Rakuraku 樂拉麵 (利東街)

營業中

休息中

放假不敢周圍去，唯有打開手機重覽之前出街午膳的食物相，打發一下時間，不看也罷，一看卻更想去食，希望疫情快些過去，不使再買外賣，可以食到即製的美食，畢竟堂食與外賣，始終是有差距的，堂食新鮮之外，賣相更吸引，令人食欲大振，即使貴一點也是值得的。說到那次，我點了最出名的特濃櫻花蝦龍蝦湯叉燒拉麵，同事則點了豚骨拉麵，說起拉麵是日本中華料理所用的麵條及麵食的種類之一，多以切製而非拉製而成的，拉麵的日文是「ラーメン」，另一個常見的名稱叫「中華そば」， 日本最早關於中國麵條的記載是明朝時期，早期的拉麵加入了日式叉燒，筍子的醬油口味，味道較為單調，隨著時代變遷，拉麵亦不斷推陳出新，現在做法更為講究，除了手打麵條外，亦加入豬骨或雞肉得熬煮成湯底，再配搭日式叉燒，蔥花，筍子，炸蓮藕片，紫菜，栗米，海苔等材料。 這間更用上櫻花蝦和龍蝦作湯底，龍蝦味很香濃鮮甜，櫻花蝦亦鋪滿了一半湯碗，賣相超靚，櫻花蝦是台灣和日本比較稀有的品種，被列為東港三寶之一，現在多數製成蝦乾，用以增添菜餚的鮮味，拉麵加了櫻花蝦，令其湯汁鮮香濃郁，回味無窮，拉麵可選煮得軟或硬，我點了較為軟身，叉燒可選豚腩或豚肩，豚肩較瘦，較薄身，個人覺得

無系合和中心返工之後⋯都好少過灣仔今次因為要去灣仔拎嘢就行埋過去利東街睇吓裝飾啦 由平時嘅燈籠造型裝飾🏮轉咗做蝴蝶嘅裝飾🦋仲加多個聖誕樹襯返聖誕節既來臨🎄🎊.今次行過見到呢間樂拉麵 用貓貓日本武士主題🐱見拉麵店咁有特色🍜主打博多風格拉麵大多數拉麵都會用牛蒡做配菜 呢間係用炸蓮藕片 幾特別同朋友食咗兩款唔同嘅拉麵 可以share試下😋赤猫 - 辛辣豚骨叉燒拉麵黑猫 - 黑麻油豚骨叉燒拉麵好似系我第一次試到辛辣既拉麵 亦都係第一次食黑麻油既拉麵兩款味道都不過不失 如果下次有機會再去灣仔喔間都可以係選擇之一👍🏼😃

純粹要去灣仔買啲嘢所以食個拉麵，見呢間未食過，啲食評好似幾好就試吓，之前好似重要排長龍，而家疫情咁嚴重，都無乜話排長龍既情景喇。睇過餐牌，覺得都幾豐富價錢合理，就入去試下，唔知點解一見到個待應就覺得好快餐店感覺😅。高樓底，一般大廚房前有bar枱櫈。地方尚算寬敞。見到有黑麻油豬骨湯底，諗都唔諗就落order，價錢唔算好貴$85 ，碗麵個賣相唔錯，但係個湯底竟然係好濃郁但係冇乜味，主要係唔夠鹹，啲麵已經唔夠味，再加埋啲唔夠味嘅湯，成碗面好淡咁，要撈埋啲叉燒一齊食先有返少少味道。個溫泉蛋OK，叉燒都OK，其他配菜都OK，唯獨是只係湯底好特別濃但又好特別淡😅

星期五夜左收工，諗住係灣仔求其食啲野，夜左就係鐘意食啲邪惡野，就揀左去食拉麵🤤menu有寫可以揀豬腩肉定係叉燒，但張點餐紙好似冇寫，出到黎先記得好似可以揀😂兩個拉麵既味都差唔多🤣 辣果碗都唔係特別辣，等我仲期待會有啲香辣味，兩個人最後要瘋狂落七味粉🤣🤣 隻蛋仰半熟但係冇入味，整體味道正常，但呢個價位我會期望好少少，而家咁樣唔算抵食，但係星期五店員都冇催我地交枱係幾好既🙈btw我見到有人食泡飯好似勁香🙊

