Big Fish Seafood and Grill

營業中

休息中

We had a simple brunch recently at Big Fish.It was pretty much a random pick looking around for a place to have lunch.It was still quite early but there many people already having lunch or brunch so “why not?” and we went in.The waitress was very welcoming.We ordered eggs benedict and shakshuka and …mojitos to start!The mojitos appeared quickly and were excellent (side note: If you like gin fizz, try Ping Pong 129!! I think it’s the best in HK).Then our plates showed up.The shakshuka was a new e

今日黎到西貢食飯，咁啱星期一，知道呢間餐廳星期一主菜做緊買一送一優惠，所以就黎試下。今次叫左兩個主菜加一杯野飲1:安格斯西冷牛扒（14安士）$328牛扒要左七成熟，因為我唔食咁生，牛扒🥩煎得啱啱好，裡面仲係粉嫩，就咁食都好有牛味，加上配菜都幾多，唔會只係得肉，幾好👍2:紅酒🍷法式焗羊🐑膝買一送一羊膝火候掌握得好好👍，成塊肉都煮到好淋，基本上唔需要用力已經骨肉分離，口感好，加上大量醬汁，幾好味🤤3:mango smoothies $58呢個正常發揮，無咩特別消費價錢：2人425結論：星期一會食

要好好的獎勵自己努力工作一星期，決定遠離鬧市，去西貢感受一下郊區的氣息，見下山和水，順道覓食。選了一間多國菜的餐廳 - Big Fish Seafood and Grill，點了好幾個菜色: 1. Tuna Tartare - 沙拉和吞拿魚都很新鮮， 配點cream，開胃前菜！2. 水牛城雞翼 - 微辣，好好味！3. 西班牙海鮮飯 - 足料的海鮮飯，味道也不錯。下單時，店員說此菜色可在10-15分鐘內上菜，效率奇高。4. Pizza - 至愛！餅底又脆又薄，再飽也要吃!吃完晚餐，到附近走走，吹吹海風，感覺很好!  一星期的工作辛勞，減退了! 

是晚試左呢間西餐，叫左沙律，雞肉串燒，安格斯牛扒，pepperoni pizza，紅酒煮羊鞍同蜆肉意粉🤤頭盤沙律，不過不失，可以接受👌🏻雞肉串燒有意外驚喜，外皮醃製後味道濃厚，內裏多汁👍🏻安格斯牛扒，要了五成熟，味道不錯，但餐廳只有普通餐刀，沒有切牛排的刀，切到手軟🫠Pizza 同 牛鞍都好好食👍🏻👍🏻👍🏻但蜆肉意粉好多沙，反應後就咁收走左，沒有後續跟進，少許扣分☹️總體來說，可以一試，水準相對都ok😊

到西貢尋找小確幸, 已經是第二次光顧這家餐廳, 未知是否疫情影響, 今天目測全場入座率比上次稀疏。其實, 這安靜的氣氛更適合跟HONEY談心。點了兩份三道菜晚餐, 包括前菜, 主菜及飯後飲品或甜品, 按主菜不同價錢有別。發現今天套餐餐牌上的選擇配撘十分奇怪, 前菜有四個選擇, 包括餐湯/沙律/多士/生蠔. 四種食物的成本價差別極大。見餐廳四周掛滿介紹生蠔的內容, 相信生蠔是這餐廳的主打食品, 不過, 我不好此道, 兩次光顧都沒有點生蠔, 未能提供食評。 兩客前菜點了三文魚沙律及牛油果多士, 不料, 隨前菜上的還有一份看似是自家製的鄉土面包, 應該早點告訴我嘛, 我就不會點多士而要餐湯! 沙律蔬菜新鮮脆口, 沙律醬是意大利黑醋, 以另外小碟上, 可以自行按喜好落多落少。先來的主菜是西冷牛排, 意料之中的medium cook, 薯菜配菜的份量多,  頗合乎健康飲食的菜肉比例。再來紅酒燴羊鞍, 擺盆有點講究, 賣相吸引, 羊肉口感不錯, 只可惜汁醬太多太鹹。整體評價中規中矩。 

