LE BREAD LAB (已結業)

又有同事離職，佢精心準備既散水餅得到大家一致既好評！奶油食落唔會太膩，口感細滑！水果都甜美！即使不能夠一次食完，放進雪櫃再取出食用，上面的糖霜也還在，奶油都很完好！為食鬼既同事，未影相已經急不及待去的嘗一口

STRAWBERRY LATTE $48👍🏻👍🏻份量唔係好大杯，味道就還好。個人覺得就唔係好值，因為都48蚊仲係細杯，但係外型黎講係可以比人打到卡既，都係粉粉白白都幾靚，但係士多啤梨既份量較小。性價比黎講就不推薦了。隻杯係膠樽黎，如果係用玻璃樽既話應該會靚D，如果純粹打下卡都OK既。舖頭既設計係可以打卡既，但係味道黎講呢杯野都唔係好值啦。如果有係韓國飲過士多啤梨奶既話，係香港就真係唔值，係韓國果杯就大份好多同埋會真材實料好多。不過過到黎香港都預左有D唔同既，都係接受到。

喺尖沙咀行到攰攰地又未夠鐘去下一場，想搵個舒舒服服嘅地方坐低休息吓就突然醒起喺美麗華開咗間韓國過江龍打卡Cafe。小店位置唔係人來人往嘅地方，都搵咗一陣先搵到，而且座位唔多，好在啱啱好仲有最後一枱😆-💲72/4（以下三款可以任揀四件）1️⃣草莓奶油捲2️⃣草莓巧克力奶油捲3️⃣鮮芒果奶油捲幾款個味道都差唔多，蛋糕鬆軟，唔會太甜，細細舊兩啖食晒當下午茶啱啱好，不過睇返價錢會覺得性價比偏低，好在係好味🤣😋-🍓🥛草莓牛奶 $48呢個本來係諗住搭單解下渴，點知飲落有驚喜🥰草莓蓉比想像中多，咬落唔係假甜，夾埋牛奶perfect match💯-總結：整體價錢偏高選擇少，但係質素唔錯，草莓牛奶會想encore🥰

這間來自韓國超人氣甜品店，裝修十分入流，有霓虹燈和少女味十足的粉紅色牆身，不難成為打卡勝地。當天到訪品嚐了最有名的奶油草莓捲和鮮奶油芒果捲，可惜甜品份量過少，一點也不便宜，但是味道相當普通。試過一次便夠了。

本來以為只有外賣，但原來有位可以坐低慢慢嘆～😆鋪頭用粉紅色做主調，加埋咁靚靚既奶油捲，少女心即刻出晒黎！奶油捲最少買4件，可選擇混搭唔同口味～而唔同口味，價錢有機會唔同，收費就會按較貴嗰款計算。我同朋友揀左兩款，1件士多啤梨朱古力，3件士多啤梨。1️⃣士多啤梨奶油捲（$72/4件）2️⃣士多啤梨朱古力奶油捲（$72/4件）滿滿既cream，啱晒鍾意食cream既你❣️蛋糕好鬆軟，士多啤梨又夠甜！🍓🤤

一到下午茶就肚餓好想食甜野🥺呢間嘅奶油捲有好多水果口味有士多啤梨🍓 芒果🥭 香蕉🍌 雜果🫐另外仲有摩卡☕️同埋限定抹茶紅豆🍵 最鍾意就係佢嘅抹茶紅豆味♡ 味道唔會過甜 忌廉亦好順滑而且價錢親民～係尖沙咀有分店可以坐低食做散水餅團購請朋友食都無問題٩(ˊᗜˋ*)و

今日又有人last day, 陪佢去美麗華攞散水餅返公司派俾同事，攞個陣已經覺得賣相好靚，原來係韓國直送，打卡一流，有紅豆綠茶，士多啤梨，芒果，朱古力同埋香蕉味道，好多選擇

