CEO Neway (已結業)

在佐敦食完飯拉隊往尖東唱k,唱慣銅鑼灣CEO,黎到尖咀梗係去番CEO啦星期六晚貴d就預左,但呢間CEO的環境和服務都同銅鑼灣冇得比,首先裝修殘舊,間房又細,五個人坐既房仲細過上次去銅鑼灣既兩人房,梳化同電視距離好近,音響又麻麻地,侍應又唔醒目,成日唔收杯碟,加上五個人只可以唱兩個半鐘,唱得唔舒暢又唔夠喉,埋單都要$180/head,好唔抵!除非唱lunch k,否則唔會再黎呢間!

上個月11號公眾假期，有個friend生日，我哋前一晚打電話去book房。去到有人帶我哋入去，我哋有5個人，不過間房都幾大，又有獨立洗手間。雖然果時係k lunch時段，但係都有蛋糕同香檳送，仲可以喺電視度登d祝賀說話出嚟，俾佢一個驚喜！同埋呢度d服務同野食好有水準，果次果個牛肉定食幾豐富。下次一定會再去！

食物喺卡啦ok中最好味,賣相一流,地方清潔,可惜有些房間間格不太好,電視很近,幸好每間房有洗手間,不怕忘記房號

昨天和朋友想唱k．但好多間都滿晒人，又要等，所以兩個是去了這間了．因為ｌｕｎｃｈ　ｂｕｆｅｔ己經沒有位，所以便要計人頭收費．可以唱四個半小時．每位４５，ｎｕｔｓ４０，飲品兩杯．下午茶餐每個８元．因為朋友是學生，所以免加一．先講食物叫了咖喱牛筋拉麵．味道幾好，同埋夠大碗，好處唔係太辣．朋友要的五香肉丁公仔麵，她話夠辣幾好味道．服務都算唔錯，又唔會成日入來煩住晒．還有可能係下午時段,所以那些歌都好快有得唱,唔駛等.最正係有獨立洗手間，又好乾淨呀！所以我經常走入去照鏡呀!

朋友生日, 我地選擇左唱通宵K同佢慶祝. 成日唱K o既朋友話Neway CEO價錢雖然貴dd, 但係無論衞生情況, 同埋食物都較其餘Karaoke優勝, 既然去玩, 就唔慳o個少少, book左呢度.當晚叫左沙爹肥牛炒公仔麵, 福建炒飯, 海鮮炒烏冬, 咖喱羊肉, 再加上唱K必有o既nuts果盤.過左sars一疫後, Neway開始較注重衛生-- 每個咪會附上咪套, 仲即場消毒; nuts用密封膠盒裝住; 果盤就差d, 只係用保鮮紙包住. Karaoke衛生d, 我地都唱得放心d!過左無耐, 熱盤陸續送上. 概括黎講, 每碟都有鑊氣, 有一般茶餐廳水準, 以karaoke黎講, 算唔話得! 朋友最鍾意咖喱羊肉,但係我唔食羊肉, 所以無食到.埋單除左壽星女外, 位位大約二百, 唔算貴

10月18日既晚上同男友去了唱K, 我覺得CEO NEWAY真係幾好, 豪裝既卡拉OK房好舒服, 而且每間房都有獨立既洗手間, 好方便, 而且待應仲好有禮, 所以價錢貴少少都值得既叫了兩款晚餐:1) 龍蝦伴牛柳--龍蝦上面有好多芝士, 不過無鮮味, 牛柳幾好味, 幾有水準2)西冷牛扒--一般西冷扒, OK啦仲有每人兩杯飲品, 一個果盤及花生雖然係禮多人不怪, 但係太好禮會令人覺得煩

星期六和朋友對這唱k lunch，食物很好，房間很大，可惜不夠人手，電腦又壞，remove又dot dot地，叫人入來叫了三次才有人應…銅鑼灣那間好好多~~

琴日11/8放榜日,同一個朋友攞完result之後去左唱k lunch,入到去覺得個場幾靜,無乜人,所以有間大房唱~有獨立洗手間同無線咪,正~d waiter既服務態度就各有各啦,有好有唔好...d野食比其他幾間neway大份同埋好味!

朋友生日去唱k慶祝, 不過又撞o岩自己OT秘撈, 成九點幾十點先到步, 已經餓到半死, 見到朋友叫左個波士頓龍蝦配牛扒, 個樣都唔錯, 要係特價$18一個, 所以即時叫一個試試, 過左十分鐘左緊上菜, 開始有D後悔, 因為塊扒又薄又"刃", 半隻焗龍蝦D肉並好散, 剛剛想開口彈半句時, 朋友門即話"喂!18蚊份仲想點~" 唯有唔出聲啦~ 份量好細, 食完好似無食, 唯有追加一個焗豬扒飯......服務方面一般啦, 有時越叫越走~ 地下一地油, 唔多清潔~ 埋單一人都要$200~

講真, 係尖東開2間NEWAY ,都怕港晶果間會摺麻!呢間CEO 同NEWAY 有D 唔同, D STAFF 可著牛記既!獨立TOLIET 好正呀! 唔洗行去行入! D 音響都好過平時D K房!叉燒拉麵麻麻, 不過$50 都唔要求高!$50 2.5 HRS

今日買點半去到唱,佢地話人客唔多,可以唱到七點半,如果多人,只可到6點半咁話呢段時間收45蚊一個人,學生有九折~45蚊包2杯飲品,當然唔包有酒精啦,另外2個人唱要叫一盒果仁,40蚊一盒,但唔洗叫果盤....埋單一百三十几,都ok啦,因為環境都几好~我地叫0左2杯pussy foot,一杯fruit punch,同一杯shirley temple.個pussy foot同fruit punch基本上冇咩分別,只係賣相方面有d唔同,個fruit punch多片橙.shirley temple好似糖味,都几甜,飲住唱好易冇哂聲.佢地服務都几好,好有禮貌!!每間房都包個toilet,都ok乾淨~我地2個人唱但包一間6人房都算唱得舒服!

房大小係銅鑼灣既一半,隔音比普通卡拉ok還要差野食普通,45蚊唱4個鐘算係咁啦

有次同BF趁平日去唱lunch K，可能呢段時間無乜人，兩個人都有間大房。我地無食野，但我地都覺得D飲品比其他K場的都好味。最搞笑係我地第一次，我BF問人洗手間0向邊，D侍應話佢知間間房都有(因個洗手間的門剛好0向好暗的位置，我地完全留意唔到)，我地先知咋，佢話好瘀囉...哈我地唱左四個幾鐘都只係百四蚊，好鬼抵呀，不過最衰唔係成日都可以0向呢D時間去唱啦!!!

tuen mun鄉市會路94~110 康利中心1/Ftel:2661 8900fax:2662 1699

屯門新墟屯門鄉事會路94-110號康利中心1/FTel: 2661 8900