Uncle Padak (已結業)

甘耐無黎九龍城，黎到梗係要搵好野食啦 !除左泰國野之外，其實韓國野都好正的！ 今次幫襯既係呢間 Uncle Padak, 原來佢係西環都有分店品，下次想食個陣可以唔駛過海~ 今次我地叫左個韓式炸雞雙拚，一邊係蜜糖味，一邊係韓式酸辣，Omg!! 好好味！！ 好有係澳洲食過既炸雞味！！講真，係香港真係唔係好多間整得好食！呢間既炸雞係真心好食同推介！！！！ 另外，我地仲叫左個泡菜海鮮餅，味道都唔錯，係個汁咸左d啫~

好耐無同大學同學見一見面～ 同學仔即興約我食晚餐，既然擇日不如撞日，亦難得相聚，我二話不說答應啦～ 亦由於佢係附近番工，所以食邊間就由佢發板，我負責跟住佢入餐廳我個人係好鍾意食韓國包飯～ 所以一坐低， 我已經同朋友仔講炸雞 同埋壽司必食～ 其他佢發板～ 魚籽紫菜包飯份量：賣相：味道：講真係有啲失望～ 味道真係普通過普通～又唔突出～食完唔會有任何所像～而且味道都偏淡～ 唔會相encore 蔥絲炸雞：份量：賣相：味道：個汁好惹味，對於汁怪既我黎講，如果啲汁再多啲就更完美～個雞香口酥脆，而且一啲唔干，非常juicy 連埋啲蔥一切食～ 一啲都唔會嗆喉，反而令整個味道更有層次感拉麵炒年糕味道賣相份量味道唔算特別，亦無乜味～感覺食麵團～ 呢個反而令我幾失望～ 不過呢個朋友話要食～如果早知咁失望，我會叫停佢～改食第二樣。整體黎講，拉上補下，食物不過不失，無乜驚喜～ 不過當晚係平日九點左右時間用餐，只有兩台客人，坐得舒服

今日去咗食oppa炸雞 炸粉適中 醬汁味道亦配合得好 芝士粟米很甜又香芝士味 甜酒的酒精濃度與果汁也剛好紫菜包飯尚可，芝士香濃但完全沒有麻油香味最可惜是沙律只有一款 沒有選擇 蛋的味道有點奇怪（像橙味般）

到訪傳聞中的摩士公園之後，行落九龍城到食飯，冇諗定食咩，經過呢間韓國餐廳，睇menu好像不俗，於是試下了。 店子是長方形的面積，不修飾的水泥牆身、木系枱椅及鐵藝烏絲燈，感覺型格，牆身上投射播放著韓國MV，播MV似乎是韓店的特色。 酸蘿蔔小食。 電子落單，好方便。 士多啤梨沙冰，$38，實在太熱，要飲沙冰消暑，透心涼呀，都幾大杯，有士多啤梨味，但唔算好香。 奇異果沙冰，$38，友人的。 炸醬炒年糕，$63，好耐冇食炒年糕，有點滿足，但炸醬味唔夠濃。 紫菜包飯(芝士)，$63，必揀芝士，味道正常水準。 甜辣炸雞半份(有骨），$108，以為是醃製的炸雞，但原來只是炸雞加上甜辣醬，炸雞口感有點硬，味道普通。 食物味道普通，價格偏貴了少許，不過服務態度幾好，坐得幾舒服。

福佬村道有許多茶餐廳，平時午飯時，走進這條街，隨意一間。今天經過，發現新店，見裡面沒什客人，座位濶落，再看看餐牌，午餐價錢合理，所以試試。潔淨，舒服。看看餐牌，有韓式的(例如炸鷄、飯團、泡菜…)，也有非韓式的(咖哩鷄、茄汁豬…)。先上的餐湯，是火腿忌廉湯……？不是韓式餐廳嗎？心裡奇怪。不過，忌廉湯幾好味。餐飲也大大杯！試過有些餐廳，餐飲已經要加錢，還是細細杯，太小器了！這裡，大大杯，夏天嘛，真好！我選韓式肥牛大碗飯配炸鷄。大碗飯真的很大碗！韓式肥牛，材料不少，可惜，太少泡菜。而炸鷄呢？炸得也算不油膩，醬汁甜口，也不錯。Honey選咖哩鷄飯。賣相一般，連味道也不般。咖哩就算辣或不辣，都應該是香濃惹味的。但，這個咖哩…如果，店子不打正韓式店的招牌，食物還是不錯的。但，作為韓食店，不韓也不類…

