御名軒

營業中

休息中

係天后站A出口，有一間老字號既酒樓<御名軒>，晚飯小菜選擇勁多，而且價格非常實惠，又有晚市孖寶套餐，另外仲有二人餐、四人餐、同八至12人套餐都有，非常適合放工同朋友或者同家人晚飯。<冬瓜盅 $108>冬瓜盅超級大個，而且入面嘅材料超級豐富，有蝦仁、冬瓜蓉、草菇、豬肉、鴨肉、蟹柳等等，入口相當清甜好味，而且消暑解熱。<京式片皮鴨二人份量 $98>片皮鴨嘅份量都好多，而且有厚厚嘅鴨肉同薄薄嘅鴨皮，伴住青瓜、大蔥同埋醬汁一齊食，非常好味。<蒜蓉粉絲蒸大元貝 $138>呢個價錢非常吸引，份量好足，總共有四隻超大隻嘅大元貝，元貝同大量嘅粉絲同海量級嘅蒜蓉一齊來蒸，蒜香味道十足。<脆皮咸豬手 $128>估唔到呢個咸豬手都非常之大隻，豬手嘅外皮烤得又香又脆，而且入面嘅肉非常之多，咸豬手嘅肉質鮮味，帶有非常惹味嘅咸香味道。<擂沙湯圓 $28>外皮非常煙韌嘅雷沙湯圓，入面仲有爆漿嘅芝麻餡料，非常好食。<紅豆沙>最後來一客紅豆沙，一樣好好食，唔會過甜。酒樓嘅環境坐得非常舒適，而且食物質素水準都非

去咗朋友屋企附近嘅酒樓食晚飯款式選擇多，價錢亦相當親民唔怪得咁爆場🤭叫咗兩款「晚市廚師推介」ღ 冰鎮南非鮑魚 $58/隻南非鮑魚厚肉爽身，鮮中帶甜味，加上Wasabi更爽更鮮甜ღ勝瓜蒜蓉粉絲蒸帶子 $108香味濃郁！帶子口感鮮嫩爽滑，粉絲完全吸收晒鮮味 ღ京式片皮鴨 $98兩個人食叫半隻就啱晒🥢片皮鴨外皮酥脆，肉質嫩滑油香味濃🤤食落唔油膩ღ海蜇拼燻蹄 $58小食款式多樣化，叫咗呢款友人最愛燻蹄薄薄一片好爽口，海蜇粗身，食落好脆好有彈性，微辣好開胃🤤ღ菠蘿咕嚕肉 $98份量十足！酥脆咕嚕肉肉質外脆肉嫩帶肉汁醬汁酸甜醒胃最後仲有紅豆莎食，好滿足😌

🌸《御名軒 • 粵菜 • 天后》-🔹芝士焗龍蝦伊麵 $198好耐無食龍蝦伊麵✨ 芝士好濃稠，掛滿每一條伊麵，加上一斤龍蝦，龍蝦肉好彈身，蝦肉都好易離殼✨-🔸蒜蓉勝瓜粉絲蒸帶子 $108帶子厚肉，勝瓜好軟淋，睇得出淋左一層熟油，粉絲加上蒜蓉同帶子既鮮甜，好食🙈-🔹波爾多紅酒燴牛尾 （配法包） $128牛尾好入味而且好淋身，食落有淡淡既紅酒味，用法包沾汁無得輸🙈-🔸蟶子皇 $42@1蟶子好大隻，清理得好乾淨，加埋粉絲食，呢個價錢算好抵食👍🏻-📍 御名軒 (天后)天后電氣道22-52號金殿大廈1樓-#foodbitxh_tst #香港探店 #香港達人 #香港旅遊攻略 #尖沙咀美食#留港消費 #留港 #留港消費振興經濟 #留港旅行 #香港美食 #香港小店 #香港小店💛 #香港小店🐷 #香港小食 #香港小吃 #本地菜

