Nara Thai Cuisine (新城市廣場一期)

營業中

休息中

Thai 高質過江龍🇹🇭特推Juicy原隻新鮮🍍海鮮雞肉炒飯✨✨賣點: 呢間餐廳有幾間分店 今次小Junjun到訪嘅係沙田分店環境寬敞 座位闊落 仲有特色東南亞風情沙發位✧*｡雅致嘅環境好適合慢慢食慢慢傾計另外佢啲菜式都幾多款 想食營養啲或香口啲都得 ( ¯꒳¯ )b✧【食物 】 ❶ 菠蘿肉鬆海鮮雞肉炒飯 $128 (8.5/10)當時差唔多每枱都叫咗呢個😂 炒飯用半邊原隻菠蘿上 欣賞佢並唔係得個殼 係真有菠蘿切粒係底 好juicy連埋炒飯食好開胃換言之飯係冇望落咁多 但都好足夠兩個人食飽😂炒飯濕度啱啱好 同配料比例halfhalf 仲有啲香脆乾果堅味加持 香口得嚟食完唔算話好口乾❷椰子雞湯 $108 (8.5/10)呢款有驚喜✧*｡真東南亞口味 除咗淡淡嘅椰子奶湯味 仲多咗份酸辣味 完全食慾大開(*´˘`*)♡平時唔飲湯嘅junjun都抵抗唔到佢嘅魅力 飲完再飲😆裡面雞件份量唔少 肉質嫩滑仲有好多菇作伴 -📍 @narathai.hk 沙田新城市廣場一期5樓507號舖(另有尖沙咀分店)-

沙田人氣泰國菜推介🇹🇭呢間泰國菜喺沙田同尖沙咀都有分店，之前食過幾次，隔咗太耐冇食，依家再試吓佢嘅質素係如何先！🐮泰式牛肉船麵($138)配料好足料，有肥牛、牛丸、牛筋、牛𦟌、牛柏葉，勁豐富，見牛食落都唔鞋，加埋炸豬皮，脆卜卜勁香口，主角湯底味道濃郁，令我飲晒成碗湯！😂推薦！🐷泰式豬肉炒河粉($98)河粉係寬河粉，所以食落好有咬口😍旁邊伴有辣椒粉同糖，不過我自己就冇撈，無撈嘅味道都啱我口味，豬肉嘅份量都足夠！🥬泰式炒通菜($68)味道好似飛天通菜，調味啱啱好，真係泰國菜必食🍚榴槤雪糕伴榴槤糯米飯($88)上碟時糯米飯仲係熱辣辣，加上雪凍咗嘅榴槤肉同榴槤蓉，榴槤味道好濃郁，糯米飯亦好黏口，撈埋椰汁一齊食，榴槤控必點！

放咗工之後 約咗母親大人食晚餐去咗 位於新城市五樓嘅泰國餐廳喺幾年前 大姨媽同我喺呢度慶生幾年後 重臨舊地嘅感覺好特別呢裝修以木系嘅格調 環境相對舒適梳化位有枕頭 而上面有古式風扇 食物質素方面 整體上嘅性價比高而服務一般 氛圍上仲熱鬧過街市-蝦片 ($15)一坐低 就俾咗份蝦片俾我哋 價錢係照計㗎都幾大份 食落脆卜卜 真係食到停唔到口呢-黃咖喱軟殼蟹 ($198)賣相已經贏晒 超多咖喱汁真係好邪惡有五隻原隻軟殼蟹 炸得好香脆可口喔-泰式炒金邊粉 ($128) 強烈推介係脹卜卜嘅蛋包金邊粉 單睇賣相就已經流晒口水喔面蓋上咗薄薄嘅蛋花 而入面有幾隻大蝦同硬豆腐條大蝦食落好彈牙 硬豆腐條配埋金邊粉食落好有層次碟邊仲有辣椒花生粒砂糖芽菜同埋青檸 俾大家調味而金邊粉軟硬度啱啱好食落甜甜哋 炒得好有鑊氣啊整體上真係好足料 而金邊粉嘅份量多啲就更加好啦-泰式肉碎煎蛋飯 ($98)份量足夠 肉碎色澤均勻 食落唔仲可以揀辣度添

