影片
在 IFC 的地下平台，最出名的莫過於是「潻好運」，每天中午都大排長龍。是日外賣回公司醫肚，見人龍對面有間「素食快線 」，是完全不用排隊，究竟是好事還是不好呢？買了一盒六款的壽司拼盤，有素三文魚，素肉鬆，素吞拿及芝麻捲等。飯已雪得太硬，食材冷冰冰，亦吃不出有甚麼味道。。。其實素食也絕不會是等於無味，無下次。
繼續閱讀
出發，太太說未食中午，在IFC等人的我，就先行去找找有什麼好野食，買來在船上吃。行了落機鐵站，找到了添好運，找到了四海游龍，同一些西式既外賣店。總覺得，港鐵成日話車箱內不准飲食，但時常在車站大堂的地方設置這些外賣店、coffee shop，實在是有少少引人犯罪。在機鐵站的飲食樓層，我找到這一家完全啱太太食的壽司外帶店。本來都嫌貴，因為$35才有6隻，但原來過了下午茶時段，所在外帶有7折，變成$25之後就覺得合理。在四季酒店的橋上會合太太後，我們直指信德中心，已忍不住，在船上，把這一盒壽司，打開。製作完美的素壽司，有素紫菜卷、素三文魚、素吞拿魚。就咁用肉眼去看，是很難分別這些東西是素食，發現，蒟蒻的發明，真的令素食變得多姿多彩，亦令好多齋心不齋口的人士，嚐到素食的健康一面。食落有魚的味道，不過只是味似，魚肉的油脂，魚肉的鮮香，生魚片的質感，是截然不同的兩回事，但以素食來說，就已經是合格得很。假魚肉似，但最好食的，並不是假魚，是素紫菜卷。有芝麻香，紫菜加麻油，再有酸蘿蔔的配搭，帶給我們一個香口的感覺。美味的素壽司，這家外帶店的出品，比得上坊間所有的日式素食店，在中環區，為食素的上班一族，帶來方便而美味的素食...素食，選擇正確時，是非常健康的。
繼續閱讀
今時今日，追求健康飲食，有人會選擇有機食品，素食亦係一個不錯嘅選擇！ 上星期六，我打算去 Frey & Ford 食早餐，點知無開！ 經過見到一間新店 <Veggie Express>，當時大約 9:00，門仍半開，尚未營業。營業時間：星期一至五：10:00am ~ 6:30pm星期六：10:30am ~ 2:30pm好奇之下，放工走來一趟！ 原來 <Veggie Express> 係主打健康素食， 例如：素壽司、素冷麵，另有乳酪、乳酪飲品、蔬果汁、果汁、果醋...等等。店子細細，主要放住素壽司、素冷麵、凍飲嘅雪櫃，衛生程度十分好！ 呢度係一間外賣小店，唯有到 IFC 出面搵地方食，可惜！被工人姐姐們霸佔，令真正要用嘅人都無得用！激氣！ 最終，走到天星碼頭開餐！ 唯一一位女店員笑臉迎人，亦有禮貌， 介紹多款飲品，仲話我知最近新開，所以無咩人知！係呀！呢層人跡旱至！正是往機場快線落一層，跟附近落香港站嘅人流，形成強烈對比！平時，素食以熱食為主；今次，以凍食素食產品，係破天荒新嘗試！ 素食產品多以：大豆製品、麵粉製品、加工醃製及冬菇蒂經過加工。素壽司口味多元化，素紫菜卷、素三文魚、素吞拿魚、素肉鬆、素五花腩、素午餐肉、素象拔蚌、素翅...等等。每天供應不同款式，充滿新鮮感！ 買咗一盒四件不同口味素壽司： 素三文魚、素鰻魚、素鮑魚片、素紫菜卷 $26壽司用上珍珠米，混入醋粉；軟硬適中！跟一般壽司飯無分別！分別只在於素食食材！素三文魚壽司 素三文魚仿真會相當高！幾可亂真！ 做出應有口味及口感！略帶一點三文魚嘅軟腍感！好驚喜！ 如果，加上些少 Wasabi 更添風味！素鰻魚 反而不及素三文魚咁似樣，較為遜色！ 唔肯定係咪用冬菇蒂做！配上甜甜地嘅素鰻魚汁，幾惹味！味道不錯！食得過！素鮑魚片 論賣相質感與真正鮑魚片無異！食落爽口！有點疑似鮑魚味道，果然毫不馬虎！ 素紫菜卷以紫菜卷住珍珠米，外面灑滿紫菜粉，包住青瓜、紅蘿蔔絲、素火腿絲，有層次感！ 本應加入沙律令人開胃！但係用上嘅沙律較淡味，口味差一點！蘋果梨蕃茄甘筍汁 250ml ( 新開張優惠 +$10 ) 原價 $16所謂 5+2：即係 5 種蔬菜+ 2 種水果！包括：蕃茄、紅菜頭、薑、甘筍、芹菜 + 蘋果、梨。看來應該酸酸甜甜幾醒胃！ 飲一啖！先係酸酸地蕃茄味，略帶微甜；隨即有乸喉嘅感覺！ 原來薑汁作怪，唔好睇少 5% 薑汁成份，辣味非常！一支酸辣味果汁，真係幾難飲！就算我少食生嘢都接受到素食壽司！特意介紹給大家，不妨一試！
繼續閱讀