首先，地利位置極方便，天后A1出口一出就望到；餐廳都幾旺，入座都有6-7成😌拍青瓜拼海蜇 $58青瓜同海蜇都爽口，有少少麻辣調味。蝦球芝士炒蛋白 $108蛋白都幾滑、蝦肉爽彈，加咗少少芝士粉點綴。勝瓜蒜蓉粉絲蒸帶子 $108勝瓜幾甜，加上肉質緊緻嘅帶子、一絲絲粉絲，口感豐富。龍蝦上湯伊面 $9898蚊嚟講，份量都幾大，感覺幾抵食。欖角蜜糖骨 $98肉質唔會好肥，肉質札實，都幾入味，欖角蜜糖好掛汁，不錯吃。

呢日來到天后，畀“御名軒”門口個廣告牌所吸引，波龍每隻98蚊任叫任食，冇隻數限制，宜家來講呢個價好吸引，冇理由唔入去吖。入到去二話不說，嗌咗每人一隻波士頓龍蝦 先，蒜茸開邊蒸或上湯煮，揀咗蒜茸蒸，出到來都幾震撼，好似平時圍餐咁一大碟，好新鮮，好鮮甜又多肉，啲腳又係預先分開两邊，用叉就好易攞到D肉食，非常之細心，為顧客著想。除此之外，又嗌咗兩個晚餐精選“脆皮鹹豬手"和“蒜茸粉絲勝瓜蒸帶子”，豬手份量比想像中多，好抵食，蒸带子又係方便易食，成個餸有瓜有海鮮，都係my favourite 。順便一提，前菜“燻蹄海蜇”亦好好味，喺D餸未到之前就有好嘢食真開心🤩

酒樓格局普普通通，因全場爆滿，座位與座位間會較近。雖然如此，但點心意外地有驚喜同服務唔錯叉燒焗餐包非常出色的餐包，熱辣辣脹卜卜，餐包軟熟外層塗上剛好蜜糖，餡料滿滿，半肥瘦叉燒，醬汁調味出色，每口都是滿足，最後仲忍唔住再encore 多一碟魚肚雞扎份量十足，芋頭粉，雞件嫰滑，冬菇鮮甜肥厚，魚肚爽口有質素，吸盡油汁精華鮑汁炆雞腳上枱熱騰騰，份量大，雞腳同花生都炆得好腍好入味，最鐘意呢種漿口嘅感覺涼瓜煎魚餅魚肉新鮮唔腥，涼瓜爽口味出，魚餅足料又彈牙，略嫌外面煎得唔夠香口薑汁蒸軟糕薑味好特出，層次分明，口感煙韌鮮蝦蒸腸粉＆豬腳仔正常表現

野食唔錯，燒賣、蝦餃好食。可以電話訂位，但去到都要等30分鐘。員工態度欠佳。問咩無咩。咸水角等左好耐都未黎，起碼半個鐘。問左五個同事，全部都話就到，但遲遲未到。想退單，但就即刻話有。啲職員話今日馬拉松好多人，做唔切，攪到玩馬拉松啲客人有特權咁。咁多人上深圳食野，其實呢啲餐廳有份造成。 野食唔錯，燒賣、蝦餃好食。可以電話訂位，但去到都要等30分鐘。員工態度欠佳。問咩無咩。咸水角等左好耐都未黎，起碼半個鐘。問左五個同事，全部都話就到，但遲遲未到。想退單，但就即刻話有。

每個星期日朝早都會同屋企人都會去依間酒樓飲早茶，依間酒樓款式都真係幾多，而且唔會話太貴！最重要係依度嘅環境真係唔錯㗎👍🏽今朝我地點左5個點心😋1. 流沙奶黃包依間嘅流沙包係真流㗎！😋唔會話太甜，味道適中2. 馬拉糕馬拉糕熱食都幾正，唔係得個甜字，個蛋糕都幾鬆軟👍🏽3. 雞包仔依個雞包仔係我食過咁多個入面最正，有個鹹蛋黃係入面，又有少少薑絲同埋好嫩嘅雞肉！4.燒賣正正常常，啲肉幾juicy，不過咁多年入面的確有試過一兩次未整熟，要再重點🙈🙈

