Tour Cafe (已結業)

有朋友想後join既話 野食唔會加都唔會可以額外點一人份量野野食 但錢會照收，真係難理解。雖然佢食物既份量係幾多，黎多一兩個一定夠食但個人覺得感覺唔良好而且上菜既次序錯哂。有位同事超級鍾意食炭燒雞腿肉串！食咗十幾串，笑死我地，不過老實講個雞肉串真係整得幾出色！燒汁好惹味！雞肉索晒啲汁，雞腿亦做得好滑，唔會燒過龍，如果呢個汁比碗飯我，我一定會添飯。香草焗蒜蓉包這個好好味呀。滿滿的牛油蒜蓉香，邊邊焗得很脆，但中間的面包仍然軟綿，好喜歡呢。

上年聖誕都有黎呢到過餐牌好似冇變過得一個餐牌 所以完全唔洗揀咁制 野飲任飲 但只有一款暖飲 柑桔檸檬 有D難理解係 由於冇單點食物 有朋友想後join既話 野食唔會加都唔會可以額外點一人份量野野食 但錢會照收 ==”真係難理解 ==”雖然佢食物既份量係幾多 黎多一兩個一定夠食但個人覺得感覺唔良好@@而且上菜既次序錯哂 上哂主食先上沙律同小食@@估你唔到 雞皇飯竟然已經係最好食 雖然都係白飯底 個汁淋上去咁但起碼夠味 而且夠汁 雞柳都足夠既鴨胸長通粉對於唔食得辣既人係幾辣既 個人覺得唔係咁夠味本來最期待既吞拿魚天使麵雖然係有入焗爐焗過 但個汁勁少但然後底既係恰天使麵冇汁既白恰天使麵點入口呀大佬沙律仲奇怪明明個名叫日式芝麻醬沙律 但我感受唔到那來的芝麻醬 ==’小食ok ge雞翼個汁煮得唔錯 可惜唔入味炸物都唔錯 種類算多 賣相幾好 不過記住要主動問佢拎沙律醬同茄汁

今日老闆生日，秘書姐姐兩星期前就book左呢間Cafe幫老闆慶祝生日我哋最後一行20位同事一齊幫佢慶祝上到去個場幾大幾舒服！座位係沙發位，坐得耐都唔會腰骨痛～食物係放喺出邊張長枱，好似自助餐咁～飲品亦都任飲，呢個價錢算係好實惠！有位同事超級鍾意食炭燒雞腿肉串！食咗十幾串，笑死我地，不過老實講個雞肉串真係整得幾出色！燒汁好惹味！雞肉索晒啲汁，雞腿亦做得好滑，唔會燒過龍～如果呢個汁比碗飯我，我一定會添飯！我諗我當晚食得最多嘅應該係呢個炸薯角！因為真係炸得好香脆，好好食！加埋佢嘅茄汁撈沙律醬，平時冇諗過呢兩隻醬撈埋可以咁好食～薯角好粗，入邊啲薯蓉好好味！好似以前某快餐店出嗰隻薯角咁～不過而家已經冇得再食喇！所以我今晚食左超級多！主食同小食都做得非常出色，咁多人絕對唔會唔夠食！我哋仲食淨左啲食物有少少內疚添～～最欣賞呢間Cafe就係環境較舒適，夠大！就算多人一齊玩都唔會覺得侷促！價錢都相當經濟，講真而家食一個晚餐都係咁嘅價錢，仲要俾人限住可能一食完就要走！呢到絕對係一大班人聚一聚嘅首選場地！

