影片
港鐵尖沙咀/尖東站 B2 出口, 步行約4分鐘
繼續閱讀
營業時間
星期一至日
11:30 - 01:00
以上資料只供參考, 請與餐廳確認詳情
今日OT 夜晚10點幾先食飯，本來諗住食一壽司，但勁多人排隊，見對面呢間都係食日本野又唔使等就入去試下坐低發現9：30pm後有半價，就叫左個三色剌身飯，仲跟個冷面飯到左，完全同相不相符😥，飯多料少仲要啲飯好硬！三文魚得三薄片😑，三文魚籽大約得10粒，海膽又係勁少😑另外冷面啲汁完全冇味，唔跟好過跟😒真係好差，唔怪得全間舖得4個人食飯，佢又要搞特價、但又咁難食，想點呢，真係唔會有下次
繼續閱讀
如果係尖咀搵唔到位食飯, 我就一定黎呢度食飯, 原因係因為唔洗等位! 依間鋪唔知點解永遠都係無咩人, 佢連鎖隔離間韓國野直情無人幫襯, 係尖沙咀地段真係替佢地擔心 講返食物, 用料算新鮮, 今次叫左三色刺身丼定食, 會跟冷面, 又可加$25要多一份海膽刺身, 三文魚算肥美,厚身 , 三文魚子唔腥甘甜, 唯獨海膽份量較少, 比較水, 無咩味, 好似放左好耐 飯有少少酣味唔太軟唔太硬, 不錯!! 凍面普通無咩特別. 跟餐可以加$15 要蒸蛋, 本來我好高期望, 但係實在太令我失望, 個蒸蛋係完全無味, 又唔滑, 好後悔加錢要左 朋友就加錢要左個溫泉蛋, 朋友話又係好淡唔夠味 真係唔加好過加不過好彩最後我地點既甜蝦刺身同北寄貝刺身無令我地失望, 新鮮彈牙爽口, 好鮮味, 所以如果食刺身或定身又唔想等位依度都係一好好既選擇!!
繼續閱讀
食環境，味道一般，價錢偏貴。糖不甩的牛肋骨湯烏冬，牛肋骨沒有什麼味道，炆得太軟淋，分量足夠。烏冬沒太大驚喜。
送的餃子幾香脆，不油膩。同事的咖哩豬扒烏冬，份量也足夠，如果豬扒是炸的，希望能分碟另上。雞蛋生熟程度適中。
繼續閱讀
今晚同一位老友記吃晚飯， 老友知我鐘意食日本菜， 剛巧落雨， 反正順道經過錦丼， 大家就試下呢間。我order 左海膽三文魚飯， 我老友記order 左雜錦刺身飯。 我一見到碗飯既份量至知道個份量都十分多， 我只吃到3份1碗， 但我老友記可能係男仔， 所以佢全部都吃哂。 老友記見我吃剩咁多， 我都覺得真係不好意思。三文魚大致上都肥美， 油脂都均勻， 大約有7-8片左右; 而海膽伴在三文魚旁， 味道甘甘地不太濃， 整個飯普普通通不太特別。 伴著餐仲有日式蒸蛋和麵豉湯， 個蒸蛋都滑尚算可以但咸左少少， 一個set dinner 盛惠二百蚊左右。
繼續閱讀
今日同同事黎到金馬倫道既'錦丼'，見到門口有lunch set promotion個個2位數就知冇黎錯丫餐廳裝修到好有日本'上引水產'既感覺~哈哈可能我個人比較孤陋寡聞喇。。逢係有啲木箱logo呀。。魚市場式既設計我都有啲咁既印象出黎。。嘻嘻講返呢個'非劣食日式定食'，我地一行6人，一人試左一款~我既係咖哩豬扒烏冬--係好普通既湯底，有舊炸豬扒喺面(!)鋪左啲似家用咖哩磚既汁，仲有2舊deep fried多肉餃子。。同埋一杯仔甜左少少同老左少少既芒果布甸仔而我親愛既同事就叫左'原來好多味精燒五花腩飯'，'炸豬扒略酸茄汁烏冬'。。同埋其他我研究既定食。。。。。不過。。份量係夠食既，50幾蚊黎講, 地方坐得舒服唔迫傾到計..都抵既~
繼續閱讀