SEAMART (已搬遷) 新店位置

第一次食外賣火鍋好鬼方便！而且食材湯底調味料絕不馬虎最緊要碟碟都用保鮮紙包得好好好衛生！呢樣加分7個人叫了個六人套餐都有四五款肉（牛/羊/豬）講真肉就okay,無特別海鮮揀左花甲/珊瑚蚌/海蝦呢幾樣都好食呀！好新鮮！海蝦是彈牙的！仲有脆鯇同海斑友人說好味，個人火鍋不太愛吃魚其他都係普通野價錢黎講每人200幾蚊食物質素當然唔係上級但新鮮度算okay 可以話係不錯選擇懶人岩晒！下次想打邊爐又唔願郁的話有多個選擇喇！

話說有一日係FACEBOOK見到這速遞的專頁,有新產品.好似叫CIY.之後入左佢地網頁,原來係自煮西餐配料加食譜速遞.哈哈,本身自己真係唔係好識煮野食.見佢地2人份都係$138,所以我叫左黎試下.本身都唔會太大期望,因為自己真係未煮過西餐.收到份餐,用一個紙盒裝住,以為是小米盒haha,打開左,好多包裝袋同真空袋.上面寫左好多指引加一張食譜.我女朋友問我識唔識煮,我話跟圖跟字應該ok既.我細心睇過一次,之後跟住步驟.我諗大約15分鐘到就完成.之後女朋友睇到個製成品,就問:係咪你煮架,冇咩可能就好樣ga wo之後就開始試食,估唔到我煮到出面餐廳8成水準.依次經驗不錯,期待這店日後的產品.十個讚.....

見過幾本雜誌介紹，星期五終於約左幾個朋友試試佢個海鮮火鍋！早一晚打電話去訂四人餐，放工唔洗周圍撲去買餸就可以喺屋企打邊爐都唔錯。加左錢轉做花甲蟹湯底，兩樣都好鮮甜我地個個食唔停口，蟹預先切好左所以好容易食。自選配菜揀左牛肉汁(都幾大枝) 、蒜蓉、蔥花、菠菜麵同稻庭烏冬(好好食)！個湯底本身好夠味再加埋啲蟹(個餐另外有三隻細啲嘅蟹+一隻麵包蟹) 其實唔洗落其他調味料。另一個重點係好爽甜嘅象拔蚌刺身，下次唔打邊爐都可以考慮下齋買一條番屋企食！四人餐份量都幾多最後我地五個人都係食唔哂，有啲料食之前擺左入雪櫃都無拎出黎。整體黎講好滿意一定會再order！