SuperNormal (淘大商場2期)

營業中

休息中

西餐日今日想食下啲特色西餐次次經過見到九龍灣呢間餐廳都高朋滿座 一於試吓佢究竟有咩咁受歡迎首先係門口 由職員帶位 先讚一讚佢 好有禮貌(全程) 不論落單上菜埋單佢都好好笑容👍🏻見到餐牌招牌菜之一德國脆皮鹹豬做緊優惠相當吸引𣎴過我地一行二人 最後決定嗌set dinner 二人餐 又有豬手又唔洗諗 首先上左自家製餐包同粟米湯一共有三款包 分別有多士 蒜蓉包 燕麥包 全部都係熱辣辣 加上凍冰冰既牛油 外脆內軟 好好食呀前菜我哋揀咗白酒忌廉煮青口個忌廉汁好滑好香口 青口好鮮甜 唔會腥為咗唔好浪費佢咁好食既忌廉汁拎嚟點個餐包 超級點點下 成碟汁都比我點哂終於上我期待咗好耐嘅德國脆皮鹹豬手豬手嘅肉同脂肪分布得好平均加上外皮整到非常脆 佢個蜜糖芥末醬同豬手既鹹味非常配合滿意度再黎揀咗蟹肉海鮮龍蝦汁蟹籽天使麵天使麵條條都吸收咗甜甜嘅龍蝦汁每啖都有蟹肉同蟹籽包圍住 而且佢個碟好似藝術品咁 唔好以為細細碟 但其實好大碟 整個套餐二人餐嘅份真係好足夠 飲品我哋升級咗兩特飲檸檬蜜桃蘋果梳打白桃四季春茶兩杯都好飲 最緊要唔係死甜 夏天飲一流

今次我去左九龍灣呢邊既牛頭角公園同朋友踢波，近近地去隔離淘大揀左呢間西餐廳同朋友食飯，主打烤豬手同埋烤雞，重點係佢有好多特式手工啤嘅選擇，可以同fd子啤啤佢🍻我地到店舖環境唔錯，坐位餐枱都算闊落，踢完波成9點已經接近last order，所以快速落單，服務員態度好好，值得加分💯白酒煮法國青口（$118）呢個菜最重要係佢調製嘅汁，好香濃，面包浸埋一齊食，好惹味而且仲有啖啖嘅青口味，主食青口肉更加係粒粒好肥滿🦪🦞柚子脆皮豬手（$178）豬手本身已經醃到好入味，外皮又被烤到非常脆，食落口外脆但肉又仲軟淋入味，唔會好乾，仲有肉汁，好好味，食完之後再食埋下面嘅酸菜，唔會食到好滯🐷秘製青芥汁軟殼蟹扁意粉（$152）另外一個主食係叫咗一個意粉，成隻軟殼蟹原隻去炸，香脆有好香嘅蟹味，而佢既意粉煮得亦都十分出色，唔會煮到淋曬，仲有彈牙嘅口感，份量十足🍝最後我地揀左兩杯手工啤酒viven chocolate stout ($64)係啤酒嘅基礎紙上再加上淡淡嘅朱古力味，非常特別🍺小麥蜂（$64） 就係另一種比較清新口味，加少少少橙皮嘅味道，非常適合去配重口味肉食🍺餐廳其實仲有好多其他好味嘅主打菜，同埋特色嘅

