SUKIYA すき家 (亞皆老街)

營業中

休息中

本來今日返工，唔係好肚餓，但又要食少少野，所以去呢度買啲小食同野飲，落單後等咗十五分鐘都未嚟，我就問佢我張單係咪整緊，之後佢答我係，點知等咗20分鐘先同我講宜家先整我張單，話炸緊，仲話人手不足，但人手不足又可以好快咁出比其他客？最終我等咗接近半個鐘先有，返到公司食，炸雞又唔係好熱，即係唔係現炸，但唔係現炸又要等半個鐘？野飲仲要出曬水，明顯係整咗好耐先比我，即係一早整好都唔比我，人手不足唔係一個藉口嚟將我張單一拖再拖囉！

小吃貨成日行旺角都發現街頭的SUKIYA客人絡繹不絕，原來此店以其24小時營業和多樣化的日式牛肉飯聞名😀這家日本牛丼連鎖店自1982年起，已在全球擁有超過2500家分店，以平價和快速服務贏得顧客的心🧡今日放工時間見到仲有少少位，一於入去試下先😍我點了溫泉蛋香辣蒜芯牛肉飯M $43溫泉蛋用另一個碗裝着分開上自己打蛋，而溫泉蛋的滑嫩與蒜芯的微辣，還有少許洋蔥，為牛肉飯增添了層次感，不過蒜芯有啲渣，但細食的我都居然成碗食哂🤪整體來看，SUKIYA 以其經濟實惠和方便快捷的特點，無論是宵夜還晚餐都成為了旺角不夜城中的一個熱門選擇👍🏻

Sukiya 由日本開到香港的快餐店。每次行過都見到好多人排隊。今日有行過見冇人排隊於是快快手入內進餐。今次叫咗鰻魚牛肉丼：$79Sukiya 係好低食大大碗，味道好👍👍真係月尾最好的選擇😜

雖然香港成日話夜繽紛，但又有幾多餐廳開到夜一夜 😬 人在旺角想食飯就諗到24小時營業的SUKIYA，仲有期間限定韓式拌飯 🇰🇷～決定試一試！加碼要一份熱溶三式芝士牛肉韓式拌飯 🧀 芝士份量比預期小，牛肉和配菜剛剛好蓋飯面，加大後基本上餸菜不夠配飯。韓式辣醬味道一般，只有鹹味，拌飯還可以的。香蔥溫泉蛋牛丼 🍚 穩陣之選，不過不失。Sukiya 牛丼為平價牛肉飯，的確不能要求甚高；加配套餐，$50就有肉有菜還有湯，都算是一個划算的快餐 🥡

有時外食一族既我，成日出街食飯都唔知食咩好。如果要求快既，一定會食牛肉丼飯。我最欣賞佢常常有新款式登場。今次係香脆蒜子京蔥牛肉飯。蒜子炸左之後好香好甜，一啲都唔辣係產生左甜味，而京蔥就有辛辣味🥵🌶️而今次特別地方係，我帶埋女女出去食飯，女女得幾歲，好難可以食得晒一個牛肉丼飯，就算係S size都會有剩低。為咗唔浪費，所以今次黎呢度既其中一個目的，就係因為有兒童餐。兒童餐飯量比較少，亦都會配咗一包小零食和益力多。咁就啱啱夠食，而且唔浪費。

星期五夜晚十一點半去到店外，見到好多人喺度等，以為好好食，但原來個個係等緊號碼拎外賣。等左勁耐，滿心歡喜拎番屋企諗住舒舒服服咁食，點知個火炙牛肉飯一食落口勁大陣燶味！連啲飯都係一陣𤓓味！基本上所有牛唔食得，食每一啖飯都係𤓓味。食完一啖要飲啲嘢沖淡味道⋯⋯炸雞正常，但成個飯等咁耐又咁難食，仲要$81 真係接受唔到，俾屋企人試完都係同一評價⋯⋯垃圾！希望店家正視食物質素問題。（為咗俾個負評仲要寫夠200字⋯⋯。）

某位職員態度服務勁差!本來諗住搵間嘢食, 冇諗到入到去畀人喝, 趕返出去嗰位的職員話入面冇位要我哋出面等, 因為入面冇位等咗一陣之後,入面三位女中學生食完飯走咗本來諗住有位入去,點知有其他客入咗去先嗰位職員又唔截住佢哋, 嗰兩位客人直接入去坐我哋入去問嗰個職員,其實頭先係唔係有位,純粹唔記得嗌我哋個職員又喝住我哋叫我哋出返去等等咗勁耐先入得去食終於有位坐嘅時候又畀錯野畀錢嘅時候又啤啤貢如果真係要食sukiya, 建議去第二間分店食!

