agnès b. LE PAIN GRILLÉ (已結業)

尋日同朋友係呢間餐廳食tea。我地其中有人叫左凍檸茶，點知黎到之後杯茶飲落怪怪地，有少少似咳藥水，總之同平時飲開的紅茶味很不同。於是我地好聲好氣咁問個侍應點解個味道咁不同。佢就冷冷咁回答話係花茶。好啦咁我朋友再追問係咩花茶。佢就一句duud埋黎話”唔知係咩花茶喎” 。我地已經慶慶地，要求佢換過另一杯飲品，佢地亦都換左。諗住搞點可以舒舒服服食埋個tea啦。點知隔左一陣，另一個女侍應問個男侍應發生咩事，個男答左之後，個女侍應竟然話” 試味呀?” 咁!!! 最嬲既係佢地企正係我地張台隔離講!!!! 臨走前我地仲聽到佢地話我地叫d食物都係難食的。以後不會再去食，亦都覺得餐廳有必要檢討：(1)首先menu內沒有講明個檸茶係花茶味；我諗正常食客叫杯檸茶都會覺得係正常紅茶味。而果隻花茶味絕對唔係大部份人會接受到。起碼我地有三個人飲左，三個都覺得奇怪。(2)態度非常之惡劣。其實如果佢用正常態度解釋點解杯茶味道不同，我們的感受已經會好好多。(3) 呢樣係最嬲! 就係班侍應係用字正腔圓的廣東話企正係我地隔離談論我地!! 係咪覺得我地唔識聽？果句 “試味呀” 係非常之侮辱人。連少少意見都接受唔到點做飲食？無

已不是第一次食，不過每次都冇影相。今次好想跟大家分享，特別推介這裡的白酒煮南青口配薯條及蘋果派。本人不太喜歡大隻的青口，反而比較喜歡細粒飽滿的南青口，加入白酒烹調，美味無窮！不過其實最好味的可說是它的配角……薯條，炸得脆脆，大小合適，味道恰到好處，配茄汁或法國人最愛的美奶滋都好好味!另一推介有蘋果派, 配自家製caramal雪糕，薄片蘋果烤焗後加上冰凍的ice cream，味道不太甜，冷與凍的結合另人回味!

平日的早上經常都是趕急及忙碌的，連坐下飲一杯咖啡的時間也可能沒有。今日難得休假，立即放慢腳步，悠閒的周圍散步之際來到了這一間咖啡室。早上十時左右，店內未見有客人，外賣等候的倒有幾個，我們選了靠窗的位置坐下。陽光異常猛烈，一點也不像是12中旬。早餐Menu不多選擇，不過質素很好，我叫了Egg Benedict，切落去既時候真係會爆蛋汁！另外個all day breakfast 唔算係好有驚喜，不過哩度既面包十分好食，脆卜卜，下次可以試下佢個三文冶。

喺 Facebook 見到agnes b. 餐廳出咗芝士火鍋, 即刻要約埋個芝士控食個 Pre Christmas Dinner 先 ^^Cheese fondue有淡淡酒香, 同d 配料幾夾, 唔錯~ 另外朋友叫咗個洋蔥湯, 又香又好飲 . 我地仲叫咗個牛扒漢堡, 入面除左有塊牛扒之外仲有個大啡菇, 好味道 ! 另外值得一讚既係餐廳員工好細心咁問我地係咪share 食, 上檯時已幫我地切開咗兩份 ^^最後梗係點都要食個甜品先叫完滿架嘛, 實在太飽既關係, 兩個人share 一件  Christmas cake – “Wish upon a Star”, 好好食 !! 推介推介 !!