生日飯食德國脆皮豬手。.這間在淘大商場的餐廳之前食過一次，印象不錯，是價錢親民有質素的西餐廳。近日看食評知道它推出豬手特價，原價$228，現在只需$178便可以吃到，每天限量20隻，就襯快生日和朋友去試下。🏅脆皮德國鹹豬手有兩種口味：麥啤浸泰式秘製汁或麥啤浸柚子。我們選了前者，辣辣地幾惹味。鹹豬手上碟時已起骨切好，方便食用。外皮看來很脆，急不及待放一件入口，咔嚓！咔嚓！真的很香脆。豬手用麥啤慢煮24小時，保持肉汁，肉嫩不鞋。拌碟有沙律菜和德國酸菜，爽脆清甜，鹹豬手最佳拍檔。初時以為會食唔晒，因豬手來到之前已食完碟意粉。誰知傾下食件，傾下又食件，最後食晒。鹹豬手需要等候，我們先點了個午餐分享，包飲品和湯。🏅蟹籽鮮蝦龍蝦汁天使麵（$88）非常好味！份量又多。蟹籽卜卜脆，鮮蝦仁鮮甜美味，龍蝦汁濃郁，醬汁中還有菇菌、洋蔥、紅椒，口感豐富有營養。至於天使麵，更是滿分，口感滑溜而清爽，吸滿醬汁仍不會過於軟爛，烹調時間掌握得好好。🏅餐湯是蘑菇湯，口感和味道都甚佳。

之前幫襯過呢間位於淘大嘅西餐，主打食德國豬手😋 最近又去食，食物味道依然出色，而家豬手有特價好抵食！環境唔大，裝修幾有特色，平日夜晚差唔多滿座，想食記得book位啦～🔸芥末燒牛肉沙律 $88而家出街食飯都會想叫個沙律，食多啲菜！呢個沙律比想像中好食！牛肉完全唔嚡口，平時燒牛肉沙律嘅牛肉都會比較乾，但呢塊牛肉幾嫩，有嚼勁又唔會太熟，肉味幾濃～ 沙律菜好新鮮，沙律汁清新帶芥末味，唔會太濃，幾清爽！🔸燒羊架(2件) $76呢度除咗大路西餐菜式，仲有好多串燒選擇～ 試咗燒羊架，燒得幾好，羊肉好多汁，唔會乾柴，肉質厚實易咬～ 多黑椒調味，唔會太膻，幾好食！🔸麥啤浸柚子脆皮德國鹹豬手 特價$178主菜一定要叫豬手！用麥啤慢煮24小時，肉質嫩滑又富肉汁，而且豬手皮超脆卜卜！非常好食！豬手起咗肉，好方便食～ 配下酸菜、芥末醬一齊食，可解膩～ 呢個價錢好抵食，仲有款辣味好似都好正！🔸三重芝士安格斯牛肉漢堡 $106呢個芝士牛肉漢堡都係中上水準，牛肉煎得唔錯，唔會太熟，肉汁豐富，麵包鬆軟，食材仲有生菜、番茄～ 芝士量如果再多啲就好！叫漢堡會配埋薯條，份量多，薯味濃，幾好！

聖誕限定！！！放大假鳥，終於有時間寫番食評。 聖誕果排同朋友行過淘大， 發現開左好多新餐廳。 其中一間好評如潮，睇落超有氣氛的一間西餐廳氣氛超浪漫， 暖色既柔光充滿聖誕既氣氛~鋪面好有外國櫥窗既感覺，仲有超大棵紅色聖誕樹.Menu 選擇都包羅萬有，上至焗飯，下至意粉，扒類，漢堡不等。前菜小食叫左度墨西哥粟米片（$96）， 有大大舊cream cheese, 同埋超足料既牛油果醬（guacamole 。 仲有肉醬同拉絲芝士，同埋蕃茄仔， 超多料， 好有誠意啊！💓主菜有三重芝士安格斯牛肉漢堡（$106）， 漢堡超有份量， 有濃郁既blue cheese味，仲有mozarella等等， 同埋漢堡扒超多肉汁， 食落啖啖juice,好好食。另外聖誕點少得鹹豬手（$176），價錢平，超大份， 如果幾個一齊share 就剛剛好。味道還好，係啲肉有少少硬身。今日好凍，就簡左杯暖胃既熱飲， 肉桂檸蜜。 有新鮮肉桂， 味道香濃。三份兩個人份都超飽肚， 其實真係幾抵食， 坐得又舒服。 見都幾多情侶， 同埋啲歌好好聽， 氣氛唔錯, 一定會再尼。

