Itamama (東港城) (已結業)

星期一晚去咗呢個餐廳食飯，叫咗個晚餐叫鹿兒島豚肉，先嚟一個頭湯，係蘑菇忌廉湯，完全係凍嘅，飲咗幾啖已經飲唔落，好似飲緊凍水咁，跟住嚟個主菜即係鹿兒島豚肉，啲豬扒煮得太熟完全咬唔開非常之韌，而且只有微溫，最奇怪係墊底嘅配菜，啲番茄同薯仔完全係凍嘅，我個人認為啲嘢根本係事先煮熟，有客叫嘅時候就只有個豬扒稍為加熱，其他根本冇加熱，如果有零分我一定畀零分.整個餐廳畀我嘅感覺就好似就嚟執笠，已經唔在乎客人嘅感覺

比茶餐廳嘅價錢,但就提供中上質素嘅食物,真心講句係抵！環境裝修都幾靚仔,坐得都算舒服服務都唔差,雖然人手唔算足夠,爆場真係要等耐少少,但店員至少唔會扮睇唔到而走咗去！選擇都好多款揀,總有一款啱你揀叫咗個三文魚墨西哥卷同炒蛋賣相可媲美出面收百幾蚊嘅cafe,但係到只收你$41三文魚唔會薄如紙,炒蛋唔會鞋颯颯係咁嘅環境,咁嘅食物質素,仲有咩可彈呢？唔怪之得係平日10am 已經有人龍出現啦!

收工時間經過呢間 又想食下意粉就入咗嚟見到有個西班牙鮮蝦帶子闊條麵 即刻點 再送埋野菌忌廉湯再加個三文魚沙律 同埋柚子雞翼最後叫多一份烤安格斯牛超大份 兩個人都食唔哂埋單都唔過400$好抵食😋

今日黎到東港城有野做，於是就揀左呢間快食早餐，佢假日早餐係去到1130，方便我呢d 難早起既人。佢早餐選擇都好多，我就揀左炒蛋雞排面。炒蛋雞排正常，但面就有少少硬。

朝早11點諗住食早餐，叫左2個面，等左超過20分鐘都未有得食，搵左人跟一跟，話煮緊，再等多10分鐘先黎，個面勁生，湯又小，感覺好飲催佢就求其出個面俾你食咁，早餐體驗非常差

東港城早餐選擇不算好多，這間早餐以西式為主，鋪面面積大，座位充裕。平日上午8:40落單，3分鐘就後食得🍽😂🥢🥢🥢🥢🥢🥢🥢<煙三文魚墨西哥卷 配鮮野菌鮮奶炒滑蛋 $41>如餐牌上的圖示，食物還原度幾高😂🌯首先，個墨西哥卷是常溫的，一咬下去，啲羅馬生菜十分脆口，令人感覺新鮮。🥬煙三文魚片係有口感的，不是一陣風的。個人口味覺得是沙律醬多左啲啲，似凱撒沙律醬，不過唔緊要的，我接受到。🥚之後炒蛋係幾滑既，有好多雜菌粒粒係裏面，油量亦沒有多到倒出來。☕️餐飲有杯熱飲，普通的熱咖啡是即磨機沖的，幾濃郁的。📋FYI全個餐，由入坐到起身，我15分鐘內完成了，再到門口埋單，快得來，職員態度都可以，整個體驗是愉快的。😌

剛剛買完餸，突然間好想食pizza，經過個一間意大利餐廳，這間餐廳，未試過食lunch，便去試下。環境有少少 romantic，我們坐下 order咗一個手工義大利巴馬火腿火箭菜pizza配熱咖啡。杯咖啡味道ok，個pizza賣相都幾靚，但係一食落口都唔係熱，只係和暖。味道大打折扣，因為唔係熱，冇咗芝士剛焗完出嚟嗰種濃郁味道。巴馬火腿都可以。order咗另外一款龍蝦湯海鮮天使麵，配野菌忌廉湯。個餐湯都幾濃郁。天使麵個賣相都幾靚，有蝦、蜆肉、青口、一粒扇貝，龍蝦湯冇龍蝦味，海鮮冇味，最失敗個天使麵煮得太耐，淋得滯。另外，其他舖頭啲天使麵好食好多。服務態度差，攞個碗仔都好似唔願意。嘥曬我啲quota，價錢又唔係平，CP值低。

今日途經將軍澳東港城，順便去「itamama」食午餐，一座底👀餐牌，居然有廿幾款午餐，真係估你唔到！😲經了一輪挑選，最後揀咗👇🏻“煙三文魚煙肉炒椰菜花無米飯” ～ 呢款菜式好健康又美味，尤其煙三文魚、煙肉、提升了椰菜花香味，仲有瓜粒，整碟又香又清新！“百里香烤雞(半隻)配珍珠飯” ～ 烤雞烤得香，但稍微過火，雞肉有點鞋，但大致上配合調味汁及沙律菜配飯食，都唔錯！😉“Tiramisu 蛋糕” ～ 朱古力味濃、蛋糕又夠 creamy，食到舐舐脷！香濃咖啡+tiramisu蛋糕，真係絕配！

