284
37
41
| 餐廳: | 蛇王芬 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵香港站 E1 出口, 步行約7分鐘
繼續閱讀
電話號碼
35795954
開飯介紹
招牌菜是蛇羹，同時供應燉湯及小炒。
繼續閱讀
營業時間
今日營業
11:00 - 21:30
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
有關獎賞計劃
相關文章
推出咗「甜酸苦辣、苦盡甘來粵式Bento Box」感愛下HK SPIRIT~ 今年又係青蛇年，囍上加喜~✨「甜酸苦辣、苦盡甘來粵式Bento Box」 (即日至８月３1日，每位 ＄２８０免加一，需提前1天預訂）✨【太史蛇𡙡】~ 傳承自廣州江太史家族的秘製五蛇羹食譜，羹再加入花膠、鮑絲、火腿、陳皮、薑絲、鮑魚絲、花膠絲等食材，最後配上臘腸膶腸飯，簡宜絕配~✨甜｜懷舊炸蟹鉗（配西檸汁）吳媽媽(第３代主理人)喜愛西檸汁，所以用西檸汁代替雞醬，炸蟹鉗酥脆可口。-✨酸｜山楂梅子荔枝金沙骨招牌菜之一，金沙骨非常掛汁，每啖都食到山楂梅子荔枝特製醬汁，超開胃。✨苦｜魚肉釀苦瓜（魚子）苦瓜裹著芫茜、香菇、魚肉剁成的魚肉，，中間再加上一片煎香的鹹蛋黃！喜愛吃苦瓜嘅me超中意!! 味道回甘~✨辣｜椒鹽辣子鮑魚南非鮑魚，配上乾紅椒與＋秘製椒鹽爆炒，非常惹味!加返杯銀花五味雜陳雞尾酒，簡正絕絕子！蛇形白飯，鴛鴦腸糯米飯 ✨甜品｜小西瓜蛇酒鮮果丸丸糖水（蛇酒可另上）用半個西瓜盛載，西瓜哈密瓜丸子＋ＱＱ芋圓.，裡面加上蛇酒＋雪碧，清爽得來回甘帶微甜，易入口，非常有創意！✨仲有就係130周年太爺涼茶五味特飲 ✨金銀花菊花．五味雜陳雞尾酒$85 / 閉月羞花 2款都係以洛神花作base,涼茶cocktail幾有創意～✨提提大家同場加映有原味雞蛋仔＋７月限定【膶腸雞蛋仔】($35) 味道鹹得來又有油香，鮮鴨膶腸又咸又甜勁正！另外８月限定原味＋陳皮雞蛋仔tｉｍ！仲有期間限家會推出18款經典「碟頭飯回歸系列」每款 $130，配以五味雜陳雞尾酒／無酒精雞尾酒（輕量版 ）!仲有大家要試埋代代相傳既傳統老菜啊!!——同時間每逢星期５晚18:30-2０:30 店外都會有本地年輕音樂人busking，傳統老店以 「古韻新聲」體驗年輕節奏與百年承傳滋味！
繼續閱讀
成日行過中環都見到呢間有歷史嘅蛇王芬！其實一路都冇去過因為覺得只有蛇羹食，原來佢哋仲有好多特色經典懷舊菜同埋新派嘢食，呢日就同老婆大人去試吓正唔正。原來為咗慶祝130周年由而家起去到8月30號每逢星期五嘅六點半到八點半，喺舖頭門口有音樂表演真係好鬼in啊。最吸引我嘅係除咗嘢食仲有同本地品牌五味雜陳合作推出特色嘅雞尾酒，我哋呢兩個酒鬼見到即刻心心眼啦。入面嘅裝修真係好懷舊真係有細細個去蛇舖嘅感覺。除咗蛇羹同埋經典菜之外佢竟然出埋雞蛋仔！呢個月會賣原味同埋佢哋招牌嘅鴨潤腸雞蛋仔，下個月仲可以試到陳皮味嘅雞蛋仔正啊喂，行過唔入去食飯都可以喺門口買返底食吓。講返我最鍾意嘅酒呢杯叫做五味雜陳嘅雞尾酒個底係金銀花菊花茶，再加埋洛神花、紅棗同當歸呢啲中藥材配氈酒，個味道特別到不得了而且飲酒都可以清熱氣勁呀。