Häagen-Dazs

營業中

休息中

手上有一張$50 Haagen Dazs電子現金券，剛好到又一城逛街時看見有分店，於是便買了特色甜品-愛情號。愛情號其實就是雪糕香蕉船，我們可以選擇3個口味的雪糕，當時我們分別選擇了一個青檸雪芭、夏威夷果仁雪糕及曲奇雲呢拿口味。青檸雪芭加入了少許酒的成分，本人不太好酒精食品，加上不太吃得出青檸的清新的感覺，所以有點失望，之後應該不會再嘗試。曲奇雲呢拿口味不過不失，是一個很安全的口味，想不到選擇什麼口味的話可以試一試。最有驚喜的是夏威夷果仁口味，滿滿的夏威夷果仁，再配上雪糕，感覺很讚，口感及味道都很不錯。

大概十點啦想食個甜品嚟到呢度唔知係咪因為佢哋講收工呢啲態度真係好差 問佢呢個雪糕係咩味呢就搭到串串嘴咁 啲雪糕冇曬牌咁我鬼知你啲雪糕係咩味咩問多幾下就嫌人煩唔想答 我頂你呀咁你唔好開門收檔啦 見你咁串我要幫襯你囉帶咗個三球嘅雪糕 係咖啡綠茶同埋朱古力 嗰個皮膚好黑嘅男經理好串囉收完錢之後一句多謝都冇叫我攞返張單喎 話真係唔該曬你呀 講嘢就講單字嘅冇尾音淨係識得係同埋唔係 不知所謂真係未見過呢啲服務態度呀我仲要畀82蚊食一杯雪糕 你冇病呀 我唔好落7仔買嚟食好過 其實識唔識得點server客人㗎 我又唔冇叫你攞啲雪糕畀我試我淨係想買雪糕食咋 問個經理一句淨係識得搭單字"係" 同埋"唔係". 我問你係咪弱智㗎唔識得唔識得詞語呀 簡單對答都唔識 服務咁差 食完杯雪糕我仲有啲 肚痛肚屙添 覺得啲雪糕應該唔係太乾淨囉 奉勸大家呢都唔好幫襯

Haagen Das雪糕🍦一向質素也有一定保證，今次與家人一起分享一個雪糕籃😃❤️飯後甜品在我眼中是必須的，所以成日都試唔同既甜品店。雪糕🍦有5小球，分別是芒果紅桑子、抹茶、朱古力、藍莓、芒果所有雪糕🍦放在窩夫🧇籃上，非常吸引☺️☺️5種味道各有特色😃😃最愛抹茶🍵超濃郁芒果🥭紅桑子酸酸甜甜的，在雪糕中加入紅桑子，別具風格朱古力🍫味一如既往的好食，朱古力味非常濃，基本上每次都想食店舖人流多，雪糕新鮮🥶❤️

心太軟配搭抹茶🍵藍莓雪糕🍦推介指數🌟🌟🌟🌟Haagen Dazs 嘅雪糕唔洗講啦，一定有保證。軟滑又好食😋。心太軟焗得啱啱好，係有朱古力嘅流心🤤暖笠笠，配埋雪糕係一流。

早前用Asia Miles換領左雪糕卷，見差不多夠期就拿拿臨去店舖兑換快樂無限有8球迷你雪糕，可以自己揀要咩味，中間仲放左窩夫同生果粒，窩夫即刻整好就放上黎所以好脆。雪糕方面最鍾意青檸雪芭，酸酸地好開胃，而焦糖脆片就勁甜。不過d雪糕融得好快，所以要不停咁食，無得慢慢嘆。。。

踏入6月夏季初到，氣溫急升，整個人都混身不自然，要幫自己消暑，當然要搵個舒服地方涼爽下😎😎😎是日於又一城消費，人頭湧湧，即使商場內有冷氣，但仍然熱到出汗😅😅😅碰巧遇到Haagandazz 讓我盡消熱氣，走到店前，選了「雙球水果窩夫」🥰🥰，Haagandazz 提供既雪糕選擇不算很多，有點貴精不貴多感覺，但每次新推出既味道確實令人充滿驚喜😋😋是日選了紅桑子雪菓及呍哩拿焦糖朱古力蛋糕，一款夠夏日酸酸甜甜，另一款則夠濃郁入味，即管試試😝😝雪菓入口感覺微甜，酸度一般，感覺似食幼滑雪冰😘而朱古力蛋糕🍰則味道濃厚，似食芝士蛋糕，兩球連桃肉窩夫$69，可以一試解解渴😝😝

本來係因為有兩張現金卷就快到期就去買，點知剛好撞到有限定三日的買一送一，就轉咗要帽子雪糕杯🍨其實所謂帽子就係甜筒倒轉放係兩球雪糕的杯上面，因為有四個球就分別㨂了：紅豆、芒果紅莓、限定茉莉花石榴、草莓芝士蛋糕味🍰。其實最中意食哈根大師的草莓味可惜今日冇就㨂咗草莓芝士蛋糕頂上，不過味道一般，特別最有期待的限定味就只有茉莉花茶味，媽媽更說似香水味，之後同草莓芝士溶埋一切就更傻傻分不清........芒果紅莓反而不過不失，紅豆就完全無味道🤢 好失望， 仲差過食麥x勞紅豆新地或普通紅豆糖都好啲。 如果無優惠券同士多啤梨味都係唔買了😬補充因爲做緊優惠活動關係，唔夠位置坐，仲有人唔係食雪糕霸住啲位，如果職員會黎清潔趕下閒雜人等就好了。

