影片
港鐵天后站 A2 出口, 步行約1分鐘
繼續閱讀
開飯介紹
大利清湯腩以牛腩粉麵為主打,而其他清湯牛食品亦是非常受歡迎,是嗜牛人士必吃之選。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
食家推介
招牌菜
明星效應唔可信😩，怪不得無人排隊😰，中伏了❗️原本想去隔離「華姐」，但無時間排長龍等位，心諗大利有明星效應，品質應該唔會差太遠。今次真係受了教訓，以後寧願捱餓都唔要苦了肚皮。牛腩牛筋清湯腩河粉$57配料同湯頭都好足夠，但味道同品質差得很👎👎。牛腩無香味，肉質又柴又實，切得好大件，好難咬開，食咗一啖之後，我不其然望一望食緊嘅係牛腩定是煲完湯嘅豬肉😰，真係名不副實。牛筋偏腍，沒有太大口感。湯頭味道亦好淡🙈，唯一可取係河粉夠幼滑。芥蘭翠綠新鮮，但煮得太腍。老闆娘好有禮貌，但樓面亞姐就不停用各種方法催促人走，包括好大聲同等位嘅人講邊張枱食完就走。正當我同朋友夾錢埋單時，亞姐企嚟我哋中間，不停問係唔係食完，我真係忍唔住同佢講：「我地走啦！你一陣先執枱啦！」😡😡😡永別啦！
繼續閱讀
天后地鐵站隔離有兩間清湯腩，一間叫華姐，一間叫大利，唔同嘅朋友都話兩間唔係爭好遠，不過大利好食少少，同埋有啲特別野，所以約我去食嘅時候都係去大利。平時食清湯腩，就梗係清湯加牛腩啦。但係大利清湯腩有個招牌菜，就係咖喱牛腩撈麵。咖喱香濃，唔會得個死啦，牛腩煮得夠淋又入味，配撈麵食啱啱好，我連個菜都點埋咖喱汁。最得意嘅嘢就係咖喱本身係橙黃色，如果任何麵條掂到個咖喱汁，佢會慢慢變色，有橙黃變做深紅。我相信係有啲化學原理，但係我唔知係乜，如果有人知道歡迎話俾我聽，我都真係好想知。仲要介紹一下嘅就係配撈麵嘅清湯，雖然我都覺得有少少味精，但係基本上都好好飲，一啖撈麵一啖湯確實暢快。
繼續閱讀
野好食，老闆娘態度好，滾面阿叔Service好，見我唔夠咖喱醬主動比一碗我，但係門面打工阿姐(冇禮貌)，我講話唔該（意思即係叫佢落單啦）佢就話講啦，但係老闆娘係態度好嘅，但係嗰陣時根本就唔忙，我覺得嘢食好老闆好，員工唔好就要炒，加上而家市道唔好，唔好留一啲衰嘅員工喺度
繼續閱讀
疫情由昨日開始小型爆發，今日放工後去食晚飯，食完先見到洗碗姐姐冇戴口罩洗食具，亦見到廚師冇戴口罩係廚房切牛腩。不想講食物質素，如果唔顧及食客衛生，食物幾好都冇用。以後一定唔會再去
繼續閱讀
第一，牛腩質素只係好一般，好多地方都有呢個質素，唔需要花50蚊食碗牛腩米。第二，碗牛腩米有飛蟲，講咗聲去換，換咗返嚟碗牛腩size 細得嚟仲要濕濕碎，反映後師傅梗係唔認啦！第三，食牛腩面就不如加多13蚊食牛腩飯，起碼飽肚。第四，疫情期間，間舖完全無量探熱，唔覺得有保障。無質素，無服務，名店？無回頭兼幫你update吓2020新食評啦PS 呢間入咗大眾點評，睇嚟都係做遊客生意，所以都唔志在回頭客希望佢快d捱唔住啦送你一對翼嘅牛腩米
繼續閱讀