Sweets Rococo & Café (已結業)

原本諗住同幾個好同事happy lunch, 結果......我們叫同一個餐, 慢煮厚切豬扒意粉, 餐湯同沙律好快到, 味道都唔錯.  但個主菜真係好慢...... 等咗30分鐘都未有得食, 先是滿有期待的, 但嚟到... 個豬扒是微暖的, 個意粉唔熟嘅硬的.  同事份豬扒, 肉同肥膏比例是1:1.  今次真係攬炒, 極之失望!之前食過幾次, 食物唔錯, 價錢lunch都要過百, 間唔中都會嚟食個long lunch, 可惜今次真係好失望, 應該係最後一次幫襯.

咁貴的pancake但原來係咁難食！最難食的早餐！M記熱香餅仲好食好多。1. 佢話要15至20分鐘製作、但嚟到凍冰冰完全感覺唔到係即製。2. 根本就唔係pancake、只係用勁硬的海棉蛋糕薄切當pancake、食落口感死實實。3. 以一個要收3位數嘅pancake我相信冇人會想食到加工生果、咁簡單都做唔到……好失望總之如果食pancake一定唔會再嚟！

Berry pancake(HK$118)，日式pancake比較厚，兩個人食係岩岩好，配上好多新鮮既雜梅同野梅醬，減低對pancake 同cream既膩感！蛋糕比想像中細,兩啖食得晒,價錢有點貴，比較特別係右手面既綠茶味，入面有啲紅豆cream同朱古力，其餘兩個好似係7仔買個啲蛋糕無乜分別，只係外觀比較靚咁解！有時會見到團購有優惠，有興趣既朋友可以多D留意下，相比下真係抵好多！

價錢又貴又難食，pancake 又唔太鬆軟，冇特別，起碼等左半個鐘，後悔，失望！杯咖啡又唔好飲，完全冇味，勸大家唔好再去。個mini roll 又有雪櫃味，唔新鮮，睇下幾時汁。

Yan團購了 Sweets Rococo & Café的英式下午茶,$168二人,蠻化算的價錢,high tea ,i like ,book了3:00。一入去已被精緻的蛋糕吸引了。店內是歐陸式的設計,以淺藍白為主色,給人舒適柔和的感覺,宮廷式的枱椅,牆上掛畫及水晶燈的佈置,富有優雅寫意之感。英式下午茶,原價$228二人。英式二層架,甜品色彩繽紛的,賣相好靚呀,上層是甜品,下層是鹹點。 玫瑰花茶,可添飲,透明底座點著蠟燭保持溫度,不俗,是清新的玫瑰香,據聞有美顏的功效。英式二層架。介紹上層的甜品,這裡出名的卷蛋糕:朱古力卷蛋糕,搶眼的賣相,外層有紅色圓點糖衣,中間是粉紅色的cream,是莓味,味道不俗。牛奶卷蛋白糕,味道以練奶,好香甜呀。抹茶朱古力卷蛋糕,香濃抹茶味,餡是朱古力,味道普通。朱古力慕絲,看起來好像很甜,食落又唔覺,味道似雀巢的朱古力味雪糕呀。法式焦糖燉蛋,味道香,正常水準。迷你鮮果撻,味道普通。煙三文魚法式餐包,味道普通,法包好硬。日式照燒雞扒法包,好少見到配雞扒,味道普通。蝦咯嗲、像沙律。英式鬆餅,本身喜歡食,味道不俗呀。芝士火腿盒,似平時食的芝士火腿包。圑購$168之後

下午大約5點左右經過Rococo，見到門口嘅menu上有鐘意食嘅餐，店內裝飾又係特別吸引，Tiffany blue嘅色調令人倍感溫馨，放是決定試下。當時店內得一個waiter，連個厨師都見唔到。Waiter一見到我就即刻話，'今日無Pancake', 我呆左一下，唔知原來佢地嘅pancake係menu中嘅明星，我只係為個雞扒牛肉腸意粉而黎咖咋。。。見門口嘅menu寫左幾個全日供應嘅餐，都只係58蚊包湯，包餐包同野飲，覺得係銅鑼灣咁嘅價位好難得，所以一坐低就點左雞扒牛肉腸意粉。但係，店員落左單幾分鐘後同我講，厨師唔係度，要等一等。大約10分鐘後，厨師(一位人生經驗豐富嘅伯伯)返左黎，我心諗應該好快有得食。果然，好快上左餐包同羅宋湯，熱辣辣，幾好味道。食完15分鐘後，個waiter過黎同我講，師傅整錯左我個餐，要再等等佢重新煮。。。少少無耐，當時店內得我一個客，咁都可以錯，可能師傅太攰。。。！等緊嘅時候，上左野飲，係韓式汽水，太甜！基於前面嘅湯同包，我都係抱住期望嘅心態等住我嘅雞扒牛肉腸意粉。20分鐘後，終於上菜啦！！擺相靚而且幾好味 ，意粉煮得好入神，軟硬適中，雞扒同牛肉腸都好juicy