食完下午茶去睇戲，未夠鐘，見到Haagen-Dazs有新嘢食，甜品，任何時候都是最好的伴侶😬😬😬有三款口味：第一款：心花怒放第二款：濃情心太軟第三款：愛情號今日先吃（濃情心太軟）😬濃情心太軟——-即叫即焗製，配上香滑的雲尼拿➕藍莓雪糕球，還有士多啤梨水果配合，味道perfect match👍👍👍😋😋心❤️太軟，食完心❤️好暧😂😂😂😂😂Warm and Sweet😍😍😍😍😍

1人行熱熱地仲有張雪糕卷咁就食返杯雪糕先～次次去到都好多人食雪糕～其實我個人唔太喜愛～但係有時食下都無妨嘅～每間分店都有大約20隻味揀～但選擇會唔一樣唔會咁死板～今次揀依隻夏威夷果仁其他店就唔一定有啦～其實就係雲呢拿雪糕加D夏威夷果仁粒～夏威夷果仁粒都算多～雪糕食落冇咩特別但都幾濃奶味嘅～甜筒食落唔會淋～但就係普通餅味～冇咩特別～其實有好多隻味都唔會試～比起上次食嗰個比利時朱古力味～就明顯失色啦～

因為有現金卷又順道等睇戲 上黎食兩球雪糕 時間就剛好店舖一邊係雪櫃同收銀處 另一邊有常食座位 流程係先揀好味道 再去比錢 今次想試下平時比較少食嘅味道 就揀左季節限定嘅橙花同紅豆 揀埋個甜筒 咁就承惠$65 認真平時唔會食 哩兩個味都唔算太甜 食落各自個味都出嘅 但唔會留下特別難忘嘅印象 亦無想再食嘅衝動不過雪糕溶得比較快 買完搭番電梯落下一層就已經開始滴落手上 食得都幾狼狽我諗價錢有一半都落係個品牌而唔係食物本身 都係等下次去食自助餐再試Haagen Dazs雪糕

雪糕係最好嘅飯後甜品~ 食完晚飯經過Häagen-Dazs, 買咗個水果party雪糕杯兩份食! 原來有marshmallow! 有啲驚喜^^ 不過估唔到桃味竟然冇咩桃味, 反而似食開個啲平平士多啤梨味新地, 有啲伏>< 都係cookie & cream正常好多!

放工之後同同事一齊去左食哈根達斯去到發現原來用八達通買二送二好抵食 平時買一球都三十幾蚊都多人排隊 但店員動作好迅速一個人收錢 一個人會問你揀咩味好快就食到美味既雪糕了我揀左berry同cookie and cream味同事就揀左綠茶同焦糖味

食完飯之後想食雪糕，梗係食最愛嘅Haagen-Dazs啦😍😋今日試左佢個白桃紅桑子，幾好食，有啲桃粒😋仲有點左最鐘意食嘅Strawberry cheesecake加Cookies and Cream，好滿足嘅甜品😋

又一城Häagen-Dazs雪糕火鍋其實想食好耐了，但由於冇人陪我食一個人又食唔晒，所以都冇衝動去食！咁啱見到信用卡可以用積分換平左少少，今次真係忍唔住要去試吓！積分玩購的需要外賣自取！仲要早三日上網預訂！即日去到員工打包好我就可以拎返屋企啦，他們都準備咗乾冰給我有一個小小嘅時間可以比我回家雪藏！今次呢個雪糕火鍋套餐：工具已經齊晒，包括左一個鍋，叉同埋蠟燭！火鍋汁底有朱古力味同埋綠茶味！配料有兩盒，一盒係迷你雪糕球16個，另外一盒係雪糕配一些甜點，例如嗎卡窿糯米糍等等的配搭！雪糕球點上朱古力醬好味又好玩，小朋友就最鍾意！但係甜點我就覺得甜左少少，不需要點，不過如果不點就失去左雪糕火鍋的好處吧！由於包朱古力醬都好大包，最後綠茶的我都冇開放棄咗！整體來說我覺得都係食雪糕好啲，贏咗經歷輸咗味道！

以前細個覺得哈根大師好好食，因為當時冇咩雪糕店，佢可以話係一市獨大，但售價比較貴所以好少食。 往往都係等買一送一先會幫襯，今次就係優惠最後一日路過分店所以買喇。八達通優惠價 $65有四球，唔知點解完全唔覺優惠左，我心目中佢其實就係值咁多。揀左夏威夷果仁、藍莓、綠茶同朱古力味，夏威夷果仁味起碼一半係大大粒果仁，雪糕就係輕微蜜糖味既雲尼拿雪糕。 試左幾款雜莓味都有果肉，最後揀左有原粒糖藍莓既淺紫色藍莓味，可惜連埋其他雪糕一齊食會顯得味道單調，唔夠甜又唔夠酸，兩頭唔到岸咁。綠茶味都算濃，但始終Cha Cha更勝一籌；朱古力味就滿佈朱古力片好有口感。  整體雪糕味道同質感平平無奇，勝在足料啖啖果仁/果肉/朱古力片，未有引起感動一瞬。半價個時唔洗排隊先會幫襯。