這裡位置都不錯，在油麻地港鐵站行約5分鐘即到牆上貼有與旅遊有關的圖案見到這些圖案，日間的疲與累都消散了不少這裡食物份量比想像的多味道整體來說都算合格香草焗蒜蓉包這個好好味呀滿滿的牛油蒜蓉香邊邊焗得很脆，但中間的面包仍然軟綿好喜歡呢蜜汁雞尾腸甜甜的，不過算有點普通香脆麥樂雞拼格格薯塊麥樂雞炸得不算太乾，也不會很多很多油比麥記的麥樂雞健康，且有雞味得多水太太沒有吃薯塊，但團友們都覺得不錯蜜糖雞翼這真是派對最受歡迎的小食甜甜的容易入口肉味又夠腍煙肉芝士焗西蘭花好香，芝士味OK，不會太咸簡單的美味墨西哥焗辣肉醬意粉這個比想像中辣得多，但味道幾好意式白酒雜菌焗意粉白汁很多，味道偏淡，但算好味白酒味就不太覺雜菌很大粒，啖啖菇肉可能由於比較多汁，意粉煮得有點過腍蘑菇汁煙鴨胸焗飯這個蘑菇汁很不錯呢配上煙鴨胸好好味韓式照燒汁金菇牛肉飯照燒汁味道比較單調，偏甜牛肉轉了雞肉，但也不錯份量多，食物質素不過不失，全都是港式西餐味道以每位$130的包場價錢，和悠閒的環境來說，非常抵食

第一次同朋友在樓上cafe攪生日party，因為呢度開左六年，大家都覺得食物,地方環境點都應該唔錯。地理位置係最好，旺角潮流特區斜對面,是個方便的地方。去到大廈lobby就真係較細，好多人行！食物，幾好，講下較重要的，呢個價錢，$108，可以包食物,包全間cafe( 我地33人)幾好,夠平！食物份量十足,蒜蓉包 推介,夠熱、夠香; 法式煙鴨胸焗飯,好大盤,勁多汁,正其他熟食其實都吾少，掛住同朋友玩,吾記得影相！飲品，款算多，大概有10款,任飲的，韓國柚子茶值得一讚！同朋友不經不覺就玩左4 小時,呢個價絕對值得一試!

舊同學聚會一行25人要搵一個合適的場地真係吾容易，朋友介紹下就選擇左TOUR CAFÉ包場。場地：其實場地可以容納40人以上，所以我地25人相當寬敞。價錢：星期五、六、日我預左貴，不過$138一位，已包食物、飲品仲可以無限添飲，最重要可以包全場無其他人，價錢都相當合理。食物：我地25人可選擇8盤小食、3盤主菜，食物份量好足夠。味道：我個朋友推介佢地D意粉好好食，所以我揀左3盤意粉，味道的確吾錯。值得推介的係芝士焗辣肉腸意粉，有好多芝士，味道很不錯！芝士焗西蘭花味道也相當特別，加埋個芝士醬汁一齊焗，好好味！仲有佢地個蒜蓉包都好脆囗，即叫即焗，熱辣辣！不過出菜有D慢，可能因為全部食物都是即叫即出啦，下次再去一定要早D預先通知佢地準備定。飲品：有十多款選擇，即叫即沖，荔枝紅茶同蜂蜜都OK服務：GOOD最後各舊同學都好满意！！

之前有朋友介紹我tour cafe包場，而且我都比較過旺角附近幾間cafe, 價錢&環境我覺得tour cafe佢地都幾實惠，$98加一 無其他雜費，而且佢地的環境最好，所以我就book左tour cafe同個friend攪生曰party。 食物&飲品當晚的食物我覺得比較濃味，芝士味較重，不過我的朋友反而對佢地的食物好滿意，佢地的食物全部即叫即做都值得一讚。推介有什果沙律&芝士焗肉醬意粉。 飲品全晚都任飲，不過試左幾款，我個人始終比較喜歡檸蜜。 當晚的服務都ok。 一般黎講我所有朋友都幾滿意。

今個星期日咁岩得閒,於是我Book左上年都去過而又幾好既Tour Cafe!我地一行20幾人book左晏就3:00p.m.-6:00p.m..食物方面:佢地既小食好好味!尤其係炸薯條,餃子炸得岩岩好!好脆! 芝士西蘭花配白汁好味道! 仲有什果沙律好足料,而且佢地會俾好多沙律醬!正! 主菜就有肉醬意粉同鴨胸飯都OK!P.S.:之前都驚唔夠食,之後佢地既侍應話一定會預足份量俾我地,仲話多左幾個會送一盤小食俾我地!Good!=] 佢地既侍應好好人,會提我地食野,唔會驚野食會凍!飲品方面:淨係飲左兩款,蜂蜜同檸蜜都好好飲!我問朋友,佢地話其他都OK!=]總括黎講都幾好,係一間可以俾人一個聚會經鬆既Cafe!