聖誕又到喇！點可以唔去食下芝士火鍋呢😝前幾日終於同朋友去試左Agnes b.新推出既開心果芝士火鍋！好特別！😍火鍋加入左開心果，食落仲有陣陣既酒味～好香之後我地仲叫多左個白酒忌廉煮青口，忌廉味好香濃！正！最後到甜品～蛋糕！無論外型同味道都拎滿分👍🏻👍🏻

火鍋配料選擇多，肉類特別好食，推薦😋😋青口保持水準，每次去都必點呢忌廉汁更是非常美味，每次去都必點2鍋食，每個朋友食過都讚好😎聖誕蛋糕造形滿分，有個得意熊仔，影相一流，味道更加滿分，飯後再來一客蛋糕就剛剛好👍🏻😋不得不讚服務員態度非常好又細心👍🏻推薦👍🏻

前幾天跟幾位朋友聚餐，選擇了銅鑼灣人流密集的地方。係網上搜集，想搵間環境唔會太嘈之餘又好食，價錢合乎原則既，睇到Agnes b cafe 評價不錯，於是打去book位。臨近聖誕，餐廳怖置有棵類似迷你聖誕樹盆栽仔，加埋薑餅人裝飾，好別緻，望住綠色植物食野，個人都清新左！巴拿馬火腿沙律$98講返食物，首先點了巴拿馬火腿沙律，都係好清新，有新鮮翠綠沙律菜，仲有super food 無花果, 好鮮甜. 配巴拿馬火腿咸香味濃, 恰到好處. 洋蔥湯$68洋蔥味香濃，配埋芝士多士，口感豐富，味道唔會太咸。開心果芝士火鍋 $168朋友最鐘意食芝士, 就點左個芝士火鍋, 加埋開心果肉, 個味道更加香濃, 芝士汁好幼滑, 但係密度高, 完全可以令食材充分包住. 食材有薯仔，栗子等，齋食食材都咁好食！龍蝦紅菜頭蜜糖芥末漢堡（竹炭軟包）＄188天然竹炭飽好軟綿綿, 無咩味道, 不過幾特別, 個感覺幾健康清新. 材料有新鮮龍蝦肉，啖啖龍蝦肉很鮮甜多汁，肉爽彈牙，份量算好足料呢！中間仲有紅菜頭做點綴, 微甜味, 加埋蜜糖芥末醬甜而不辣, 再更加JUICY惹味! 不得不提個薯條, 好香好脆炸到唔油好乾身.

b. 今年也湊熱鬧推出了開心果芝士火鍋x'mas dinner set開心果跟芝士醬的味道竟然意想不到地配合, 隱約還嚐到點點酒味呢! 這個火鍋料之中我最喜歡粟子, 把粟子沾滿芝士醬然後一口吃下 😋 略嫌開心果的味道濃了點, 輕輕蓋過了芝士的味道, 餐廳方面可以改善一下 😉為怕同行的朋友不夠飽, 我們還order了白酒忌廉煮青口和芥末龍蝦burger~ 來自法國南部的青口, 細細隻的, 十分鮮甜美味 👍🏻👍🏻 芥末龍蝦burger之前都食過了, 龍蝦依然鮮味, 跟芥末的味道很配合, 保持水準!食埋個榛子蛋卷蛋糕, 榛子味很突出, 沒有令我失望呀

早幾個月前幫襯過銅鑼灣禮頓道的agnes b cafe 後，一直對這裡的食物念念不忘。 適逢聖誕佳前購物慾強，必到銅鑼灣一轉，瘋狂洗劫荷包後，最好安坐下來，填飽肚皮，agnes b cafe 再次成為不二之選。Onion soup $68這次，先來一客洋蔥湯，湯頭清甜，配搭芝士多士，恰到好處。Mussels simmered with white wine, shallot & cream, served with French fries $188再來叫了白酒忌廉青口，青口鮮味配上令人回味的脆炸薯條，魔鬼的組合令人停不了口。Cheese fondue with pistachio (for 2 persons) $168適逢節日前夕，新出了鬼佬火鍋 - 開心菓芝士fondou， 嫣能不嘗； 搭配的烤南瓜，栗子，蘑菇，薯粒，煙火雞肉，蒜蓉脆多士，就算是空口吃，本身也是佳餚。Rib eye steak burger $168吃著吃著不夠飽，朋友再叫來肉眼漢堡，五成熟完全是童叟無欺，肉質非常juicy!Christmas cake $55完場怎能少了甜品，bearbear 熊造形頭糕藏著

