Das Gute (已結業)

今天經過看到剛新鮮出爐的麵包 忍不住走了進去看看發現這個菠菜芝士意式香草包！賣相有點像DONQ的菠菜芝士包於是買了一個來試試吃發現味道不似預期呢！外皮有芝士亦十分香濃敗北的是意式軟包的味道有點怪異 酸酸的感覺也不像是DONQ的粒粒芝士感覺不太好吃下次還是買回我愛的番薯包吧入面有日本甜薯 剛出爐熱騰騰真的不得了 非常香糯 外層有帶點苦澀的可可粉 味道層次分明 麵包鬆軟 即使涼了也好吃！各有特色吧未試過他們的芝士蛋糕 好像也很吸引 味道不知如何 價錢也很抵 下次試試

三點鐘又到下午茶時間成日經過都會有新鮮出爐麵包心大心細 樣樣都想食Das Gute 麻糬波波 $16/5個(芝士/朱古力/芝麻)芝麻味:煙韌香口朱古力:味道較清淡 然後咬到朱古力就甜甜的 我雖不愛朱古力但感覺不錯芝士:咸香咸香 食多有d溜蕃薯包 $16半原條日本甜薯再加甜薯蓉 包皮有d可可粉裝飾 好好食！真材實料 貴都值嘛！鹽之紅豆大福 $10mochi加紅豆蓉的組合～太吸引了吧外層淡淡的麵粉香 但不知為何我食到有d葱油餅的味道仲有一粒粒既蜜紅豆 超讚的組合呑拿魚竹輪包 $13一條竹輪卷一開二加入呑拿魚沙律味道不錯 但略嫌麵包過油！菠菜芝士意式香草包 $14芝士控會好滿足！佢有幾種芝士 芝士味好香濃內有一些紅色的微辣的果乾 整個包不會油 是個健康的麵包雖然未到十分出色的地步，但整體感覺不錯，都是一個下午茶的好選擇！

早上10:00左右經過Das Gute 見到好多麵包新鮮出爐ah咦 有蕃薯包 超香蕃薯味放學成日都得返凍冰冰既蕃薯包難得岩岩出爐 熱辣辣緊係買返個食la~蕃薯包 $16除左有甜甜的蕃薯蓉，仲有半條日本甜薯！好健康既一個包ah麵包外層有可可粉賣相好似煨蕃薯其實我一直覺得Das Gute 同 A1 bakery既麵包款式真係好相似 原來Das Gute 係A1 bakery既旗下品牌 吾怪之得啦食麵包都可以食得健康d蕃薯包熱食凍食都好食！仲感覺無甘肥添～

一向都覺得A-1 group既野食有水準，由小芝士蛋糕開始，成日都keep住食它既新出品。今次見到係👇🏻呢4款，選擇困難症又發作了，最後係朱古力蛋糕同無花果芝士蛋糕之爭。結果因為係選用法國著名品牌朱古力，於是揀咗它。第一啖，好有驚喜，真的好香濃既朱古力味道，好似食緊朱古力，唔多覺係蛋糕質地。內有朱古力碎粒，有少少顆粒咬下，感覺它充實咗！😋😋而且唔似出面既空氣蛋糕，呢個係好足料既小蛋糕，唔會一路食一路跌，真的濃濃化不開，好味道！ 過幾日又去買，朱古力蛋糕仍是最暢銷，得番3、4個，即刻去比錢😁😁。

離開商場之前去買左2個芝士波，＄4.5 一個，＄14 5個，因為未試過費事中伏，所以只係買左2個，返到屋企焗翻熱，完全無芝士味（無論聞定食都係），裡面嘅麻糬有點兒過厚，麻麻地

香芒脆脆捲 ($130)Das Gute的生日蛋糕及包類我都經常吃，品質賣相令人心動。最近的新出品「香芒脆脆捲」，令我馬上想起是美心「芒果脆脆蛋糕」及日式捲蛋的合成品，不知道是否值回$130票價呢?心思思打開，心想應該芒果味芬芳濃厚，可惜只是單純的想像...芒果味淡淡的，中間有些水果，水果乾身，cream太少，因此沒有幼滑的質感。當中有脆脆，因此切開時需要一定技巧，否則會切得支離破碎。$130不太值得呢!我寧願買$20的普通捲蛋...

