影片
以上資料只供參考, 請與餐廳確認詳情
睇返我之前o既食評...原來上次嚟已經係2013年o既事~ 今日咁o岩o係泳池o個邊泊度位...又想食pizza..就諗起佢~ 平時o係附近食o野見出面都會排隊...今日8點去到見入面得兩檯客...完全唔駛等位...食食o下仲無晒人...變o左包埋場tim~ 哈~我地叫o左個$208 o既2人餐 (2餐湯, 2小食, 1意粉, 1 九吋pizza, 2凍飲) ~ 呢個餐真係好抵食!!! 餐湯已經夠晒足料又大碗~ 同埋佢o既紅湯偏酸...o岩晒我地兩個口味~沙律超大碟...絕對唔係佢所講 "小食" o既份量!!! 我地叫o左麻醬火雞胸沙律...生菜好新鮮爽口~ 而且又有脆麵包粒, 欖同青椒絲~ 一d都唔hea!!!佢d火雞胸比想像中滑tim~d汁雖然少o左d...但反而係好事...因為之後d小食同主菜都好大碟...唔食咁多汁仲無咁漏...另一個小食 "芝士煙肉焗蘑菇" 仲正` 熱辣辣而且有6大粒咁多!!! 唔講得笑...蘑菇入面仲釀o左好多煙肉同埋充滿香草味~最緊要係好juicy~ 每人食三粒又飽o左一大半~ 之後仲有大大碟白汁鴨胸天使麵~ 好多汁~不過天使麵就稍為淋o左少少...好鍾意佢d鴨胸有煎過~ 個邊脆脆地好好味~主角 "啖啖肉" pizza最後先出場~仲望到師傅fing個pizza皮tim~ 雖然套餐只係9吋...而且又熱辣又足料...但食到呢個moment真係飽到食唔落啦...最後打包o左半個pizza走!!! 套餐仲包兩杯凍飲~ 加埋一都只係$229~ 呢個餐真係三個人都夠食~ 而且比起之前食一樣咁好食~
繼續閱讀
距離認識mrpizza應該有一年半多，真心想讚下，無退步過。更有新菜式，今日見到d24榴槤芝士pizza, 已經雙眼發光，配搭好似好奇怪，但試完包愛上。另外餐湯日日唔同，飲過菠菜湯，真係好足料，不過今日係蘑菇忌廉湯，唔係只有幾粒蘑菇片，而係用蘑菇碎去煲，濃濃蘑菇香味，不得不試！！！千層麵係每次必點的，不能錯過的招牌菜。試過就知~~~pizza好足料，芝士可以拉扯不斷，起其他地方未試過順帶一提，點餐時，問過老闆榴槤pizza 係咩味，老闆話：中意榴槤就應該會中意食，結帳時，老闆很親切問，覺得榴槤pizza味道如何？果真無介紹錯，真的很讚，元朗人不能錯過，唔駛成日食雞煲同壽司，可以黎試下，真心推介小店
繼續閱讀
回到元朗，今晚水太太水爺要試新餐廳我們隨便在教育路行，最後選了到MR PIZZA吃晚飯見到餐牌，一點也不算貴，約$45一個晚餐連湯、飲品和甜品，好豐富環境算OK，餐桌布是銀灰色的，很有格調今晚沒有很多客人，頗寧靜，可以與水爺談談心哦餐湯我們都選了忌廉湯是home-made feel的忌廉湯，不太咸，有少許杰稠正合水太太的口味夏威夷8吋pizza ($48)上面的饀料是火腿和菠蘿， 很清新的味道芝士也溶得很好要讚讚批底，有點厚度，但底部燒得很脆批底味道很香有點煙靵，好好味芝士海鮮焗飯 ($65)也是很home-made feel的焗飯忌廉汁正是忌廉湯同一牌子的，味道一模一樣但可惜上面的芝士有d 硬，若能與忌廉汁好好混合在一起就更好吧要讚的是海鮮材料豐富，可是應該是雪藏海鮮來的這樣的價錢，已經算不俗甜品是芒果果凍沒有特別問題，很滿足的一餐呢門口還放有一個24吋大的PIZZA，見到也勁開心若開派對就最合適了﹗
