Check in Tokyo (已結業)

食完飯就當然要搵甜品食！咁岩見到間雪糕店，見未食過，就去試下～ 點知，唔食由自可～ 一食就真係中伏～波子汽水+士多啤梨+牛奶+巨峰提子雪糕外型：七彩繽紛，有齊曬我鐘意嘅顏色，影相厄like 絕對ok！味道：超級難食，勁甜既藥水味，藥水味仲會停留係口腔好耐，揮之不去。2017食過最難食雪糕！ 仲要差不多60蚊伏味指數：☠️☠️☠️☠️☠️基於唔想浪費，想迫自己食完佢。但真係太難食，捱左一半都係頂唔順，迫朋友幫我完成。佢一路食一路罵～ 仲話我好揀間咁難食既雪糕。仲話以後唔會再同我食雪糕

Being a green tea and dessert lover, of course I go as many places I can to try different green tea products. Then I discovered Check-in Tokyo when I was shopping in Mongkok.I preferred cone to cup. The amount of ice cream was more than I expected. The texture was quite creamy and smooth, but the green tea taste was weak, definitely not strong enough. It has more sweetness than green tea taste.The ice cream was large but the taste did not match my expectation...😥

［買一送一］因為系IG見到尼間店做promote,所以行過旺角，就黎試吃一下。4色Rainbow 有波子氣水（藍）、巨峰提子（紫）、士多啤梨（粉紅）、牛乳（白）顏色吸引味道算不錯，不同的味道都算突出，而且幾滑，但鐘意厚實質感的人未必岩三十幾蚊買一送一，算是抵吃

呢度一路開咗間雪糕舖都好多人， 點解呢？就係因為呢度有彩虹雪糕夠曬吸引! 最主要係因為有天藍色嘅波子汽水味，夠曬特別。第一次食波子汽水味嘅雪糕又真係覺得幾得意嘅。第二層紫色就係巨峰提子味，感覺比較似係提子糖。之後粉紅色好明顯就係士多啤梨園，白色就係牛乳。佢地啲雪糕都叫做幾smooth啊，冰感都唔重。除咗咁樣食肆陳仲有得食twist即係兩溝。我就揀左我至愛嘅兩隻色。不過味道都有少少互相搶風頭。整體也是還好的。

行過旺角見到呢間雪糕店好似幾靚咁，就停低左望左兩眼，見到有人買左杯雪糕，個筒係黑色幾特別。個店員又話所有雪糕買一送一，咁見到佢原價寫$30-$36一杯，咁就諗住買黎試下。我地排左一陣隊，幾分鐘到，就到我地。本身男朋友想食波子汽水味，點知佢話未有，得士多啤梨、巨峰提子、朱古力棒子同北海道牛奶味。問佢係咪買一送一，佢又話加$10多一杯，唔緊要喇我地照買。（不過我心諗，咁咩叫買一送一？）我地揀左巨峰提子同朱古力棒子，然後佢又話「買一送一」限同味。咁我地就問佢咁可唔可以要兩種味，佢話可以送既就兩種味其中一種，咁我地就嗌左巨峰提子同朱古力棒子，然後佢話新年送一款公仔，我地求其揀左貓仔。收錢既時候收$56，完全唔知點解係$56。然後企係到等雪糕，好快就有喇，真係好快。不過好失望，佢先比左一個貓樣既巨峰提子味竹炭筒，無錯只有巨峰提子味，並沒有朱古力榛子味！然後遞多一杯求其搵個膠杯裝既巨峰提子味雪糕。我地就同佢講，頭先落單你同事話一個巨峰提子加朱古力棒子，送就其中一隻味。然後佢同個收銀溝通完，叫我地補多$1，佢就收返杯膠杯裝既巨峰提子，拎返杯膠杯裝既朱古力棒子。完全無理到我地嗌巨峰提子味加朱古力榛子味

