影片
開飯介紹
佐賀燒肉谷主打日本九州佐賀縣農場空運直送的佐賀和牛，提供無限量的肉類和海鮮放題，讓您慢慢享受100分鐘的滋味。餐牌上有超過140多種菜色可供品嚐，味蕾會忍不住隨著菜式的變化而起舞。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
今日黎左旺角既佐賀燒肉谷有大大大驚喜呀!!冇諗過係香港都可以食到日本高級和牛, 仲要係堅日本質素同埋係!! 餐廳以燒肉放題作為賣點, 一共有個4 Level既燒肉套餐選擇, 全部都係任飲任食我今次食既係120分鐘日本佐賀A4和牛海鮮放題 $658/位~120分鐘慢慢燒都好夠食呢餐廳仲推廣緊痛風海鮮祭, 每枱送極上海鮮拼盤一份放題分自助區同QR CODE落單~~自助區有少量熟食, 例如日式蘿蔔牛肉, 鹵水雞翼, 仲有牛角包, 炸薯餅之類....雪櫃入面就有沙律, 日式小食同埋甜品...甜品櫃有多款日本甜品同水果QR CODE落單有超多選擇~首先就叫左D前菜沙律....呢款煙三文魚田園沙律同煙三文魚柚子冷豆腐都唔錯~作為前菜好fresh好開胃極上海鮮拼盤大大盤超豐富!!多款海鮮包括日本蠔、牙帶魚、白鱔、虎蝦、蟶子、鮑魚、帆立貝每款各2隻全部海鮮都好新鮮!! 燒一陣好快食得燒蠔仲可以無限encore, 蠔控表示超滿意!!!頭輪會先上一盤日本A4和牛~~有六款唔同產地同部位既和牛....全部都好正!!油脂滿滿, 油脂感超豐富每塊都入口即溶, 同係日本食嘢和牛一様質素, 超高質encore嘅和牛都係咁靚!! 絕對唔會話第二次叫質素就爭啲~重覆叫咗好多次真係食到飽, 超值!!另外仲有超多食物揀~~~生蠔帶子等海鮮都係任叫...又有焦糖甘薯, 芝士竹輪, 吞拿魚玉子, 骨付腸, 唐揚軟殼蝦, 炸芝士年糕, 北海道香蔥魚餅, 麵, 飯, 湯等等....最後一定要食甜品!!特別係泡芙同銅鑼燒, 放喺燒爐上面燒一陣, 就做到外脆內軟嘅效果, 好好味呀
繼續閱讀
A4佐賀和牛 甜品 飲品 任點任食❤️究極佐賀和牛三角嫩肌叫個真係必必必食 油花分怖好平均 每邊輕輕燒一燒 只加海鹽已經好好食 入口即溶 不停encore ❤️佐賀A4和牛薄炙牛肋肉牛肉軟淋 雪花 超級juicy ❤️佐賀A4和牛角切一口牛切法 牛肉味濃 嫩滑又夠多油花❤️佐賀A4和牛牛肩胛 必食肉味重 雪花分布好平均 ❤️佐賀A4和牛小排 必食入口即溶 係其中一個我最鐘意食嘅部位 肥而不漏呢幾款牛都係必食 食晒呢幾款靚牛已經足夠回本🤭🤭呢度嘅海鮮種類都好多有生蠔 帆立貝 原隻鮑魚 三文魚鰭大蝦 青口 原隻魷魚 樣樣都好鮮味❤️韓國/廣島生蠔原隻生蠔連埋醬料 有明太子 蘿蔔蓉 清酒 燒汁 每隻生蠔都脹卜卜 好鮮味 ❤️鹽燒三文魚鰭必食 串好一串串 燒嘅時候記得燒皮果邊先，禁就晤會黐底 超香脆 必食❤️海老蝦都係必食 超級大隻 而且蝦頭勁多膏❤️牛奶軟雪糕🍦燒一燒個鯛魚燒 放入牛奶軟雪糕一齊食 好正呀 記得加花生碎 超級滋味 記得留肚食雪糕呢度抽風系統好好 食完燒肉個身完全冇燒肉味 仲有好多餐前小食添 放題套餐有唔同級別價錢非常大眾化值得bookmark📍佐賀燒肉谷 (雅蘭中心) (旺角)旺角彌敦道625 & 639號雅蘭中心地下(部份)及1樓116號舖
繼續閱讀