IG/ Google Map 送禮/ 散水餅之前同事轉工，喺Le Bread Lab買過啲散水餅俾我地食，政治又好味。前日行街見到就入去食幾件，仲試埋佢地嘅嘢飲添！Strawberry Omelette 草莓奶油卷 Mango Omelette 鮮芒果奶油卷 $72/4佢喺呢度嘅名物，我叫果兩隻味四件$72任你配搭。仲有幾隻味道係$59四件添！如果想買嚟做散水餅，$162/ $184就有12件，個盒都好靚。蛋糕底嘅蛋香都濃郁，細細個易入口唔怕肥！芒果同士多啤梨真係好新鮮，加埋奶油食好滿足！Strawberry Latte 草莓牛奶 $48呢個真係必試！香醇嘅鮮奶配上粒粒嘅草莓果肉，小小甜得嚟又唔會太滯。飲完一支勁想買多支，但係見到自己咁肥都係下次先算。Doppio Espresso 濃縮咖啡 $21咖啡味香濃，沖得幾好超級香！五點幾仲飲咖啡，傻咗；不過夜晚瞓得好好。

/ /少女心📸打卡一流韓國人氣蛋捲🍓滿滿粉紅色裝修，成個環境都好少女心💗咁啱今日嚟嘅時候得番呢幾款可以揀難得嚟到，緊係試哂佢😙奶油捲🍓🥭叫咗呢兩款口味，係我最愛嘅草莓同芒果味食落口感鬆軟，好creamy中間仲有超多cream，好滑又唔會太甜面層仲有水果配搭，食落好fresh伯爵茶奶茶🥤超濃郁伯爵茶味，茶控必試！飲落偏甜，如果冇咁甜就perfect啦奶茶好滑，仲有個牛奶樽真係好cute🍼

今日同朋友行街行到攰攰地，就諗住搵啲coffee shop之類坐下唞吓，見到呢間LE BREAD LAB環境幾靚，就決定喺呢度落腳。見到佢個樣似曾相識，原來係曾經食過同事派嘅散水餅。原來有好多唔同嘅味道可以選擇，飲品就以鮮奶為主。凍櫃嘅display非常吸睛。我哋二話不說就揀咗奶油捲同兩杯飲品坐低慢慢品嚐。草莓奶油捲用上新鮮嘅草莓放上滿滿嘅忌廉之上。而芒果奶油捲就用上新鮮芒果，切成芒果粒放上面，個人認為芒果味道更加豐富。草莓鮮奶係用新鮮草莓製成，再混入明治鮮奶入面，啖啖充滿果肉而且鮮奶又夠滑。紫薯鮮奶就係將紫薯蓉混入鮮奶打勻，加上係凍飲，分外香甜。如果我將來派散水餅，呢間LE BREAD LAB一定係我嘅考慮之列。

#尖沙咀美食 #小蓮星呑食尖沙咀🔻 LE BREAD LAB尖沙咀彌敦道132號美麗華廣場3樓303號舖///🧃草莓奶油捲 $72/4件海綿蛋糕超軟綿綿得嚟又有Q彈口感，仲有微微蛋香，奶油好creamy，入口即溶，好香滑，士多啤梨唔洗講，係甜嘅。/🧃鮮芒果奶油捲個人中意芒果多啲，始終真係好甜，同埋更加有水份🤤😍/🧃草莓牛奶 $48新鮮士多啤梨果肉配上鮮牛奶，奶味濃郁得嚟又有甜甜的鮮果肉口感，兩者好夾！/🧃cappuccino $36超大杯超靚！估唔到奶泡咁滑咁綿密，咖啡都好好飲！/成間鋪走粉紅色路線，超有少女心！蛋捲都好靚好岩打卡，細細件買嚟做散水餅都好適合！/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

曾經有個好朋友講過人愈大愈鐘意粉紅色💗💗💗💗我都係咁呀🤭🤭🤭宜家用咩都要粉紅色嚟到呢間粉紅甜品專門店雙眼即刻發曬光👀即使無咩化妝都立即影幾張相打咗卡先講啦📸嘩!係cream呀！整甜品一加cream都即刻好味10倍😋😋😋由於賣得太好啦當日嘅奶油捲得返草莓同芒果味另外我再order咗2杯嘢飲享受下屬於女仔嘅甜品時光先一上枱！嘩！成盤粉紅色咁俾我洗唔洗咁靚咁精緻呀🤩咁我食先定影左相先好呀我被士多啤梨奶個樽冧到竟然咁好心機整個牛奶樽造型嘅膠樽🍓🥛實在太可愛，靚到可以送俾人士多啤梨奶油捲粒士多啤梨居然唔酸仲好多汁添😊💕🍓配埋奶油嘅滑真係好啱夏天食細細件又唔會太邪惡甚至買嚟做散水餅都仲得芒果奶油捲非常推介芒果係非常新鮮🥭完全無發黑情況發生鬆軟嘅蛋糕捲配上酸酸甜甜嘅水果果然係幾清新食完嘢就梗係要飲下嘢啦士多啤梨奶除咗靚之外味道都有驚喜🍓真係原汁原味唔洗怕會加好多糖或者開奶粉因為100%新鮮奶使用仲咬到鮮味嘅粒粒士多啤梨添之後講下充滿幸福感嘅飲品女仔有時手凍腳凍要飲下熱嘢飲完呢杯紅薯牛奶包你暖曬飲落去好似熱番薯汁咁濃卻又添上咗熱牛奶嘅滑今晚一定好好訓啫😪

