影片
以上資料只供參考, 請與餐廳確認詳情
一直想試下五代同糖既甜品，但原來款色少，份量又細，最重要係唔好食。Oreo 木槺布丁：Oreo 碎加上木槺布丁，味道普普通通的，但唔難食。腐竹雞蛋：太甜，欠腐竹豆香味。楊枝甘露雪花：雪花棉，但楊枝甘露味淡左d。椰皇燉 3.6 牛乳(熱)：落單時店員話熱食要等 15分鐘，我回答ok；過左 5 分鐘，又有店員黎講同一番說話；再過 10 分鐘又再問多次！！最後過左 25 分鐘先有得食，但只係微暖！一部份凍一部份熱超難食，雖然又要等，但都叫店員再番熱。轉頭 5 分鐘就已送回來，而且好熱！心唸佢地有無攪錯 , 明明可以好快，之前卻攪左甘耐！辛苦得來的椰皇燉 3.6 牛乳原來好難食，牛乳唔香濃，還有點酸酸的 ……. 第二日我腸胃炎 ….. 當然不可以話一定關事 ….. 總之以後也不再來了！
繼續閱讀
呢排每晚都好想食甜品，尤其係.去到邊都點呢個, 心太軟。(第一下影,三秒後就flood)我明白糖水舖不能同酒店比，但佢話得係酒店師傅出品就要保持水準，呢個心太軟朱古力味好假好糖，最總要係真係太軟，一切落去好似水塘flooding，d朱古力水絕對唔係d槳成碟都係,而且蛋糕好薄呀。佢既雪糕有得揀味（綠荼朱古力同vanlila)明明知道傳統係雲利拿，但又鍾意食朱古力，最後發現朱古力甜上加甜係好錯架。另外order左creme brûlée, 佢個味調得唔錯，可惜個糖面做得太硬，唔脆，下面亦唔會係口到溶，口感一般。下次明白，黎到係應該order返d港式d例如楊之甘露或台式綿綿冰會更好
繼續閱讀
之前去過其他分店都覺得這間甜品不錯，見係大圍開左新分店就唸住一試啦，點知難食到我要開個Account俾comment等左成半個鐘，終於可以入去啦，叫左個榴槤飄香食，咁就出事啦。榴槤份量少到喊，五分一都不夠，成碗都係糖水，真係一啖就可以食完d肉.......其他可以叫佢收左佢，d糖水又要唔夠凍講真，如果你係唔夠榴槤你未cut左佢囉，等左咁耐你俾d咁既野我，仲衰過d唔出名既糖水鋪!!
繼續閱讀
真的想不到五代同糖會開到大圍！只見它不斷開分店，想不到大圍會有！去到要等位，應該是因十一時多,很多人在這時吃糖水。入座後，有點不知吃什麼好，因常常吃心太軟。最後選了原味梳乎厘和OREO木糠布甸！OREO木糠布甸：一屠OREO餅碎一層木糠布甸，布甸很滑，個人覺得甜了一點，因餅碎本身有點甜味。整體不錯的！原味梳乎厘：等了不夠十分鐘吧。即叫即焗，質感煙韌，底部不會很濕，可以甜多一點～都不錯的！本身想叫酥皮３.６牛乳，但因沒有酥皮，所以試不到呢！
繼續閱讀
相約一班朋友山長跋涉來到這間五代同糖食甜品~可能時間太早關係入到去唔駛等位...即刻坐低.4個人,叫在幾款甜品分享一下雞蛋布甸雞蛋布甸喜出望外! 真係好香甜而且好軟滑wow,食完再叫第二次都得,不會太甜,亦極富蛋香, 好抵食, 不過加些焦糖會更好~~~ 北海道奶凍/益力多奶凍叫了兩個奶凍~一個係北海道奶凍,另一個係益力多奶凍,兩個味道都好唔同 , 北海道奶凍我覺得奶味淡在D,好似無在濃烈北海道奶咁,但都好好食,可能我慣在食甜野.而益力多奶凍，太重益力多味好似魚膠粉凝固在,不過兩者都有士多啤梨滴襯托,不過不失啦啦隊!!五代同糖精選~朱古力心太軟配雲呢拿雪糕有雞蛋布丁,心太軟配雪糕和蘋果金寶三樣甜品,樣樣size都不大,不過三樣加起來,也吃得幾飽,雞蛋布丁很滑,蛋味很香濃.蘋果金寶上面的crumbles碎都幾脆,裏面的蘋果還夾雜些類似紅莓醬,酸酸的幾特別.心太軟配雲尼拿雪糕 ,朱古力味濃,一叉下去裏面的朱古力醬澎湃流出,最正是甜度適中好味.這個是我最愛的甜品之一~超好味!椰子雪花冰呢個都好好味呀!雪花冰好濃既椰子味好幼滑,加在芒果汁更加好味正!火龍果都好甜,不過士多啤梨同芒果魔豆略酸在,美中不足的是少落在七彩彩針,幸好既係補回一碗給我們.其實我對這個甜品不是太有好感,係朋友落ORDER的.講真~4個人下午茶加埋食左差唔多HK$330,,都算幾誇張,價錢有D貴,不過真係食得出呢間甜品店既心思!久聞此店大,終於有機會一試了!
繼續閱讀