老友話淘大Super Normal 德國豬手抵食約我晚餐，餐廳坐滿九成食客，擺有懷舊玩具，感覺輕鬆舒服。我們點左德國鹹脆皮豬手$98（柚子味），豬手的皮十分脆又香，肉質嫩滑有肉汁，柚子味清香，很好味不油膩超正👍😋三重芝士牛肉漢堡$106，漢堡牛肉頗厚味香濃，薯條炸得好脆又香口，芝士好香配醬汁很好食👍日式西京燒比目魚扒配薯蓉$168，比目魚很滑，煎得脆脆，加檸檬汁提升美味💕濃厚芝士蛋糕$42，芝士味香濃很幼滑，不太甜，值得推介😍泡沫咖啡慕斯蛋糕$44，咖啡味不太濃，幼滑可口。

已經食過呢間舖嘅鹹豬手，今次再黎一次，原因係！近排佢地搞緊鹹豬手活動，6月份特價98蚊，原價228！超抵食啊啊啊😂今次黎依然食得好滿意，豬手一如咁高質，豬皮好脆，肉身又好嫩喔👍話曬係鹹豬手，咁當然係會鹹啲，配啤酒🍻應該會更加大滿足。不過我地唔點飲酒，就點佐柚子鮮蝦沙拉🥗來配搭，覺得鹹就食沙拉，瞬間口感清新。日式帶子龍蝦汁燉飯💰148，兩粒大帶子真係一分錢一分貨，龍蝦炸燉飯竟然唔會膩。三重芝士牛肉漢堡🍔，連配搭嘅薯條都炸得好香口👏牛肉好厚底，好抵食💰106兩個人點佐四樣嘢，五百蚊有找，真係趁豬手特價活動來食，性價比好高。

放工好鍾意同事去呢間餐廳鬆一鬆，呢度工業風嘅裝修，好特別，又有氣氛。每次喺度用餐都坐得好舒服，食得好開心。柚子脆皮豬手：這道菜融合了柚子的酸甜和豬手的嫩滑，油炸後外皮酥脆，內裏入口即化，非常美味。豬手經過慢煮後入口軟嫩，帶出豬油的香醇，係難忘的好滋味。燒焦糖菠蘿：菠蘿的酸甜剛好中和了焦糖的濃郁，經過烘烤後菠蘿外皮微焦，內裏仍然保持水嫩多汁，相當出色。燒羊架：以簡單的烤制方式呈現出羊肉的本味，羊肉肥瘦適中，外皮微焦內裏鮮嫩多汁，肉質柔軟可口。搭配簡單的調料，讓羊肉本身的香氣得以充分展現。香煎露荀鵝肝牛肝菌燉飯：鵝肝和牛肝菌的醇厚與露荀的清香相得益彰，煎制後外層酥脆內裡柔嫩，與燉飯的綿密質地相映成趣。米飯煮制恰到好處，既不會過硬也不會過軟，口感層次豐富。菠蘿雪梨四季春茶：將菠蘿、雪梨和四季春茶葉巧妙融合，飲起來酸甜適中，回甘有餘，清爽解渴。

