Rossa Laksa (已結業)

哈哈。。。講既特別唔係指食物，而係指...係九龍城，泰國餐廳就多...星馬餐廳真係寥寥可數，這間餐廳已經幫襯過兩次，他們的喇沙算係好味，湯味濃鮮甜而且有風味的，但怕辣既朋友要小心，有點辣哦~~~~~~~~~今次試左以下三款食物(不過不失的):超甜既龍眼冰 + 無味薏米水海南雞飯~雞肉很滑，個油飯美味肉骨茶~上次試過好好味，肉質很淋，但今次很失望，肉質硬個湯無味，唔知係咪因為套餐同散叫既分別馬拉盞通菜~這個不錯哦，好好味，會食唔停架~~

今日因探朋友路經九龍城，之前有朋友介紹過九龍城有一間食馬來西亞的餐廳，所以就去試試！👀入到去，就緊係試下佢個叻沙，有度地吉隆坡的口味，小辣中帶有淡淡的椰香。對我來說重點就要是店員推薦的小食'招牌雞翼'，食落口，我心不禁想起吉隆坡亞羅街的黃亞華雞翼！真想不到在香港也可以食到，一個字'正'、而且十分滿足！所以臨走時我也忍不住外賣多一份

上星期同朋友經過打豉嶺道見到依間馬來西亞餐廳門口裝飾好靚..加上見到百道經典美食佢地榜上入五強..所以就同左d朋友入去試下..結果竟然比我想像中好食到出乎意料之外， 我地點左肉骨茶,雞翼，魔鬼魚，芽菜雞(本身想食海南雞但見個芽菜雞waitress介紹得好好食所以試左)，咖哩喇沙等等………… 先講主菜咖哩喇沙同肉骨茶..喇沙雖然有d辣但真係整得好有心機..個湯底好濃喇沙味..同我之前在吉隆坡食既喇沙一樣入面會有c蚶魚片蝦(因為試過在香港其他馬來西亞餐廳食既喇沙係無c蚶的!)。。而肉骨茶都整得好好味..雖然我地叫左份細既肉骨茶..但佢地好有心機照比辣椒豉油同蒜蓉豉油我地.. 至於waitress介紹既芽菜雞真係果然無介紹錯!!佢地將雞同芽菜分開上..芽菜夾住雞一齊食好有口感..芽菜雞好滑好入味..最出奇係佢地d芽菜好爽口..而佢地話芽菜係用泰國芽菜的!最可惜佢地無得淨係叫芽菜因為即使連我平時鍾意食咩都走芽菜都覺得真係好好食， 個燒魔鬼魚係好食到我地完全估唔到!食落去有少少青檬酸味..再夾埋佢地比果個酸酸辣辣既汁真係好香.. 而雞翼雖然係小食..但整得同出面果d好唔同!本身以為佢地都係一樣

突然懷念馬來西亞美食，立即搵間有得食福建炒麵的餐廳一解smart bunny 單思之苦，選了九龍城的rossa laksa.打正旗號以laksa 為名，一定要點個laksa 一試啦，另外點了福建炒麵，沙爹牛仔骨，印度薄餅roti 及桔仔水。個laksa 是curry laksa, 很不錯，是馬來西亞口味，有椰奶香，又夠辣，材料則太少，價錢不便宜但只有少少豆卜，兩塊魚片，兩塊豬皮，兩隻螄蚶，及兩隻比蝦米大少少的蝦。福建炒麵有馬來西亞福建炒麵的影子，可能因為豬油渣的關係。味道可以（但當然比不上地道馬來西亞吃到的），但個麵用了太多油了。個roti 味道還好，但不夠鬆化，可幸個咖哩汁味道不錯，幾惹味。個牛仔骨就不行了，沙爹不似沙爹，沒有什麼味道，而牛仔骨個肉質太硬，正常應該用steak hammer 處理下個肉。桔仔水還可以啦，有點馬來西亞風味。整體來說，有地道馬來西亞食物的少少影子，但味道比較真正地道的還有一段距離，除laksa 可以外，其他不算好味道。

We wern't expecting much, but we didn't expect it to be THIS BAD. The chicken wings were COMPLETELY burnt when it came, and we asked the waitress to change it for us and all we got was "This is because of soya sauce, it is not burnt." Refusing to give us another dish. Service was so dissapointing and food was either COLD or BURNT.Overall the experience was so bad, we will be sure not to come back again.