本來都諗住唔想寫，算得就算，但係真係太過份，我哋兩個人，叫咗個青口做頭盤，之後再叫左一份羊架同一個海鮮飯。頭盤個靑口係急凍貨，好鞋冋韌。都算啦，$178可能都唔可以要求太多，個羊架啲血水滲咗落蒜蓉，同一時間羊扒太熟，好明顯係急凍貨快速解凍之後即刻煎。都算啦，個飯先厲害⋯⋯三隻青口，一攞入口成陣阿摩尼亞味，吐都吐唔切🤮，快啲食完快啲埋單。諗住好心提醒佢唔好再用呢隻青口，會毒死人，佢Hea應我，okokok咁，我根本冇諗住叫佢減價或者任何嘢，只係提醒佢唔好害人。如果小朋友食咗佢唔識分，真係會死人。所以我唯有寫個食評希望大家唔好中伏而家寫到呢度都已經有啲肚痛….唉I didn’t want to write this review to be very honest, but when the waiter response to your comment about their mussels that had gone bad and exhausting ammonia when you pick it up, with a very dismissive attitude of “y

4月21號開返晚市之後就同老婆係咁出去食晚飯，咁今日就遊車河入到西貢，但係我地入到西貢就唔係去食海鮮，而係去食西餐，去到籃球場一帶嘅餐廳，果度都係西餐佔多數，而我同我老婆見到e間big fish都幾多客人食緊，跟住望下個餐牌都正常，好啦！就入去入面坐啦！咁我地就坐低望下個餐牌先，見到有個set都幾吸引，我最叫左個黑毛安格斯牛扒餐，前菜就選擇左石蠔兩隻，而我老婆就叫左個烤雞夾餅啦！好，開餐啦！首先就係黎麵包啦！麵包都幾鬆軟，點埋黑醋就更加開胃。到生蠔啦！肉身都夠肥，但係感覺上就完全無蠔味，完全唔得。之後就到牛扒出場啦！望落下係幾大塊，完全足12安士，牛扒都煎得好,好香肉味，但係就稍為煎得over左，叉落去完全無血水出，如果火喉控制得好少少就一定好正。另外個薯仔整得好好食。之後就到老婆個雞肉夾餅上場啦！佢係由兩塊薄嘅薄餅再夾住雞肉，雞肉就好似撈左d墨西哥風味嘅醬汁，而旁邊亦都有忌廉芝士醬或牛油果醬俾你調味，整體黎講都唔錯，你以為會唔夠飽，其實食完都好飽。食飽左之後就叫上甜品啦！原來係個朱古力味嘅雪糕球，本人都唔係好好凍野，食左一啖就算啦！整體黎緊都唔錯，幾好味，見到隔離枱人多果d叫好多靚野

週末去吓西貢，無訂枱嘅話，好多好嘅餐廳都滿晒，食唔到飯 本來餐廳都已經滿晒，冇晒枱。建議同老闆講有位打俾我，先至可以有一張枱食飯等咗唔使半個鐘，有電話來，即刻返去食飯要咗一個 baby back ribs $218- 正常味道，煮到舊肉都好林，再加埋有薯條🍟，都係正常餐驚喜就係個蒜香蜆肉意粉🍝-天氣啱啱變冷，得10幾度，意粉上嚟嗰陣時熱辣辣，蒜蓉炒到好香，加上有少少辣辣地，食落去好暖胃 -份量都算大，兩個人share可以每人有兩碗-有好多蒜頭🧄喜歡食蒜頭嘅人，一定會特別喜愛個意粉係跟餐嗌，$258 有例湯- 西蘭花湯🥣， 餐飲 ，同埋甜品🍮甜品- Crème brûlée , 唔係好甜, 讚 注意⚠️ 餐廳出邊可以比帶寵物嘅人士坐。 如果你本身驚寵物嘅，就最好唔好坐出邊。因為有時小動物見到其他小動物經過，會好興奮咁「汪」 一聲打招呼🙋🏻， 你食食吓飯就會被嚇親。總結： 兩個人，一個跟餐，一個散嗌，再加多個啤酒每人$280。環境同埋高質嘢食，值得推介