話說我尋日經過旺角，想食甜品，醒起哩間雪糕店就打算去試一試。店員好大聲不停重複「我地有牛奶，抹茶，波子汽水，巨峰提子同埋Nutella 口味，歡迎黎試一試！」於是我就點左新品nutella口味，55蚊兩杯。店員告知我地等4分鐘就有....等下等下，等左差不多10分鐘，我地開始有D唔耐煩，店內另一位口音不正既店員同我地講等多一分鍾就OK。過左一陣，佢走黎話我地知，部機無曬Nutella口味，不如轉草莓。我同男友都開始唔高興，覺得俾個店員老點，不過都算...我就答「咁我要其他口味啦，牛奶有無？」店員：「全部都無，得番草莓」我心林...有無搞錯，乜都無，你又點解響門口Loop你地鋪D口味？根本誤導消費者！Ok fine, 草莓就草莓佢之後又走黎同我講，「阿無草莓，得巨峰提子，不如就巨峰提子啦！」我男友就火大，叫佢cancel張單，因為我地兩個都唔鍾意食巨峰提子味個店員居然話 出左單唔退得，跟手繼續作勢要去整巨峰提子味雪糕俾我地了事。我地立刻喝止，話一定要退錢，個店員先一副好唔情願咁退番錢俾我地，仲要一句唔好意思都無。事後我記得曾經睇過廣告介紹哩間店廣東話帶口音既日籍老闆娘，正係唔願意退錢俾我

好耐之前食過波子汽水味($36)原來一路都無加過價波子汽水味係好搶眼既藍色配埋黑色既竹炭甜筒 成件事好靚波子汽水味又真係好波子汽水喎(haha好廢話)無乜奶味 好快溶幾特別既 可以一試如果想有多啲咬口 可以加錢加toppings有紅豆 白玉 蕨餅 窩夫餅任你配搭

登打士街臨立好多飲品店，這家人流唔夠附近貢茶那些多，但茶品其實不錯，今次叫咗一杯抹茶飲，20/元。抹茶味不夠味濃，中規中舉。放咗張相去Facebook,背景係出前一丁，居然有人以為我身上Tokyo check in 😅

愈黎愈多店舖以主打抹茶甜品開舖，抹茶雪糕幾乎係每間舖都必有既項目。 身為抹茶控，當然忍唔住周圍試。 本身好怕奶味偏重既雪糕，掩蓋綠茶本身既香味（如citysuper 既cha-cha), 但如果茶味太濃分分鐘又會變左奶唔夠，質地唔夠軟滑，似冰多過似雪糕，就好似如果太多牛奶味朱古力味無定企咁啦😂。第一次經過呢間舖個時佢準備開、好簡單既黑白設計，同佢附近既舖頭都有個幾大既對比、所以個日就忍唔住停一停望一望佢會有咩。 廢話講左一大堆，講返雪糕：綠茶味，真係暫時我係香港食過最鐘意既！😘 綠茶同奶既比例岩岩好，食入口綠茶味行先又不失雪糕既滑溜。所以食完就一試成主顧喇！ 差唔多每次行過都要幫襯下！ 仲有佢個黑炭筒都係正正子！本身好怕啲waffle 俾雪糕浸到淋哂好難食，有啲整定係到唔知為左可以擺得耐定咩又硬到牙都咬都崩，所以通常都揀杯，不過佢個黑炭筒又真心好味喎、所以試左一次之後就多數都食筒喇（除非本身食飽左啦☺️）其實仲有其他味都好食！期間限定既好立克，味道拿捏得仲好過好多好多茶記水吧（成日遇到熱就成個底都係粉團，入口杯野稠到乜咁，凍又淡到死既經驗我相信好多人都試過），更加唔少得既係波子汽水味既雪

Nutella hazelnut chocolate ($46)👅成日行旺角經過呢間雪糕舖，今次終於的起心肝食啦😆😆雖然佢個彩虹雪糕好似最出名，有波子汽水味🍦🍦🍦但覺得應該普通，所以簡左呢隻新味道😙😙😙再簡埋喵喵造型🐱真係好鬼cute😍nutella味就唔出啦，有啲似麥精味🤔好在唔會好甜👍🏻👍🏻不過都真係溶得幾快🙃