同男朋友去開九龍城唔知食乜好，又唔想食泰國菜同打邊爐，行下行下就見到呢間食馬來西亞菜嘅餐廳，決定入去試一試。菜牌選擇唔係好多，最終叫咗芽菜雞，臘腸炒芥蘭同埋海鮮喇沙麵。等咗一陣碟芽菜雞就到喇，呢碟菜個賣相真係幾得喎。啲芽菜圓碌碌，唔似一般見慣果啲咁，食落好清甜。而啲雞就好嫩滑又無骨，俾我九秒九清碟呀到碟臘腸炒芥蘭喇，個老闆娘話啲臘腸係自家製，用咗黑毛豬做口既；又真係幾好味，比一般臘腸香好多。好喇，到碗海鮮喇沙麵。因為我地唔係太食得辣，所以佢地幫我教淡咗啲湯。雖然係淡咗但係個湯口既椰汁味好香，好好味，而啲麵就包含咗油麵同米粉，都幾特別。我諗如果我地食得辣，個麵會更加好味。到最後，老闆娘介紹咗我地食個apple crumble，係喺個餐牌度無口既，佢話係佢地新請口既廚師自己整口既，咁當然要試下喇。試咗一啖之後，嘩！真係好好味但唯一缺點喺無雪糕球，有就perfect 喇。總括嚟講，呢餐飯真係好好味，我一定會再嚟食飯架

 舅仔伉儷最近極其熱愛吃韓式BBQ，一有時間便whatapps我們一家去試其家附近的一間店子。在幾經波折底下，今天卒之找到空檔抽時間過去....萬料不到這店是如此奇怪的，在星期天晚市旺場時段她竟是不開門做生意....當堂便因此而打斷了一切的計劃，忽然之間腦海一片茫然不知跑到哪裡才好。此時個個望著我等小弟出主意，自己便隨便說了一句 : "就近近哋到龍城區吧"....一行四大一小乘的士在打鼓嶺道下車。在遊走了一會後，決定放棄走進慣常吃清真牛肉餅的店子，轉而到這裡大㗳星馬菜....在一眾人當中就得我一人之前曾來過，但之前吃的只是普通的咖喱喇沙午餐及一片kaya toast而已，實在未能食得出甚麼端倪....今次就可不同了，有五大隻焚化爐前來光顧，這樣又怎能不掃掃餐牌呢 ?臘腸炒芥蘭貌似老闆娘的女仕說她們的臘腸是自家製的，於是乎便很自然以之來伴芥蘭炒來食。這臘腸吃起來味似我們普通常嚐的膶腸，很夠甘香而它的味道是頗搶的。還未吃之先已嗅到了它的氣味了....芥蘭方面雖夠爽但一看便知處理得過了火，顏色帶微微偏黃的不太討好....怡保芽菜雞除了咖啡之外怡保最著名的名物便是這道芽菜雞了。這裡用的雞是稍為

  難得同男朋友一齊放假，我地就去左九龍城行下街搵下食啦，但食泰菜食到有啲悶悶地，本來都唔知食咩好，之後見到有間食喇沙既餐廳(我本身好鍾意食喇沙架)咁就入去試下啦！我地成7點幾去到好好彩唔洗等，yeah!!!睇左陣就叫左個海鮮喇沙湯麵，串燒(雞同豬各3)，芽菜雞，同馬拉盞炒通菜。  十幾分鐘後有得食啦，個喇沙湯麵好特別，有油麵同米粉一齊架，好好味呀!!個湯好香，仲唔小心俾我飲晒但之後又唔覺得口渴，到今日我仲好掛住個湯……  串燒都ok好食，個汁又係好香，有少少甜甜地，好啱我口味…………  到芽菜雞啦，呢個真係要俾個good佢，第一次食呢個餸，好香麻油味，隻雞又起晒骨啖啖肉啱我呢啲懶人，芽菜加埋啲雞原來係想像中咁夾同好食……   最後就係馬拉盞粉菜，之前食嗰啲通常咸到苦，但呢個又好好食喎，一啲都唔咸，又係俾我想像中好食，仲俾我一個人ko左大半碟……食完呢餐飯之後，我好似有少少鍾意左佢，哈!!!