店名：Sweets Rococo & Cafe地址：銅鑼灣告士打道255-257號信和廣場地下上層7號舖好味指數:7.8/10價錢：$118香蕉朱古力焦糖果仁班戟班戟賣相精美，份量很大，足夠二人享用。一塊厚厚的班戟人餅底，配上朱古力醬，果仁，香蕉，可可粉，啖啖滋味。店名：Sweets Rococo & Cafe地址：銅鑼灣告士打道255-257號信和廣場地下上層7號舖好味指數:7.6/10價錢：$42Berry Berry Soda(cranberry juice,fresh mixed berry, strawberry syrup) $42宇治金時 (mocha,milk,red beans paste) $45Berry Berry Soda味道清新，果味濃郁，非常解渴。宇治金時就是牛奶抹茶加紅豆，奶味香濃，味道不錯。

之前想食好耐, 但見到Openrice好多人話唔好食. 最近行街經過, 決定去試!點左個花茶! 仲有個卷蛋蛋糕! 花茶無死甜. 好香的茶香. 仲有蠟燭熱住! 食完蛋糕飲啖真, 清肥膩一流!講講d cake先. 佢呢到有好多款岩埋影相的"mini 毛巾蛋糕". 岩晒女仕們! 不過就唔岩我啦. 我就點左個雜果蛋糕, 個蛋糕夠軟熟. cream 唔算膩, 生果唔酸! 唔錯!呢到環境幾好, 大大個窗邊望街景, 仲有陽光曬住入黎, 好有"嘆茶"feel.

行入店內，職員懶洋洋的，点了兩杯咖啡及一個草莓pancake。坐咗10分鐘，送咗一杯普通咖啡，一杯焦糖咖啡，但焦糖咖啡完全無焦糖味，入口苦澀。等咗40分鐘都無嘢食，禮貌地叫男職員跟進，佢望都無望我，無回應我就行咗去。轉頭再問佢，佢都無理我。我去收銀處問佢，佢話要焗，又話無人手。。。完全無禮貌，即刻埋單走人  

早前第一次在Groupxx買了團購，因為被精美的相片吸引，而且Afternoon tea相信是很多Ladies的最愛吧？同樣地我也是這樣的心態，加上看見很多人買，大台也有節目介紹過這店，心想應該很穩妥吧？所以就決定買啦。嗚...就這樣我就中伏了！首先是服務，第一印象令我和朋友都感到很差，那個女侍應的態度很晦氣，不單是對我們，看見她對鄰桌、對所有客人都是這樣的。接著是環境，店面不大，是開放式，沒有太多私隱度，座位與座位之間也很擠迫，對我來說去吃Afternoon tea就是想要和朋友坐上一個下午好好的聊天啊！可是這裡是做不到的，實在令人失望。本來特意帶了相機，可是都沒有用得著的地方，結果照片都是用電話拍的。我們先吃下層，份量不多，本來期望它是每款2件的，結果每款只有一件。下層有煙三文魚拌法式餐包、日式照燒雞扒法包、雞批、英式鬆餅及沙律，兩款包都很韌，少一點牙力都咬不開，照燒雞扒的味道也不太像日式，味道似乾炒牛河...orz雞批在這麼多款中算是味道不錯，外皮鬆脆，餡也很香，這個點讚！英式鬆餅本來是最期待的一個，卻成為了最失望的。超硬，莫講要切開，連咬也咬不了，幾經辛苦終於都咬得到，感覺似超

之前咁啱睇到cctvb個搵食飯團介紹過，個陣覺得環境好靚，賣日式蛋卷好似好精緻，所以今次見Groupon有個"二人$168十道菜下午茶加任飲花茶"就買左去試下。咁兩個人$168，都預左無咩貴野食，唔緊要，十樣野都有一件法式芝士火腿酥同埋creme brulee幾好，但個creme brulee(法式焦糖燉蛋)最重要既上面層焦糖係無既…或者叫輕輕有掃過一下糖上去咁大把，就算味道ok都無用啦。然後其他，其實真係無樣叫好食，比下例子，例如個scone(提子鬆餅)太厚，又無配應有既奶油或者果醬，勁dry；最重點既三件suppose係主打既蛋卷，甜得滯，不過個綠茶味既蛋卷都唔錯既。任飲既花茶，只有玫瑰同檸檬草(香茅)揀，味道正常普通，呢個無乜意見。最令人心碎，唔係唔專業既食物，係唔專業既員工：啱啱坐低招呼既後生女還好，之後有個嬸嬸，喺我同朋友仔一手拎住野食一個講緊野之際一句唔好意思都無就隊張單過黎："要收返二十蚊服務費"，我地手拎住野阿姐都唔心息企硬要收到為止咁；後尾搵廁所，問佢第一次，佢話："個邊直行轉左。" 我行左出去又搵唔到，返返入舖再望緊既時候，佢就話："你搵廁所？咪話左比你聽藍色門轉左

