b.o.t.h. by Texas Burger

營業中

休息中

《Texas Burger》超高質超Juicy既牛肉漢堡，一食就知道選用優質牛肉，肉味好濃仲流出好多肉汁非常Juicy，其他餡料包括有炸洋蔥圈、煙肉、生菜和芝士等等，醬汁用咗特制既BBQ sauce，真係好好食值得推薦呀。雖然burger size 唔算大，食埋炸薯條就剛剛好，今餐非常滿足😋。

午餐又來到荃灣廣場食，呢間餐廳d位坐得都幾舒服，但唔知點解次次都坐唔到打卡靚嘅窗邊位。🐾素食植物牛肉芝士漢堡 $108跟餐多左麵包、餐湯同飲品。味道唔錯，餐湯係南瓜湯幾香濃。漢堡包底面都烘過，幾香。素牛扒像真度高，蔬菜新鮮，味道不錯。椰香冬蔭功海虎蝦意大利麵$138味道唔太辣，椰汁味重，食落唔漏。虎蝦好大隻，仲有d雜椒同菇做配菜，都幾大碟。溫泉蛋煙豬腩卡邦尼意大利麵$138豬腩肉份量都幾多，拌入溫泉蛋令成碟麵都好滑好好味。三碟之中最鍾意這個🤤🤤食飯時間晏少少到嘅話都幾多人，味道同份量都唔錯🫶

靚靚環境，食物超好食！餐廳最大的賣點就係有好大個落地玻璃可以採取自然光😍大概三點去食係最好的，因為窗簾會拉起左所以會覺得好舒服！食物我就最鍾意食burger，牛肉漢堡整得好Juice，麵包都好原宿醬汁同漢堡都好夾的！

假日等位都唔係太耐 大約10分鐘就可以入座 食物質素好好 首先係德州燒烤牛肉漢堡塊肉有好多肉汁 好juicy 同埋份量都好夠 之後食左fish n chips 薯條炸得香脆同埋好粗身 食落都係好熱 而香草燒雞 個燒雞都燒得好香好滑 咬落去都有好濃雞汁 手撕豬肉三文治都好有特色 個汁調較都好香 同個三文治好match 食落個口廳都好好環境都坐得好舒服 位與位之間都好鬆動 侍應態度都好好 好有禮貌 下次再去附近都會想再食多次 一班人去食會食到多d野

食過一次之後這間餐廳就變成荃灣西第一名好食的餐廳！吐司係好大一份，叫咗一個蟹肉炒蛋黑松露吐司，蟹肉係爆出嚟同埋炒蛋係大大份整得好啊，成個吐司都可以食到杯一個材料！另外，餐廳的環境都係好舒服有落地玻璃所以好光猛而且梳化都係舒適的！

我遇到了一個服務態度很差的經歷。當我走進這家餐廳時，服務生對我很不友善，沒有給我微笑，也沒有問候我。我跟他們要求一張桌子，但他們很不耐煩，告訴我還要等很長的時間。當我坐下來等待我的食物時，服務生沒有給我任何的關注。他們沒有給我充足的水，也沒有定期地檢查我是否需要什麼。當我終於收到了我的食物時，它們看起來很不新鮮，味道也不太好。當我向服務生抱怨時，他們沒有任何歉意或對我的不滿表示道歉。相反，他們對我很不客氣，告訴我不要再回來這家餐廳。這次經歷非常令人失望，因為我希望得到一個好的服務，但事實卻完全相反。這次經歷讓我很不滿意，並且不會再回到這家餐廳。我希望其他人不要經歷像我一樣的事情，因此我建議大家選擇其他的餐廳。

1.德州燒烤牛肉漢堡 $88漢堡包是單點，如果配薯條同餐飲要加$50，漢堡包味道唔錯，咬落去好多肉汁，配上佢哋自家製嘅漢堡汁食落去唔會好油膩，而且分量剛剛好。2.奶蓋楓糖核果疏乎厘 $118疏乎厘pancake上面有一層奶蓋加上肉桂粉，令到每啖疏乎厘都有唔同層次，側邊配上一些水果同黑糖核桃同疏乎厘嘅感覺好夾。連我唔鍾意食疏乎厘嘅都覺得幾得意。3.溫泉蛋煙豬腩卡邦尼意大利麵 6.慢煮煙燻有骨牛小扒卡邦尼風味嘅意大利麵，所以醬汁會比較濃掛到每一條麵，加上溫泉蛋同埋豬腩肉，每一啖都好香濃，雖然平平無奇，但食落去都真係幾好食。4.谷爾谷煙燻芝士牛肉漢堡 $88呢一款漢堡包相對德州漢堡，就比較少醬，不過配上唔同嘅之時，食落去有唔同嘅感覺，如果鍾意食車打芝士同煙熏味嘅可以選擇呢一個漢堡包。5.椰香冬陰功海虎蝦意大利麵椰汁同埋冬陰功估唔到啊同意大利麵係咁夾，呢間整嘅意粉都係比較少醬汁，不過就將每一條麵都掛上醬汁，所以入口會好香濃，加上兩隻勁大嘅海虎蝦，呢個意粉真係超好食。6.慢煮煙燻美國有骨牛小扒 $388相對前面幾款主食嚟講，呢一款就比較失色，可能係我唔鍾意食好淋嘅牛肉，呢一款牛肉食落去可能煮咗好

