Olive (已結業)

第一次食呢間餐廳，叫了一個晚餐set，大約130蚊左右，有一個餐包，一塊大大塊既扒，一碗飯/面，仲有甜品同一杯野飲，野飲加幾蚊仲會變好大杯。個餐包好大，唔係出面是但一個細包，扒亦好食大份，冇話咬唔到，食落都好滑，甜品亦好食，杯餐飲紅豆冰不過不失。最後食到好飽，塊扒都唔錯，好抵食。可能因為疫情關係少左人，坐得舒服，又可以坐到關鋪，見之前呢間餐廳評價一般，但今日食落又發現其實唔係咁差，可能改善左，值得一試。

上次黎已經係三年前 今次食落覺得以前好食啲卡邦尼天使麵$88芝士味好濃 份量適中 有陣蛋香味 煙肉細細粒 仲有啲蘑菇 中規中矩啦龍蝦茄膏意大利飯 $128朋友食左一半就無食環境同以前一樣 只係食物質素唔同哂

元朗行完山，已是tea time但仲未食lunch，無行山既朋友suggest去cafe，卻被行山友勒令來個full小小既tea。所以元朗友就介紹了這間大件夾抵食之選。.. 遠遠就已經睇到. 帶點歐陸風的裝修. 下午茶係幾平既～.公眾假期既tea time都好少人，元朗友都話唔好咁高期望，食物正正常常就算係咁。餐飲可揀紅豆冰，而且任何餐飲加$5可以轉珍寶，吸引咗我落搭，不過味道就... 君子之交！.. 真係超級大杯. 牛肉漢堡包配煎蛋煙肉. 法蘭西多士. 吉列豬扒配煙肉薯仔沙律.唯一得到大家讚譽既，係呢個吉列豬扒，外脆內軟，而且快扒大過我塊面😅

今日假期諗住出去行一陣...經過教育路入去一間屹立元朗都一段時間嘅西餐廳....原來發現佢哋嘅午餐非常之抵食佢哋嘅午餐平均都係50-80元...且仲要有湯有麵包有嘢飲今日係南瓜忌廉湯呢個湯尚算合格最驚喜係免費送紅豆冰一杯因為通常紅豆冰都要加$8到$10我叫咗呢個白汁忌廉蝦仁意粉坦白講....味道尚算一般不要期望太高但係以幾十蚊嘅價錢....叫做有湯有麵包有主食...都叫做還可以啦起碼勝在份量夠多但係味道有待改善下次我想來試黑松露意大利飯

我平時真係好少寫食評但係今次真係頂唔順不吐不快，服務質素不錯衛生環境都可以，但食物真係10分差劣，羅宋湯完全冇味係感覺好似水溝出嚟, 我order咖啡少甜，咖啡係完全一點咖啡味也沒有淨係飲到糖水味，肉眼扒五成熟韌到一個點，你看我只食了幾口！雖然只是$88，但都不是差到這樣啦！出面很多呢啲價錢，也沒有這店舖那麼差！真係不會再有下次😪👎🏻👎🏻👎🏻

Olive 呢間野差哂，d扒炸既，我叫什扒條靚女居然問我幾成熟，我話有分咩，佢話有牛扒，咁我話7成，之後來到居然全部炸，仲要牛扒同豬扒等如平時食3餸面咁細塊和薄。最谷氣我食完，老婆同女份扒未到，已吹3次，次次都話整緊，之後谷鬼氣我老婆起身走人，只係飲左杯野，餐湯，同餐包，到最後埋單冇收老婆同女錢，只收了我和朋友個枱，靚女係咁話唔好意思，我話佢嚴重漏單，但又冇積極跟進。唔會再有下次！之前我耐唔耐都會去，估唔到疫情下差左咁多！

在假日，選了這間西餐廳，叫了個午餐和下午茶😊叫了個$88肉眼，要5成熟，味道還可以，肉質還可以😊但下午茶的質素就有些差啦，我朋友叫的炸雞髀是乾和無味😑所以整體一般！

50元 午餐有餐湯 餐包 主菜 及飲品。 飲品仲可以揀 紅豆冰， 我叫咗個香煎豬扒拼法蘭克福腸燒汁， 豬扒 好味，good texture, 唔會硬掘掘， 唯一美中不足係啲飯嘅米質素 麻麻地， 非常鬆散， 最貴嘅 午餐 是88蚊， 仲唔使 加一服務收費

上次呢度食個下午茶覺得可以，所以今次再嚟食西晚餐，食完之後覺得非常失望，有種比人呃嘅感覺。佢作為一間西餐廳，環境非常之差，不斷有烏蠅咁喺度嬲緊， 短短一餐飯嘅時間我起碼趕咗十幾次烏蠅，終於明白點解佢得兩三枱客人， 喺我而家打緊呢篇食評嘅時候，後面嗰枱客人都係咁用粗口鬧間餐廳， 而當然我而家都係度對住我朋友鬧緊。首先係佢個紐西蘭肉眼扒好似平時嘅茶餐廳咁，非常薄，完全冇肉質同肉味，肉係完全生嘅，就算叫佢再整多一次都係完全生， 肉係粉紅色根本就咬唔開。 另一個主菜佢嘅薄餅係得半個，但佢出面個餐牌係冇寫明half， 我心諗你半個pizza都畀得出你不如畀一塊就算啦。