我哋今次主要嚟食呢個130周年甜酸苦辣、苦盡甘來套餐！首先就有一杯叫做閉月羞花嘅開胃酒，味道酸酸甜甜聽聞對女士特別好添。套餐用咗呢個好有中國風嘅黃色雕花全盒上枱都幾有霸氣喎！入面就擺咗代表甜酸苦辣四道人生嘅菜式，聽聞都係咁多年來客人鍾意嘅組合。甜嘅代表係懷舊炸蟹鉗一人有兩隻！好鬼有彈性嘅蟹鉗上面淋咗啲酸甜嘅西檸汁，食落去好有咬口又鮮味真係好鬼開胃。酸嘅代表係山楂梅子荔枝金沙骨！鬆化嘅金沙骨食落去有啲山楂同梅嘅酸香味，配埋嗰粒多汁嘅荔枝又酸又甜好過癮。苦嘅代表係魚肉釀苦瓜！係我老婆大人最鍾意食嘅菜式，魚肉好彈牙苦瓜又夠甘香，加多片煎香咗嘅鹹蛋黃成件事真係好有客家嘅味道。嚟到辣嘅代表就有椒鹽辣子鮑魚！呢隻南非鮑魚都幾有個頭，用咗椒鹽嚟爆炒香味自然出色，鮑魚食落去彈牙唔會靭辣度我都食得幾舒服唔錯唔錯。太史蛇羹應該冇人唔識喇啩！入面都好鬼足料見到一絲絲嘅蛇肉，食落去味道仲好鮮甜添掂喎。臘味糯米飯入面有蛇王芬嘅招牌潤腸已經好味咗3分！加埋佢做得幾軟熟我就幾鍾意呢個糯米飯喇。唔夠仲有呢個咁鬼可愛嘅蛇形白飯，我就鍾意加啲蛇羹落去一齊食。甜品都唔少嘢㗎呢個係小西瓜蛇鮮果丸丸糖水！除咗西瓜盅之外入面仲加咗哈密瓜同埋芋圓，再加咗啲蛇酒同雪碧食落去真係好鬼特別。除咗130周年套餐之外其實仲有好多懷舊手工菜，遲啲再約一大班朋友嚟試吓先得。
繼續閱讀
小時候車公公經常帶我去蛇舖吃蛇羹和糯米飯！這種美食充滿著我美好童的年回憶，而香港現時剩下的蛇舖真的寥寥可數！其中一間屹立於香港百年老字號蛇王芬原來已經創立130周年，為慶祝這開心日子店家特別舉辦揉合傳統與創新的文化活動，另外還推出130年誌慶套餐帶來香港的集體回憶讓大家細味人生的甜酸苦辣。蛇王芬由即日起至8月30日逢星期五晚上6時30分至8時30分，於中環閣麟街店外舉辦音樂表演以悠揚樂韻帶來年青的氣息。當中更聯乘本地創意飲品品牌五味雜陳為店家打造特色美酒來祝賀。店內充滿歷史印證的陳設帶上古典味道，牆上更掛滿非常有意思的名人的手筆。第四代傳人吳卓芝的太爺太嫲皆為中醫，這趟由「五味雜陳」重新演繹這份傳統，打造出期間限定歡迎特飲金銀花菊花・五味雜陳雞尾酒$85，選用蛇王芬自家煲製的金銀花菊花茶為基底，加入氈酒、洛神花、紅棗、乾薑、當歸與蜜糖等中式材料，調製出既有草本清香亦帶果酸甘甜的雞尾酒，飲品更以話梅粉巧製出蛇形圖案超合打卡。這趟連街頭小食也融入慶祝活動之中！獨家推出創新口味的鮮鴨膶腸及陳皮雞蛋仔，鮮鴨潤腸雞蛋仔加入了膶腸除了蛋香還滲出酒香非常惹味，原味雞蛋仔$28、膶腸雞蛋仔$35、陳皮雞蛋仔$35，每日於12:30pm至7 pm供應行過路過不要錯過喔。蛇王芬特別推出130周年誌慶甜酸苦辣、苦盡甘來套餐粵式Bento Box Set $280！以甜酸苦辣不同的味道來寓意人生不同階段，配以中國風黃色雕花全盒盛載非常有韻味，另加上歡迎特飲、經典太史蛇羹、鴛鴦腸糯米飯及甜品小西瓜蛇酒鮮果丸丸糖水共八道菜非常豐富。先由開胃酒閉月羞花打開序幕！這款以洛神花製作的浸泡酒有養顏暖宮之效故取名閉月羞花，洛神花的酸紅棗甜乾薑辛帶來不一樣的酒香，味道非常獨特很有個性。