3
0
1
付款方式
其他資料
酒精飲品
外賣服務
室外座位
電視播放
以上資料只供參考, 請與餐廳確認詳情
今日在開紅水橋附近上堂，好耐無黎呢頭上堂了，平時黎開紅水橋都係去開輕鐵站向元朗方向附近食，貪果邊多茶餐廳，但係今次有同學提議去對面睇下有咩其他野食，行下行下見到呢間韓式餐廳門口有午餐餐牌，又有幾多人在入面食，我地五個人就入黎試下。坐式，見到好多人食石頭飯，但係旁邊有人叫石頭飯時，服務員姐姐話石頭飯要等半個鐘先有，因為太多人叫做唔切，問我地如果趕時間可以叫其他，所以我睇下餐牌，就叫左一個最普通既韓式豬肉飯。坐底後服務員姐姐第一時間，送上一個紫菜豆腐湯，人人都有份，幾好無味精，而且味道幾好飲。除左個飯之外，係有韓式前菜，每一枱四個人，share的，有三款前菜，食下食下差唔多食晒，Ｄ飯就到，幾好味。主角黎啦，韓式豬肉飯，首先講Ｄ豬肉，非常入味，甜甜地濃味醬汁泡製，送飯一流，另外亦配上蛋，真係好好食，好快我就食晒，所以非常有驚喜。其實44蚊真係唔貴，即係42再加2蚊凍飲，又有足料紫菜湯，又有前菜，個飯又好食，午餐真係一流，下次有時間再黎一定要試下佢地個石頭飯，咁多人叫一定好食，而呢間餐廳夜晚應該係做燒肉生意，每一枱都有一個煙囪，搵日再黎試下，值得推介！
繼續閱讀
放工返到屋企附近，突然好想食韓國菜，諗起洪水橋都開左一間韓國餐廳叫做大首爾，於是决定坐低試下好唔好食先！見到餐牌有我最愛的泡菜湯飯，即刻就叫侍應幫我落單。等左大約十分鐘後，侍應就好有禮貌甘放低左個泡菜湯連飯比我，仲好窩心甘叫我小心燙手，呢樣真是值得一讚！由於我太過肚餓，已經唔理熱唔熱即刻就試下個泡菜湯，真是有D失望！味道麻麻又唔夠酸得過死辣，完全唔夠地道！我諗下次都應該唔會再來食了
繼續閱讀
復活節假期梗係約飯局，朋友今早已留定位，8:00入到呢間非連鎖式小店，裝修一般，但設備倶全，抽煙系統一流，完全沒有一點大油煙感覺，我地4大1小，老闆招待我地坐8人枱開2個爐，不似一般連鎖食店逼你坐4人枱，點菜紙食物種類頗多，老實講，食韓燒都係主要食牛丶豬，最主要材料一定夠新鮮，包肉食既生菜大大塊又爽口。晚市放題價再加$20包啤酒任飲，食物水準不差，豆腐湯一流，吃完一盤再點食物，好快就送到上枱，燒烤盤主動更換，侍應服務ok。
繼續閱讀
住嘅地方無咩食物選擇，阿女又唔想茶記，唯有嚟大首爾啦！之前食過韓燒，太港式喇！辛辣面無咩特別，所以今次試吓一人部隊鍋。。。第一次韓食唔係韓國米，仲要好硬，所以我都係將佢變成湯飯食！其實住響呢個小社區又唔想專登搭車去第二到食lunch嘅，可以試吓，但唔好當佢係一間韓國餐廳囉
繼續閱讀
d野好好味老闆態度好好食得好開心!一定會再返黎食!放題除左燒野食之外, 仲有熟食今次叫左炒粉絲, 炒年糕, 芝士卷, 都係好正重點推介: 燒牛肉, 好嫩好有牛味!不過都係果句, 服務真係一流!
繼續閱讀