韓式炸雞店在本地的熱潮看似仍未減退，好一些較為有名聲新晉的炸雞過江龍，就算是平日也是需要大排隊的，由此可見韓風食流依然是相當的蓬勃....龍城身為全港其一食肆林立的重鎮，又怎能沒有一間這類型的食店存在呢 ? "Uncle Padak"的出現，已可算是姍姍來遲了....一行五人趁週日相約到此吃個"light" lunch。說成是輕盈當然有其原因 ---- 四大一小加起來才點了兩份炸雞、一客壽司卷及一碟蛋捲，份量固之然可以稱之作"light"；但話雖這般但最終大家仍吃得夠飽，因由乃是那份炸雞，一碟內就有接近六至七件包含有胸、背、鎚及翼各部位的雞件，兩份加起來就有十多件了。這樣油膩度驚人的物體，試問又怎能吃太多 ? 再看看那一碟紫菜包飯，切開後連卷的兩端加埋就有十大件。試想像將好幾團飯連料吞下肚，真是不可以講笑的；埋單再追加一件厚實的蛋卷，若這樣還不夠的話，恐怕是令人難以置信了....炸雞有兩款口味，分別是原味及甜酸的。個人是較鍾愛後者，原因是它相對上是更惹味令人開胃得多，原味的味道似乎就太單調乏味了....肉處理得不算太嚡口但肉汁就不覺有特別多；外皮則算是脆口但就稍多油了一點；旁邊的小飯球

九龍城已經不再是泰國食店的天下，多年來已有不同國家菜式在這個少少的地方落戶，而且做得不錯。今次新開的一家韓食店…以做炸雞為主的，但也有不少非炸雞選擇…由於本人不吃炸雞，所以點了一個蛋卷及蔬菜紫菜包飯與朋友分享！蛋卷跟餐牌賣相不同…餐牌是卷成圓形的！味道不錯，加入不同燈籠椒碎卷起，蛋亦鬆化，但蛋味不夠及唔夠咸！蔬菜紫菜包飯好環保，頭頭尾尾也奉上，沒有浪費，與同出面食既卷有些許不同，芝麻味不太夠，但包既餡料還算多的。整體也還不錯，就是調味清淡了一些！

Lunch 時間黎到，都無咩人等位，有空位，但等佢執枱，等左5-10分鐘先有得入！座位唔算多，枱同枱距離都好近，但係都坐得舒服。午餐選擇有d 古怪…有4樣野揀，得炸雞係似韓國菜，其它有意大利天使面、安格斯扒伴法蘭克福腸、咖喱豬扒飯… Well.........即係唔洗揀，得炸雞，Set包湯同餐飲。另外係Set以外點左個蔬菜紫菜包飯。忌廉湯﹕仲記得旺角美而廉麻，都係平民茶餐廳係水汪汪又無咩味既忌廉湯，有幾絲蟹柳係入面…炸雞﹕有原味同甜辣味併……雞件唔係大大件果款，有d失望，雖然份量都好多下…原味較脆口，但係兩者既炸漿同肉都係無咩味，好彩肉質唔算太乾鞋！伴碟韓式飯糰又係無咩特別，純飯一舊。蔬菜紫菜包飯﹕賣相可以，算靚仔。但係個飯無咩點調味，無麻油，無芝麻粒撈。芝麻就咁灑面…兼且用手羅起有少少散散地感覺…食物質素接近"喊"，有少少危，希望係夜晚係正好多啦！

雖然《星星熱》不在，但看著大熱的《太陽的後裔》令我想起韓式炸雞+啤酒。在Openrice看見這新分店，於是到九龍城試試，順道到Cres買點麵包。點了韓式炸雞半份（$108），分量足夠2人吃。炸雞熱辣辣、脆卜卜，雞不是肯德基那種咬下去會看見脂肪班班的那種，是脂肪少、肉多、骨細的那種，而且完全沒有雪味，雖說雞味不濃，但滑滑、juicy的口感，叫人一吃下去便停不到手。醬汁濃度適中，甜中帶點辣，十分開胃。另外點了海鮮雜錦炒飯下午茶餐，好像是$5x，包飲品一杯，價錢十分划算，而且味道不錯，海鮮不會有腥味，濃濃的韓醬及泡菜味，令它的外貌十分吸引，唯一的不足是略咸了一點點。整體來說，炸雞叫人一試難忘，是我在香港吃過的最好吃的一家，值得一試！

假日瞓醒已經好晏，忽發奇想，想食韓式炸雞，open rice 一search ,見有間新開嘅餐廳，咁就去試下啦由於要睇住部車，所以坐左係門口二人高枱。 waiter先俾左部電子menu 我，但我真係麻麻地啲高科技野，最終我都係向waiter 直接order先黎個紫菜包飯味道不錯，不過對我黎講，如果可以再重味一啲就好喇，下次可以order 泡菜味會比較適合跟住就係主食，炸雞，waiter 一放低已經聞到好香嘅蜜糖味，但食落蜜糖味不是好重，但就好香口同埋熱辣辣，正整體黎講，食物不差，服務不錯，可與朋友輕鬆傾計，食下小食，係一個不錯之選