旺角登打士街這條「食街」不用我再花口水，應該很多人都知道，食店變換速度之快亦是路人皆見之事。之前在便利商店旁邊，本來還有一檔賣「武大郎燒餅」和普通章魚丸的小食店，怎料現在都已經消失了。「潮流特區」離旺角行人專用區這麼遠，那邊人流少是正常，那邊的食店難以維持生意亦是意料中事。我以前經常會吃的「武大郎燒餅」，現在變成了一檔賣日本風味軟雪糕的店舖「Check In Tokyo」。店舖賣的日本風味軟雪糕主要分為四款口味，分別是北海道牛奶、宇治金時抹茶、波子氣水（我估計他們有錯別字，我暫時性做「認字特警」一次，是「波子汽水」才對。）以及店舖推廣的限定口味。四款軟雪糕的價錢以北海道牛奶最便宜，跟著其他口味價錢隨每款口味遞增，波子汽水跟推廣口味最貴。軟雪糕跟現在大部分賣軟雪糕的食店都一樣，有分威化筒或者杯裝兩款可供選擇，不過我告訴你，食威化筒的話，可能會失去一些食杯裝的快感。我所講的「快感」，就是指可以在杯裝軟雪糕追加頂層配料，其他開飯網朋友經常介紹，得意頂層裝飾杯裝軟雪糕就是指它們。可以追加的頂層配料分別有紅豆紅豆、日本白玉、蕨餅以及威化餅。至於限定的口味，主要是指nutella能多益口味的軟雪糕

晚飯後，經過最多人、最擠逼的登打士街，看見部份人拿著五顏六色的雪糕，於是便走去看看。來自Check in Tokyo的雪糕，除了有單色雪糕外，亦可配搭鴛鴦款色，以及動物造型的雪糕，挺可愛。不過最後只選了普通的雪糕，一人一杯波士汽水味雪糕Set/$44，以杯盛載著的波子汽水味雪糕，療癒的粉藍色澤非常吸引，當然要相機食先! 份量尚算大份，雪糕入口挺軟滑，只可惜不夠奶味，而波士汽水認真吃起來味道也像，但可惜整體味道不太突出。另大丸子煙煙韌韌，但入口沒有味道，不過不失，反而最欣賞是旁邊的格仔曲奇，硬身脆口，沾上雪糕一併吃非常不錯，以這價錢來說，不要抱太大期望，不過相機食先，又試一下亦無妨。

行過廣華街，見到呢間野有新出(?)嘅 nutella味雪糕，可於試下。Nutella Reindeer $45聖誕鹿外型呃like必備，冇特別留意係咪因為造型而價錢有所不同，因為見有人食普通榛子雪糕(冇造型)係$35主角nutella味道冇像中咁濃烈，不過當然都食得出有榛子味，唔會過甜，食完唔口渴，可以一試。至於造型只為相機食先，並無提升味道，要試嘅咪食下cone裝或者冇造型嘅杯裝。一如他們嘅雪糕，份量都算多，口感沙沙地，不過溶得快~

食完晚飯，心癮起心思思想食雪糕，於是黎到Check in Tokyo，今次已經係第4次食啦~~以抹茶雪糕黎講，價值化算，加紅豆都係$35。比起其他六七十既抹茶雪糕勝價比較高。味道方面，入口先是抹茶香，奶味不算重，不過口感非常香滑，我比較愛吃抹茶味濃點的，這個能做到!而且份量蠻多，內裡是實心!!抹茶雪糕不會過甜，而且有回甘味。吃完會看到杯底有粒粒抹茶粉，不錯不錯!

經過過好多次 都無人買咁 一直都無幫襯過突然好想食雪糕 所以決定一試Wow 一拎上手 好重手 份量很多要左波子汽水味 顏色好搶眼味道有小小假 可能飲慣波子汽水係有汽既 突然食d無汽 但又有個隻味既野 好似有小小奇怪整體還可以 服務不錯 一個人食的話有機會食唔哂