Holly Brown (已結業)

Crazy Berry好好味，甜度適中好多莓好正，整個雪糕都好好味，咖啡cuppac coffee ☕️非常專業，味道濃郁芳香，下次要試大杯的，solo未夠喉當時人流不多，坐位蠻舒服，可以再去試試其他款式食物

喺商場行到攰諗住搵間cafe坐低嘆下,點知見到呢間雪糕店，就膽粗粗入去試吓啦。我本身好鍾意食雲呢拿雪糕，見到呢度個藍色雲呢拿雪糕好似好特別咁，就叫左一個holly starlet試下。佢既賣相的確係幾特別，幾有童趣，小朋友應該會好鍾意。但我食落就覺得個雪糕太甜，食咗兩啖就已經好膩，食唔曬成個雪糕。至於個窩夫餅，我覺得有啲苦，但男朋友反而幾中意食＄60食呢個雪糕其實我覺得唔係好抵，不過有得坐，環境都ok,算係咁啦

又係過年嘅日子呢個商場呢一間雪糕店, 俾佢5顏六色嘅雪糕吸引住!! 佢都有好多選擇, 我哋就偏偏揀咗一個黑蚊蚊, 烏卒卒嘅double chocolate雪糕 呢一個雪糕好特別佢有啲餅喺裏面啦, 有兩個雪糕球,  亦都有一個窩夫, 所以你食落去脆口之餘, 又有好濃嘅朱古力味 我覺得好食過 G字頭嗰個朱古力牌子美中不足嘅係係(自己覺得啫),  嗰度好多國內同胞, 佢會同你爭櫈坐, 亦都會好大聲咁傾計如果你好想好寧靜,  呢一杯雪糕最好都係拎住一路行一路食會比較開心啲另外呢度都有咖啡買㗎, 如果有朋友傾偈又唔怕嘈, 都可以喺呢度坐下啦

突然想食雪糕，咁嚟到元朗形點就坐底響呢度食喇，點解?因為可以買完杯雪糕坐響室外食，雖然街景唔係太豐富，但啲冷風吹埋塊面度，再擺啖凍冰冰嘅雪糕落口嗰種感覺好爽囉…今次嗌咗薄荷朱古力同特濃朱古力，每杯60個大洋，我覺得特濃朱古力好味啲，薄荷朱古力啲味比較淡，下次再試吓其他先其實呢度除咗雪糕之外，仲有其他嘢食架，有三文治，蛋糕，飲品之類！

At first, I was attractive by the color of this ice cream.  Holly Brown  provides a good Gelato experience as it provide a great number of flavors of gelato with various toppings.  The baked waffle cradle is crispy and yummy, it is a perfect match with Gelato. I also  love the topping match with gelato, its delicious. Also I can see the whole process of making gelato, its interesting to see the process of mixing various topping with Gelato. The services I think is good and the waiting time is no

一去到見到有個女職員炒雪糕俾人鬧，過咗一陣就消失左，全間鋪頭得返一個大哥哥🤔😳知道呢間店出名好食，坐得舒適，但係人手控制同埋顧客服務好似有啲問題😮😮貴，但係好食嘅🤤整體感覺尚算可以。

去到Yoho想食少少嘢同甜品先行街，咁以為Holly Brown就可以滿足到食嘢加雪糕嘅要求，唔洗走嚟走去。咁結果係滿足到嘅，仲免費送一肚氣做前菜！一入到去就有位其實應該知道中伏，不過係尖沙咀有食過所以諗住冇事。首先咁大間嘢得一個高大哥仔，我明白間嘢係自助式餐廳，但一個人要落單要煮，食熟食仲要傳餐，一個人😰。喺冇人排隊嘅情況下，等咗3分鐘先可以落單，知道佢一個人辛苦，所以乖乖坐係到等、等、再等。終於有個伯伯送上2杯嘢飲，原來頭先見到有個紙板人係真人嚟㗎！問清楚係乜，答案:總之無錯，2杯都係你哋，冇其他人叫2杯熱飲！😓之後雪榚到，叫Mixed Berries幅圖係紅色，送上嚟嘅係藍色，今次應該錯喇掛？！我見高大高高一頭煙，就問紙板伯伯，拎杯嘢行埋去未開口問就有答案: 我乜都唔知，係廚房做嘅，我抹台㗎咋！Ok，唔該哂！其實同行有個3歲小朋友，你未拎雪糕嚟都仲可以按耐住佢，但嚟咗又拎走，佢會發癲，只希望可以快啲補返一杯啱嘅俾我？15分鐘後高大哥哥俾杯啱嘅紙板伯伯，見到隻手係指去我呢邊，結果俾咗杯嘢前面，好在人哋唔係食Mixed Berries最後我自己去搶返杯嘢返嚟。食2啖發現少咗下面個餅，

