11
2
1
港鐵佐敦站 D 出口, 步行約6分鐘
繼續閱讀
營業時間
*如星期一是假期，則照常營業(12:00-24:00)，休息天會改至星期二
星期一
全日休息
星期二至五
14:30 - 23:00
星期六至日
12:00 - 00:00
以上資料只供參考, 請與餐廳確認詳情
食家推介
相關文章
花掉幾翻心機，終於係網上搵到間寵物餐廳咯。先打電話訂檯確認一下穩陣喇，不幸地狗狗西餐已經沽清，只剩狗狗 cup cake 呢。照殺無緊要，有野食已好好，立即飛的到達山林道開飯。有從來未見過、未飲過既高濃度啤酒供應，多種口味非常新奇啊！最重要食物出得廳堂，款色一點都不普通，色香味兼備！就連服務都夠熱情周到，感覺溫暖親民，讚讚！雖然開放式西餐廳舖面細細，不過內籠骨子優雅，坐得尚算舒服。高檯偏細，我咁大食那夠位放食物呢，幸好比四座位我地乍。侍應們都十分親民有禮，食得開心舒服。另外，最衰洗手間要到隔離商場 2 樓，仲要用鎖匙，好不方便。好多狗狗左騰右騰好搞笑、得意、有趣！餐廳還提供專給狗狗食既點心及西餐，狗狗們有得食有得玩又多狗朋友當然勁開心啦。好少見柴犬那麼乖，好靚女呢。有趣的 Ace、King、Queen、Jack 啤酒，睇睇簡介 Ace 酒精 10% 最高，就試您啦 ﹗甘苦味突出，未必能個個受落，微弱水果香氣，我還可以的。急急地飲，真係有點醉意喎。煙三文魚凱撒沙律，簡單調配鮮嫩有水份冰涼雜菜，煙薰咸香三文魚捲上菜蔬芝士碎，傳統配搭還不錯呢。蟹肉薯皮，噴住煙滾熱辣新鮮出爐，忍不住豪氣地整件塞入嘴仔，燙到颷眼水咯 ﹗不太食到蟹肉，忌廉茄醬味霸道，幸好還食得到薯仔原始清甜味道。薯皮香口，薯仔肉濕潤帶棉，食得過。鮮蟹肉意粉，賣相有點睇頭，味道比較平凡。雪藏熟蟹腳沒鮮味是預料之內，熟蟹腳再翻焗變得乾如魷魚絲都是預料之內。香草炒意粉乾爽帶黏黏感覺，不過不失合格的唔難食，淋上辣椒仔汁添點酸辣更加可口。Classic burger 加蘑菇，驚典漢堡？最後一份肉眼扒剛剛賣掉，無食神無陰功，唯有食 burger 啦。麵包腍得有點古怪，不軟塾沒彈性，死屍的感覺，陰沉不香缺乏鮮味。用料特級豐富，夾到厚厚的，眼到已非常開心興奮呢﹗擘盡我的嘴仔都未能一口咬得到，要壓扁一點才能處理。鬆軟味淡的嫩嫩真漢堡扒，外層全熟微脆焦香，包著淺紅濕潤多汁嫩肉在內。兩種質地相亙交錯，搭上甘香蛋黃、炒蘑菇、沙律菜，精采滿分，食得我心花怒放﹗加點茄汁加點芥辣更是開胃，爽到震呀﹗炸粗薯條，不愛薯條的我，突然想食薯條，就散叫一份吧。鮮炸夠得戚，外脆內軟薯味滿瀉好功夫，輕鹽點綴提味剛剛好﹗生啤，有卓頭有睇頭，極有維京 feel 喎﹗冰凍大大啖直灌落肚，甘苦味濃郁，餘韻清爽，味道夠獨特。酒精濃度高，味道還可以的，但不太容易愛上。狗狗專屬 cup cake，當然我地無試味吧，聞落完全沒有氣味的。狗狗專屬雞肉菠菜卷，真有食神 ﹗原本一早訂滿的雞肉菠菜卷因為個客放飛機缺度，依家多左一份，非常有運﹗但狗狗居然掛住玩唔肯食野，浪費食物浪費金錢。唯有請其他狗狗品嚐啦，衰仔﹗
繼續閱讀
第一次黎已經覺得好正環境舒服仲有好多狗狗嘢食款式雖然少但都好好食所以第二次我揀咗係朋友生日嘅時候嚟老闆仲唔收切餅費同埋送張即影即有俾我哋可以比到我朋友一個好開心嘅生日正當我同我朋友都希望下一次可以帶自己嘅狗狗嚟老闆竟然話三月會結業可能係狗主題嘅餐廳唔多唔少都會影響客源會少左d貓嘅Cafe就有好多狗嘅餐廳真係好少見到嗰個狗主都同大家好似好熟咁咁有人情味嘅餐廳竟然要結業真係好可惜
繼續閱讀
因為可以帶狗狗去，之前都去過好多次…之前食過一個明太子三文魚意粉 好好味，有個生蝦都好好味…其他食物就麻麻，所以每次都會打去問有無嗰個意粉先，但最近每次打去都係話餐牌上無既意粉係星期六日既lunch精選，最近2次打去都係男人聽，態度好差，今日打去再問有明太子三文魚意粉，佢第一句好串咁覆我 >> "你係咪打錯電話，你打幾號"，之後我答 >> "呢度係咪Roofy", 佢話係，我再問之前有明太子三文魚意粉，想問今日有無，佢跟住答"無做好耐啦"…之後再問有無生蝦，佢又話無，問佢咁有啲咩，唔出聲 (整個電話過程態度都差到極點)好似唔休做咁，服務態度咁，就算入得狗狗都唔會再幫襯，加上全香港唔係得你一間入得狗，食物又唔係樣樣都出色
繼續閱讀