我本人係好少寫食評，但今次真係要警惕世人🤦🏻‍♀️二人套餐 $228前菜 雞翼同沙律正常主菜 紐西蘭肉眼扒被欺騙了，根本只係普通牛扒，得味精味冇肉味，大家樂都好食過佢，五成熟但入面完全生嘅主菜 三文魚牛油果薄餅呢個味道係可以，但係薄餅淨係得半個，第一眼見到黑人問號，擺咗上枱唔夠5分鐘就有幾隻烏蠅嬲埋黎，換左兩次枱都係有甜品 芝士蛋糕(?)其實我食咗一啖都唔係好知佢係咩黎最後我哋係食淨一半都冇就走左。。。

店舖門外餐廳都乾淨 而且坐得舒適 裝修都唔錯個擺設好靚湯唔算香 中規中矩個麵包幾香脆 係唔夠熱豬扒煎得唔夠香 有d細塊 但味道都唔錯 意粉就比較乾 要配埋個汁先得成餐鴨胸意大利飯最好食個飯乾濕度適中鴨胸好滑好淋煮得好好 個咸度配落個飯到 真係唔錯凍飲唔洗加錢 加$5就可以加大變jumbo size 都幾抵紅豆冰都可以揀 唔洗加錢

經朋友推介，今天到這間餐廳吃晚餐，空間寬敞，座位十分舒適。食物方面，前菜有餐湯，忌廉湯味道適中，黑松露的香氣亦相當濃郁。主菜是羊架，羊肉的肉質鮮嫩，保留了羊肉獨有的風味，配上黑椒汁一流。餐飲是紅豆冰，轉珍寶後非常大杯，只需加5元，其他飲品也可以轉珍寶。另外還附有甜品。整個套餐價錢合理，十分抵食，強烈推薦。

今日去敎育路個邊，見到呢間餐廳看落幾吸引就入去試一試，叫咗個$138嘅牛柳扒午餐，件牛扒要碟上五成熟，但係整出嚟過熟，肉身硬兼冇味道，點上配汁都吾想食，仲煎過火有濃，配菜仲搞笑，白菜........

同朋友係元朗食飯，揀咗間西餐開心下!☺☺☺🍀餐湯同餐包羅宋湯好濃好多蔬菜! 餐包幾鬆軟!🍀石板燒 - 馬斯特頓厚切肉眼扒配黑椒汁 ($138)鐵板識食緊係要食五成熟，鐵板好夠熱，一淋黑椒汁就會發出乍乍聲😍塊扒好厚身，好有肉汁又無筋，好好食!!🤤 佢啲蔬菜唔係得一款，好有心思!👍🏻我地揀咗焗芝士肉醬意粉，佢係另外焗，唔似其他餐廳咁同鐵板放埋一齊! 不過對於肉醬怪嚟講，再多啲肉醬會更好☺🍀煙三文魚牛油果薄餅($138)沙律菜圍邊好睇又健康，牛油果好足料!!😍 食落幾清新!😋🍀意式奶凍佢唔會好似出面咁好甜，甜度剛好!👍🏻份量嚟講，兩個女仔啱啱好，又可以靜靜地傾下計😊

風雨飄搖之夜，經過大半天的操勞,晚上總要好好平靜一下心情。Olive餐廳一如以往優雅寧願的環境，無論經歷多久，都沒有改變過。晚餐set 十分經濟 ，價錢合理，於是我和朋友 就叫咗一個黑椒厚切肉眼鐵板餐。 我地選擇左肉醬意粉 ，建議牛扒可以良選三成熟, 因為鐵板上會十分熱辣辣 ，慢慢食的時候 ，鐵板嘅熱力已經將牛扒變到八九成熟，所以唔好叫咁熟先會保持到牛扒的肉嫩多汁。呢個肉眼就好好味，配上黑椒汁更加惹味，而且又無咩筋位。肉醬意粉的味道一般，不算特別。另外,我地叫左個9寸的牛油果煙3文魚薄餅。 上菜嘅時候令我哋喜出望外 因為成個薄餅外圍都用上沙律菜圍咗一圈,顏色非常吸睛。而薄餅嘅 材料 亦都唔馬虎， 有粒粒的牛油果 有一大片嘅煙三文魚 仲有沙律醬，配上脆卜卜嘅薄餅 ，口感十分有層次， 煙三文魚嘅煙燻味,牛油果嘅清新都大大中和左薄餅嘅油膩感。2個人食9寸的薄餅真係挑戰，下次都係人多先叫。最後食埋是日甜品一 法式奶凍就完滿了。奶凍細膩滑溜，奶味香濃，好似有椰子嘅香味，上面層cream覺得太heavy,我選擇左唔食。餐廳的環境依然悠然和坐得舒服，難怪一直都有捧場客，希望新的老闆可以繼續保持水準，