天后區食肆林立，條街分布不同的著名中外菜式，還有樓上私房菜，可以說是香港島的美食天堂。但如果想找回中式酒樓的品味，這間位置優越，地鐵站出口步行幾步就到，無論是一盅兩件還是晚飯三寶，水準出品不錯。可惜這次未能在點炭燒鰻魚，菜單上已經沒有了這個菜式，相信是成本太高和人工太貴。但是仍然能夠品嚐麥皮大蝦，可說是中式酒樓當中稍有創意。還必須要讚賞京式片皮鴨，鴨皮香脆溫暖，重點是薄皮上枱有心思，將大塊的皮分成兩半，更加重要的是已經分開薄皮，方便之後放入鴨皮，這是細心的表現。

去完日本旅行返黎好想轉換下口味，想食下啲酒樓菜式，最近就去咗天后嘅呢間——🌟御名軒🌟好近地鐵站好方便，基本上一出站就見到👍🏻酒樓晚市菜式選擇多，有羹有小炒仲有凍食菜式🤩勁想試._.🤎｜冰鎮南非鮑魚｜🤎凍食啱曬依家咁熱嘅天氣食，一隻鮑魚仲會砌開4小舊，方便食！醬汁充滿曬鮑魚上，仲有少少嘅wasabi香辣味，好特別😋·🐦｜脆皮燒乳鴿｜🐦外皮燒到好香脆，上枱已經聞到，配上鹽同豉油，味道香口，肉質嫩滑·🦐｜西芹炒蝦球｜🦐西芹數量多，大大舊，蝦球同樣都係大大舊，勁香濃惹味，啖啖蝦肉彈牙爽口，好夠鑊氣·🐥｜秘制川味辣子雞｜🐥呢個勁香濃嘅味道，用上好多川式嘅調味料，少少辣好惹味，雞肉同啲配料爆到好香，仲要好香脆，好惹味，餸酒更係一流💕·🍺｜啤酒｜🍺生力啤藍冰._.

10月1日國慶假期，但在9月尾訂台食晚餐一去到話未有檯唔緊要…等了一段時間上到去人太多夾硬開枱，塞滿啲人客每一台之間基本上背對背嚟食飯，但係都唔重要編排我哋的座位13位喺一個角落頭嗰度冇冷氣熱到不得了，連上菜位都冇….都唔緊要點菜時我哋自己寫好菜名攞去服務台落單都唔緊要，因為人太多都體諒，但係一開始同佢講這個位置太焗可否加一些風扇或者開大一點冷氣啲侍應只係應我哋OK OK乜嘢都冇做過…..跟隨飯餸上枱就熱上加熱食到大家都出晒汗仲慘過去大排檔，跟住熱到根本食唔到到買單嗰陣個侍應先攞一把風扇出嚟給我們吹，但已經熱到冇晒胃口….俾錢買單仲要收埋小食費，但係坐得咁耐一碟都未上過枱，搵個經理點解安排得咁失當佢話今日人多冇辦法我哋已經早咗兩個星期訂枱都得如此傑哥咁樣開頭我哋有枱的時候會否問一問我哋呢個環境O唔OK呢？而唔係求其放低我哋坐低喺度就算數。

今晚1家人食中秋團年晚飯，巳經早1星期打電話book枱，晚上去到都要等位，唔梗要，到有位之後，好似坐左向1個密室裡面，仲要冇冷氣甘，巳經同職員投訴很多次，唔該，開大d冷氣啦，都係好似冇冷氣，到食野的時候，越食越熱，流晒汗，熱到都唔想食，仲衰過向大排檔食野，我地差唔多食完，先拎把風扇入黎比我地，我真係好想講粗口鬧佢地。貼錢買難受，我地絕對唔會再幫襯囉，真係好差的1次體驗。