今天又到奧海城，又一次經過 Das Gute 門前，每次皆被其門外之櫥窗吸引住，其吸引力並非來自麪包，卻是那些「圓餅」！特點這些「圓餅」實不是「餅」，而是芝士蛋糕；又不是普通的芝士蛋糕，是「焦糖芝士蛋糕 Creme Brulee au Fromage」，而且是每天新鮮出爐、限時售完即止的焦糖芝士蛋糕！這次店員告訴我要多等十分鐘，新烘製的焦糖芝士蛋糕便會出爐，多等一會又算是什麼？回來時師傅已烘好了兩個端放於出爐餐車之上，就這樣地買了一個回家慢慢品嚐。外形打開盒子，這個「圓餅」直徑約五吋大，屬小型蛋糕。外表烘至棕黃色，蛋糕底部靠一片金色的圓形卡紙承托著。蛋糕側面之紋理較粗糙，底層則有一片厚塊將蛋糕墊起。蛋糕面覆上了薄薄一層焦糖及灑上少量白砂糖，焦糖面烘至黃黑色，這與蒲式蛋撻有點相似。味道將之切開，內餡填滿了淡黃色之忌廉芝士，近中央位置之底部有一片熔化了的朱古力片。一口品嚐，面層之焦糖很薄很脆，富焦香之甜味，卻頗易碎。內層由來自澳洲的忌廉芝士及紐西蘭鮮忌廉製成，質感滑溜 Creamy、密度結實，難得的是味道並不太甜，不會令肚子吃得過膩。底部的硬塊有點像拿破崙蛋糕之酥餅，脆口而味香；反而那小片

真係忍唔住要講一吓個芝士蛋白梳乎厘，不過講聲唔好意思無影到相。表面係金黄色，外型有似一個日式芝士蛋糕，而我都以為係，點知食落真係似一個梳乎厘咁！佢雖然無梳乎厘咁入口溶化，但都只係實咗小小，仍然有梳乎厘嘅感覺，鬆化嘅蛋糕口感，質地偏濕而軟滑，仲有好香嘅蛋白味同淡淡嘅芝士味，最緊要係唔太甜，好似食多D都唔怕，但真係好想再食！好食程度係……佢跌落地我都唔捨得掉咗佢……唔知有冇人信？

Das Gute焦糖芝士蛋($50)Mark: 8/10蒲撻味cheesecake你又吃過沒有？這個焦糖芝士蛋糕結合了 creme brulee和 cheesecake兩種甜品，表面更配合香脆的焦糖面！由於蛋的比例較高, 蛋糕質感滑而實在，也很creamy,吃著吃著就發覺味道竟然跟蒲撻有點像哈哈。唯一挑剔的就是脆身的餅底如果能再增添點牛油香味就好了。

這間面包店一向價錢貴，不過味道好，用料十足，不過最近通漲得厲害，面包也縮小了。今天正當我在煩惱買什麼作為聽朝早餐的時候，發現了這間蛋白脆餅，有2款味！朱古力同紅梅味，今次買左朱古力味，$20蚊40克，大約有十粒左右餅很薄很脆，甜甜的，加上硬硬的朱古力粒，很是驚喜！！！我妹妹也大讚很好食這個蛋白餅就像無餡的macaroon, even tastier than macaroon雖然豪不起眼，但我覺得是非常好食呢！！！