餐廳選上20年來客人喜愛的小菜組合成這甜酸苦辣的全盒！甜～懷舊炸蟹鉗/2件！蟹鉗炸至金黃吃下好香口，內裡則包裹著彈牙蝦膠蟹肉鮮味十足，沾上吳媽媽鍾愛的西檸汁帶出鮮香甜美的味道。酸～山楂梅子荔枝金沙骨/3件！金沙骨裹滿以山楂、梅子和荔枝調製的醬汁，口感鬆化味道酸甜開胃非常適合炎夏品嚐。苦～魚肉釀苦瓜/2件！這道傳統客家招牌菜又令我想起親愛的嫲嫲，苦瓜環內讓滿魚肉綴以一片煎香的鹹蛋黃，淋上薄薄的琉璃芡汁苦盡甘來加上鹹鮮味道突襲味蕾。辣～椒鹽辣子鮑魚/2件！南非鮑魚大大隻非常飽滿，用上乾紅椒與秘製椒鹽爆炒香氣非凡，加上彈牙又鮮味的鮑魚帶出無限滋味。太史蛇𡙡！傳承自廣州江太史家族的秘製五蛇羹食譜，由金腳帶、過山烏等五種鮮蛇配襯以老雞與豬骨、竹庶、陳皮等慢火煲足一晝夜的湯頭，再加入花膠、鮑絲、火腿、陳皮、薑絲、鮑魚絲及花膠絲等食材，一口吃下溫補美味嘴巴滿足非常。單尾更有蛇形白飯及鴛鴦腸糯米飯各一！蛇形白飯有點可愛超適合拍照打卡。臘味糯米飯！店家的招牌菜選用本地自家製臘腸與潤腸搭配粒粒分明的糯米飯，油香滿滿的糯米飯口感軟熟，加上蔥花、白芝麻及肉鬆香氣更甚。小西瓜蛇酒鮮果丸丸糖水！西瓜盅絕對是有人生經歷人的回憶，色彩繽紛食材藏身於起沙的小西瓜內，加入了蛇酒和雪碧甜美中帶出淡淡酒香好有意思。趁著蛇王芬130週年的慶祝氣氛大家也去感受喜慶的味道啦。
繼續閱讀
🐍✨【蛇王芬130週年誌慶】古韻新聲，甜酸苦辣話傳承 ✨🍲📍 前言：老字號嘅青春舞曲「蛇王芬」呢個名，對香港人嚟講唔止係一盅蛇羹咁簡單，而係隱藏住四代人情味嘅承傳滋味🕰️今年蛇王芬踏入130週年，玩轉「古韻新聲」，將街頭Busking、創意雞蛋仔同中藥雞尾酒揉合，仲推出寓意人生百味嘅 「甜酸苦辣Bento Box」，由第四代傳人Gigi親自設計，唔單止食味道，仲食故事！而家就同大家逐道拆解，睇吓呢份$280嘅套餐如何承載香港精神！1. 🥣 太史蛇羹：百年匠心嘅極致演繹👑 五種蛇肉（金腳帶、過山烏等）同老雞、豬骨煲足24粒鐘，去晒藥材腥味，剩低嘅係竹蔗嘅甜同陳皮嘅香。羹裏面嘅花膠絲、鮑魚絲勁「幼滑」，但咬落又有少少韌性，加埋臘腸膶腸飯嘅油香，啖啖都係工夫同時間堆砌出嚟嘅層次感！最正係撈埋檸檬葉絲同薄脆，口感「噼啪」醒神，傳統粵式藥膳嘅巔峰之作！2. 🦀 甜｜懷舊炸蟹鉗（配西檸汁）：阿媽嘅童年回憶外層炸到金黃酥脆，咬落「咔嚓」一聲，入面嘅蝦膠爽彈到不得了，仲有粒粒蟹肉鮮甜爆出！🦀 一般配酸甜醬，但蛇王芬偏偏改用 西檸汁，原來係第三代吳媽媽至愛！酸香清爽撞擊炸物油膩，呢份心思，就係家族傳承嘅縮影～3. 🍖 酸～山楂梅子荔枝金沙骨：酸甜交織嘅靈魂醬汁排骨煎到外皮微焦，肉質依然保持軟嫩🤯 秘製醬汁係亮點：山楂梅子嘅酸、荔枝嘅甜、仲有話梅鹹香，醬汁掛滿排骨，撈飯一流，酸甜平衡得剛好，大人細路都鍾意！4. 🥒 苦～魚肉釀苦瓜（魚子）：苦盡甘來嘅人生哲學苦瓜釀魚肉本來係客家經典，但蛇王芬加咗心思！🐟 苦瓜燜到軟淋但唔爛，魚肉混入芫茜同香菇，鮮味中和苦澀；面頭添片煎香鹹蛋黃，「咸鮮脆嫩」四重奏！（仲勉勵年輕人：豁然克服，不屈不撓！）5. 🌶️ 辣｜椒鹽辣子鮑魚：後生仔嘅熱血挑戰南非鮑魚切成厚片，外層椒鹽香辣惹味，內裡依然 彈牙多汁！