放工約咗娘親食個晚飯，由於佢講咗好多次想食片皮鴨，於是揾咗間娘親搭個叮叮就可能去到，位於天后嘅酒樓食片皮鴨。位置好方便，勁近天后地鐵站，又多巴士到，又可以搭叮叮，非常適合家庭聚會，老人家都方便過去呀。京式片皮鴨(半隻) $98————————————有得點半隻份量實在太好啦！大概係2至4人份。鴨皮嘅部份都好香脆，啲油脂都好豐富，入口好香油脂味，用餅皮包住，加埋醬汁、京蔥一啖入口，正呀👍🏼冰鎮南非鮑魚(每隻) $58————————————處理得不錯嘅冰鎮鮑魚，入口冇雪味，亦冇未融化嘅冰碎。冰鎮後鮑魚仍然有彈性，原來上菜時已將鮑魚切成四小份，方便食用。醬汁都好特別，有芥末味，又幾夾冰鎮鮑魚架喎。勝瓜蒜蓉粉絲蒸帶子 $108————————————個粉絲底勁香蒜蓉味呀！勝瓜蒸至淋身，夠入味，帶子又滑又大粒，好滋味！荔芋滑雞煲 $108————————————芋頭份量好多，煮到有點蓉蓉嘅感覺，個汁都好正，充滿甜甜嘅芋頭香，好Creamy，好送飯。呂宋芒果布甸 $28————————————最後食返個經典甜品😋細個去酒樓唔敢舉手同屋企人講想食芒果布甸，大個咗就可以啦🤣係童年嘅味道。

是日在天后睇醫生，睇完都接近7點，便直接在openrice 揾下有咩好食，御名軒的評分好高，所以決定試下佢。其實佢就係間酒樓，但帶新式裝修絕不陳舊，中間就是大大的電視螢幕。驚訝的是閒日晚市都好熱鬧！小試牛刀點了4個菜。欖角蜜糖骨大大碟不過$98，真係大件夾抵食。骨有10多件，件件都骨肉均稱、酸甜開胃，就算放涼左，都仲食到骨肉是微焦帶脆的！波爾多紅酒燴牛尾跟法國麵包，份量真的意外，大大煲不過$128，絕對良心價！因為這個價錢，這個份量，真的好足料。牛尾骨的肉也頗多，所以也是啖啖肉的。精髓是個汁，好濃、用香脆麵包點來吃，令人食唔停口，真係好好食！游水沙巴龍躉又是抵食之選，魚好大條，絕不欺場，蒸得剛剛好，所以肉質仍然保持嫩滑，又不失爽彈。夾著葱絲等，點少許豉油食，就是就佳鮮味！馬拉盞通菜鮮魷條條通菜都有菜葉，今時今日好難得，而且份量又係好多。鮮魷爽口彈牙，馬拉盞做法香口惹味，食菜食得滿足！甜品點了芒果布甸和楊枝甘露，兩者都好足料，兩者入面有粒粒芒果肉，好香甜。估唔到咁有heart。這間平常不過的酒樓，真係做街坊生意，大件夾抵食，價錢又唔貴，比起好多大排檔仲要高質，仲有不得不提，係服務好好，難

朋友住附近，話呢間酒家經常座無虛席，小菜又抵食，所以今晚帶我嚟試吓。蝦球芝士炒蛋白平時食賽螃蟹就食得多，用蝦球炒都係第一次食，蝦球好大隻，啖啖肉，而且份量都好多，再加埋少少芝士嘅調味，恰到好處。御名小炒皇講到小菜我就一定會嗌小炒王，呢度嘅小炒王嘅配料非常豐富，蝦乾唔會太硬又有鮮味，腰果分量多，韭菜花新鮮，炒得好惹味。沙巴龍躉平時喺屋企蒸魚好難掌握火候，梗係要來酒樓食啦，而且魚又新鮮，熱辣辣，正！冰鎮南非鮑魚好少地方有得食冰鎮鮑魚，估唔到有幾好食，鮑魚有預先調味，加埋Wasabi更加可以帶出鮮味。楊枝甘露見到隔籬枱嗌楊枝甘露，賣相非常足料，吸引到我都嗌一份嚟試吓，西米有咬口，好香芒果味。呂宋芒果布甸芒果布甸超多芒果果肉，加埋花奶，係經典嘅味道！