影片
港鐵炮台山站 A 出口, 步行約5分鐘
繼續閱讀
開飯介紹
立於炮台山站附近的橫街，獨賣一種口味的沾麵，麵和湯分開上，而配料則已放在湯內，麵質爽口彈牙，故即使地址偏僻仍常常大排長龍。
繼續閱讀
營業時間
星期一至六
12:00 - 15:00
18:00 - 21:00
星期日
全日休息
以上資料只供參考, 請與餐廳確認詳情
相關文章
是的，這裏要結業了，就在4月28號。有空順路的話也不妨來一吃，畢竟這裏就算不是最好，也是個集體回憶。日前下午剛好有空到炮台山，想起沾麵就趕到這裏了，12時正才開門，11點50分到，也要排一下隊，在門口等待也算是來這裏的滋味之一吧入座後，也不多介紹，快手圈好就交表挑湯底，我這次點了黑蒜的，但最喜歡的還是白湯，麵未到，溫泉蛋先來。一直也很欣賞這裏的溫泉蛋，每家餐廳也會做的溫泉蛋，只要用日本蛋和慢煮棒，質素不會差别太大，但底下的調味汁才是令人驚豔之處，去過幾家店（包括同集團的）也沒有這裏好，以前會在表面加上柚子和蔥花，現在沒有了，大概是材料不足吧。一口吃掉後，就等著麵來。在落order時指名要冷的麵，上桌時溫度剛好，有麥香，個人習慣是先吃一口麵，不沾汁，感受最簡單的味道。黑蒜湯的味道是霸道的，一入口基本上就佔據了味覺，蒜要炸完又炸，才能有色香味足夠的黑蒜油。也談一下配料吧，溏心蛋是有點不如以往的了，但各花入各眼，有人喜歡更流心，我就喜歡實一點的，值得提得是，滷蛋的調味汁味未能令蛋黃也入味，也許是偶爾會有的小誤差吧叉燒要了腩肉，其實我喜歡瘦肉多一點，但味道是ok的這店的蔥粒切得不錯，但湯底太濃，入口沒有了任何清香，荀也是一般的水準，不高不低，起碼不難吃。在顧客和職員間的對話得知這裏要結業，當然只是暫别，但一切未定，也不知何時能再吃到，第二天再來追加了一份原味沾麵，就當say goodbye吧坦白講，這裏的老細是有本事的，舖是愈開愈多，最初的開店功臣又開了幾間好舖，雖然是非多風雨多，也算是香港拉麵的中堅，味道肯定未算最好，但還過得去，在這裏也見過好多名人和舊友，相信不少人也在這小店留過腳毛。
繼續閱讀
看報道星期五夜晚來到炮台山蜆殼街, 七點十分, 長長的人龍已經跨過三個鋪位。預計有三十多人在輪候。 鋪位有四張枱, 可以坐四到六人, 等候時間最少預一個鐘。中間加了二人枱, 入座時間加快左好多。排隊的時候也選好了沾麵的組合, 有麵糧, 叉燒部位, 蔥, 蒜份量, 配流心蛋或溫泉蛋, 湯底共有三款1)原味 2)蕃茄 3)黑蒜。今次選了一個原味和一個黑蒜湯底, 原味豬骨魚油味香濃; 黑蒜香較鹹, 流心蛋亦較鹹。整體來說叉燒厚身入味, 麵身適中, 湯底濃香, 但伴麵食落較鹹身, 勁想飲水解渴。 **鋪頭做到本月底,希望大家多多支持下!
