Home Sweet (已結業)

見熱熱地就去甜品店食個tea😂可能因為3號風，所以無乜人。成間店得我地兩個😂一入去有陣勁香嘅芒果味，所以就揀楊枝甘露😂但食落有d酸。坐左陣就轉左勁香黑芝麻味😂

非常差的光顧經歷，職員落單、收錢、包裝全程黑口黑面，外賣自取被叫唔好企曬響門口。雖然住在附近，但很難再找到光顧的理由。光顧前要三思、要有充分的心理準備及清楚自己可以頂得住付錢換西面。

食物乾淨、衛生，應該係對飲食行業最基本既要求...仲要係而家呢個非常時期！而呢間野啲野食勁污糟，一咬個榴槤大雪已經咬到入面有好大塊紙巾🤢🤢🤢職員一聽到就勁快過黎掉左舊紙巾，搞到我影唔切相... 都唔緊要啦 諗住佢會換過個比我，點知佢一路禁電話同埋同其他同事吹水，完全無再理，直到我要求佢換過件...換完之後，佢全程黑面禁電話，到埋單都係黑哂面。食個糖水都要咁受氣...下次？不了。元朗大把高汁糖水店，真係唔好幫襯呢間

呢間甜品舖已經食過幾次店舖唔近大街 舖面細小以白色為色調 睇落乾淨企理座位較迫坐得無咁舒服店舖有清水提供每次去都係叫朱古力心太軟$52😂純粹個人喜好心太軟賣相不錯 流心感十足🤩朱古力味濃郁厚滑😋雲呢拿雪糕不過不失旁邊有芒果 士多啤梨同香蕉等水果配襯可以用黎減膩下次去食都會繼續食心太軟🤣

心太軟仲快過豆腐花上不特止問佢豆腐花得未態度仲要勁差。一去到就連餐牌都要自己攞。店員係五會理。五知佢企係到做咩。味道又五係話特別好食。真心以後五會泥。係元朗好普通

一行十幾人飯後想食甜品，朋友話係咪食X記，雖則一講個名無人唔識，但已無食好耐，最後係開飯見到此店，全世界都未試過，就一齊黎做白老鼠啦，一入店發現由三個後生仔主理，我地叫左好多野食呀，有榴槤大福、蛋白燉椰皇、竹炭窩夫、芒果雪花冰、棷汁紫米露、芒果大福、楊枝金露，榴槤大福~~~榴槤味好濃好香、但CREAM 可再多點，因個底仲有好大塊皮。芒果雪花冰~~~入口即溶，佢唔係刨冰，因刨冰入口仲有冰粒同冰碎，佢係無嘅。竹炭窩夫~~~賣相幾靚，窩夫味道好好而且脆，可惜無醬點黎食，只食個窩夫比較DRY，朱古力雪糕波太細，蛋白燉椰皇~~~~SIZE 比一般棷皇細小，但椰香味唔錯。其他因為係朋友食，所以無詳細問，但整體都覺得味道同賣相都唔錯，但缺點係地點比較偏僻，同埋座位太窄，但若黎開元朗會再試。**個個掛住食，無人記得影相*** 食物上枱樣貌同餐牌一樣

我覺得這間的甜品也不錯，食了一個椰王燉蛋白蛋白好滑和好重奶味，巴夫味道也可以，不過唔夠軟熟，還有一個麻石是一個薑汁黑芝麻做出來豆腐花，喜歡食薑味朋友不妨一試但係個黑芝麻和豆腐味被薑汁蓋過了，最後食了一個格餅個買相好靚，不過格餅唔夠熱但係好脆卜卜，個雪糕豆腐花味好正好重豆腐味，有興趣可以試下。

前排同朋友去咗元朗食飯 食完飯就去咗呢間係內街嘅甜品舖食甜品 似係做街坊生意首先就叫咗個每日限量嘅菠蘿雪葩呢個真係有驚喜 事關除咗面頭嘅菠蘿有用焦糖輕輕燒過之外 雪葩裏面竟然係有果肉 不過份量就比較少 朋友食完都覺得唔夠喉我就叫咗一個芒果窩夫配曲奇雪糕擺盤非常之靚用嚟打卡一流 芒果非常之甜不過個人就覺得曲奇雪糕裏面嘅曲奇太多所以食落去唔係太覺得似食緊雪糕反而似食緊Oreo整體來講其實都唔錯 去開元朗嘅都可以試吓😆

亞女的生日在星期一, 諗住近近哋, 附近就腳食甜品慶祝吓!一粒芒果大雪等了 35分鐘，催促多次；肚子餓扁了食物一般，一個好立克雪花冰太甜，$48的價錢又唔平一粒芒果大雪要$26，又貴但仲差過長洲芒果糯米滋，塊皮超級厚，厚到拎黎煎野食都得裡面粒芒果又唔新鮮又唔好味...唔係唔好味，係直頭無味!! 雪到過晒龍其他水果有點兒酸，味道一般店員沒有禮貌，口黑面黑，發脾氣找錢！多謝一聲也沒有，像是我們顧客得罪了他！應該檢討一下態度，顧客沒有做錯事，受到不合理對待中伏! 絕無下次. 甜品店又唔係得你一間 咁短視自大的店主 你的營商之道will bring you down one day