今日行沙田新城市見到有間泰國菜，門面幾靚，吸引咗我入去。座位都非常舒服，有啲大枱亦有梳化位。限定菜單：潑水節海王手工菜早前香港都有潑水節，當然也要攪攪新菜式啦。蟹肉海鮮脆米泡飯鍋配冬陰功：話明潑水節，梗係要有「潑」嘅動作啦。儀式感十足：吃飯前要將旁邊的調味配料撥入飯中，加強飯嘅口感。不過辣到噴火，尤其是明火煮滾後加埋辣好過癮。配料有蟹肉碎、蝦仁、魷魚。泰式脆魚鬆拌青芒沙律配泰式魚露汁平時食泰國嘢好少食青芒沙律，質感係好有柔軟，好食過平時既菜絲沙律🥗加埋脆魚鬆食口感真係好特別。鹹香嘅魚露汁冇得輸。椰香豚肉西米丸子望餐牌一黑一綠色以為係甜品，估唔到係咸㗎！好邪惡，每粒表面上有一粒辣椒，又係食到噴火！但糯米丸子鹹鹹地又幾好味

一向都有去開呢間泰式餐廳食晏晝飯，今次就寫個食評啦。呢一度環境都幾優雅，比較鍾意坐呢度嘅梳化卡位座位，會有埋咕𠱸，靚得嚟又舒服。呢度空間感比較大，就算滿咗都好，相對寧靜唔會太嘈吵。侍應方面都有禮貌，回應快，會經常性睇吓你會唔會需要加水，服務幾細心。講一講呢度嘅食物，我同朋友叫咗兩個餐。午市精選🔸泰式肉碎煎蛋飯$78肉碎好香口，好容易下飯，煎蛋係太陽蛋，有蛋汁，冇叫錯👍🏻🔸泰式檸茶+$10茶底幾香，只係加$10，性價比高。🔸泰式無骨鳳爪（4件）+$28有好多車厘茄喺上面，鳳爪大隻，酸酸辣辣好惹味。經典套餐🔸泰式雞肉炒金邊粉$118金邊粉炒得有火候，一粒粒雞肉。（可以叫小辣）🔸雞肉沙嗲串（3串）味道幾好，配有沙嗲醬。如果雞肉大件一點會更佳，會更滿足。🔸芒果糯米飯伴椰奶　+$38如果另外嗌要$88😂，芒果都仲係好甜，糯米飯係熱辣辣嘅，淋上厚厚嘅椰汁，俾倒人滿足嘅感覺。🔸青檸梳打+$10叫咗走冰少甜，有好多青檸嘅纖維係梳打面，證明足料！雖然係走冰，份量唔會冇咗一半😂呢個飲品好開胃，解渴。性價比高👍🏻喺度食飯係一個好完整嘅meal，可以舒舒服服同朋友傾偈食飯嘅好地方。*不是試食活動Lunch M

星期六日同屋企人去Nara thai, 提提大家~ 星期六日lunch 係冇lunch set 架~ 所以如果想食lunch set就要睇睇啦~首先叫左走辣嘅椰子湯，入邊都幾多菜，仲有個爐熱住、暖暖地幾舒服算係唔錯。老豆就決定叫招牌船麵啦～船麵好豐富、多餸有半生熟肥牛、牛展、牛丸、牛孖筋、牛柏葉！牛丸有三粒，粒垃都好爆汁😋牛展好厚切、牛孖筋、牛柏葉都好扑掛汁，正。130蚊左右😂湯底好惹味！順帶一提，一入到餐廳會有炸蝦片小食，當然會收啲錢啦～不過脆脆地又幾好食。整體而言味道都可以，雖然價錢貴啲但係坐得都舒服。如果廚房同事戴帽煮野食會更加好啦。