上年我都是在樓上CAFE 開生日PARTY今年也不例外, 選擇了一間樓上CAFE 攪生日會今次找到一間位於旺角的TOUR CAFE~~9月25日BOOK左2:00~6:00PM 包場開生日會(40人)開生日會前幾天瀏覽OPEN RICE食評, 驚見近兩次都是劣評~~~心裹有點不安但25號開完生日會之後, 就覺是兩回事~~~首先地方比我於上年的CAFE 地方好用很多, 地方實用很多位置又方便, 侍應的服務都OK食物方面真的好好味, 比起之前的CAFE 店好味很多這不是我一個人的意見,我的朋友們都說好味份量又足夠~~~之後還吃剩兩盤意粉同一盤飯鮮什果沙律好好味~~連對食物要求高的媽媽都讚好西蘭花~~好好味薯條,薯格我雖然吃不到(因很受歡迎)~~但朋友們反應都說好味,所以很快吃光呢他們一致都說比之前的CAFE 好味很多啊~~我終可以放下心頭大石~~因我都希望朋友們都滿意是次生日PARTY既安排~~此PARTY過後得到朋友的回應都是SAY GOOD ~~我自己都很滿意

去過咁多間尼間最差 雖然價錢比一般比 $78 一位 +1但可惜食物方面好唔得6小食 1主菜如果要多個主菜要用2個小食尼轉 尼方面以經扣晒分FD生日BOOK 16人 諗住開開心心玩反日 點知憫到收場比起K他尼講差得好多 雖然叫既$78位系TEA TIME 但佢D小食少得可憐 特別系腸仔之後佢既白酒意粉,我見系推介咪試下但真系唔得 冇味 佢應該落少左白汁/調味我以經叫左個員工加多D白汁,叫左2次佢同我講白汁冇晒 之後我同FD都食到好唔開心 份量少 意粉難食我同個員工講,佢打電話俾佢老闆叫我聽 個老闆系到解釋佢地尼個系TEATIME所以份量系咁上下仲問我系咪因為琴晚同今日未食野可見老闆態度幾好我地16個女仔都唔夠食 最後自己去左下面買小食上CAFE SAD因為佢加一個小食$120 尼個都唔系問題 佢份量系問題同埋佢好少野俾妳玩 個唱K function 唔得 個員工都自己同我講話俾機唔多得$78 book得2點至5點 佢講明最遲6點走 但5點以經開始趕人走好可惜我俾間野呃左TOUR CAFE 只有一個字可講 : 差我寧可俾貴d 百幾蚊位玩得開心又食得開心

上星期四我地包場FOR結婚兄弟姊妹聚會只係想搵一個地方十多人可以靜靜地傾下RUNDOWN其實都無太大EXPECTATION不過最後都有D驚喜場地： 都算幾乾淨衛生食物： 有6盤小食 3盤主菜15人份量都OK夠食D意粉幾好味 最緊要夠熱牛肉飯一般, 咖哩飯味道特別D飲品： 3小時十多款任擇任飲 ..幾抵 不過我覺得要少甜好D價錢： $98(加一) 無其他雜費 包全場都真係幾抵

尋日想搵間CAFE食晚飯到到都因為有得睇世界盃爆晒難得搵到間冇得睇而吾爆既就去左食地方吾大10-20人既聚會就差吾多爆咁岩去到有一班10個人既GRP就已經好嘈跟住嗌野食之後問佢攞紙玩PICTIONARY過左好耐先比到紙仲要系得好細咁說算啦之後過左差吾多半個鐘先上第一個餐最後(我地五個人)戈個差吾多個半鐘先到太耐喇問佢可吾可以快D佢仲話"好快架喇"嘩如果吾系冇位我真系走左好耐!食物方面 我叫左個蕃茄辣肉腸蕃茄太酸 辣肉腸又太辣OVERALL黎講吾系太好食勝就勝在佢包任何飲品吾駛就住就住嗌

