Mee...lemongrass (已結業)

<将军澳>东港城见~海南鸡饭专门店。入內点<喇沙><海南鸡饭><珍珠奶茶>😂😂😂。<鸡>用冰鲜鸡，肉质比法国冷藏鸡差。<喇沙>可以。反之<珍珠奶茶>有惊喜~台湾风味喔...

８號風球外賣３個下午茶，花咗30分鐘來回，Ｔ10 無骨海南雞飯，打開一看只得３舊雞比平時少咗－半，雞下面就用菜抬高以為有好幾件。電話查詢職員話應該有1/4隻雞，可能廚房出錯，叫退回再補加， 嘥氣。

叫咗一個蜜汁燒厚切豬扒撈蒙 諗住應該唔會差得去邊掛 仲寫住推薦 舊豬扒一黎到 面個浸野巢晒皮 好似一pat漿咁包住塊肉 食落去係粉黎 好似啲炸完淋晒的皮（利申一上碟已經係咁）炸又唔似炸 燒又唔似燒咁 口感好核突 肉的味正常但完全食唔出蜜汁味然後啲麵正常的餐廳都會有椰菜絲同甘荀 佢慳到送幾條菜俾你 真係得幾條菜絲😅麵就好多 但我嫌佢太淋 個汁正正常常冇特別最正常就真係杯奶茶 係成餐飯入面對比下係味道最好$58食難受仲要加一 真心唔會想再食😅

上網睇到日出康城嗰邊開咗個新商場專登搭車去嗰邊行下不過唔使半個鐘就已經行曬😅商場唔算大 同埋好多鋪頭都未開嗰邊餐廳亦唔吸引所以就轉咗去坑口嗰邊食飯見到呢間餐廳食評都唔錯就決定試一試馬來蜜汁炭燒厚切豬扒配菜飯$78豬扒炸得好鬆軟 醃得好入味菜飯似係海南雞d黃油飯加埋豬扒上面薑蔥炸蒜撈埋d飯一齊食非常好食👍🏼👍🏼原先想叫波士頓龍蝦喇沙不過今日太晏先過嚟就已經賣曬la 唯有叫me喇沙$84有大蝦,蜆肉,蟹柳,魚蛋,豆卜,雞蛋,魷魚喇沙唔辣 好重椰香味入面有拉麵同埋有米粉 唔知係咪呢度嘅特色😂鐵板蠔仔蛋$92估唔到幾大份而且啲蠔仔好飽滿好大隻💬整體上都好唔錯埋單仲有coupon送

香港茶餐廳野食扮馬拉餐，屋村餐廳仲好味過佢！又貴，冇服務又要收加一服務費！食茶記冇咁嬲！蠔仔蛋得幾粒蠔仔，炒貴刁完全係豉油炒河仲要得過一隻蝦咁，茶記炒牛河仲好食！咖哩牛冇咖哩味，唔講以為食緊葡汁牛肉！仲好意思開咁多間分店！垃圾！影衰哂馬拉野食！我個人都食野求其加啦！都可以覺得咁鬼難食！我真係唔明白點解仲可以開咁多分店！第一次去餐廳食野覺得難食到要寫食評！伏到不得了！一定唔會再食！咁既質素仲要收咁貴！

我本人係幾中意食泰國菜既 今次又去左試另一間泰國菜啦 Mee...lemongrass我地2個人叫左2個午餐包埋飲品（凍飲+$2）首先叫左個海鮮喇沙 材料份量岩岩好 有細細隻蜆 2隻新鮮嘅蝦（要剝殼）魚蛋 蟹柳 豆卜 但係豆卜煮既時間太少 好硬 又唔吸湯汁😟湯底椰香味夠 香料味亦濃 但稍嫌質地唔夠杰第 較水 但值得一讚既係麵條方面 好有心思 用左粗幼麵2種 有口感得嚟味道又會平衡啲第二款係印尼炒飯 亦都唔錯 料唔算好多 有蝦仁 魷魚 洋蔥等 蝦片一上菜就已經淋左 面串燒肉質都有啲硬 但係飯粒方面 飯粒粒分明 煙煙韌韌 食落幾好味👍🏼泰式奶茶既味道唔係好濃 但飲得出係有分別既 而且唔會太甜 幾好四季春既茶味幾出 同樣唔會過甜 都唔錯 但額外+$20有啲貴