沙田嘅泰國菜餐廳Nara Thai菜式令人垂涎三尺，每一款都好吸引人，一次過愛上泰國菜！泰式牛肉船麵被佢豐盈嘅湯底所吸引。佢哋用大量豬骨、牛骨、雞腳同慈菜熬製成濃郁而複雜嘅湯底，令人回味無窮。湯底配上嫩滑嘅牛肉片、滷水牛腱、泰國手打牛肉丸同炸豬皮，味道豐富又精緻，每一口都令人驚艷！如果鍾意海鮮同米紙卷，一定要試吓佢哋嘅芒果軟殼蟹米紙卷。新鮮嘅芒果同脆口嘅軟殼蟹包埋喺米紙卷入面，真係一絕！加上配料有新鮮蔬菜同泰式醬汁，味道酸甜又微辣，回味無窮。甜品揀咗香蕉薄餅配榛子醬同煉奶。薄餅香脆，餘甘迴味，加埋榛子醬同煉奶，係一個甜蜜又美味嘅組合。飲品方面點了海鹽焦糖泰式奶茶同凍泰式檸茶。海鹽焦糖泰式奶茶帶有微咸嘅口感，加上焦糖嘅甜香，令味道更加豐富。而凍泰式檸茶則帶有清新嘅檸檬味，幾涼爽解渴。Nara Thai嘅環境亦都值得一提。佢嘅裝潢簡潔而雅致，營造出一種舒適同愉快嘅氛圍。服務亦都非常友善，感受到餐廳嘅熱情同埋細心。

到沙田新城市廣場食晏，突然想食泰國菜。經過曼谷過江龍「Nara Thai Cuisine」，門前放有lunch set menu都幾吸引，之前嚟食過晚餐已經覺得好唔錯，就一於入去試吓佢個lunch set。餐廳以啡色作主調，燈光暗暗有帶泰國風情，半卡座同藤椅坐得舒適。lunch set menu種類多又可以自由組合，我哋揀咗兩個A+B，再加配一款小食，套餐已包冷熱檸檬茶。🅐 主菜❃ 泰式海南雞飯 $118無骨海南雞啖啖肉，份量都唔少，雞皮爽肉滑。油飯好香，粒粒分明，好鍾意佢個泰式醬汁，酸酸辣辣好惹味。❃ 泰式大蝦炒金邊粉 $118大蝦爽口彈牙，都有好多隻，金邊粉幼身煙靭，加入蛋絲、芽菜炒得好香，一啲都唔油膩，味道帶甜，碟邊伴有脆花生碎、辣椒粉同鹽，隨個人喜好撈勻食，加埋青檸汁更開胃。🅑 前菜及湯❃ 香脆魚露雞翼有四款選擇，單骨雞翼容易食，脆漿有黑芝麻調味，炸得香脆，又唔會乾晒，醃得好入味，味道鹹香，配埋雞醬。❃ 泰式香腸皮香脆，咬開口感鬆軟，食到香茅、檸檬葉等泰國香葉味道，充滿泰式風味。⊘套餐加配❃ 泰式生蝦 +$38有八款選擇，我好鍾意食生蝦，見到即刻要加，一碟有四隻，蝦肉冰凍鮮爽，

今日同屋企人黎沙田試泰菜，環境chill chill地幾有feel，weekend中午黎都坐滿曬，好彩有卜位炸蝦餅，厚身得黎都幾彈牙，炸粉唔會好厚👍沙律，蝦都係彈牙，整體黎講好清新，唔會好酸，份量都幾大串燒，叫左豬同雞，好食，但係唔算好出色，肉唔會柴豬頸肉呢樣野本身都無得輸，味道適中，爽口，想一舊接一舊咁食🤣大推！半隻雞，肉質嫩滑，應該係新鮮雞，值得叫菜就普通，正常發揮，不過唔知點解好耐先上菜甜品，傳統既椰汁西米糕同椰子糕，另外白色既係大菜糕仲有試左冬陰功都唔錯，唔會好辣，酸酸地幾開胃，不過無影到相🫣

