11
2
1
| 餐廳: | 牛奶冰室 (海悅豪園) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:30
星期一至日
07:00 - 21:30
公眾假期
07:00 - 21:30
公眾假期前夕
07:00 - 21:30
以上資料只供參考, 請與餐廳確認詳情
依一間餐廳成日行過，但係都冇諗過會幫襯，始終都係覺得普通嘅茶餐廳啦。點知今次有緣入到嚟嘗試，發現超有新鮮感。入到去款式都好好多有飯有麵。今次多人食飯啦，可以嗌大家分享。呢個蔥油太陽蛋午餐肉飯，我已經mark低一定叫。另外就係呢個酸菜魚啊，我覺得味道都好溫和唔會好刺激，我就鍾意食多啲酸多啲辣嘅。而呢個麻辣牛肉麵就啱我口味。而呢個沙嗲牛肉粉絲煲簡直有大排檔風味送飯一流。食食吓飯見到人哋嗌芝士菠蘿包，好鬼死吸引，但係而家太飽啦，希望下次可以食啦。
繼續閱讀
一兩年前第一次食覺得佢啲巨人雞扒飯唔錯，最近食了兩次都覺得啲食物質素好差，首先係蔥油巨人雞扒飯裡面塊雞扒竟然係酸嘅其次係塊雞扒肉好鹹好柴，真係對比一兩年前嘅質素越來越差！我唔知牛奶冰室可以擺塊雞扒幾耐日子先可以有酸味而且醃到咁鹹，炸到咁柴。剛剛食完現在打個這個食評已經開始肚痛唔舒服
繼續閱讀
呢間餐廳職員態度,是我在呢個集團旗下感受最差嘅一間餐廳，入到去後睇餐牌有的食物，再手機app找不到，（可能是我不太會用）我好有禮貌問職員第一句，職員望望我，行開，可能太忙，我等佢企定定得閒了，我第二次再問，佢叫我自己睇手機app,我話就是搵唔到先問，結果佢一個鄙視眼神 擰轉面行開，周唯台d 人都望住我，我搵唔到有錯嗎？我地結果冇吃起身行出門口，行過對面街南豐廣場同一間集團餐廳，職員明顯好過呢間牛奶多好多，難為我仲成日同d同事朋友介紹呢間餐廳，職員態度惡劣，我唔會再去呢間餐廳了。
繼續閱讀
星期六早上11:20嚟到，需要等兩張枱，不過5分鐘已經有位。我哋點咗兩份早餐：1. 沙嗲牛肉湯麵配炒蛋及蒜蓉多士，配茶走。 2. 沙嗲牛肉米粉配炒蛋及蒜蓉多士，配凍咖啡。可能因為人多，炒蛋多士送上黎唔夠熱，不過味道還可以。沙嗲牛肉米粉嘅湯係黃色，睇落似雞湯，同平時嘅沙嗲牛肉麵唔同，仲有啲菜係裡面，好似好健康咁，都幾好味。沙嗲牛肉麵就同平時其他茶餐廳嗰啲一樣，不過沙嗲味唔突出，牛肉似乎冇過分醃製，唔係好軟好滑嗰種，個人都幾鍾意呢種牛肉嘅。飲品方面，唔知點解茶走攪勻之後冇甜味，我哋另外自己加咗白砂糖，茶味奶味偏淡。凍咖啡就唔錯嘅。整體都唔錯，不過早餐而言價錢稍貴，麵加炒蛋多士再加嘢飲最少$45。總體而言，比起呢度嘅早餐，我更鍾意午餐、晚餐嘅菜式。下次再嚟食早餐嘅話，我會想試吓其他早餐選擇，例如炸魚、雞球麵等等，見到其他客人食好似幾好味咁。另外，餐廳隔離有停車場，商場同餐廳消費都有泊車優惠，揸車過嚟都好方便。
繼續閱讀
午餐需等候1小時。於11:42分落單，於餐廳門口罰企至12:41先拎到外賣。店員態度極差，一句今日多人就算。垃圾餐廳，一定唔會再試，大家想試前可以參考本人經驗。
繼續閱讀