前排去完日本九州旅行食完佐賀牛，個心一直念念不忘，返到香港決定要再食過。 今次揀咗間呢間叫佐賀燒肉谷，餐廳有5款價錢嘅餐，我哋揀咗最貴嘅Lv5- 日本九洲產黑毛和牛鮮放題，有117款食品，又有免費Asahi生啤加清酒，movenpick雪糕，可以任飲任食120分鐘。 職員仲邀請我玩擲骰仔活動，原來凡惠顧主餐牌Lv4或以上級別燒肉放題套餐，即可獲一次擲骰仔機會。兩粒骰點數加埋擲到10點或以上即送您保溫瓶套裝1份，估唔到我擲1次就真係啱啱好10點，真係好彩！ 餐廳最近推出柚子系列，有幾款限定柚子嘅食品，例如：柚子石斑魚柳、柚子味原條牛肋骨、柚子牛肉沙律、醃三文魚柚子冷豆腐、柚子炸雞、柚子羽衣烏冬同埋柚子味甜品。 柚子石斑魚柳以柚子醬調味，感覺清新，而且充滿酒香味。石斑魚柳入口鮮甜嫩滑。 柚子味原條牛肋骨超讚，口感軟腍，加上酸甜適嘅柚子醬，份外清新，同時可以減消除油膩感。 柚子炸雞表面酥脆，肉質嫩滑多汁，淋上柚子醬汁，感覺清新。 首先職員先送上第一輪燒肉， 用個木盒裝住，入面全部都係最頂級嘅靚肉［極上黑毛和牛薄炙牛肋肉、究極日本和牛三角嫩肌、極上黑毛和牛角切、極上黑毛和牛肩胛、極上黑毛和牛牛肋條、極上黑毛和牛小排］， 因為加咗乾冰，所以職員上枱嘅時候，成盤燒肉充滿仙氣嘅感覺。啲和牛真係好高質，肉質嫩滑，油脂感重，入口即溶嘅感覺。點埋個雞蛋醬油，真係無得頂。我哋encore咗幾round。 除咗和牛，亦都有豚肉、雞肉、海鮮、沙律、日式料理、蔬菜、飯麵湯等。 自助吧都有各式飲品同甜品。 最後，食埋個雪糕就極之圓滿😍
繼續閱讀
今次同朋友慶祝一番，揀咗旺角九州黑毛和牛+海鮮任食放題任食兩個鐘。LV5 可以食到六種稀有部位嘅黑毛和牛，好小餐廳有咁高質燒肉放題，每塊油花超豐富。仲有啤酒同清酒任飲，值得encore🥢究極日本和牛三角嫩肌 淨係睇牛肉上面嘅油花已經知道好正，牛肉味濃，滿滿的油膩口感，入口即溶好正好幸福！感受到和牛衝擊🥢極上黑毛和牛薄切牛肋肉 牛肉口感比較結實，油花較均勻，口感緊致順滑，好Juice好好食！🥢極上黑毛和牛角切將和牛切割成方形骰仔形狀，入口軟嫩鮮甜🥢極上黑毛和牛肩胛在肩胛部位的油花分布最均勻漂亮，牛肉入口甘甜細膩🥢極上黑毛和牛小排油花偏淡紅色，肉質軟嫩q彈，相比起牛肩位無咁肥膩，入口即化🥢極上黑毛和牛牛肋條肋骨之間的五花肉。牛肉的滋味濃郁，肥肉部分也不少，入口感堪稱頂級🥢煙燻壺漬封門柳味道層次好豐富！油脂較少，但醬汁好入味好食！🥢醬燒廣島蠔蠔肉鮮甜爽滑味夠🥢原隻鮑魚燒 / 燒帆立貝兩款都雖然新鮮爽彈，但已經被和牛比下去🤪🥢榴蓮炸彈/ 日式海膽忌廉流心餅 外皮酥脆，似現炸，都好味🥢柚子石斑魚柳新品，值得食番個
繼續閱讀
今天就為大家介紹一間，燒肉控不能錯過既燒肉放題！尤其是現在做緊「痛風海鮮祭」推廣，有大量海鮮免費供應環境方面：位置很寬敞，有很多卡位！亦有長枱！設有自助吧！提供各式各樣飲品，雪糕，熱食，甜品等食物及價錢方面：今日我們就選擇了LV3 澳洲和牛海鮮放題 入座時，店員送上今期主打痛風海鮮祭和煙燻壺漬封門柳這個套餐成人最平$448，當然不同價錢不同時間，價錢也不一樣！頭盤：8款和牛樓梯級拼盤澳洲和牛 - 特上牛肋肉澳洲和牛 - 上級牛胸腹肉美國和牛肩胛肉眼美國牛胸腹肉嚴選牛肩里肌肉澳洲穀飼原塊牛板健牛舌骨付牛肋肉澳洲和牛的油花鬆軟，其分布平均細緻，味道甘甜、鮮美。痛風海鮮祭日本蠔、牙帶魚、白鱔、虎蝦、蟶子、鮑魚、帆立貝所有海鮮都好新鮮，鮑魚很彈牙和大隻煙燻壺漬封門柳（無限添加）煙燻壺漬封門柳會由服務員幫大家即場燒烤，確保燒到剛剛好！封門柳是成隻牛，肉味最濃的一部分，因為每隻牛只得一條，所以，封門柳亦被譽為是「牛之靈魂」，封門柳是緊貼着橫膈膜，此肉與內臟較接近，脂肪不多但肉味濃！其肉質鬆軟，不易變韌！然後再經過餐廳的廚師以秘方醃製，令到味道層次豐富！整體來說：除左有靚牛同海鮮之外，更可以無限追加多達128品食物，包括牛肉，雞肉，羊肉，海鮮，小食，全部任食！還有自助吧，提供各式各樣飲品，雪糕，熱食，甜品等！清酒亦是無限追加！食物質素亦不錯，食肉獸們，現在又可以多一個選擇！
繼續閱讀