繼續閱讀
我地6:30坐低, 三個人叫左1)3個1人餐2)兩個小食飽到抱到個肚走, 個一人餐雖然得一片pizza, 但係塊pizza大過你塊面~因為有我朋友個樣係度~所以就無up埋上黎~ 大家經過試下啦~支持下D小店, 我唔知點解D人會覺得某連鎖pizza會好食~唯一唔好處係, 間鋪頭係門口望入去都有裝修ge, 但正如其他食評家所講, 其實張椅唔係咁好坐~3人埋單$239 , 好平, 晚餐黎講無得頂
繼續閱讀
元朗最近開左好多新餐廳，單單帆船快餐對面條街都有不少選擇。幾年前仲係中學生既時候，呢條路既餐廳只得一間，今時今日已經多到食日式中式西式都有。友人之前已經食過mr pizza，話好抵食所以推介。雖然喺街舖，不過唔算起眼，入到去只得2枱食客，侍應生服務唔算殷勤，擺低menu就走，已經見我等人，連水都冇杯，大熱天時，可能因為環保掛，不過唔算細心囉。只係得坐埋牆先有挨pan chair，我坐左2個鐘圓“鄧”都幾唔舒服，餐枱之間空間太少，好彩少人食，full晒都好逼。order左個2人餐，$168，小食/沙律，意粉，12吋pizza，2杯飲品或忌廉湯忌廉千層薯切落去果下聽到啲爽脆聲，我同友人不禁對望……勁驚唔熟……入口係好爽口，爽到個感覺似未熟……味道好淡，淡而無味果隻，早知叫薯角啦蕃茄醬海鮮意粉唔可以話唔好食，汁算多，不過無咩咸味，海鮮得幾粒仲要個樣煮得過熟縮到好細粒。單叫呢個意粉要成$48，假如係咁既質素都幾唔抵食，跟餐黎講就算啦……夏威夷pizza,可選蕃茄汁同千島汁都幾大份，見啲食客都係食唔晒要打包，好有衣食！材料有火腿同菠蘿加芝士，芝士份量都幾多，pizza皮見佢係人手搓仲拋上拋落，幾有咬口，千島醬唔會好漏餐飲要左熱檸茶，檸檬份量都多，唔孤寒，但點解要連埋茶包上？又唔係靚茶唔需要show label，個杯已經夠細，飲幾啖已經冇，加埋檸檬同茶膽，杯茶實質有幾多？我寧願佢沖一壺茶，放底2隻吉杯加檸檬俾我地仲好，不過可能冇位啦總結：地方太細，枱同枱之間好逼，好彩隔離冇人啲野食可以放喺隔離枱，唔係大家就要食快少少唔好阻位上菜！香港寸金呎土，逼少少放多2張枱做生意我都好明白，不過啲chairs換一換好啲，真係唔阻得太多位。另外service好一般，要我俾加一唔係好gur，間餐廳已經少食客，但個侍應既警覺性都好抵，諗住叫佢俾杯水，叫左幾次仲要其他食客提醒先知我地叫佢，餐廳唔算好大姐，問佢拎杯水佢都幾搞笑：淨係2杯水呀？無其他野要？我諗佢既意思可能想催我地落埋餐飲。最後佢忍唔住過黎問：我想問你地2個想飲乜？埋單多謝都冇句，臨走都唔say bye,街坊生意都不至於咁既服務掛？用下service language啦唔該！不過食慣左其他pizza shop都可以試下呢到，pizza冇pizza hut咁油，始終手工pizza都難得，期待你進步呀mr pizza!
繼續閱讀