#灰到坑口 #灰到食星馬菜-🔻Mee...喇沙(大蝦，蜆肉，蟹柳，魚蛋，豆卜，雞蛋) $78 另加一同新加坡傳統喇沙一樣，有油麵同米粉做麵底。大蝦蝦肉口感彈牙，不過湯底椰奶香欠奉，蜆肉頗多沙。豆卜應該係最後先加，完全冇浸到湯汁，所以唔入味。另外我食唔慣呢款蟹柳嘅味道，可能唔係我慣常食嘅款😂▪🔻泰式奶茶(凍飲加$2)唔記得叫少甜少冰，味道稍甜，同埋味道唔係太似泰式奶茶(?)🤔-👅食後感：一直想食呢間好耐(真係想食成年都有😂)，但期望太高，味道真係普通😳-👀個人喜愛度：5.5/10-🚩Mee...lemongrass將軍澳坑口重華路8號東港城2樓238號舖-#美食 #香港美食 #hk #hkfood #foodie #hkfoodie #laksa #喇沙 #singapore #香港

這間將軍澳店是我食過最難食的喇沙湯麵menu 寫招牌喇沙，諗住試下招牌菜，一上枱，第一口先吃魚蛋，一咬，內裡冰凍，魚蛋完全沒有煮熱過，內裡凍冰冰,即刻要求服務員去換過一碗，另一碗新的，我又先試一口魚蛋...完全離晒譜跟剛才第一碗既魚蛋一樣凍冰冰，沒有煮熱過既然第一次有咁既投訴，正常第二次應該都煮返熱少少粒魚蛋當應酬下我，我都諗住會算數...但第二碗竟然跟第一碗一樣的凍，完全hea 我，漠視顧客既感受真的很嬲，即刻取消張單，太過份！到最後去櫃位埋單時跟經理投訴（換了兩次時，當時經理行開咗），幸好經理了解後即時道歉，會去跟進，亦給我地折扣，欣賞這位經理的服務態度，但食物質素同樣重要，真心希望食物好好改善，不要令顧客無回頭

今日突然之間好想食喇沙，跟住呢又咁啱行開將軍澳，所以就去咗呢一間舖頭啦🤪🤪舖頭環境好舒服，座位亦都夠大，點解要講佢嘅座位夠唔夠舒服呢，係因為呢度嘅菜全部係一大盤咁樣上。例如一個lunch set咁就會用一個大盤裝住你要嘅嘢同埋甜品仲有前菜一齊上！今次我就叫咗秘製炸豬扒配喇沙，佢完全滿足到我想食喇沙嘅願望，食落去好滿足，豬扒亦都好入味，湯亦都唔會話好鹹，因為喇沙湯最怕係太鹹，啲麵會吸晒啲鹹味然後食到好辛苦。呢度就冇呢個問題，味道亦都唔錯，所以喺度推薦比大家食。

來了坑口探朋友，之後在附近逛逛，逛完好累又點少得搵好野食補充體力呀！ 今次就揀左 #MeeLemongrass ，環境裝修靚，食物款式都算多，叻沙比較特別，可以選配海南雞、龍蝦等等，因為老公唔食得海鮮，於是點左海南雞叻沙 $84。見隔離枱多人叫龍蝦叻沙，大龍蝦原隻上，以為好貴，原來只需$88， 好抵食！只是限量供應，要試要早來💪叻沙麵底湯有蛋及豆卜，棷香味濃唔辣，易入口，食完唔覺口渴。個人覺得個湯底如可有選擇🌶辣度會更惹味😋個海南雞分碟另上，雞肉just ok, 不是很滑的，點些醬料較惹味。我地另叫了黑糖珍珠奶茶 $25，大杯抵飲👍只是奶比較多，搶左茶味😁 較易入口，夜晚飲都唔怕瞓唔到🤣奶多，黑糖珍珠香甜有嚼口，好飽肚，叻沙面底油面加米粉份量都算多，再加上lunch食得太飽不餓, 我地2人share食1面1飲品已夠飽🙈原來MeeLemongrass 全港現有6間分店，可惜之前銅鑼灣皇室堡間己結業😰希望來緊會係銅鑼灣再開！餐廳墊枱紙印有基教香港信義會社會服務部簡介， 據說是該餐廳有捐款予該會做善事👍#值得再黎 #大坑半日遊 #MagicRaymond食好野#MagicCherry攻美食