星期六去尖沙咀嘅美麗華廣場行街，行到有啲疲倦，咁岩見到Le Bread Lab ，係少女粉紅色嘅餐廳，好靚呀！所以決定食個輕盈嘅下午茶！餐廳嘅奶油捲除咗散賣（最少4件），仲可以成盒買，好適合用嚟做散水餅或送禮！草莓奶油捲 / 鮮芒果奶油捲 $72 （4件）Strawberry Omelette / Mango Omelette 4件嘅口味可以自由配搭，可惜當日其他口味已經sold out! 最外層軟綿嘅甜美蛋糕，包住絲滑嘅奶油，面層再加上草莓粒或芒果粒，一啖一件，好輕盈，唔會膩！草莓奶茶 $42Strawberry milk tea 佢哋嘅樽仔都好靚！香滑嘅西式奶茶中，帶有淡淡草莓香甜，唔錯！熱拿鐵 $36Hot Latte 咖啡味香濃，口感順滑，與牛奶比較平衡，仲要大大杯，抵飲！

星期日晏晝去咗一間pinkpink主題少女心大爆發嘅打卡Cafe🍓裏面有好多打卡位，有兩個靚靚霓虹燈，啲野食主要都係輕食，做散水餅，送禮啱唒❤️ 草莓牛奶好好飲，個樽蓋好特別，好似啲bb奶樽咁😍 裏面有好多一粒粒嘅切碎嘅草莓，飲落好濃郁香甜奶味，再帶點口感，好正😆🐷🐷要咗樽伯爵奶茶，我覺得伯爵茶味幾香濃，就比較甜🥰 奶油捲就揀咗草莓同芒果，$72 4件口味可以互mix😄 滿滿嘅cream加上鬆軟嘅蛋糕，上面仲有甜蜜水果，鐘意食creamy甜品嘅女仔一定愛不釋手😋

韓國過江龍Le Bread Lab，一開果陣見到d宣傳照有色彩繽紛既一口班戟卷覺得好靚，果陣已經心思思想食。過左一排之後，竟然有同事既散水餅係買左呢間，終於就試左 個口大d既話可以一口一件，試左幾款口味都覺得好正。今日行尖沙咀行到餓餓地，咁岩經過Le Bread Lab既實體店，有d掛住上次食過既味道，就坐低食返件先 原來店舖仲有飲品可以叫，特飲啊咖啡啊都有，下午茶一流成間都以粉紅色為主調，坐椅都用上粉紅色梳化，加埋白花瓣同燈泡吊燈，華麗得黎又唔會覺得太浮誇枱面仲有粉紅色玫瑰花裝飾，係鮮花黎添 用黎打卡一流！成間好似cafe咁，有櫥窗可以睇到所有products既樣，其實實物都同模型好似，1d都唔馬虎！我地兩個一叫左一set 4件既鮮果奶油捲，再加一人一杯野飲。由於係韓式cafe，牛奶係比較出名，所以我捨棄左平時成日飲既咖啡 （我見呢度既咖啡仲要有拉花，其實應該都幾唔錯）由於呢度既奶油捲都係用韓國空運材料，而咁岩呢排韓國翻唔到貨過黎，所以只係得返佢地兩款招牌口味，不過都無令我失望草莓奶油捲用上韓國大大粒草莓，相信大家對韓國草莓都唔會陌生。我鍾意佢帶天然酸，反而令成個奶油捲味道更平衡，唔