🔥再結合乾辣椒爆炒，辣得嚟唔會搶鮮味。配杯 金銀花五味雜陳雞尾酒，冰火兩重天，食到忍唔住encore！6. 🍚 蛇形白飯+鴛鴦腸糯米飯：臘香與儀式感嘅完美配搭糯米飯炒到粒粒分明，臘腸嘅酒香同潤腸嘅油脂滲透每粒米！🍖 鴛鴦腸係本地自家製，甜鹹交織，加埋蔥花、白芝麻、肉鬆等豐富配料，口感煙韌帶脆。白飯壓成蛇形🐍，打卡一流之餘，仲呼應返品牌精髓～撈埋其他菜式嘅醬汁（尤其係金沙骨！），簡直係「飯盜」級別！7. 🍉 甜品｜小西瓜蛇酒鮮果丸丸糖水：大人味嘅夏日驚喜半個西瓜做碗，入面塞滿哈密瓜丸、芋圓同爆珠，清甜爆汁！🍡 最過癮係 蛇酒雪碧 可以自己淋落去，淡淡藥香融入氣泡，微醺得嚟又解膩～蛇酒膽小者可另上，但試過先知：原來傳統同創新可以咁夾！🍹 特別彩蛋：130週年「五味雜陳」雞尾酒！用 金銀花菊花茶 做基底，加氈酒、洛神花、當歸，酸甜中帶草本辛香，杯邊話梅粉仲砌成蛇形🐍／「囍」字！無酒精版本一樣夠層次，飲完喉嚨涼浸浸，熱氣全消～📣 後記：食嘅係人情味，傳承嘅係香港心蛇王芬今次嘅130週年企劃，由 Busking音樂夜 到 Bento Box，處處見心思。新舊碰撞得咁自然，因為佢哋明白：傳統唔係包袱，而係創新嘅根基。$280食到八道菜，每道都講緊香港人嘅「甜酸苦辣」，誠意十足！🌟 總評：9.5/10味覺：傳統與創意爆燈！性價比：老字號罕見嘅親民價～打卡度：蛇形飯、西瓜碗、雞尾酒，影到停唔到！📍 蛇王芬地址：中環閣麟街30號地舖電話：+852 3579 5954⏰ 營業時間：11:00-21:30限定套餐供應至8月31日，記得預約呀！#蛇王芬130週年 #甜酸苦辣Bento #香港精神 #古韻新聲 🎉🍽️#蛇王芬130周年
繼續閱讀
始創於1895年嘅百年老字號 蛇王芬原來今年將踏入130周年 最近推出一系列活動包括期間限定130年誌慶套餐仲推出左期間限定特別口味雞蛋仔同雞尾酒逢星期五 更會於店外舉辦Busking✨甜酸苦辣、苦盡甘來套餐130年誌慶套餐 以粵式便當呈現 共八道菜除咗便當盒 仲有太史蛇羹 鴛鴦腸糯米飯甜品同特飲等 精緻又豐富✨太史蛇𡙡經典招牌菜 蛇𡙡足料 以五種鮮蛇 再加入左多款食材熬製 味道鮮甜甜✨懷舊炸蟹鉗炸蟹鉗蝦膠結實彈牙 蟹肉鮮甜配上香甜西檸汁 配搭又幾得意喎酸✨山楂梅子荔枝金沙骨荔枝肉清甜多汁 金沙骨入味特製醬汁酸酸甜甜 好開胃苦✨魚肉苦瓜面層一小塊鹹蛋黃點綴苦瓜回甘 釀入魚肉 味道豐富辣✨椒鹽辣子鮑魚外層微脆 鮑魚大隻鮮味爽彈 椒鹽好惹味✨鴛鴦腸糯米飯糯米飯黏糯 配搭潤腸同臘腸帶有淡淡臘味油香 甜品✨小西瓜蛇酒鮮果丸丸糖水✨金銀花菊花．五味雜陳雞尾酒 與本地創意品牌五味雜陳聯手打造以蛇王芬自家製金銀花菊花茶為基底配搭Gin酒 洛神花 紅棗同蜜糖等中式材料調製 味道清香酸甜✨膶腸雞蛋仔店主為左想老字號與年輕一代接軌創作出兩款特別口味雞蛋仔雞蛋仔外脆內軟 內餡加左鮮鴨膶腸味道鹹鹹甜甜 帶少少膶腸甘香 意想不到有驚喜 味道幾夾 總結：食物可以 套餐精緻吸引 除咗130週年套餐 仲有一系列懷舊手工菜包括茶燻太爺雞 荔芋香酥鴨等菜式供應環境正常 服務唔錯 價錢可以
繼續閱讀