第一次寫食評，只係希望大家睇左唔好中伏。今日同朋友去食lunch，想叫一碗半價龍蝦喇沙，店員話無，跟住想叫海南雞喇沙，又話無，唯有再叫其他有的，叫左豬扒喇沙，塊豬扒凍嘅，成塊都係油，唔怪得見到隔離枱成塊豬扒只食了1/3，跟住加錢飲芝芝芒芒，黎左一杯完全沒有芝士的，之後同店員講左，加返芝士，但芝士係完全無芝士味，芒果亦無芒果味，超伏，勁難飲，重要加$18食物無影相，只影左芝芝芒芒，提醒下大家唔想大家中伏

Mee!!!!❤係我近期最鍾意食嘅馬來西亞新加坡野💛💛💛💛💛💛💛💛佢價錢多數70幾蚊一個餐👍🏻👍🏻但份量係超級足，就算係大胃王都會夠晒飽🤣🤣p.s.我就係大胃王！！！！今次我就叫咗海南雞飯💛💛佢晏晝包埋小食糖甜品🤩佢個油飽好香上邊仲有啲炸蒜添😍依個海南雞飯係冇骨嘅，啱晒啲懶惰嘅人🤣🤣🤣小食，甜品，湯同埋菜就正正常常啦❤個人十分推介試吓！食完仲會送張$20卷下次用得㗎啦🥰

聖誕節同老公落左樓下食野，見呢間馬來菜居然冇咩人排隊，於是入去幫襯下，見每檯都有點勁大杯野飲，睇返原來係豆奶再加紫米、珍珠咁玩法，見個個點我地都有點，味道又真係唔錯，仲有點左半隻海南雞，係幾滑，同埋秋葵，不過睇返都係飲品做得比較出色

晚上在將軍澳附近等男朋友一起吃晚餐因為吃了幾天茶餐廳已不想再吃就建議到東港城吃飯。走遍了整個商場，老實沒有找到很想吃經過這家，不想再找來找去了，決定一試我地兩個都叫喇沙麵，意想不到的是，這個湯底出奇地好味，不會太辣太咸非常適中，還有很多豆卜，把湯汁都滲透了特別多精華同正！而配菜類則是豬扒及海南雞，個人覺得海南雞更勝因為有做到嫩滑，清淡。沒豬扒那麼油膩另外點了馬拉盞炒通菜，幾惹味，同幾大碟。呢餐都算食得滿足。質素幾好中上👍🏻

今晚晚餐去左將軍澳中心，主打東南亞菜式嘅Mee...lemongrass，菜式超多元化，有泰、越、馬來西亞，甚至仲有台式飲品，真係一次滿足左多個願望。我地西個人叫左炒金邊粉、馬來蜜汁炭燒厚切豬扒撈檬、脆香雞翼、蝦仁米紙卷。炒金邊粉的味道也是甜、酸、鹹、辣共冶一爐，酸甜開胃，滋味絕妙！而個撈檬，檬粉彈牙不乾身；豬扒肉質嫩滑又juicy，整到好似叉燒甘，食唔停口。朋友話想食甜品，但個太飽食唔到芒果糯米飯，改嗌左椰汁千層糕，千層糕滿滿椰香，絕不遜色。最想讚係個飲品，非常有驚喜，比一啲大牌子更好味，特別推介有珍珠既飲品，因為呢度既珍珠太好味。偷杯左朋友嗰杯，熱西柚烏龍茶，意想不到的好喝。