯鍋黎講呢份叫合格啦，餐仲有包飲品，凍飲加3蚊要凍檸茶，無影到相，無乜特別就唔多介紹啦。以今日既體驗黎講環境食物同價錢都ok既，如果再黎旺角都可以返食，服務方面就女店員既態度會比較好少少，同場有1-2位男店員唔知係咪比較忙就粗聲粗氣少少，呢方面要留意下啦。