冬季壽喜燒鍋出咗兩個月終於食到！ 今次星期二去排咗半個鐘左右，對上個月月頭有個星期五 排咗一個鐘差唔多9點 到我哋先話冇壽喜燒鍋… 如果太晏去排嘅要留意下！嗌咗一個普通壽喜燒 一個辣味壽喜燒！個set分別有一碗白飯 同埋一個鍋鍋有 半個普通size個烏冬 少少菜 一個拳頭size份量嘅肉 同埋少少湯🍲因為好少湯 煮法建議：一開始將電磁爐開到最大 一滾熟曬啲食物，確保煮熟曬牛肉，就開200或400低火保溫。否則烏冬會痴底 菜會邊淋🥴因為日式雙主食文化 有飯又有烏冬，其實成個set都好飽 次次都食唔曬🥴而味道方面，1. 普通壽喜燒個湯好甜… 煲到最後 蒸發咗啲水 食到好似糖水咁😐不過檯面有芝麻醬 配牛肉一流！2. 辣味壽喜燒算5小左右 都幾辣加咗一大羹辣麵豉醬 一開頭嚟鍋會見到！🍲但係食到最後好濃味好鹹🥴 另外加咗一杯布丁士多啤梨牛奶！圖文相符！啖啖都有布丁 不過有啲太甜～總結：一季一次 抵食之選～ 🍲🤟🏻 埋單唔洗$200！

👧🏻不專業食評👧🏻 限定牛肉壽喜燒鍋*評分超過👍🏻👍🏻👍🏻👍🏻為推薦牛肉壽喜燒鍋評分：👍🏻👍🏻👍🏻👍🏻又來到食火鍋嘅季節，於是就來到屋企附近的Sukiya，他們現在有期間限定的火鍋，他們的壽喜燒鍋好似每逢冬天先會有，夏天係冇得賣。我記得他們剛開業的時候牛肉壽喜燒鍋是他們常設菜單，但不知道從何開始變成了期間限定的產品，令我在夏天的時候食不到他們的火鍋。終於而家又出現番了！呢度嘅牛肉壽喜燒雖然配菜嘅份量沒有其他快餐店的火鍋那麼多，但是他們的飯和面的份量很大，基本上食完烏冬也有八九成飽，味道方面這個壽喜燒鍋湯底燒到最後比較鹹，適合重口味嘅人士。整體而言，呢個牛肉壽喜燒鍋的份量都還算對得住佢的價錢。不過我印象中他們的價錢好像比以前貴了香辣牛肉壽喜燒鍋評分：👍🏻👍🏻👍🏻另外我們也點了香辣牛肉壽喜燒鍋，但是香辣牛肉壽喜燒湯底味道不像是日式的壽喜燒鍋更像韓式泡菜湯，食到最後味道有點像韓式辣醬的味道，頗辣。如果喜歡食辣或者喜歡韓式泡菜湯底的話，可以點來試試。個人口味而言，自已更加喜歡他們的牛肉壽喜燒鍋

-最近天氣開始凍 一凍就唔知點解想食鍋(⁎⁍̴̛ᴗ⁍̴̛⁎)見到Sukiya出番限定牛肉壽喜燒鍋就即刻入左去食(⁎⁍̴̛ᴗ⁍̴̛⁎)牛肉壽喜燒鍋 $65入面有牛肉 烏冬 蟹柳 生菜 白菜 洋蔥 紅蘿蔔 金針菇配埋白飯 個餐有麵又有飯 唔洗再二揀一(｡･ω･｡)100%採用日本產越光米 米粒飽滿 口感順滑 有陣米香味100%使用美國進口牛 肉軟嫩 油質多湯底太太甜 想飲多幾啖湯都唔得(｡ ́︿ ̀｡)驚甜嘅話 可以喺滾起之前不走啲湯底-溫泉蛋牛肉烤雞雙拼丼 $68 + $10青菜紅茶想食多啲肉 雙拼丼就岩你啦(⁎⁍̴̛ᴗ⁍̴̛⁎)同時間可以享用兩款唔同種類嘅肉牛肉同烤雞配埋温泉蛋 撈勻之後真係啖啖飯都好滋味(*≧ω≦)聽講醬汁係完美地重現出日本醬汁嘅味道喺香港都能夠品嚐到日本的原味道(≧▽≦)