情人節晚餐。今次係第一次光顧呢間餐廳，由訂枱到埋單，職員都好有禮貌。當中發生咗一單小插曲，我哋叫咗個豬鞍，老公第一啖食完話件豬變咗味，我無留意，以為佢味覺有問題，因為呢個豬係帶咖啡☕️味，點知到我食個陣，我立即吐番出嚟⋯⋯當然立刻向同事反應，點知佢好快出番嚟話，廚房話件豬係新鮮，今日先買，轉身擺低就走咗。我同老公對望一下，唯有唔食呢碟啦。轉頭，我再向經理反映，佢嘅處理手法好唔同，而且發覺佢好認真！其他食物方面，樣樣都好好食，我哋一定會再嚟！

艾斯阿格牛肉漢堡中間夾住甜蕃薯，可惜夾在漢堡中間，漢堡嘅熱氣已經令蕃薯條淋哂，唔脆唔甜，可能將蕃薯條放side dish會更好。牛肉牛味一般，唔算厚身，味道口感一般。豬頰肉意大利麵唔記得個source叫咩名，但酸酸甜甜，帶點微辣，頗惹味。意大利麵質感彈牙，豬頰肉爽口，仲有冬菇同青椒等配料，惹味又開胃。素食玉米脆片估唔到個脆片竟然唔脆，好失望呀。taro lattetaro味幾香，但唔係非常濃郁，入口奶味比較重，唔會太甜。估唔到主打漢堡嘅食店,意粉比漢堡更出色

一班人嚟食lunch，呢到都闊落有自然光。總結嚟講推薦食burger, golden fries,芝士條，同埋試咖啡，咁個體驗應該唔錯～可以讚咗先，推薦試佢地嘅burger，我地幾個嗌唔同嘅burger都覺得幾出色～ ✨個包軟硬適中同埋足料。南瓜湯嘅南瓜蓉超幼滑。芝士條拉絲好勁，好食又唔滯。我杯熱柑桔紅茶夠味偏甜。同事話佢杯咖啡好好飲，早知試tiramisu latte 🥺唔好嘅係同事嗌意大利飯，等得耐之餘仲可同期望有落差，菠菜得幾條又無咩味。落單明明對咗2次，但都係上錯咗杯飲品同小食。重頭戲係特登加$20嗌黑松露薯條，個黑松露雖然幾香，但係得一塊指甲咁細嘅黑松露醬喺堆薯條中間😵‍💫，感覺好唔值。🥺本身$35嘅golden fries就好好食，硬脆薯條調味出色，唔建議加多$20轉黑松露🥲

🏩～B.O.T.H. by Texas Burger～～～～～～～～～～～～～～～～～～～～～～～～～～～今次介紹既係位於荃灣廣場既中高檔兼環境優美主打西式 Burger既打卡餐廳🍔～艾基阿格牛肉漢堡～  漢堡外形吸引 漢堡扒又厚又多汁😋配料方面 有煙肉同脆脆的洋蔥圈配合爽脆既包面底 口感相當不錯😋加配既薯條我認為係錦上添花 因為炸得好脆而且好香 又大條又粗😂🔞💰：HK$98+HK$33🍞～松露蟹肉炒蛋吐司～再再再講多次 由於本人係好鐘意黑松露既野食所以對於黑松露野食既要求都唔會低而呢個吐司既黑松露好香 而且無偷工減料👍🏻炒蛋夾雜蟹肉係入面 相當可口😋吐司亦唔會太硬😄💰：HK$138餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰HK$296(連加1)/2人🏘～ B.O.T.H. by Texas Burger📮～ 荃灣大壩街4-30號荃灣廣場3樓337號舖