今日黎到奧海城閒逛 , 我地真係一行過面包店面包癮又起嫁喇!見到呢間個樣好似好高級既麵包店，於是走入去睇下一眼俾呢邊紅紅綠綠吸引左！左邊系綠茶紅豆忌廉包，右邊粉紅色既草莓吉士忌廉包，色彩繽紛令到我兩隻都好想食唔知揀邊個好，最後決定揀綠茶紅豆忌廉包，口味會岩d同埋綠色靚d 成個史力加咁 , 好得意 ~ 綠茶紅豆 , 唔差得去邊o既第一啖咬落去好軟綿綿，麵包亦真系帶有綠茶味，再咬多兩啖，見到忌廉同紅豆喇，份量都唔少o家 , 忌廉同紅豆分開變左好似兩層好整齊，紅豆好蜜甜 , 但配合淡淡清香既綠茶包，味道非常夾，再加上忌廉o既香滑正好又中和返紅豆既甜味，又想講多次 , 綠茶紅豆簡直係絕配 !## $ 10 一個有水準o既面包 , 真係食到人心到甜埋而且個忌廉係軟滑到好似食緊甜品咁 , 咁諗就更加係抵啦 xd

Das Gute 呢一件法式可可真係唔錯, 有驚喜!外層有一層厚厚既 dark chocolate glaze, 仲有一點點閃靈靈既金粉。有一層薄薄既紅莓醬, 唔係好食到 raspberry 既味道, 但勝在有一層粉紅色既 colour, 幾靚。裡面成件蛋糕係好 rich 好 rich 既 chocolate mousse!!! (食了半件就開始覺得有點膩, 但仍然好滿足那濃濃既朱古力味)完全 fulfilled 我嗜甜/嗜朱古力既感覺 裡面仲有一層好 light 既 sponge cake 同埋好綠色既蛋糕 layer。咁深綠色既蛋糕竟然食唔出開心果味, 所以差少少, 有點失望, 但外面都有一粒粒開心果仁碎。整體黎講, $30 一件蛋糕, Das Gute 呢一件算做得好好。

老婆仔在奧海城三期的這一間麵包店買來了「紅茶伯爵蛋糕」回家做下午茶。這「伯爵紅茶蛋糕」價錢不貴，只是 $10 而已，鬆軟度及格，能吃出紅茶味，又不會太甜，都幾好。

今日路經奧海城三期於是一試此面包店，之前沒見過，但店內面包頗為吸引，其中一蕃薯包的外形頗特別有趣，焦焦的面包裹著內裏金黃鬆軟的蕃薯，就像充當蕃薯皮一樣，很有創意，預料口感應該也不錯，決定留待日後再試；另外在店內也被形形式式精緻迷人的甜點和切餅吸引，價戔也只是三十元左右，份量大而且看起料很足，只是礙於最近正積極減肥，還是忍痛留待以後嘗試再分享！那麼我吃了甚麼呢？是果仁歌欣與雞肉圈圈牛角包。果仁歌欣非常好吃，高度推薦！我孤陋寡聞從未聽聞歌欣此食物，今日一試口感頗為特別，外面硬脆如酥餅而內裏像面包一樣酥軟，配上甚為可嚼的果仁碎和糖漿，口感好得來甜度也適中，很好味道！另有蘋果歌欣，雖在網上有見其他意見說過甜，但有機會也想再試試。至於雞肉圈圈牛角包（真名非如此，但大概有「雞肉圈圈」之字，而外形貌似牛角包）則較令人失望了。也許是冷掉了吧，面包已經有硬了，有點難咬。而且雞肉味道也一般，不見突出，在嚐過歌欣後確實是有一定落差。不過由於切餅與其他面包賣相實在太吸引，而且歌欣味道非凡，必定會再次光顧，嚐盡好吃的面包和甜品！

Das Gute 在奧海城三期開分店，店子小小，只賣麵包，不設堂食，只得外賣。某一天，老婆仔買來一袋數件的叫做「丹麥酥麵包」的袋裝麵包回家吃，印象中，這麵包質素不錯，雖未及「博洛尼亞」的八十一層麵包水準那麼高，都算鬆軟好吃，這包雖然要賣$20一袋，只得四、而且五件，價錢是有點貴，但當是早餐或下午茶，也不錯。