上個星期曰，晚飯時間到，我狗奴才一早訂咗位，梗係一家大細去食飯，期待已久尖沙咀有間餐廳歡迎狗狗一齊可以享用晚餐！本身係滿心歡喜，因為係開放式廚房油煙算係中級多味，講返食物質素先，限定售要一早訂嘅西班牙啤酒烤五花腩$170，賣相吸引但係質素好似食緊隔夜燒肉咁，本人及全家人到真係唔識欣賞，外皮係脆口，但係好難咬不開，食不到平肥瘦嘅效果，覺得啖啖肥油，配菜番茄反而烤得好食，外皮脆口而且香甜多汁，松葉蟹爪海鮮焗飯，非常唔抵食，海鮮唔夠新鮮，雪藏同雪藏味，而且個飯份量超少，過獲底容量好細，佢話二至四人份量，其實兩個人都食得晒，超級唔值有冇特別，炸燕麥雞翼，有六隻，炸得香脆，而且又汁，蒜香煙肉炒粗薯條，$88😅呢度啲炸品炸得幾好，炸得香脆，而且薯條吾油膩，重食到蒜蓉香服務就一般，我地之前落咗個寵物小食，佢冇黎到，甘我地就算拉，其他枱又叫寵物小食，佢就會去請狗狗食餅餅，見我哋嗰枱冇order寵物小食，所以冇過嚟俾餅我地三隻狗，我覺得雖然好少事，又唔係稀罕你啲狗餅，但係我覺得感覺非常吾friendly,仲有我哋帶咗人食嘅生日蛋糕，屋企人生日，再加上因為佢唔收切餅費，所以順便慶祝埋，但係佢上生日蛋糕果時，竟然唔幫我地清潔枱面嘅垃圾，就算出邊餐廳都會幫你清潔好張枱之後上生日蛋糕，咁小嘅餐桌禮儀冇理由依家西餐廳唔識處地，感覺好失望，餐廳食物唔抵食，食物質素中平，冇咩特別，只是炸品炸得香脆，價錢貴，服務一般
繼續閱讀
當晚，我們一行5人 (3男2女) 走到朋友推介的一間位於尖沙咀山林道街尾的餐廳 Roofy Bar & Cafe，上年年尾開業，至今大約半年！主廚是老闆，女朋友幫手！他們合作無間！好奇問老闆娘為何改這個店名呢？原來早前已開設餐廳叫 Roof 位於尖沙咀磡富利道的閣樓因此而命名！可惜！當時申請不到食物牌，要另覓地方！老闆娘恐怕食客在 Openrice 找不到，於是，新餐廳店名以舊名 Roof 開頭，加上當時舊餐廳已有狗仔外型擴音器，然而，以新名 Roofy 取締！ 見有食客帶狗狗🐶入餐廳！問老闆娘是否可以帶寵物幫襯㗎？！她歡迎之至！絕對是狗主的福音呀！這裡地方不大，以酒吧西餐廳格局！磚牆、吊燈...，工業風型格裝潢，勝在空間感充裕，然而，狗仔外型擴音器成為店中亮點！ 室外設有兩張高枱，方便狗主及吸煙食客！認真週到！Menu 以平板電腦顯示，中英文對照，圖文並茂，方便碌來選擇！包括：頭盤小食 $88~$170、沙律 $80~$88、意粉 $138~$190、漢堡 $120、焗飯 $420~$878、主菜 $195~$388、甜品 $75~$80...等！飲品方面：奶昔 $56~$60、朱古力 $42~$45、茶 $32~$45、汽水 $25、咖啡 $31~$43、非酒精飲品 $65~$70、酒類...等！每款選擇貴精不貴多！在尖沙咀區屬於中價！另有最新優惠，星期日至三晚市時段，食客惠顧一客漢堡，加 $80 及分享到面書，可於90分鐘內任飲指定生啤！碟子是不同的動物圖案，增添趣味！碟子是不同的動物圖案，增添趣味！Almond Chocolate $45未必人人可接受杏仁味！我先點這杯飲品，然後，大家也跟著我點！ 店方特以不同款式的杯子上給我們，之所以我選擇這款飲品，相信杏仁味可中和朱古力帶來的甜膩，的確如是，香滑順喉！西班牙啤酒烤五花腩 $170以長木板呈上，，肉香撲鼻！ 五花腩火喉控制準繩，肥瘦肉均勻相間！甘香惹味！蘸上黃色的芥末醬更醒胃！烤熟的車厘茄，入口酸甜爆汁！炸燕麥雞翼 $96加入健康元素的燕麥，以油炸方式，又算邪惡！令人又愛又恨！ 表面金黃色的外層，鋪滿粒粒燕麥，同樣做到似炸漿的香脆口感！雞翼保留水份，食落多汁又夠味！愛爾蘭燒雞半隻 $195等上 20分鐘！配料包括：柔軟而蒜香洋溢的焗蒜頭、清甜的洋蔥、甜美的粟米、粉腍的薯仔…等！不知為何比預期多汁？！可能洋蔥出水！雞肉不嚡口，而且幾入味！ 整體不過不失！卡邦尼意粉 $148這是穩陣的選擇！煙肉不算重口味，意粉軟硬適中帶煙韌，掛汁夠入味！灑上芝士碎，即時生色不少！精彩了整體口味，為味蕾帶來滿足感！首次幫襯，在寧靜的環境下享用美食，感覺悠閒！我們都覺得食物質素不錯，卻是點得食物不多，相對抵食！ 其實，在尖沙咀區屬於中價！最特別之處就是狗主可帶埋寶貝狗來一起享受美食吧！小店值得支持！
繼續閱讀