Burger 🍔 brunch 由於朋友會係荃灣附近睇樓，所以約左去食brunch .店員好有禮貌比我揀位我地點左以下食物1）小龍蝦牛肉漢堡+golden fries 🍟 & soup好surprise 佢地用啤酒炸薯條（我會覺咁樣好好食）不過佢偏咸，如果唔係我應該食哂，而小龍蝦牛肉漢堡我地係share食，配料都幾多，醬汁係茄汁同熱融芝士，burger 都唔會太乾，而且佢地既牛肉仲幾juicy ,肉味都幾濃。2）美式香草燒雞-雞肉有點偏乾，但味道唔差，唔知係唔係焗耐左，佢變左一絲絲既雞咁，朋友食左好少🤡佢個式有好多蔬菜，量都唔細3）tiramisu latte - 佢寫到每日限量,點左一試，最底係咖啡甜酒，面係tiramisu cream , layer 外表幾靚，仲有手指餅係面，佢比較偏甜，要螞蟻🐜口先飲到🤣🤣🤣🤣4）最後甜品點左唔係pancake 既Mexican churros … (但churros 不是Spanish food ?)佢地既churros 唔係圓形係條狀，有好多肉桂糖（好正）同埋因為佢地既甜品都係即點即整，上台時仲係熱辣辣，最重要係佢杯醬，係affogato咁樣

被OpenRice 食評吸引訂枱來吃，店子窗邊位樓底高，有空間感，又有綠色植物，好舒適！今次平日來試晚餐，19:00冇乜人，不用等位，主餐牌都有配餐湯，不過沒有飲品，要另叫。意粉配搭都幾吸引，不過最後揀了慢煮澳洲牛面頰菠菜意大利飯，夠熱，味道幾好，份量唔大，男仕可能唔夠飽；德州燒烤牛肉漢堡，漢堡可另加$50 加配薯條和柚子蜜，牛肉漢堡 juicy，夾上芝士，炸洋蔥和菜，味道ok, 薯條唔少不過麻麻哋。兩個歺都係百幾元左右，食物都唔差，不過冇大驚喜。

沒有服務可言 我們過程中有加單 沒有主動跟我們說有餐飲 錯單 嘢飲變單點 首先店員看到我們擰轉頭 沒有主動比碟 沒有收取食完的碟 但未食完就不斷走過來話收碟 心諗你們是趕住收工嗎 到甜品的時候 我們問是後上嗎 店員說是甜品需要等候30分鐘 主食上了10分鐘後 我們開始食時 突然間全部甜品一起上 真的嚇親我 還上錯甜品 一段時間後 才拿回錯的甜品 你是直接給回客人嗎？食物質素一般 與價錢不成正比 個景幾靚都冇用 不建議不推介 是OpenRice推介的 但不會再來了 比錢收氣

老公話至少叫連鎖，差極有限，就行咗入去。一入去，無人招呼，之後行入啲，水吧就叫我哋坐窗邊位，咁我哋見佢窗邊咁多位，咪諗住行入少少。行到一半，有個人叫我哋坐第一張枱，話入邊要清潔。去到第一張枱，都未清潔未擺位。之後有個人沖上黎放低個餐牌，要我開口佢先拎塊布黎抹枱。叫餐，睇佢右上角嗰部分，真係無辦法憑個菜名聯想到我到底叫咗之後有咩食。真係要逐樣問，然後個waiter 好似要諗返佢有啲咩咁，數下錯下再數下😅飲品好似包咗比你咁，但其實無得揀，得紅茶/齋啡，紅茶佢話係柑桔檸檬茶，但原來全部都係糖水，走甜就淨係得紅茶，檸檬都無一片，一片檸檬幾多錢成本啫？最後叫咗墨西哥手撕豬肉三文治同班尼迪水煮蛋。另外加咗一個Cajun Wing +沙律。先上湯，我知今日12度，但碗湯黎到連暖都叫唔上。味道正常，但凍嘅湯真係無好感。墨西哥手撕豬肉三文治就夠熱啦，麵包都煙韌，面煎得香脆，配醃咗嘅瓜同洋蔥。少少辣，幾好食。班尼迪水煮蛋，黎到得個火腿係熱嘅，其他都凍嘅⋯要個包熱唔通真係咁難？😅同埋佢把刀，真係切唔開個包🙃切到手軟🙃既然你哋專做三文治同飽，可唔可以整把好啲嘅麵包刀比客人用？仲要兩隻蛋都穿嘅🥲唔通而家啲班尼迪