呢度同事嚟咗九龍灣，話淘大最多好嘢食，我哋就去咗試呢間望落去好型格嘅西餐廳。估唔到入到去裏面裝修一樣型格，工業風嘅設計，又有啲油畫，響度食嘢好有氣氛。脆皮香草酒香燒雞（自家製汁）:雞肉外層以香草及調味料醃製後烘烤，形成了外酥內嫩的絕佳口感。醬汁以雞肉自身的香味為基底，融合了酒香、香料及自家製配方，入口後層次豐富、回味悠長，令人難忘。自家製醬汁喺依度菜嘅靈魂，能夠提升食物層次，非常美味。煙三文魚蟹籽魚忌廉意粉: 三文魚的鮮美質感與煙燻香氣完美融合，搭配上細滑綿密的魚籽及忌廉醬汁，形成了極為和諧的口感層次。意式長條麵條的彈牙質感則為這道料理增添了不少層次。鹽燒豬頸肉:豬肉經過適當的烹調，外層微微焦脆，內裡卻仍保持了軟嫩多汁的完美口感。微鹹的表面香料恰到好處，令人食欲大增。熱丁香肉桂檸蜜:丁香與肉桂的香氣融合在溫熱的蜜糖中，帶來了溫暖舒適的感受。檸檬的酸爽恰好中和了蜂蜜的甜膩，暖笠笠，好好飲。熱蜂蜜雪梨四季春茶:柔順香甜的蜂蜜與清爽可口的雪梨完美融合，搭配上清香四溢的四季春茶，整個口感既清新又溫潤。

睇演唱會之前同朋友喺附近行咗一陣 之後就過咗嚟淘大搵野食醫肚 - 蒜片紅椒藍蟹肉鮮蝦扁意粉 ($128)意粉算多 料足 味道夠 都幾多蟹肉 呢個價錢都算唔錯- 德國脆皮鹹豬手 ($98)原價$228 4-6月限定特價$98一隻 每日限量25隻 我去嘅日子係星期六夜晚 竟然都仲有😳唔通香港人真係星期六日都北上🤔有三隻味道揀 原味 柚子同泰式 (好似係 唔太肯定🙈)我個日想食辣所以揀咗泰式 辣辣地又好夾 豬手個皮都夠脆😋豬手唔會話好鹹 食完呢兩個已經飽咗 就冇再嗌小食

今日放工難得地去左好耐都無去過既九龍灣食晚飯，真係好耐無黎，見到有好多餐廳改左。今日想食西餐，見到呢間餐廳出面擺放德國咸豬手特價，見到幾吸引，所以走左入去試下。我地首先當然叫左德國咸豬手，佢仲有三個味可以揀(柚子/泰式/黑椒)。我地揀左泰式味，佢地真係即叫即整，等左4-5個字先上菜，建議一坐底就叫左先，唔係食晒其他野豬手先到。泰式味酸酸甜甜，帶點辣味，食落唔會覺得流。豬手焗到個皮好脆但內裡軟淋多汁，好味!跟住係唐揚他他酥炸穌魚，係我至愛既菜式，外面炸到香脆，配埋他他醬, 好夾最後仲叫左日本刺身帶子龍蝦汁燉飯，我中意呢個燉飯，龍蝦汁好鮮味，但奶味又好出，加埋帶子又好新鮮，整體我都好中意~飲品 – 紅石榴鮮橙梳打, 西柚檸檬四季春茶，佢地啲特飲都唔錯，唔好好甜，岩晒我地口味

據我所知, 餐廳已經由2016年開立至今足足八年時間, 經過疫情仍然屹立不倒, 可見有一定吸引力。雖然老闆稱一直苦苦堅持住, 同時看得到老闆為了餐廳用心經營, 為了配合潮流趨勢, 更一度更新餐單, 務求符合大眾口味! 👍🏻 餐廳每一個各落都是不同的裝潢, 包括日式, 土耳其, 美式和意大利, 相當特別!  三文魚卷 $118本身以為三文魚與其他食材卷在一起, 但原來只有淨三文魚加少許橄欖, 雖然三文魚味道正常發揮, 卻與自身構思有點出入 🫠柚子脆皮豬手 $98最近餐廳正做推廣, 只需要特價$98就吃到這碟豬手, 超便宜!!! 一場到來沒理由不點 😊 豬手皮很脆, 但並不會咬不開, 大部份肉都不會很肥, 最初吃時覺得蠻惹味, 但吃得多就開始覺得偏鹹, 所以旁邊有柚子用以中和鹹味, 廚師想得周到 😚明太子軟殼蟹漢堡 $106漢堡軟熟, 中間除了軟殼蟹外還有蝦, 蟹籽, 材料比想像豐富, 再加點醬汁, 口感水潤, 配搭彈牙的蝦肉, 爽口的蟹籽和脆炸的軟殼蟹, 三合一口感超爽!! 😋 不會覺得軟殼蟹油膩之餘, 反而覺得漢堡很清新, 比豬手更出色!! 👍🏻Pow Wow $60Summer Ti