芒果大雪 HKD24；不專業評級：8/10😍😍第一次食 完全係深深愛上了 絕對比長洲芒果糯米滋 更好食‼️ 外層的糯米皮雪白薄透 綿密Q軟💗 同一般既糯米皮有啲唔同 帶有啲棉花糖的感覺😆 入面除左有2️⃣舊肥大厚肉清甜的芒果肉🤤 仲有類似棉花糖味的Cream 輕盈綿滑🌸 真心覺得超級高質❤️🧡💛💚💙💜 食完一舊完全唔夠喉🤣

門口寫營業時間係3點，我同朋友早5分鐘去到都可以入去，等左唔使10分鐘就有得食，有效率我就叫左個綠茶雪花冰$52配有紅豆同埋椰果，紅豆甜，唔硬，椰果香，同綠茶味既野一齊食係經典配搭雪花冰唔會冰到食唔到，綠茶味都ＯＫ口感唔錯，入口算即溶，再綿D 就prefect另外仲叫左支椰果水$15椰子味都幾濃，抵飲，凍凍地做完運動飲幾爽HOME SWEET 係由一家三口打理，　一路食一路聽住老豆呀媽同個仔溝通，講學校Ｄ野都幾溫馨

今天與男朋友在附近吃完晚飯,見尚有時間就去了這間甜品店,因為這一間甜品店的芒果大雪好出名但位置相當隱蔽附近都大分多車房時間尚早,店內只有3-4人, 坐位都算多(不過如果太夜先黎可能會無位)上甜品的速度都好快一坐下當然先看Menu,選擇都比較多元化,有中式西式等等..出名的芒果大雪,來到當然不會放過這個機會除了芒果大雪亦都有榴槤味的大雪芒果大雪  ($25)皮十分薄,啖啖都有芒果肉(喜愛吃Cream的可能不太能滿足)法式焦糖燉蛋配雪糕 ($38) 雪糕配了曲奇味這店並不馬虎,連裝飾都會用心原味木糠布甸($25)布甸是用淡忌廉加煉奶做成,木糠十分有口感薑汁撞鮮奶 ($32)奶是馳名的中式甜品,香純入口，柔嫩香甜，薑汁與牛奶盪出的難忘

元朗有Heart💜甜品小店🍨今日叫左4款甜試下🤩🤩🍨椰皇鮮奶燉蛋白蛋白入口勁嫩滑，勁濃椰香🥥嘅味道，椰皇嘅肉唔會太硬，仲可以食埋啲椰子肉👍🏻🍨心太軟配雪糕甜度適中，唔會overcook配埋雲呢嗱雪糕🍦一流😋🍨楊枝甘露柚子肉唔會苦，配合埋適量花奶令芒果🥭汁底更香😋🍨竹炭芝麻窩夫配雪糕呢個不得不讚👍🏻通常甜品鋪都係加香精去做窩夫，而呢間絕對喺真材實料，喺食得出佢哋用炒香過既芝麻去整，窩夫仲配上2粒黑芝麻湯圓添🥰

作為半個元朗人，唔會淨係食B仔涼粉。呢間細細間嘅糖水舖，雖然唔係係好方便嘅位置，但係識食既一定會試呢一間home sweet!呢個係蘋果海底椰，食落去好足料，但其實我係想飲多啲糖水多過食海底野，哈哈！但係的確好抵食，呢個都只不過係$35。至於朋友食呢個楊枝甘露豆腐花，上面d楊枝甘露芒果好甜唔會酸，配埋豆味濃郁嘅豆腐花食好Match! 但係我就唔會係冬天叫呢個啦。到咗今日嘅重頭戲榴槤大雪！睇嚟之前朋友已經千叮萬囑一定要叫呢一個食，識落絕對係比驚喜更驚喜！雖然一細舊$26就貴左啲啲，但係入面嘅榴槤蓉份量10分足夠，唔會只係塞滿晒d cream就算！ 榴槤控必食呀！食咗咁多嘢埋單都係二百零蚊，大力推介呢一間唔係好方便但係好抵食嘅糖水舖！ home sweet

上星期日中午攜老公同媽咪細妹細妹男友去飲茶，三五成群傾下計，假日感覺好充實！嘆完中午茶後，倆公婆去超市入貨。折返屋企途中，老公好想食甜品，但我又唔想迫B仔⋯一閃就諗到Home Sweet。曾經外賣芒果&榴連大雪（糯米慈look），幾正！當日小店只有一對情侶，我同老公加入都只係四個人（唔洗迫係香港人既慾望）。舖頭細細，專業做甜品，其實真係要大大力支持。坐低叫咗一個芒果布甸、一件芒果大福同一碗麻石（薑汁撞芝麻糊）。芒果係老公既唯一😌總之一講甜品，佢只係會想食芒果系列既食品。芒果大福有層煙un薄薄既皮，包住香滑既忌簾同芒果肉，今次食都係好正，一啲都唔漏。反而芒果布甸就普普通，正常味道唔突出。今次最驚喜係碗麻石，薑味夠但又冇搶走芝麻既香，呢個真係好正好滿足，下次會再叫。食完好幸福既感覺👍🏻希望小店繼續努力💪🏼支持支持！