前幾天吃完飯，意猶未盡，於是到了HOLLY BROWN吃GELATO! 之前其實多次聽聞HOLLY BROWN好好食，所以真係充滿期待既心情去食。我點了MOCHALICIOUS，配料有朱古力加OREO，雪糕是咖啡味的，一開始吃非常滿足，可是吃著吃著，有點太溜呢，應該配點水果會比較平衡。朋友也點了MOCHALICIOUS但加4元轉了雲呢拿雪糕。總結: 雪糕味道還可以，可是墊底的餅不是脆的!淋到我地都冇食，友人說別的分店是脆的，有點失望呢，眼看店內其他食客都沒有吃那塊餅，應該是同一原因吧。60元一杯，份量是很足夠的，但仍覺有點太貴了。

已經唔係第一次，明明open rice寫佢嘅營業時間到22:00，但次次黎親未到9點半想買一杯雪糕都話：關左，無得賣～但係仲要係答得猶豫望一望隔離位同事先答，我同朋友都幾肯定未到關門時間，次次黎到都話無得賣，明明有幾枱客人食緊，仲有人係門口等拎雪糕，openrice又寫10點關，又會9點幾已經連買走都話無。只可以講呢間鋪請到呢啲員工真係倒米！

雪糕賣相比其他分店差，而且材料落得很少，職員完全不懂接待客人，而且當顧客有需要時，問職員問題時極無禮貌，而且會用責罵的語氣回應客人，第一次光顧這間分店，以後亦不會再光顧。

那天一大早和朋友到元朗吃個早餐，再找地方逛逛，近元朗西鐵站YOHO商場內餐廳選擇很多，我們經過了這間就決定試一試，坐低望出去看到藍天白雲，平時應該會開放戶外座位，可能早上的原故未有太多人所以未有開放，唯有坐其他位置欣賞風景，座位很寬敞且很舒服，很適合與朋友邊食邊傾。All day breakfast，每款食物都份量十足，但價錢較貴。值得一提，美式咖啡味道很香濃，而且沒有苦澀味，反而帶有回甘，這是我喜歡的。

俾左錢，送到嚟先知冇窩夫，冇窩夫仲冇折扣，叫職員加番d粟米片補償，仲好似乞衣咁。雪糕又唔夠凍，水汪汪，食到火鬼滾。去過其他分店食，未試過遇到服務態度咁差。60蚊一杯，去其他雪糕店都得，大家以後唔好嚟食。

下午時分烈曰當空，找個地方坐低hea 下。由於已經吃飽午飯，所以今次只是飲杯嘢。咁又估唔到有驚喜！Cappincino $38杯cappincino 味道十分濃郁，咖啡帶甘香同醇厚的感覺！加上表面厚厚細綿的泡沫，降低少少咖啡的溫度令其更適合入口同更加滑溜。真的比連鎖店的咖啡還要好。有點後悔沒order 大杯，現在有少少唔夠喉。Raspberry 沙冰$40嘩！正呀！飲落透心涼，raspberry 味道十足，酸酸甜甜的，沒有平日在街外飲到的藥水味或假到死的味道，而且這沙冰打得幼滑，仲大大杯，所有暑氣悶氣即消。真估唔到這店子的飲品質數咁高，下次行過要encore 下。

以前拍電視節目介紹過中環店，當時覺得藍色雪糕很恐怖，但後來識食fd子食過又話好好食，見平時叫一球都60多，難得下午茶40多配丹麥多士，就試試。閒日下午茶一個客都無。我選擇坐室外平台的位置，吸收一下維他命D。即叫即製，等了5分鐘左右，賣相精美，但多少有點像隔夜麵包，一點都不酥香。粉藍雪糕其實應該是雲尼拿雪糕，但又不想一般雲尼拿，質地有趣地有點煙韌，有點像多輕盈版的意大利雪糕，不知是否受顏色影響，總覺得味道有點化學，也有點童趣，整體以獨特質感取勝。士多啤利切成玫瑰花形，很精緻。朱古力醬跟粉藍雪糕混合後，顏色有點醜。

Holly brown 好多雪糕我基本上都試過，也算是老顧客吧？今晚食完晚餐突然想食甜品、第一時間就諗起附近既holly brown！去到大概8點幾，但餐廳既然只有一兩個人，同以前同樣時間小左好多食客。嘩，搞咩無咩客人既情況下都唔清理下個炒雪糕板??好啦，雖然係咁，但我同友人都好想食炒雪糕。。。附近又無其他選擇。拿，影呢張相之前係無食過，點解個皮可以整成咁？ 好似比人咬左一啖 同之前食過都是holly brown 出品的未免也差太遠。。價錢一樣但品質。。。咁其實我之後還應該支持佢嗎？