琴晚突然間想食日本野，咁岩經過利東街，所以就揀左依間日本拉麵店試下。每個晚餐都會附送小食、汽水或野菜沙律。我地兩個人叫左兩個晚餐，一共250蚊。1. 櫻花蝦龍蝦湯拉麵龍蝦湯既味道尚可，不過覺得湯既分量可以再多小小。麵條比較幼身，質感都唔會太淋。拉麵內仲有溫泉蛋、叉燒及櫻花蝦作為配菜，十分豐富。2. 辛辣豚骨拉麵拉麵裏面都有溫泉蛋及叉燒，辣度都適中。3. 日式炸豆腐豆腐香脆，仲有小小甜甜地既汁，味道唔錯。4. 香煎豚肉餃子餃子裏面有粟米粒，感覺怪怪地，都係中意食番d普通既餃子。5. 汽水或野菜沙律

2020-09-04 20:34 見食堂放寬左到10點 特登唔返屋企叫左個特濃芝士龍蝦湯海鮮泡飯正當滿心期待之際一食之下 佢竟然用細蝦毛 兩塊螺片 兩粒螺肉 半條蟹柳 叫做海鮮。雖然唔貴，但我俾門口menu show出黎張相吸引左入去 當然唔會預用靚料 但冇諗過d食才差成咁。味道一般 食唔出有龍蝦汁或湯既味道 甚至有少少怪味⋯我俾呢個價都覺得俾人搵笨。完完全全中伏!! 好心坐落係灣仔豪宅區 就做好少少啦 我諗d人唔會介意俾貴少少 完全冇心做一間好既食店。似係想走旺角區低價路線⋯

喺疫情肆虐關係之下，好多舖頭都唔可以進行晚市，只可以做外賣，所以都相繼推行唔同形式嘅優惠，吸引市民幫襯不過呢一間餐廳竟然冇做任何優惠，但係仍然有唔少人光顧，於是呢日就同老婆一齊去試吓佢嘅拉麵，睇吓有乜咁特別我要左大盛炸雞豚腩拉麵，諗住份量應該會好大，點知嚟到嘅時候真係嚇咗一跳，冇諗過拉麵會咁細，完全唔夠食，我相信一個女性都會覺得份量唔多夠，就好似我老婆咁。另外炸雞炸粉比較厚，雖然裏面嘅肉質係幾鮮嫩同多汁，但係成大嚿炸雞只有好少部份係雞肉，有少少失望。。。另外流心蛋嘅部份就更加令人強差人意，因為做唔到半熟蛋嘅效果，蛋黃完全流唔到出嚟，似全熟蛋嘅感覺整體感覺真係唔太好，冇優惠之餘仲要得到咁樣嘅質素，相信店舖真係要正視呢個問題先可以挽回客人嘅信心

一路都知佢冇做任何優惠，午巿仲要收加一，所以一路都唔係咁想幫襯………今日因為趕時間，都係貪呢間餐廳近黨鐵站先至去試下～拉麵選擇大概有7-9款，當中有啲係豚骨湯底、雞湯底或者鰹魚湯底……麵底一律都係幼麵，冇得揀粗麵或者幼麵…叉燒就可以揀要豚腩或者豚肩…我要左個普通嘅樂樂豚骨拉麵要豚肩…一碗好嘅拉麵對我嚟講最重要係湯底，其次係麵同叉燒…先評呢碗拉麵…太吝嗇…湯太少，而家唔夠熱…第一啖飲落去已經覺得唔夠味之餘，我覺得似係雞湯多個豚骨湯……加上個湯好多油，湯同油都係偏黃色…真係唔敢講自己叫嘅係豚咼拉麵…湯真係唔合格！其次叉燒我要左豚肩，賣相普通，希望有味道補救…首先切得好薄…第二係好乾，乾到好似食柴咁…第三係冇味…冇燒過嘅味，冇叉燒嘅味，冇肉味……雖然得兩塊，但食左一塊已經唔想食…之後係拉麵本身，幼麵來說我覺得ok的，幾爽幾滑…拉麵上面有幾舊咋蓮藕，蓮藕上面加咗啲出嚟分調味…蓮藕雖然炸過但係食得出係返炸，因為又硬又唔脆又唔腍…唔知想點…整體來說，當周圍都做緊抗疫優惠，而你冇任何優惠唔係問題，至少用質素去留低你嘅客人…但呢碗拉麵$75+10% 咁嘅質素，我絕對唔會再幫襯老公食嘅大盛炸雞豚腩拉麵都