今日放假到九龍城買泰國什貨，路經一間門口標題是馬來西亞風味的食店🍴，入去一試，因我不太喜歡食咖哩，所以order左蝦麪🍜，食落去有米粉加油麵，但意想不到的是蝦湯好正！好有蝦鮮香味及帶小辣，合我口味！跟餐有意米水；不錯的配搭。小食方面我還叫了沙爹雞串🍢，味道不過不失，但份量略小。埋單$100有找💵。算是一個滿足的午餐。👍

近來有新發現，就在九龍城打鼓嶺道，全黑色落地玻璃，貼住「喇沙專門店」幾個大字。'喇沙'我當然不會放過這機會，我要每款都要試下！午餐精選有6款，每款都有熱薏米水送。食物味道（有驚喜），收費合理（午餐免收加一），環境地點（在不起眼的街道，要找亦不難）。咖喱喇沙-辣味適中，椰奶夠濃，帶有少許蝦米的鮮味，我差點飲晒整碗湯。油麵+米粉的分量比較多了。             欣賞當中的配菜-C 蛤，鮮甜又新鮮，非常配合喇沙的味道！馬來炒麵-不過不失萬！

响雜誌睇到九龍城開咗間馬來西亞餐廳.見講到好特別咁.又可以叫西餐火腿咁我地六個人特登過黎試吓.老實講食完後我地六個都好失望叫喇沙專門店.但原來喇沙只得兩款.仲要同一個味其中款只係加多咗D海鮮咁叫咩專門店呀最嬲係我朋友叫少辣.但黎到同我辣嘅湯底個味一模一樣.問佢先知原來湯底係一煲過.不論你叫少辣中辣大辣都係果個湯底.😠😠聽完真係火都黎.咁落單果時又唔講.仲重複講過一碗辣一碗少辣.但味就一樣.之係呃人嘅……無良😡😡😡果日我地仲叫咖哩魚頭👎👎👎👎👎D咖哩水汪汪.又淡.個魚頭好似清水白拾咁.一D咖哩味都入唔到.差差差臘腸抄芥蘭👎👎D菜好油.臘腸抄到好乾海南雞👎👎👎根本就唔係海南雞.係白切雞.求其到咁嘅餐廳都有嘅😵話係海南雞但有骨嘅.可能係我唔識啦.但我响出面食D海南雞係唔會有骨架囉😒沙爹👌叫做味道還可以嘅一樣.不過相對九龍城其他泰國串燒黎講.佢真係好細串.份量比較少肉骨茶👎👎D肉好似我阿媽煲果D湯渣咁.鞋拾拾我地叫咗個大嘅.但D湯得好少.每人一兩啖就無.D鞋拾拾嘅肉就鬼死咁多.其實我叫肉骨茶主要係想飲個湯.覺得湯先係精髓.而唔係果D鞋拾拾嘅肉囉本來一心黎都諗住叫佢D西餐試吓.諗住叫羊扒.但竟然

咁啱經過，見佢大字標題“喇沙專門店”，即管就入去試下！Order 左下面幾樣食物，超失望，難食不在講，收費一D都唔值！超搵笨！ 1) 咖喱魚頭煲 ：講到係招牌菜，仲諗住唔差得去邊，點知煲仔菜竟然唔係原煲煮，個煲新束束完全冇煲過嘅痕跡，煮好先放入煲內，誠意何在？？咖喱淡而無味，魚頭完全唔入味，似係白灼後放入咖喱，咁都做到招牌菜？2) 馬拉盏芥蘭：超級油！似油浸芥蘭多D！正常識煮餸的都唔會落咁多油炒菜！反影比老闆聽，仲聽到㕑房傳出“差輸嗰個飲左D油佢”！請問有冇重視客人意見？3) 喇沙 ：算是全店比較冇咁差，但不至於可稱為“喇沙專門店”，出面好多餐廳嘅喇沙質素都比佢好！4) 肉骨茶：建議佢地改名做“肉骨汁”！D"茶"唔似係茶或湯，表面有一層厚厚嘅油！點飲？味道一D都唔似星洲或馬拉風味！肉嘅質地好鞋，完全唔掂！總括黎講，佢個㕑真係"握飯食”！冇heart ! 一定唔會再幫襯！

