影片
營業時間
星期一至五
09:30 - 22:30
星期六至日
11:30 - 22:30
以上資料只供參考, 請與餐廳確認詳情
相關文章
皇牌熱狗平時食熱狗通常靠條腸同醬汁先有味但佢唔使熱狗表面係焦糖洋蔥同牛肉碎煮得好惹味！ 加埋炸蒜，極香口！而且佢好有誠意咁加咗4款芝士淨係車打芝士都有2款芝士味係有層次嘅鹹香，而且聞起嚟都好濃郁令人食慾大增！
繼續閱讀
成日都聽到呢個熱狗品牌，大家都差唔多一面倒咁讚佢有幾用心，筆者鍾意美式快餐就當然要入大埔試一試佢。到餐廳個陣都差不多九點，快快手手叫咗一個漢堡同一個熱狗跟combo。芥辣墨魚蝦堡size都唔細，最好拎刀叉分一分開會易食啲。包應該係自家製，非常鬆軟。炸墨魚同蝦外脆內軟，兼食到有蝦同墨魚係入面，幾欣賞芥辣醬同生菜蕃茄青瓜可以中和炸物嘅油膩。美中不足係，雖然有清新感，但係下層包好快變濕，食到最後下層個包散晒咁，影響咗個口感。叫餐之前就咁聽個熱狗名叫招牌熱狗，完全唔知係咩黎，只係知有少少辣，抱住「surprise me!」嘅心態試試。熱狗包一樣係自家製，估唔到原來招牌會走墨西哥style，taco同sour cream冇諗過可以咁夾熱狗腸，配上辣肉醬口感豐富。配餐薯角薯條唔記得影相，不過兩樣都係厚切，熱辣辣又大大份，好好食。味道黎講Bulldog絕對係有質素的，所以一直都覺得只要好食，就算快餐，七十蚊up都可以物有所值。唯獨係呢度環境就未必坐得好舒服，特別如果想夜晚食，叫外賣嘅話成個體驗應該會好好多。有機會再黎嘅話仲想試埋配咖啡，再配熱狗應該幾唔錯。
繼續閱讀
今日13:58下單外賣皇牌熱狗一隻，店員像愛理不理的，等了二十分鐘，其間沒有見過任何堂食或外賣出品，也沒有人排隊，完全不明白為何整一隻外賣熱狗要整足二十分鐘也未有，還要和店員說趕時間才見他包裝給我，態度還一點歉意也沒有，叫人下次趕時間就預早打電話落嚟嗌定，下次？我唔會幫襯您囉，您估您隻熱狗真係好食到識飛咩。
繼續閱讀
幫襯咗呢間熱狗好耐驚覺從未寫過食評俾佢🤣試過咁多隻味隻隻味嘅共通優點係包體好好食手工麵包真係比現成嘅鬆軟好多👍🏻同埋條肉腸真係好香好juicy🤤我同家人都最鍾意招牌熱狗🥰肉醬同埋上面嘅cream cheese冇得輸😍佢嘅火辣藍芝士都啱曬芝士控😍 藍芝士嘅味道好突出加上辣醬汁好惹味👍🏻👍🏻👍🏻另外，呢度嘅小食都好高質！ 薯角、洋蔥圈同芝士薯波都好炸得好好超香脆！ 今次試埋佢個冬陰公飯波真係好重冬陰公味好特別👍🏻 疫情下外賣自取仲有9折～大家多啲支持吓佢☺️
繼續閱讀
朋友話要試下呢間 就試下價錢睇餐牌覺得唔平 都係4x 5x 一隻星期一至四 先有優惠 兩人餐$100 2隻熱狗加薯角汽水但見附近既人既熱狗 都整得好靚 望落已經好吸引招牌皇牌熱狗$60聽講係手工麵包 自己整 即整即賣 所以貴少少 同埋要等耐少少配料好足 皮夠脆皮夠熱芝士味好香 牛肉 洋蔥 夾埋都好好味
繼續閱讀