繼續閱讀
今日去開炮台山，諗住食埋飯先返去，就發現呢間隱世日式家庭式小店。呢間店由舖名可見係一間沾麵專門店，所以落單紙只有沾麵，可見店主想專注做最好的沾麵！呢度比較特別，可以選擇腩肉叉燒或梅肉叉燒，1、2或3塊。亦可自選麵、筍、蔥的份量：大、中、小。可選擇溫泉蛋或半熟蛋，不用加錢。揀左原味沾麵+溫泉蛋~呢個沾麵湯底係豬骨湯~擺法同其他沾麵店有D唔同，呢度既配料係放係湯內，溫泉蛋另上，其他店多數配料放係麵上。豬骨湯底出色，好香，非常濃厚！！！麵條能掛湯，煙韌彈牙~叉燒燒得香口，唔韌~溫泉蛋煮得剛好，好香好滑！！食完麵可以加熱湯開稀然後飲埋~整體來說不錯！
繼續閱讀
🍽 俺之沾麵專門店（北角蜆殼街6-16號寶榮大廈地下D1號舖）🍽蕃茄湯底 中辣（$88）好味指數👍🏻👍🏻👍🏻👍🏻回購指數👍🏻👍🏻👍🏻👍🏻 👍🏻炮台山呢間沾麵店，基本上如果我喺嗰邊經過係一定會食嘅（無論午餐定係晚餐）由$85 食到加左價既$88。曾經最高峰係每個星期都會起碼食一次連續兩個月，但係因為某D原因呢排比較少去北角炮台山一帶所以近來食少左， 但係仍然念念不忘，經過就要去食。。首先，這家店最令人開心係，無論要咩分量的麵、邊種湯底、幾多片叉燒（1、2or3)、要唔要蛋、多蔥、多筍 都係劃一價格。基本上一定夠飽，對於我易啲咁大食、又為食嘅人嚟講，每次食都全部要大盛、又要蛋。點餐時，店員都會溫馨提示大盛的麵分量大概有兩個公仔，讓食客心中有預算，不會做成浪費，見好多女仔都只會揀小的，even 有啲男食客同朋友討論要點麵size 時，都會話中size 已經好飽。但係，對我黎講 我真係試過因爲臨收舖前，余下麵的份量只可以做中盛，因為湯太好味的原故，我覺得真係唔夠😂。。三款豬骨湯底都試過， 最鐘意係蕃茄湯底，一定要有辣嘅，曾經試過要唔辣的番茄湯底，完全沒有蕃茄味也沒有香濃的味道，所以如果要食蕃茄湯底一定要係最小辣。怕辣的朋友也不用怕，因為我個人認為係唔辣的，只係添加了少少蕃茄蓉和肉碎，那種少少的辣味帶出番茄的香味。蕃茄豬骨湯底我就是比原味豬骨湯底多了一份番茄的清新感覺，減去了一點豬骨濃湯的油膩感。至於黑蒜湯底湯底，我覺得太濃味了，滿口大蒜的感覺，喜歡是吃蒜的應該很喜歡，只是因為湯底太濃，吃完有一點口乾的感覺。。沾面湯底不像普通拉麵，麵條是在吃的時候才掛上湯，如果當一般的拉麵來試湯底的話，肯定會覺得湯底太鹹，這一家的沾麵湯底是我試過眾多沾麵店最好的，不會太杰身，濃淡味道配上麵條是剛好。至於麵條也後掛湯，但它不是最彈牙、最乾爽的，因為有時麵條會黏在一起分不開，相比之下，另一家湯底超杰身的人氣沾麵店的麵條是更好吃的。。叉燒我通常多心情要瘦的梅 或是肥的腩，我覺得肥腩係好味啲，但也要看看當日師傅，把它燒得更燶、更香口，還是一般普通的😂雖說都係好吃，分別係啲油脂燒燶多少少，真係好香口。。流心蛋是放在湯入面的， 如果想吃到超好味的流心甜甜的蛋，送到的時候記得要把它撈起到麵的碗，如果一直浸在湯裏面，流心蛋就會變全熟蛋。。食完面之後，就可以加湯，再品嚐一下這個咁好味嘅湯底，在座位旁邊教食沾麵的指引，提示記住不要用匙羹來飲湯，因為雙手捧起碗直接飲用，湯底味道風味會倍增。😆。題外話：打完這一篇，馬上肚子很餓，好想去炮台山吃一個沾麵。但是因為這家店星期日是休息的，唯有明天找時間去食😋。
繼續閱讀
沾麵😋😍🍝唔知幾時開始 我好似越黎越鍾意食沾麵😂$88(or 85🙈) 可以揀麵底S or M or L. L size侍應姨姨話係兩個公仔麵既份量, 我揀左M 係食唔飽既😂蛋可以揀温泉或者半熟，肉可以揀肥肉或者瘦肉，兩個人啱啱好有得試曬兩樣😎肥肉唔係好肥 建議食肥肉 🐖湯底幾濃 我係原味 寶寶食黑蒜味 臭到食完前一個post既湯圓都仲有陣味🤢
繼續閱讀