好耐冇嚟呢間東港城「Itamama」食下午茶，今次途經、擇日不如撞日，就即刻與 honey 入去 order 兩客嘆下！😉👆🏻“MaMa 手工比薩”～比薩餅底脆卜卜，舖在餅面的餡料有辣玉腸、黑欖、洋蔥，中間還有糖心蛋，加埋芝士，味道豐富！👍🏻😋👆🏻“龍蝦汁蕃茄豬扒焗珍珠飯”～豬扒嫩滑，配合鮮茄🦞汁焗粒粒珍珠飯，夠晒野味！😘👆🏻“雜莓忌廉蛋糕”～賣相頗吸引，草莓味濃，蛋糕都👌🏻，如滑啲更佳！😊

香草豬肉腸·餐肉·煎焗流心蛋·火腿濃湯通粉·蒜香牛油多士 ($39)餐飲 - 熱檸檬茶睇餐牌見到呢個成個all day breakfast咁，即刻叫嚟試下😍店員話通粉賣哂，轉咗無糖高纖鮮奶燕麥片之前試過堂食等好耐，諗住今次外賣會快啲，不過平日都等咗10分鐘🥲可能而家疫情多咗人外賣啦，如果出餐可以快少少就好～整體水準不錯就算外賣，隻蛋都做到流心效果麥皮可以根據自己喜好加糖最欣賞係兩片蒜香牛油多士🧄🍞蒜蓉同香草佈滿成塊多士😍非常香蒜蓉味👍🏻如果外賣沙律菜🥗嘅麻醬份量多啲同埋分開裝就更加好呢個早餐真係好滿足😋

呢到既早餐都多選擇，總有一款適合你，好多時諗吾到食乜早餐都會黎呢到食，今次叫左麥皮、沙律、蘑菇炒蛋、蒜蓉方包，蒜蓉方包脆卜卜超香，建議即刻食，吾係好快會淋曬，麥皮係無糖既，可以按自己喜好加糖，蘑菇炒蛋都幾滑。

佢嘅早餐真係平靚正，賣相好，價錢相議，set breakfast 通常都跟有沙律菜，而佢既沙律菜都係爽脆嘅。另外不少得嘅仲有佢跟餐嘅涷咖啡，真係好好飲☺️ Lunch有小pizza ,意粉,意大利燴飯，都好出色，總括呢間餐廳我會俾5星，5個字形容曬，平靚正好食😋

今日凍凍地就想食一些熱熱地的東西做早餐，於是我在Itamama餐廳叫咗意大利蕃茄牛肉濃湯通粉。見餐牌圖片是火紅噹噹的蕃茄汁舖蓋著通粉，但上枱時差別就太大了，嘩! 是橙色而不是紅色呀。至於入口的通粉，則是普普通通之作，我覺得不夠彈牙囉，而牛肉只是少少幾片似乎算是常態。最後餐後之即磨咖啡，並沒有為這通粉餐加點分數。

見到晚市推介都幾唔錯就入去試下.和味啖啖肉 ($98)依set 有野菌忌廉湯, 有安格斯牛排, 雞排, 煙肉, 流心蛋, 薯條安格斯牛排外層煎熟，中心都有7成熟, 肉質十分軟嫩可口.雞排都幾大塊. 煙肉煎到好香脆. 依個價錢黎講都好唔錯. +$28 可以配特飲, 我就叫左菠羅檸檬特飲, 酸酸甜甜好開胃西班牙大蝦三文魚闊條麵 ($74)個汁好creamy 同有少少辣, 都有好多隻蝦, 同三文魚碎. Itamama 食物都幾多款式, 同晚市價錢都唔貴.  值得再去. 

餐廳格局好似高級左嘅翠華. 整體食物質素唔錯. 性價比非常高. 又唔似會趕客.午餐可以加小食. 水牛雞翼. 個味都正常.另一款小食叫咗焗西蘭花. 都可以.餐飲叫咗熱情果. 偏甜. 因為唔係間間餐廳有.可以一試. 另一杯叫咗凍檸檬茶. 好有茶味.主角係豬扒焗飯. 出色. 蕃茄味正常唔會太酸. 豬扒係切咗細細舊嘅. 肥瘦適中. 入口腍滑. 飯係用珍珠米. 下次都會再叫.卡幫尼意粉. 整體味道可以. 唔係十分出色.呢個價錢嘅午餐非常抵食. 可以嚟食多幾次.