最近到新城市廣場逛街，逛到累便隨意走進一間泰國菜餐廳點了兩個麵食，意外地非常高質呢！環境方面，餐廳環境闊落舒服、高樓底，很適合逛街逛到累小休一會呢😆．花膠雞絲班蘭金麵 $168首嘗這道來自清邁的菜式！湯底以黃咖喱醬和椰漿調製而成，口感較稠身，一上枱已聞到黃咖喱香氣，可說是色香味俱全😍 花膠和雞絲份量十足，加上香脆金麵真的很豐富😆．泰式牛肉船麵 $138船麵湯底味道濃郁，配料大大件，包括牛肉片、滷水牛腱、泰國手打牛肉丸和炸豬皮，超喜歡滷水牛腱，非常軟腍！不是說笑，份量感覺是比平時在吃船麵的兩倍呢😳

週末下午坐滿8成，餐廳內雖然多人，不過仍然容易傾到計，而且環境幾靚，適合同朋友相聚👍🏽.跟尖沙咀Lady Nara一樣，餐前有胡椒蝦片($15)，香脆又帶點辣味.點咗兩款泰國總店推介 Top Selection 泰式船麵👑 花膠雞絲班蘭金麵($168) 看似平平無奇，味道卻頗有驚喜🤩 湯底以黃咖喱醬及鮮椰漿調製，味道香濃又惹味😋 表面班蘭金麵香脆，底部班蘭蛋麵浸在湯底中索盡咖喱汁，口感煙韌，同一碗麵有兩種口感，好有特色👍🏽 雞絲嫩滑，花膠軟腍泰式牛肉船麵($138) 有炸豬皮、牛肉片、手打牛丸、牛柏葉、牛筋及滷水牛𦟌，當中以牛𦟌最出色，口感軟嫩👍🏽 湯底以豬骨、牛骨、雞腳及雜菜熬製，味道濃郁

💙今晚同我最愛嘅老公食飯🍽🌃接完老公放工之後 我哋就去咗沙田新城市廣場5樓呢度 呢一間新開嘅現代泰國菜💜 第一次嚟飲感覺都好好呀👍呢度新裝修係休閒田園風 好多木色係嘅傢俬🪵 感覺好似去咗泰國🌳🌴度假咁樣梳化位坐得好舒服 餐牌上面嘅嘢食種類都好多又有創意 真係好想全部試曬 🍜呢度啲嘢食都係有水準因為呢一間係一間攞獎嘅泰國餐廳 所以味道都應該好正宗🍽今晚就食咗點咗老公最愛嘅泰式炒金邊粉 炒得好香一啲都唔會油膩🍜 仲有好多隻大蝦添 非常好食 🍤泰式椰子雞湯 椰子同香茅味好重 雞肉份量好多🍛 配埋個油飯🍚食真係好好味 小食點咗個扎肉米紙卷🌯好有驚喜呀 個辣汁真係好香口 米紙卷 份量都好多 飲品嗌咗個椰青🥥大大個 好下火 感覺奢侈呢度坐得好舒服🥢服務又好好嘢食質素 非常好cp值高🩷 真係好想再嚟幫襯👍

