影片
港鐵屯門站 B 出口
繼續閱讀
營業時間
星期一至日
07:00 - 23:30
以上資料只供參考, 請與餐廳確認詳情
其實貨色就一般酒樓水準啦見有張優惠就去~晚市無咩人, 一定有位~呢碟野~等左一個鐘先黎~原來無料真係等條魚擋左先分呢個位煮俾我地....................呢個D配料算多啦呢間野....真係去HEA就最岩.....搵唔到位就黎啦...
繼續閱讀
星期六行屯門，朋友介紹話好日子冬瓜盅好抵食又好味，為免dinner time太多人去食飯，我地一到18:00便入去坐低食(仲有卡位坐添)朋友話，來到好日子，近期不得不食個冬瓜盅，$68份量足夠味道亦唔錯：冬瓜盅 - 好日子重點推廣，大大個冬瓜，裡面勁多冬瓜肉，草菇及瘦肉粒，啖湯夠清甜，我地2個人食，每人都飲到4-6碗(連料) ，消暑料理重點推介，掂~脆皮南乳吊燒雞(半隻) - 雖然份量唔多但盛惠$38算係ok, 隻雞有黃油，皮夠脆肉都頗滑。total加多碗白飯，連茶介加一合共$14x, 都抵食既~~
繼續閱讀
上月,最細o既舅父聯絡大哥,話o係大前日(21-9-2013 Sat)為外婆擺生日宴,問我家會有幾多人去.最後只有我一個做代表=.=”.去到搵到家人喇,經過一輪合照同食蛋糕後,8:00pm開席,一共四席.1. 乳豬個樣唔錯同脆,但都幾厚脂肪,個個都話隻豬要減肥,點解o衣o家啲豬仔點解會咁肥?而我第一啖食落去竟然有啲苦,夾第二件時見到大大件,師傅認真懶.至於味道,唔太鹹,不過乳豬醬畀得好少,蘸極都蘸唔到,真孤寒.2. 雙鮮拼西蘭花雙鮮係帶子同蚌片,帶子味鮮但薄切,蚌片爽口好味,西蘭花清甜,呢個餸做得唔錯. 3. 瑤柱冬菇扒時蔬睇顏色就知好夠味,但瑤柱好鹹,髮菜份量少,大大舊冬菇夠腍,底下o既菜係生菜,成個餸係食到濃濃o既蠔油味.4. 炸蝦o岩o岩炸起熱騰騰,裡面全部都係蝦膠,唔算好彈牙,味道一般,佢o既酸甜醬就好好味.5. 竹笙雞絲翅翅唔多,可能係舅母佢o地吩咐唔要咁多翅,雖然竹笙絲都唔多,但食落有爽口o既口感,湯幾杰身但味道幾淡,要加醋食.6. 清蒸海斑唔算好大條但肉厚,蒸到o岩o岩熟,肉質好滑,反而略嫌甜豉油太甜.7. 鮑片鵝掌扣時蔬同瑤柱冬菇扒時蔬一樣咁深色,鮑片鵝掌都炆得好腍,真係冇牙都食到.而底下o既係小棠菜,我就冇食到.8. 燒雞睇落唔太油,顏色對版,食落,皮脆肉滑,但鹹o左啲.9. 蛋白炒飯我都係唔鍾意食呢個,WCW表妹食呢個話好食.我話因為好淡.10. 干燒伊麵我揀呢個食,伊麵好腍,鹹淡適中.11. 蓮蓉壽包熱騰騰,皮鬆軟,唔太多o既蓮蓉餡唔太甜,內裡原來有蛋黃,不過幾乾吓.12. 雪耳木瓜糖水估唔到係呢個,睇見糖水好少,我o地個個都飽,唔想食雪耳只想飲糖水.我揀o左碗冇咁多雪耳,木瓜同水多少少o既.糖水落o左薑煲,唔太甜,雪耳同木瓜都夠腍.衛生:都算乾淨,不過都係有隻烏蠅飛o黎飛去.服務:上菜速度有啲慢,唔太細心留意客人飲晒飲品.環境:第一次o黎o黎呢間,座位分佈係半間二人卡位,半間係圓枱,格調高檔o左啲,亦覺得佢o地睇準未必成班人飲茶o既市場.我o地被安排o係最入o既一個區,初頭人少時冷氣有啲凍,但人齊影相切蛋糕,就覺得同外面等超強颱風天兔襲港o既翳焗天氣無異,叫侍應開大啲冷氣,佢o地話已經開到最大,因為呢o度有好多射燈,同o岩o岩中間都間o左一間房畀另一班客,所以呢邊焗啲,呢個係設計上o既缺點.而舅父佢o地揀呢間,估計係佢o地o係地下,唔使上落樓梯或等電梯,方便坐輪椅o既外婆出入,同令眾多老老嫩嫩o既親戚更安全.
繼續閱讀
周未父親喜歡到此飲茶。一向明白這裡有一個潛規則「不是熟客要等很耐位的」，若你不是熟客，取票後真的要慢慢等。但等的過程你會現入面有數張空枱懸空。曾試過等了一小時仍未有枱，但見不少人與問口的梁小姐打招呼後便直入餐廳，梁小姐便會傳話與同事指某某生或某某太「入緊黎，安排枱」。這個已見怪不怪，故會選擇一早(指是早上8時)與父親到這裡飲早茶，免郤等上兩個小時。但剛過去的周未，如常早上時到此陪父飲茶，但今次真係忍無可忍。首先梁小姐正與一名男子傾計，我向她表示取票等枱。她示意指入面有枱，著我直接入餐廳。但入到餐廳，待應們又指沒有枱，搭枱的亦沒有。有一位郭經理非常不禮貌的指我們坐在大門邊的位置，我表示不想坐門口，故我便取票等枱。但等的過去，梁小姐不斷給別的客人枱。還責備我指我表達得差。我指非我表達得差，是她顧著與別人傾計。那刻已決定不在此光顧，但想反應她們的服務態度，但這位梁小姐，恃勢凌人指他們的僱主為某某先生，你投訴也不受理的。
繼續閱讀
年廿九果晚因為我要返工，所以屋企人就提早同我喺屯門食團年飯喇！果晚……我哋叫咗三碟餸。首先…係「乳豬燒味拼盤」，裏面有：乳豬、叉燒、油雞、海蜇。味道 ok 嘅，乳豬皮係脆嘅，叉燒就「鞋」咗少少；其次係「清炒豆苗」，碟餸唔多油，有好香嘅蒜味；最後……就係「菠蘿咕嚕肉」，酸味夠，肉味好，炸粉唔會太多。
繼續閱讀