晨早流流，又要準備買早餐食然後返工，今日路經佢，發現有早餐食，於是入去睇下，竟然晨早就有飯食，而且選擇種類很多。又有牛肉又有飯又有溫泉蛋有埋湯，都係$35內，平過我食M麥記，咁就叫個牛肉元氣早餐試下先。你咪講笑，佢碗飯大到午餐咁食完個早餐飽到上心口，看來一陣要食下午茶。講番個早餐，除了飯多外個味噌湯都好大碗，但味就唔夠濃。溫泉蛋就沒什麼特別，秋葵就算新鮮，牛肉份量就少些，但都足夠餸飯食。不過由於整個餐的飯量充足對平民百姓來說就非常抵食。

.#foodie #hk #hkfoodie #HTB美食推介【旺角人氣日本丼🍱｜日版吉野家不值排隊】🐨牛丼 $29推薦度：⭐️⭐️牛丼M size牛肉唔算太多，大約有7-8片左右🥹牛肉尚算肥瘦適中，不過就好薄...冇咩牛味，調配帶有微微甜味容易入口🍚飯就選用日本米，沒有太大米香，加上牛汁偏少，食到最後好乾...大半個飯冇食到。.🐨溫泉蛋牛丼 $34推薦度：⭐️⭐️⭐️其實就係牛丼加咗隻蛋😹日本流心蛋但係分開上，俾客人自己打上飯面，雞蛋好有鮮味...最緊要係令到成個飯佈滿蛋汁，俾牛丼更勝一籌👍🏻.️🐨夏日特飲-白桃紅茶 $25推薦度：️⭐️⭐️見有個期間限定，所以試左夏日特飲白桃紅茶，飲落係跟餐紅茶加入左好少白桃汁咁，飲到尾冰融埋令桃味更加淡，而且價值同飯相約，確係有啲失望...🍑🍑.️🐨炸雞&冰紅茶 跟餐+$20推薦度：️⭐️⭐️⭐️由於跟餐加配，期望冇夏日特飲咁高... 炸雞雖然唔夠脆，但係雞肉好嫩，而且仲保留到少量肉汁👻-----☼-----☼-----☼-----☼-----☼-----SUKIYA すき家📍地址：旺角亞皆老街31號地舖(分店)地址：九龍灣牛頭角道77號淘大商場3期地下G284號舖(分店)

星期二 12點出到旺角又想食下平野 呢間真係必食之選去到有位唔洗等 當然即刻入去坐低啦🤣Lunch時間，好快就好多人黎食要排隊啦🙇🏼‍♂️燒肉丼L $42L既飯量都多，肉既份量係M既個汁甜甜地唔錯，洋蔥大片😋如果多d會開心d，燒牛肉比牛丼既厚身少少，好食既牛丼LL $49，飯量同牛肉份量明顯增加，個汁唔錯，不過飯量多左，如果個汁都多返dd就正🙇🏼‍♂️牛丼冇得輸又抵食👍🏻👍🏻推薦+$10 要個菜加飲品，菜都幾多，食左少少先記得影返，蒜蓉正😋😋總結：牛丼抵食，燒牛丼就可以唔試，試其他仲好😀😀

如圖所見，夜晚外賣的一個咖哩牛肉飯牛肉超級少，我發誓一打開蓋子就是只有這麽少的牛肉，拍的時候還沒吃過一口～！！五六十元的飯欸，值得嗎？？？你們真的該檢討一下餸菜的份量！！！😠😠😠

佢已經食過好多次，但係第一次外賣，夜晚九點幾左右都仍然有人等位令我今次要打文評論係因為呢度嘅。服務態度令人不爽。夜晚嘅9:00 ，其實唔算好多人，服務員都唔算係好忙碌，我大概企喺門口左邊嘅收銀機位置大概10分鐘，不停問唔該唔該見到門口大衛食完已經見到我嘅存在，包外賣嘅服務員都睇到大概15分鐘左右，我問其他買咗外賣嘅顧客，佢先話原來嗰個位置並唔係收銀處令人憤怒嘅係，服務員大概有三四個知道我喺嗰個位置，但係完全冇人出聲食物一如既往，但係服務員好似唔想做咁