好耐無黎西貢，本身揀好左間想試嘅cafe點知無開。唯有隨意揀間餐廳chill 下，點知好有驚喜。見到呢間都幾多人，所以感覺應該都穩陣。外國風情裝修，如果秋高氣爽坐出面應該好舒服。但由於天氣好熱，所以揀左室內位，高樓底設計而家透光度好好。由於唔算好肚餓，所以同朋友share lunch set 加多杯野飲。揀左牛扒medium, 發揮得好好唔會太生，份量好足而且薯條都好食。前菜沙律都好fresh，最驚喜係杯牛油果smoothie超級出色！清新牛油果味有透心涼嘅感覺！散叫嘅食物相對貴少少，但lunch set 絕對超值。如果再黎西貢相信會係好好嘅選擇！

星期日下午差不多3:00入到西貢，有啲肚餓，嗱嗱聲去搵嘢食醫肚。呢個時間人唔多，好容易搵位。由於天氣炎熱，我哋揀咗坐室內，呢個選擇絕對正確，因為外面真係熱辣辣🔥我哋叫咗三款食物：1. 土耳其🇹🇷卡巴🍖 ($198)⋯⋯ 只有雞肉🐔 不過幾好味，啲雞肉燒完都仲好嫩，唔會乾爭爭。仲跟幾塊薄餅同兩款醬料，我覺得紅色嗰款好味啲！2. 大蝦意粉🦐 ($138)⋯⋯ 帶微辣，夠乾身夠香口，好味😋 (不過小朋友未必食到)3. 香煎西冷🥩($158)⋯⋯ 呢個普普通通，原本叫五成熟，但明顯overcook咗😔加$20可以有餐湯或者飲品，今日係蘑菇湯，都幾好飲😋 Stella啤🍺就$25。店員有禮貌，唔係環境舒適，坐得舒服👍🏼

去完西貢海灘玩水上活動，晚餐當然要食返餐滿足既補充一下啲體力市中心有好多西餐廳可以選擇，我地一行四人隨意咁揀左尼間，室外位置唔使等位，而且唔會好熱南瓜藜麥紅菜頭沙律。 8/10份量大，四人分到每人一大碟南瓜好香甜，紅菜頭藜麥配埋啲沙律汁好開胃！Nachos. 8/10超級大份量！四個人都食唔晒！ 又有肉醬、酸瓜、忌廉芝士加持，令到一道簡單嘅小食變到好豐富炸豬手。 6/10朋友推薦，但我哋今次一致覺得唔好食味道冇問題，但太乾身，好似炸得太過火既感覺香辣蒜炒蜆意粉。 8.5/10推薦！鍾意食蒜味既朋友必食！蒜粒超多超香！蜆肉份量都好多同肉質新鮮就算前面已經食到好飽都可以清左尼碟意粉忌廉菠菜磨菇意大利飯。 7.5/10素食朋友可食！唔會太膩～ 不過份量都大，最尾都食唔晒

西貢市中心一向都進駐左大大小小既西餐廳及咖啡室，各有特色各有質素之下，要搵到間有位既餐廳真係難上加難。小編與老公及朋友們原本想趁暑假入黎輕鬆下，點知淨係響搵食已經遇到大難題..經過呢間Big Fish Seafood & Grill，原本都以為入面淨係得以魚類為主既菜式 - 但其實都只係因為餐廳名既關係，入面既菜式都係以意式為主既海鮮扒房。員工見我地無訂枱又好徬徨既時候，因為時間尚早關係都決定謄空預留既枱俾我地享用晚飯 (當然有限時用膳啦)。 由於實在太肚餓喇，所以稍為研究完餐牌後就即刻點菜，以下為小編推介既菜式，等大家可以作為參考吧：1) Pizza Gorgonzolla ($158)：響小編眼中，意大利既薄餅最吸引之處唔係非傳統既"菠蘿"，而係其中最傳統既芝士及餅底。Gorgonzolla直接既使用2款軟身而芝士，食落去唔會覺得酸而會覺得有點甜甜，點解？因為佢響配料上單純用左焦糖浸熟既洋蔥，芝士及焦糖正正就係令薄餅唔會太油膩得黎又開胃既關鍵! 非常好味! (上枱個刻芝士當然會有拉絲既效果啦) 而餅底香脆，以小編計其實係2-3塊都唔會太有飽肚感。2) Braised Lamb Sh