環境：餐廳十分細小，似係住家改裝，得５張檯左右。　算幾乾淨。客人唔多，由８點４５至１０點幾總共都得３檯。檯無乜分隔，隔離檯Ｄ人玩遊戲極之嘈吵，因為地方細所以極之應聲，有人大叫時嘈到耳仔都痛。菜單：　晚餐主菜只有５個選擇，飲品選擇就同沙Ｘ王差不多。　有一般簡單小食。分量：　＄６９晚餐，一人只有半塊方包份量既Garlic Toast，一杯飲品，及一個適合女士但對男士就太少既Main Course，份量大概等同於茶餐廳下午茶小炒。　味道：　同大Ｘ樂／大Ｘ活　差不多，辣肉腸意粉中既辣肉腸味道同質感同午餐肉差不多，亦完全唔辣。　似超市買返黎夾麵包做三文治既Bologna。　飲品味道幾參差，４杯中有兩杯唔錯兩杯唔得。　建議飲Coffee類同朱古力類，避免飲茶類同乳酸類。服務：　全餐廳連廚得兩三個職員，食品／飲品都要一碟碟或一杯杯慢慢上，第４個人杯飲品黎時第１個已經飲晒。　清水亦無供應。　食意粉連Spoon都無比，只得一個Fork.。Summary: 與其話係有Party Games玩既小餐廳，不如話係有野食既Game Room。　　如果容許客人大聲吵鬧的話，極需要改善隔聲。食物份量同味道都有待改進

早幾日幫朋友係tour cafe攪farewell party, 15人就可以包全場, 每人只需$98, 其實真係好抵~~ 所以只係當去食餐飯不過當晚去到tour café覺得感覺幾好場地：都算寛敞, 廿幾三十人都足夠活動, 場地亦算整潔食物：有6盤小食, 2盤主菜 份量足夠, 味道尚算不錯, 可能個人比較喜歡濃味, 所以覺得個墨西哥辣肉醬意粉有D淡蜜糖雞翼熱辣辣甜甜地好好味!!!!值得推介!!!什果沙律吾係全部用鑵頭什果, 有其他鮮果, 不錯!!!紅咖哩雞柳反雖然有D甜, 不過味道幾特別飲品：可以有十多款味道任飲 平時上其他CAFÉ散叫都要 三十蚊杯, 的確幾抵 個人比較喜歡簡簡單單, 推介菊花蜂蜜 & 荔枝香蜜!!!! 其他比較甜, 不過好似可以少甜服務：當晚有2 個WAITER SERVE 我地 不過成日係水吧入面, 好少出黎 每次都要主動走去水吧搵佢地 SERVICE OK , 就算我地倒瀉飲品, 佢地都會主動幫手, 最重要無黑面其

昨晚應邀出席朋友的生日會，包左呢個場，表面真係覺得都幾平，最少１５人，唔駛人頭＄１００就可以包場，去到覺得個場都ＯＫ，又夠大，多一倍人都放得落，跟住Ｄ野食一盤盤攞出黎，我地亦開始飲飲食食。。。。果然一分錢半分貨。。。。Ｄ野食除左菠蘿腸仔外，其他都唔係咁掂，唔係太咸就完全無味，Ｄ所為出名既蜜糖雞翼一盤入面有２隻色，開頭以為係唔同味，原來只係其中一批炸濃得好緊要，而另一批都係炸過籠，全部都極乾身，好唔掂！個飯同意粉一樣唔掂，咸到無朋友，再加多一倍白飯落去都仲得，我地十幾個人唔飽都食唔落！個Cheese焗西蘭花就同白洽一樣，莫非佢想我地食最原味既西蘭花!?飲品都好搞笑，雖話任叫果茶任飲，但係我先後叫兩杯百香果綠茶，呢Ｄ最標準既野，都可以兩杯唔同味，第一杯淡得濟，第二杯又甜得濟。。。好奇怪！全場用極薄既紙碟同軟身過乜既膠杯，食唔夠一半，隻紙碟都差唔多溶咁濟，要求佢地換碟，佢個表情覺得好驚訝咁，我叫佢換，佢真係夠膽死只攞一隻俾我。。。飲品任飲還任飲，但係要用翻同一隻杯，就算轉味道，佢都係用翻果隻杯，唔通呢Ｄ用完即棄既杯好貴？平係平，不過咁既質數，我覺得無下次囉！我平時食完野都唔寫食評，不過睇完呢