已經一段時間冇喺呢邊覓食😍朋友介紹下知道呢間豬手好出名當日仲有優惠 $98 ❣️氣氛好好 平日都好多人光顧～人均$500@2✨柚子脆皮豬手幾款口味選擇當然要試吓罕有嘅柚子味😍豬手香脆肉嫩 滿滿肉汁食落都唔會覺得油膩～🦀蟹肉焗蟹蓋蝦膏頓飯值得試試😳 有驚喜每啖飯都食到滿滿嘅蟹膏 打開個蟹蓋仲有海量嘅蟹肉～而且呢個飯真係熱辣辣焗出嚟份量好足夠‼️🦑唐揚他他酥炸魷魚魷魚酥脆 大大隻加埋醬汁 食落好香口🧅洋蔥圈炸粉唔會太多 薄薄一層🍑白桃檸檬四季春茶幾特別嘅配搭🍸Tequila rock 放工當然要飲酒輕鬆吓酒杯嘅外型都幾吸引充滿果汁酒香🍎

店名: SuperNormal 地址: 九龍灣牛頭角道77號淘大商場2期地下G196-199號舖九龍灣站 B 出口環境: 4/5價錢: 4/5味道: 4/5平時lunchtime 都好中意嚟依間食，於是放工就近近地約朋友係到聚餐🥰柚子脆皮豬手❤️❤️❤️❤️❤️$98原價$228，現在$98就可以吃到，每天限量25隻，優惠去到6月咋😋性價比超高脆皮德國鹹豬手有三種口味：泰式秘製汁、柚子汁同黑椒汁今次就試咗柚子汁，感覺清新不油膩😝豬手醃得超入味，肉質嫩滑，而外皮又非常香口，份量十足，必食之選!!!日本刺身帶子龍蝦汁意大利飯❤️❤️❤️❤️$158意大利飯軟硬適中，粒粒分明，配上香濃龍蝦汁🤤十分creamy惹味🤤🤤香煎海爐配雲吞 ❤️❤️❤️❤️$168海爐魚外皮香脆，魚質香滑，配上creamy嘅雲吞😆😆 口感一絕

今日和朋友二人難得相聚，安排了二人桌，叫左個二人set，先上兩杯飲品，接著餐湯，之後前菜都好快上枱，但我們仲飲緊餐湯，食緊前菜，waiter又上意粉及羊扒。問題是所有食物同一時間上菜，不理會本身安排張枱根本滿到快要令食物掉下。當時我們惟有向餐廳waiter反映，可否將還沒有客人的鄰桌併合，好讓我們有空間食飯。雖然當時餐廳還沒有很多空桌，幾乎只有半數客人，但waiter 仍不理會我們用餐之狼狽，不肯幫我們併桌。可能waiter覺得如果併了鄰近的桌子，若等一會很多客人來臨就不能安排。那麼，貴餐廳若只能安排這有限的桌子，可否觀察客人用餐的速度而安排上菜的時間呢？我們是order $5xx set, 不是去快餐店，可不可以不要一次過將餐湯、前菜、餐飲、意粉、羊扒一併上菜，況且這樣一併上菜，溫度都流失，你叫客人怎樣品嚐美食呢？怎樣好的美食都被你們的安排撤底破壞了！及後到我們完餐，貴餐廳還有不少空桌。