嚟到西貢chill下，見到呢個公園位超多餐廳圍埋一齊，見到超多外國人食呢間就決定試吓佢，雖然聲稱係地中海野食但唔覺😂set lunch $128 價錢係西貢嚟講唔錯ok抵食，食物方面就中規中矩，但生蠔麻麻少腥可以唔叫，下次去西貢應該會試其他野🧐___ ___ ___ ___ ___ ___ ___ ✨soup ✨ceasar salad ✨Fish n Chips ✨香辣蒜炒蜆意粉 ✨apple juice & beer ✨cream brûlée 面頭個層糖唔脆，冇左個重點🤨✨ice cream Set lunch 整體啲嘢食幾正常，冇話好特別，正常水準，所以下次黎應該會試下其他餐廳😗😗✨生蠔 Scottish Rock 4隻 $180少少腥， 麻麻地

今日難得同同事入西貢工作，決定嚟個long lunch !! 其實工作就好快做好，不過難得可以入嚟西貢，當然要享受一下陽光同海鮮！陽光同沙灘就下次先啦☺️☺️行吓本身諗住食普通嘅set lunch ,加上同事有啲肚餓就諗住求其食個set lunch都可以。行吓行吓見到呢一間佢話有生蠔，因為真係冇得去旅行又食唔到澳洲嘅新鮮生蠔。將就一下就喺呢度試咗先。叫咗四隻 New Zealand 生蠔。口感都唔錯處理得幾好，唔係話太鹹但係新鮮度係可以話足夠。令人值得有驚喜嘅係個豬手，其實每個地方嘅豬手都食過晒咁滯，香港地小人多但係勝在咩菜式都可以做到出神入化。平時好鍾意食韓國豬手，德國型豬手都10分支持！豬手啱啱焗出嚟，個屁仲係好趣而且肉質都算新鮮軟熟！絕對係值得推介！係set lunch嗰度我哋叫咗一個牛扒，全部野share食其實都幾夠。再值得一提嘅係過burger十分之好食，軟熟之餘係有心機整。不過順帶一提嘅係味精比較重，所以食完之後都要飲多啲水。但係侍應好主動會過嚟幫你加上去所以冇乜問題💪🏼💪🏼

趁住農曆新年假期最後一日，到西貢市行下、晒下太陽兼食個早嘅午餐。因為太多人，怕搭車出返市區時要等好耐車或者塞車，最後只係閒逛咗一陣就揾餐廳食，避開午餐時間嘅人潮。同行友人話想食炸魚薯條加啤酒，幾乎每一間西式餐廳都有供應，咁唯有揾間有個魚(fish)字嘅餐廳喇。餐廳內櫳唔算大，只有七八張枱(每張可坐4人)，亦可以選擇户外有帳篷的枱(可吸煙的，請留意)。假日係無套餐嘅，但可以加$20配餐湯或餐飲，又或者加$40配晒兩樣。一行3人，分別叫咗蒜蓉大蝦意粉、牛扒薯條(加配蘑菇湯)及炸魚薯係(加配啤酒)。意粉上枱時非常香，顏色有光澤，感覺吸引。蝦有五六隻，不過意粉落咗好多油炒，好膩，而且蒜蓉極多，味道太搶。蘑菇湯唔夠杰身，但調味係ok嘅；牛扒由order嘅七成熟變成上枱時嘅全熟，好韌，得好攰。粗薯條炸得好啱火候，但廚師落得太多鹽，而且唔均勻。炸魚外皮(朝上嗰面)夠脆，但略嫌外皮太厚；但向碟面嗰邊就可能未"瓊"夠油就上碟，淋晒。食物整體味道係唔錯嘅，不過下次再去應該會試第二間。