和朋友相約在沙田晚飯，朋友推介試試Nara Thai Cuisine。店面寬廣，餐廳內人客滿座，所以環境都比較嘈吵。入座後，店員先送上蝦片小食 ($15/份)，蝦片大大塊，好脆，蝦香夾雜微微胡椒味，惹味而不鹹！大蝦柚子沙律 ($108)，用上大量的柚子肉，酸酸甜甜不苦澀，爽脆多汁！沙律加入糖漿、炸蒜及大蝦，滋味又開胃～～泰式椰子雞湯，以小火爐盛載送上，令湯的溫度可保持較長的時間，不急於一口氣喝完。椰子湯底奶白香濃，微微酸辣，帶香茅味。用料充足，雞件及草菇的份量不少，雞件夠嫩滑。泰式鴛鴦豬手，一隻豬手一式兩味，滷水及脆炸，送上的豬手已起肉去骨切好！脆炸豬手炸得脆卜卜，皮脆肉嫩，肉質完全不會乾身，味道鹹香，蘸些酸辣汁吃，好味！個人更喜歡吃滷水豬手，滷得好入味，入口啖啖微甜帶香料香氣。口感軟稔得來帶嚼勁，滿滿黏口的骨膠原感！芒果軟殼蟹米紙卷，一整隻軟殼蟹鋪放在米紙卷上，軟殼蟹炸得好脆。米紙包裹清爽蔬菜、芒果及脆脆軟殼蟹，口感豐富。惟米紙卷略略厚身，而且芒果不夠香甜。菠蘿肉鬆海鮮炒飯，以鮮菠蘿🍍盛載送上，份量滿滿的，配料有大蝦、青口、帶子、肉鬆、提子乾及腰果。配料夠多，而且炒飯夠乾身，但不太吃

Nara Thai Cuisine喺沙田新城市廣場嘅一間泰國餐廳，真係好推薦！佢嘅泰國菜好好食又好精緻，我經常都嚟呢度幫襯。呢度嘅裝修風格好有格調，環境又好舒適，餐枱都好寬敞，真係令人感到放鬆。今日嘅小食我哋叫咗燒豬頸肉配青木瓜沙律，真係要大力推薦！豬頸肉份量十分足夠，而且燒得香口，醃得入味。再加埋青木瓜沙律，口感清新，同豬頸肉互相平衡，味道真係好開胃。至於主食，我哋揀咗泰式豬頸肉炒河粉。河粉煮得好彈牙，加埋豬頸肉同芥蘭，味道層次豐富，真係好好味。炒得有鑊氣味道，食落去好滿足。食泰國餐，我最鍾意嘅就係蝦餅。今日我哋試咗三件香脆蝦餅，啱啱炸好，熱辣辣嘅，而且蝦餅彈牙十足。配上佢哋嘅酸甜醬，真係一流絕佳！😋

上次兩個人第一次去食佢哋嘅招牌鴛鴦豬手同埋花膠雞絲斑蘭金麵，飽到上心口仲要打包埋翻屋企，今次醒目留定肚再去食埋佢哋其他出名啲菜式，同埋今次好符碌咁今次有得坐梳化位真係舒服晒😙⭐️泰式牛肉船面🍜牛肉麵真係超級大碗，起碼兩個人食先搞得掂👯牛展有成三塊之餘大塊又厚切、牛丸彈牙、牛柏葉爽口、牛肉超嫩，最正我覺得係牛筋真係煮得好淋又入味！ps.食呢碗麵最緊要係快！因為啲麵好索湯！⭐️黃咖喱大蝦🦐 勁多咖哩汁，蝦都好大隻肉多！蝦殼蝦腳炸得脆而且痴咗好多調味料係度，真係淨係食蝦殼都已經食到舔舔脷👅。蝦頭都已經剪走咗，都叫方便👍🏻⭐️黃薑豬肉沙嗲🐖豬肉串有成7串咁多👏🏻啲肉燒得啱啱好唔會乾過頭，有兩款汁配埋，個人覺得點醋嗰隻汁係最好食😋⭐️印度薄餅薄餅雖然得兩塊，但係鬆厚又有成塊面咁大塊。重點攞嚟配黃咖喱大蝦嘅咖喱汁食。（有時會諗如果係用酥皮龍蝦湯嗰塊酥皮配咖喱汁食，一定好鬼好味😋😎）總結：想坐得舒服又好味又食得飽嘅泰菜，Nara Thai 。豬肉沙嗲配酸醋汁真係有驚喜🥰📍 Nara Thai Cuisine (新城市廣場一期) (沙田)沙田沙田正街18號新城市廣場一期5樓507號舖Tel: 3188 113