要去九龍城的南貨舖入貨，既然一場來到，我當然不會錯失呢度既美食，一於自己先嘆個Lunch，之後才去買東西。其實，我都頗喜歡食自己的，沒人打擾，可以靜靜的思考下。在那裡吃，不太緊要。但每當獨自搵食時，我不太傾慕人氣店子，怕嘈怕人多，反而人少少的，我會走進去，不怕中伏的。我想，我更需要的是私人空間。站著Rossa Laksa門口，黑色玻璃是看不透裡頭的，但感覺人氣不是太旺盛，至少應該不會嘈嘈閉的，因此推門進去。數款午市套餐，有喇沙、咖喱、海南雞，甚至是漢堡，既然人家店名也是喇沙，吃喇沙就最正路，無理由叫個漢堡包咁趣緻吧！喇沙端上來時，已聞到陣陣香茅及香料的香氣，呷一啖湯，味道濃厚，椰香味則不很重，但我很喜歡這口味。材料有…豬皮，幾爽口；魚片，彈牙，但略嫌鮮味不足；豆卜，是慣常的配料，吸盡精華自然吸引；蝦，則沒有什麼味道；螄蛤，很鮮甜，是亮點，感覺也正宗。麵底由油麵和米粉做成的摻摻，我喜歡。怎麼我胃口突然大起來呢? 再問店主那個餐牌，套餐可以優惠價配幾款小食，選來一份斑蘭咖央多。賣相唔錯，確實也是烘得香脆，斑蘭咖央醬下得未夠兇，但香甜的咖央醬再滲出斑蘭香，配多士總會不俗，當然如果可多放些醬，

話說老公睇雜誌見到呢間話係laksa 專門店所以放工專登去試下星期四晚大概七點到～ 入到去我地係第一枱客入到去見裝修無乜特別，一般餐廳feel坐低叫左阿姐推介0既海鮮喇沙 ＄138呢個咁貴0既喇沙，得少少辣，無乜味～ 裹面有兩隻蝦，兩隻帶子，兩隻青口，幾粒螄蚶～一D唔好味～ 阿姐推介時仲話夠兩個人食，根本上就係一人份量～另外叫左沙爹半打 ＄68 三支牛，三支雞，味道可以～但唔知點解個沙爹醬好杰～份量亦好小～馬拉盞芥蘭 ＄68呢個最堅，一D馬拉盞都見唔到～食落仲有D燶燶地味～最勁係食到D菜係未熟加埋有幾件係凍0既～同一杯凍青檸梅子汁 ＄22呢杯無乜問題～只係唔好飲～服務方面～其實只得一個阿姐同一個似老細0既阿叔阿姐好有禮貌，但係有小小混亂，唔係好知自己做緊乜咁～阿叔就好好笑～係咁嗌入廚房 "個雞湯好多油呀" 另外有枱客都話D菜燶燶地，佢又嗌 "D菜有燶味呀，你睇下隻獲啦" 成餐就不停聽住個阿叔係度嗌～結論係咁0既價錢，食到呢D連個菜都炒得唔正常0既餐廳～一定唔會再去～亦非常唔建議大家去試～ 講完

見到間新餐廳試下，全間野黑黑的。一入去對眼好似睇唔到野咁,因為出面好光，入面好黑...Lunch 叫左3樣野食肉骨茶, 個湯唔錯，不過唔夠濃厚, 同埋d肉骨唔夠淋同入味，比較似係外加。個湯如果加返d 茶樹菇會好d。嗽沙，好大碗，夠味，不過香辣味勁左小小，湯底本身如果可以再厚身d，eg. 加多小小椰漿個馬拉棧通菜的確有馬拉水準咁夠乾身, 菜身唔老,味道唔錯,不過唔夠鑊氣。