影片
港鐵奧運站 B 出口, 步行約8分鐘
繼續閱讀
附加資料
Whatsapp 或 電話 預訂 外賣自取
TEL: 6469 1772
營業時間
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
作為漢堡包控，見到評分高的漢堡包店，當然要試下。今日食呢間🍔，又係先食基本盤，煙肉芝士生菜蕃茄，加薯條和焙茶。薯條在小店一般是即叫即炸，當然香脆，顏色金黄，賣相不錯😏。漢堡真心好吃，肉有肉味，patty還有少少微燶脆邊😋，加上真有煙燻味的煙肉😜，唔係講笑，以前真係食過有啲無乜煙燻味㗎🙄🤫，醬汁也配搭得很好，雖然我可吃辣，但第一次食還是試試原味醬。想著要回頭下次食那款飽🤔。。。竟然發現明天是這店的 last day，後會還會有期嗎 😢 😑🙄
繼續閱讀
之前係大角咀食飯經過見到哩間Juicy Burger🍔 當然要同最鐘意食Burger老公黎食啦😝小店主打白色裝潢簡潔企理地方唔大只得幾個Bar枱位餐牌都多特色Burger🍔配搭不同醬汁同材料我地點了和牛BBQ醬堡🍔呢個醬甜甜地裡面有塊大菠蘿🥩牛肉都好Juicy 整個🍔味道感覺唔錯另一款和牛川式麻辣醬堡🍔我比較喜歡哩款😋因為辣辣地好惹味🌶跟餐 牛油粟米🌽甜番薯條🍟即叫即炸甜番薯超好味😋飲品 熱百香果蜜糖茶🥃汽水🥤雖然有蜜糖但唔會太甜飲完杯熱百香果喉嚨好舒服👍倆份漢堡都足料😋配餐飲🥤🧃小食🌽🍟咁多只係$156所以價錢都算合理👍好食😆不過下次要點雙層🍔🤭男仕先會夠飽
繼續閱讀
早幾日去朋友屋企，咁岩經過見到依間裝修吾錯既漢堡店。好奇之下走入去食左個雙層牛肉芝士漢堡😋再跟套餐加配蕃薯條同埋汽水。嘩！食完飽到不得了，好滿足呀👍🏻而且比較少地方會有蕃薯條食，好特別呀👍🏻下次黎依區探朋友一定要再食埋佢其他漢堡🤭
繼續閱讀
雖然漢堡包都有好多連鎖店，但係想支持吓小店所以就上網搵咗間大角咀嘅試吓雖然門面唔係好顯眼，而且店面比較細堂食嘅位置只有五位，但都乾淨其利因為冇食早餐我哋叫咗個二人set漢堡我哋冇另外加配料，叫咗個BBQ和牛漢堡同埋黑松露蘑菇漢堡🍔食物都係即叫即製所以要等一陣先有小食方面我哋叫咗麥樂雞、薯格同埋芝士波小食拼盤等咗五至10分鐘左右就有得食煎炸野雖然好熱氣但係勝在熱辣辣好好食😂😂BBQ醬和牛漢堡裡面都好豐富，除咗漢堡扒有菠蘿同埋蕃茄喺裏面，個包有用牛油煎過，成個包口感好豐富，好juicy另一個黑松露黃牛漢堡嘅醬料都好香，但我覺得沙律醬遮咗啲松露嘅味，唔夠香，而且漢堡扒嘅牛味唔太重但係總括嚟講兩個包到好足料好好食個餐仲包兩個汽水同埋兩款甜品我哋叫咗你件芝士蛋糕同埋泡芙4件其實二百幾蚊有咁多嘢食真係好抵有機會都會再試吓其他🍔
繼續閱讀
喺大角咀搵到依間高質漢堡小店「Juicy Burger 」🥳 入面裝潢以白色為主，亮麗又舒適！而全店座位共有8個。依度中文名叫「醬堡」，原來唔單止供應傳統美式風格嘅漢堡🍔，店主仲以多款特色醬汁搭配不同食材，成為獨一無二又有創意嘅漢堡口味。例如有：牛油果醬堡丶和風柚子照燒醬堡丶黃金流沙醬蝦堡，全部都好有特色。🔶川式麻辣醬堡 而我就品嚐咗麻辣醬堡，入面有自家製手打牛肉丶生菜丶青瓜丶蕃茄，漢堡肉汁豐富😋配以秘製麻辣醬，更加惹味👍🏼套餐仲包埋罐裝汽水/鮮果盒/粗薯條其中自選2款，加少少錢仲可以轉冷泡茶。用小樽裝住嘅冷泡茶，茶香有風味。🔶雞扒沙律 雞扒燒非常香，入口肉質鮮嫩，而沙律好新鮮，有靑瓜丶生菜丶蕃茄等等，整體滋味又健康。
繼續閱讀