一到冬天就想食芝士火鍋，又唔想食黎食去都食意x屋，咁岩發現原來agnes b都有，抱住試下無妨既心態去食，有意外驚喜。忍唔住寫返段食評。兩個人食左三樣野，已經好飽。第一次試開心果芝士火鍋，芝士味濃，開心果味都好重，麵包條點芝士最好食，因為麵包脆身得黎唔會太硬太難咬，以為唔起眼竟然咁好食。另外值得一提既係栗子，配芝士既味道無蓋過栗子既味道。可能冷氣問題，個火熄左幾次，店員亦都好親切不厭其煩地幫我地重新點火，芝士亦無太快凝固。青口係本人極力推介既一道菜式，眼見好多食客都有點，果然無失望，如果每隻再大點多肉點會更佳，忌廉味係調得好好，我飲哂個汁咁滯。聖誕餐牌仲有個熊仔旦糕，銀色閃閃的好奇係點整出黎😝亦都靚到唔捨得食。內裡係朱古力，本人不喜歡過份甜的，呢個甜味亦恰到好處帶點甘，近似比利時朱古力。另外餐廳氣氛環境舒適，最岩三五知己言歡，卓椅之間空間足夠無焗促感，枱上小擺設簡單得黎有聖誕氣氛。最衰已經飽左，會再去試試牛扒同意粉

檔期問題，今年提早慶祝聖誕，想揾間有氣氛d，最後選擇左agnes .b !入到去都full,好彩有book位！雖然full,不過環境都靜，啱曬幾個女仔傾下計叫左芝士火鍋，唔會好似其他連鎖餐廳個d咁漏同咸黑松露芝士薯條，夠曬香囗 燉牛小扒配意大利飯， 牛小扒夠淋身，份量不少，意大利飯有咬囗蛋糕太多選擇，服務生推介我地熊仔蛋糕，味道濃而不膩:銅鑼灣呢個價錢，有環境，有服務，有食物質素，算係超值

同朋友行完街，朋友話想試下Agnes b, 去到睇Menu, 見佢新出左款芝士火鍋，但係唔係普通芝士，係加左開心果嘅芝士火鍋，加埋其他8款配菜，真的好特別！另外叫了一個油封鴨腿扁意粉，鴨腿肉好香，意粉汁好creamy！最後再食埋好應節嘅聖誕cake，開心果加朱古力mousse!

聖誕又到啦，最岩一家大細或是相約朋友岀外慶祝食飯。今次要介紹就係這個芝士火鍋～擺設非常漂亮，而且芝士可以拉絲到成吋長，每種配菜都與芝士非常配襯，放進口裡每啖都充滿濃濃的芝士香，有種幸福既感覺，喜愛芝士既朋友此鍋是最適合不過！其次是這個熊啤啤朱古力蛋糕，第一眼看到已被深深吸引著，因為整得非常可愛😍😍而且有濃郁既朱古力但又不太甜，最岩做飯後甜品😄😄

每次經驗呢間餐廳, 都覺得佢裝飾好別緻。適逢聖誕就去試下佢新出既芝士火鍋。芝士加上開心果 味道很濃 還帶有酒味 , 配有南瓜,薯仔和面包。百幾蚊有拉絲芝士火鍋 性價比很高。另一驚喜是龍蝦紅菜頭Burger, 紅菜頭含豐富的維他命 有益健康, 配上鮮甜龍蝦,  兩者味道混合，效果不錯。甜品選了以聖誕為主題的蛋糕, 又有朱古力又有開心果 都是我的最愛。可愛既熊仔 實在不捨得把它吃掉。整體感覺很好，員工服務有禮，食物質素高而價錢很合理。

今晚約了朋友到這裡晚餐， 難得喺銅鑼灣搵到間餐廳唔需要限時可以慢慢坐，都幾舒服。 第一次食芝士火鍋，上面加咗啲開心果碎，唔會淨係得芝士味，都幾好。食完唔會覺得好漏，2個人份量啱啱好，仲可以食其他嘢。藍貝煮得好嫩滑。仲叫咗個黑松露菌扁意粉。臨近聖誕，啲cake都整得好有聖誕氣氛，仲閃閃下架。總括嚟講，食物質素和服務都不錯。