笫一次體驗到可怕既團購下午茶餐……餐廳裝修精美，但中伏開始，貌似盧覓雪既侍應帶位坐下，其實餐廳客人不多，那職員見我地拿出團購紙……就立即示……'警告你團購應訂枱，今次算啦你地可以坐低'此言一出，後悔沒有應該立即走人，之後還有更多無禮貌既說話……，公道說其他年青侍應態度無問題。食物方面:外表頗美，但味道差，eg朱古力摩絲，沒有朱古力味(金幣朱古力味)，scone 沒有配cream + 果jam ，蛋糕亦很一般，另外還叫左兩柸飲品(芒果奶色，雪糕涼粉冰)，完全無芒果味又唔甜，雪糕涼粉又完全唔甜……無服務態度既侍應(都明白依家請人難) 不過重要係食物味道真係……真係要改善！

曾經喺團購見過呢間cafe，覺得好靚……咁啱又途經銅鑼灣，所以就算冇買團購都有興趣去拜會一下。去到四點幾，門口仍然掛上午餐牌，當上前詢問職員先表示午餐已過，職員遞上下午茶同all day menu入到去坐低，雖然地方唔大，但係環境擺設感覺都好舒服 因為喺門口已經睇過menu，所以好快就決定要一份叉燒拉麵同一客香蕉pancake，可惜職員表示冇叉燒……Mini roll cake要嗌3件先可以加$18變set， 實在太多……而其他食物亦都唔太感興趣，所以最終我哋只係share pancake咖啡一般……okay以日本鮮忌廉做主打嘅甜品…… 香蕉唔多……pancake切開好稀散，裡面有少少濕濕地，唔熱亦都唔夠香……以我個人準則嚟講就唔合格P.S.*雖然餐廳裝修好靚，但係相比職員服務質素同食物水準，真係落差太大……撇除環境，就好似去咗一間選擇唔多嘅茶餐廳……當然，如果純粹享受佢嘅環境、飲吓花茶、傾吓計……係完全冇問題

買了團購pancake 券，順便過來吃午餐！十二點到，人很少,非常安靜，遠眺海景，樓下車來車往，繁華得很。餐廳裝修雅緻，獨特的Tiffany blue帶來舒適的氣氛，感覺空氣也特別清新自由！周日就該這樣享受時光悠悠流轉！食物不過不失，對得起價錢與餐廳的地理位置，服務還可以，雖只有一個人，但要水要碗還是能給予配合。湯和包都是熱的，蘑菇湯非常惹味！這牛扒過熟了，沒牛味！這個不錯，味道還可以！這是團購的餐，88加20服務費，包兩杯飲品，超值的！原價則不會試了！不過甜，大大的一份，有蛋香，但略覺乾了一點、濕潤點更佳！午餐埋單約二百元！加上88的團購，這餐約三百！銅鑼灣，大概也是這價位吧！

星期六日去銅鑼灣, 過馬路時兩邊源源不絕絕嘅人群, 短短嘅路段都好似行年宵咁, 搵一間有得坐嘅甜品餐廳諗到腦閉塞啦!!! check一下個eating list睇到呢間久違了嘅pan cake店, 雖然成日想好天陽光好先黎食(其實為咗影相啫hehe), 但朋友又鐘意食厚pan cake, I choose you Pikachu!!(誤)5點黎到店員為晚市做緊準備, 好彩都有得食 除咗甜品都有其他茶品選擇雜莓班戟$118坐低嘅時候聽到身邊有啲"wow" "wow"嘅聲音, 仲以為有煙花睇 原來係店員將pan cake帶到客人面前, 兩塊厚厚pancake做底, 啲cream做到好高, 加上鮮紅色嘅紅莓醬, 好blingbling嘅感覺 ,野莓醬係滐身個種, 加埋一齊唔會太漏 絕對令人食指大動, pancake好香蛋味切落好鬆軟, 邊邊位有少少脆好似咬沙糖咁, cream奶味好濃又唔甜, 我地食到個碟好乾淨, 完全清哂