影片
港鐵旺角站 E2 出口, 步行約3分鐘
繼續閱讀
開飯介紹
一間提供創新日本菜的餐廳, 除了各式日本料理外, 更以日本食材融入PIZZA中。店內裝修優雅, 以玻璃分隔座位, 更有雜誌提供。
繼續閱讀
營業時間
星期一至五
12:00 - 15:30
18:00 - 23:30
以上資料只供參考, 請與餐廳確認詳情
招牌菜
等埋男朋友就出mk食野...行行下,見到呢間野,d款好似好吸引,就入去試下啦~~叫左d野食....鐵板牛酒露荀....(不過不失)鐵板豬頸肉飯.....(得5塊jar,其他的都係雜菜)鐵板牛肉飯....(ok幾好味)三文魚壽司....(細過板前1半)朱古力芭夫.....(好靚~成餐呢個最滿意)麵si湯.....(勁ham)隔離枱就第1時間上湯....我地催左3次...佢都係食哂野之後先上....]可能個waiter 係新啦~~唔太熟悉環境...整體都ok既~
繼續閱讀
二人食晚飯, 叫咗一個什錦魚生飯, well, 實際的配料得好少.....用幾塊菜塞了 1/3 的位置三文魚腩, 厚切的, 唔錯!咖哩炸蠔飯, 咖哩汁 ok 啦, 但炸蠔都係好細, 2/3 係炸粉.....埋單先知仲要加一, 嘩, 好貴又唔多好食
繼續閱讀
度度都無位，見佢吾使等就入左去，點知比佢點左去樓上廁所隔離，未行到去就聞到陣廁所味，都係落番樓下坐迫D叫左個叉燒烏冬，海膽壽司同和牛定食叉燒烏冬既叉燒仲甜過蜜汁叉燒，烏冬還可以海膽壽司追左三次先黎，味道都可以和牛定食等左半個鐘，黎到好似得一成熟甘，叫佢整熟Ｄ，等左三四個字都未黎，再問佢，竟然同我講話將我食過個碟比左第二枱客人食，要我再等。我即時話吾要，取消左埋單即走 以後吾做再黎
繼續閱讀
以前我成日幫襯兆萬對面個間水道橋因為佢下午茶真係幾抵食而且佢有d野係幾好食既，水準唔差佢執左之後....我一直都未幫襯過女人街呢間之前見到食評話都唔係太差...所以就黎試下睇下同之前個間比較下我今日同媽咪 2 個人黎食叫左:鰻魚溫泉蛋飯"基本上係大路野，所以唔會難食呢個價錢算係幾好不過d鰻魚唔太靚.... 感覺有D粗糙，而且唔夠香但成個飯撈埋一齊食就幾正但居然俾我發現到有蛋殼...真係O哂咀! =O=煙鴨胸烏冬"呢個幾好喎，個湯底幾正佢一出到黎個賣相好靚架! 睇得出師傅用心砌過！D烏冬幾爽唔會太淋係D鴨胸爭少少，口感唔太好，肉質唔太靚紅豆冰"呢個係加錢叫架! 因為以前飲過覺得好好飲!但呢個就差d啦...太多冰! 而且d紅豆太少..飲到最後好淡三文魚壽司"加 $8 有 2 舊壽司，普普通通! 個三文魚唔算太肥美
繼續閱讀
尋日同朋友夜晚去旺角，唔知食乜好(其實唔係唔知, 不過都好多人等位)，所以行入女人街揾野食，行都水道橋，諗住去試下。我地上左樓上位坐, 環境不錯, 不過太黑, 搞到我同朋友睇餐牌勁辛苦。我地成九點幾先食飯, 所以勁肚餓, 叫左勁多野食 如下:1. 各式壽司-普通啦, 我個朋友就話麻麻地2. 清酒煮硯-我同朋友都覺得OK, 起碼冇沙先，不過我就覺得唔清酒味3. 咖喱餃子烏冬-我同朋友都覺得勁好食，我自己勁鍾意食烏冬，覺得呢度烏冬勁好味，勁彈牙!4. 海鮮烏冬-呢個比較淡, 但係烏冬都係讚的!5. 汁燒帶子-呢個真係作死，超唔得，好明顯係用水整熟再加汁，唔知有冇燒過添!6. $1換的三文魚-呢個竟然係好野，$1雞但係好味!7. 牛肉壽司-個牛肉片好味, 但係壽司都係普通我地2條女可能係大食，但係都係會覺得佢D野食份量好少，但係以上咁食係食左我地total $400, 好覺得味道又唔係太好, 份量又少，服務又麻麻地，我唔會再去，我尋日食完$200都有D心痛，經濟唔好仲要食左咁貴, 勁唔抵!
繼續閱讀