又係星期二openrice外賣信用卡80蚊減20蚊優惠系列。因為太肚餓。相都無影就啪晒個飯。之前有食過堂食龍蝦湯拉麵。湯頭十分濃郁。感覺足料。今次見依間餐廳出咗外賣系列。當然一試啦。怕拉麵外賣難食。所以叫咗個芝士龍蝦湯海鮮泡飯。加個芝士蛋糕。飯同湯分開pack。餸分面有素鮑魚。無味蝦仁。無味帶子仔。蟹柳。螺肉？。都算多餸。加咗啲龍蝦湯。所有餸都即刻好味咗芝士唔多。唔係啖啖都有芝士味。飯份量一般。唔想lunch食得咁dry泡飯一流。仲另外加錢叫咗個cheese cake。拎到返公司食完飯食都仲凍。未溶。芝士味非常濃。不錯。

Passed by this ramen joint and was attracted by the menu especially the seafood stone pot rice.This restaurant practices social distancing where they seat customers 1.5m apart which is very a responsible act and definitely a big plus.Ordered the seafood stone pot rice in lobster broth with cheese and I love how the strong lobster aroma was filling the half of the restaurant but it would be better if the taste wasn't as bland.Also ordered the chashu and fried chicken ramen in pork broth which the

下晝經過利東街，熱到九彩，只係想搵一間舖頭入去飲杯嘢、涼吓冷氣，經過呢度，見到佢下午茶叉燒拉麵五十幾蚊一碗，咁就入去坐低，之前從未聽過呢間拉麵店。即刻飲兩杯水先，然後就叫佢個叉燒拉麵，好快嚟到。賣相都OK，飲一啖湯，普普通通，唔難飲。食一口麵，軟淋淋，阿婆食就啱晒，對我來講當然唔夠硬啦，麵質非常之似雲吞麵，唔多似日式拉麵，味道普普通通。食一啖叉燒，薄薄哋，味道普普通通。全部都普普通通，唔難食，又唔特別好食。下午茶包一罐汽水，幾好。原來有+1，總共$64，幾抵食，但係始終唔慣日式拉麵店有+1，喺日本從未見過。食完麵再飲多兩杯水，喺呢樹最大滿足係水同汽水，非常解渴，冷氣亦都夠凍，唞暑好地方😁

日頭咁猛烈，一個人到灣仔辦事，避過繁忙的午市時間，行入利東街呢間樂拉麵。之前有幫襯過，感覺無論氣氛、野食都非常唔錯。今次叫左碗樂豚骨拉麵再額外叫一碟原味炸雞拉麵已經非常唔錯，估唔到炸雞先更令人一試愛上！色澤岩岩好，外脆內嫩又富有鮮味肉汁！推介！

今日推介食左幾次嘅樂拉麵，設計都好有日式風味，以貓貓為主題。我自己比較中意濃味，就揀咗辛辣豚骨叉燒拉麵，可以揀豚腩叉燒或者係豚肩叉燒，面嘅話都可以揀軟/適中/硬。整體口感好正比較有韌性,拉麵勁道十足，溏心蛋又嫩滑可口，蛋香四溢，賣相一流，湯底辣度適中，啱曬我呢d嗜辣人士小食我就揀咗自家製原味炸雞，炸雞嘅火候控制得好好，表皮酥脆入味，內部軟嫩多汁，唔似有d炸雞乾巴巴咁，再配上沙律醬，口感豐富十足，好味道呀

我上一世好可能係比殺死，所以今世非常之喜歡食雞，可以話係食雞多過食米。今日被迫食拉麵，本來都冇抱任何期望，一般拉麵店的炸雞一係油到爆，一係就亂咁嚟（可能因為店細，冇辦法用太太型既炸爐，油溫唔夠勁，所以唔夠幹）點知！依度d炸雞，外表金黃，食落不得之了！外皮鬆脆可口，內𥚃肉質鮮嫩，肉液豐富，不油！加埋個秘制汁，真係一流其實，依度既拉麵都唔錯，不過我作為食肉獸就唔多講啦。總之，我認為依間係一間比拉麵擔誤左既炸雞店

下雨天不想外出又想吃碗暖熱的湯麵，便選擇了樂拉麵的外送服務。這次點的是特濃櫻花蝦龍蝦湯叉燒拉麵，點餐時餐廳會給你選擇要配豚腩還是豚肩，而我就選擇了豚腩，湯頭會多了點油香。外賣送到手上時，湯並不夠熱。由於分湯的關係，麵條亦粘成一團餅狀，如果可以加點油到面底的話，就可避免這個問題發生。不過湯的味道還是有著濃厚的蝦味。叉燒的分量非常大方，肥瘦得宜，溏心蛋中規中矩，不太入味，流心效果是有的，另外一提的是，餐廳用了炸蓮藕左配料，與湯麵一起吃的時候，會有種意外的搭配感。整體來說，這個價位提供一碗濃蝦湯拉麵是還可以的。