影片
港鐵佐敦站 E 出口, 步行約2分鐘
繼續閱讀
電話號碼
55438551
營業時間
今日營業
11:00 - 15:00
18:00 - 22:00
星期一至二
11:00 - 15:00
18:00 - 22:00
星期三
全日休息
星期四至日
11:00 - 15:00
18:00 - 22:00
以上資料只供參考, 請與餐廳確認詳情
食家推介
係佐敦都食過一間手工意粉餐廳叫做sfizio同之前食過既cafe revol係同一條德成街呢間餐廳就夠顛啦因為我地比老細鬧呀真係記足佢年半都要寫餐廳味道完全無問題呀手工意粉都唔會差得去邊但一開始同侍應落單話甜品想要tiramisu唔記得佢話今日無賣定賣晒啦咁咪無落到甜品點知到食完晒個老闆自己走過黎問甜品要咩咪照講唔要lor點知佢就西晒面唔開心啦都仲未發作既話說間舖當時得果一兩檯客大把位淨我地食完就繼續坐左陣吹水點知個意大利佬就黎料啦拎住張單唔知發咩顛走過黎兇我地直頭拎晒意大利國定手勢鬧人咁不過意大利文聽唔明好似坐係度就係唔岩咁但你又無話限時又無其他客我地十一點九黎食講緊十二點半都未到即係坐左一個鐘都無都唔知佢做乜野果個唔知係老闆娘定侍應既女人先尷尷尬尬過黎打完場食餐飯都要比人鬧就真係第一次我好小氣應該會記一世咁循例講下佢地食物lunch由八十幾去到百中都有餐湯係杯上叫左三款意粉沙樂美腸蕃茄醬芝士貓耳朵粉四式芝士雲吞同埋肉醬全蛋寬麵即係我都話對佢地意粉係完全無投訴口感好好份量都算比中高檔既多係無乜擺盤同配菜姐仲有貓耳朵粉同寬麵兩碟有d相似應該叫忌廉汁果隻會多d選擇同埋唔太明佢地唔做carbonara既原因飲品就三杯都要晒凍檸菜咁比人鬧無癮緊係走啦張單就手寫既睇番先知凍飲要加六蚊同埋仲要加一得到咁既服務真係多謝晒其實以lunch黎講每人食左百六蚊都唔係叫做無消費掛只係唔食你個甜品姐咁可能我地存在真係好礙眼啦意大利佬真係神神化化聽人講little napoli個老闆又係會鬧伙記既明明我係咁鍾意睇同支持意大利波真係搞不掂
繼續閱讀
宇宙最強意粉 終於出場Al dente就一定係must, 但係個味道真係crazy咁好食Wine都只係markup一倍， fair但係最正嘅係，Spencer 嘅service係超級超級professional, 媲美hotel level對食材嘅認知，passion, 都係max level重點重點重點，超級抵食係到又好食又好玩簡直可以當係飯堂I must go back for the pasta and service again and again, no doubt唔好話我無提你，一定要book位
繼續閱讀
情人節嗰日因為遲咗收工，所以同男朋友9點左右經過佐敦依間意大利餐廳就打算問下仲有冇機會可以食到，點知真係好好彩有位同未過last order，所以有機會試到🤩！見到雖然鋪位唔算大，但覺得都坐得好舒服，而且老闆、老闆娘同店員都好有禮貌同好親切，所以一入到去已經加曬分☺️我同男朋友糾結究竟appetizer叫burrata caprese plate好定係生牛肉他他好，因為聽到隔離枱話生牛肉好好食，不過最後都係叫咗Burrata，因為想食下菜🤣啲菜同番茄仔都好新鮮，平日好少食Burrata依種芝士，所以覺得口感好特別，味道都好容易入口😋情人節有special pasta menu，所以我地就叫咗Valentine’s Day 限定嘅pasta。雖然唔係好記得個pasta叫咩名🙈但佢嘅味道真係要用難忘同驚喜去形容（絕對唔係誇張😭）首先佢係一個tomato base嘅手工pasta，個番茄醬並唔係好似普通番茄醬嘅味道咁普通，總之一食落去就覺得係從來冇喺出面食過嘅味道🥺至於個手工粉，問一問老闆娘先知道原來係佢地自己新鮮整嘅，唔怪得個形狀咁得意啦😝另外，我地仲order咗一個four cheese ravioli，佢係配松露汁嘅，我個人超中意松露味嘅嘢，所以都好鍾意依個pasta，因為creamy得黎松露味都好香濃，完全冇令我失望🥰最後甜品我地叫咗Ricotta Pear同埋半軟硬忌廉雪糕，ricotta pear個味道好特別，唔會太甜，而且好驚喜嘅係啲ricotta中間仲夾住咗少少梨肉，所以我好鍾意🤣至於半軟硬忌廉雪糕，佢口感有啲似好creamy嘅雪糕，我覺得佢應該係almond flavor？🤔不過都好好味，係出面好少餐廳食到嘅甜品😌整體嚟講，我覺得依間餐廳性價比高，同埋睇得出真係用心製作，今次路過入咗黎食絕對係意外收穫，下次一定會再黎食！😆情人節嗰日因為遲咗收工，所以同男朋友9點左右經過佐敦依間意大利餐廳就打算問下仲有冇機會可以食到，點知真係好好彩有位同未過last order，所以有機會試到🤩！見到雖然鋪位唔算大，但覺得都坐得好舒服，而且老闆、老闆娘同店員都好有禮貌同好親切，所以一入到去已經加曬分☺️
繼續閱讀
行過佐敦，意猶未盡嘅肚子俾一間意粉店吸引住了。店內氣氛舒服，師傅仲真係意大利人，成間店充滿咗濃濃意式風情。首先，Spätzle嘅賣相已經夠晒吸引，一件件似玉米片嘅意粉，加上豐富嘅忌廉醬同埋煙肉，超正！吃落去感覺煙韌又夠creamy，幾滿足！再嚟個Gnocchi Gorgonzola，你話意大利薯仔糍，香濃嘅blue cheese同埋淡淡松露味，仲有清香嘅火箭菜提味，我諗呢個組合真係幾正點，雖然口感可能唔夠firm，但依舊香滑，我鍾意！Tortellini係唔錯，但唔算突出，Parma火腿同芝士味恰到好處，而且醬汁微辣帶點惹味，不過同其他兩款比就失色少少。最後個Tagliatelle al Ragu，平平無奇。闊條意粉嘅質感可能售晒，但個肉醬茄汁就真係有點普通，冇乜特別。甜品嗰啲就真係得個幾普通，Apple Tart同Tiramisu味道ok哋，不過份量小了點，嗰杯Tiramisu睇落真心細過其他枱，問店員佢又話一樣，心入面半信半疑喇嘛。總括嚟講，呢間意粉店嘅食物有幾款係確實撻中我心，店子嘅服務都不錯。聚會嚟食飯，分享下歡樂時刻，嗰家意粉店都算係個唔錯嘅選擇。🍝👍🥳
繼續閱讀
未去過意大利，不敢妄加評價是否正宗，但是絕對的好味！ 本店的廚師是意大利人，主打手工意粉，全部都好好食，不需要特別推薦。圖中的是Gramigna in tuscany sausage sauce。作為特別驚喜侍應的Chicken in Italian marsala sauce非常的好味，收尾是一個美味的意大利聖誕蛋糕， 因為是節日期間是特別的餐牌和價格。 今日餐廳只有一位女侍應非常的溫柔有禮貌，耐心的解釋各種菜式，點贊
繼續閱讀