龍皇酒家 (已結業)

朋友自外國回來，當然要一聚，冇嘢好得過飲茶，可以慢慢食，慢慢傾。十二點幾坐到三點幾，冇人趕我哋走，哈哈……！食得高興，傾得盡情，好滿意。服務幾好呀，食物質素都滿意。起碼埋咗單，我哋仲傾咗成個鐘，都冇人黑面，仲好樂意幫我哋影合照。

超離譜的早茶。無下次。想貼錢買爛受,請多幫襯。不知所謂。未試過啲布拉腸咁難食 。同街市買十蚊十條冇分別啲。waiter串過你仲要完全冇服務,,從來未食過咁難食嘅蝦餃。D蝦餃皮係酸嘅。

之前只係中午飲茶，今次大姐訂位竟然係食套餐（咩咩乳鴿套餐）套餐除了乳鴿、有翅仲有燕窩，算抵食。食物質素尚可以，但服務就待改善。今次被大姐突然請客，同埋掛住傾計，沒影食第相，只係第一道和最後甜品才有影。

今日下午放假，黎到灣仔合和龍皇歎番個下午茶。雖然話係下午茶，但依然人頭湧湧，等左差唔多15分鐘先入到去。龍皇既點心選擇唔算特別多，但勝在夠特別同精緻。我地二人叫左4個點心加一碟粉麵，食到勁滿足。點心叫左懷舊蝦多士，沙巴海蝦餃，松露野菌餃和鬆脆麻花。至於粉麵就叫左豉椒排骨炒河。蝦多士(3件)賣相非常精細，有一隻大蝦係塊多士上面，最重要係冇油膩感同埋唔多酒樓有蝦多士食。一個字:正! 蝦餃就皮薄涵靚，隻蝦餃好有蝦味，而且夠大隻，啱哂我呢d愛蝦之人。 野菌餃內面，有翠玉瓜同野菌，最重要係食到佢個一陣黑松露味，將成個普通既素菜餃成個level提升哂。 至於脆麻花，香脆可口，唔油膩，令到我愈來愈想食。 碟排骨炒河火喉十足， d 椒超甜，一d都唔苦。埋單就170蚊，走既時候仲見到翅哥，真係happy friday 😂。

今天飲茶點了蝦餃，蝦多士，齋粉果，牛肚和鼓椒排骨炒河。食物要等很耐。蝦餃正常，蝦夠大隻但不太爽，皮的厚度也適中。蝦多士非常普通，但也不算太油，感覺炸過龍了，比較乾。齋粉果不好食，裏面用的食材不太配，感覺怪怪的，味道不佳。牛肚普通，蘿蔔不入味，本身有點苦味。鼓椒排骨炒河等了35分鐘，差點想取消。河粉份量很夠但有點糊，排骨份量小，不好吃。由於伙記人手不夠，個個都做得很悔氣，口黑面黑，其中一位很瘦樣子像馬騮穿黑色西裝的男部長更是故意扮聽不到客人叫他，態度極之惡劣，一定不會再光顧。

今天去灣仔上堂，午飯時間到處人頭湧湧，好彩預早訂枱，在合和中心8樓龍皇酒樓。佢地有早市、午市、下午茶時段，早市及下午茶有6折優惠，超正！，可惜今次食唔到。今天點了鮑汁鳳爪、豉油王炒腸粉，灣仔午市孖寶188生拆魚茸粥和麻香頭抽龍芽炒麵。懷舊蝦多士、安蝦鹹水角、蟹子燒賣、家鄉上素粉果。午市係星期一至六早上12:00-13:59（公眾假期除外）小點$19，中點$26，大點$29，特點$34，頂點$39，茶每位$13，另加一服務費。每人$102。

7月初第一次去食，11個人叫了阿拉斯加蟹，大隻$1688，全餐食4千幾蚊，覺得ok,於是昨天週六同家人去，再定週日同朋友再去，點知隻蟹收$888，於是問下明天係米一樣價錢，話唔係喎，變返$1600，話冇特價，仲話海鮮就係海鮮價日日唔同喎！🙄🙄🙄再打去銅鑼灣個間問下，仲話要2-3千，咁我明白租都貴好多，但我一週前打電話訂蟹時，點解都係話$1600，反而屋企人唔預訂仲有特價，做生意打開問口，唔老實，可以做得幾耐，又比你呃得幾次吖！

儘管灣仔不是傳統金融區，沒有“中環人”的高尚和傲氣，但其實在這區上班也不錯，例如是中午“搵食”。在灣仔一帶有不少酒樓，豐儉由人，各色其色。如果要吃好一點，例如是要與 business partner 食住傾，龍皇會是一個不錯選擇。首先點了一客酒浸鮑魚和魚翅湯，醒一醒胃。兩者的水準都不錯，吃得出是花了不少功夫去準備。其中鮑魚做緊特價，相對抵食！之後再來個龍皇炒飯，飯炒得甚香，每粒都有蛋香，加上大量蝦仁，甚是可口！美中不足是略為多油吧點心方面，則點了黑松露餃和生煎飽。黑松露餃香氣十足，吃進口裡香氣直撲鼻腔，甚是滿足！生煎飽水平不足，驚喜位是以著䓤和洋蔥伴碟，味美清新。之後還有飽汁鳳爪和小籠飽，水平不俗！小籠飽肉汁充足，令人滿足！最後來個木糠布甸，中式酒樓做西式甜品，賣相和味道也不錯，為一頓business lunch 劃上句號！

装修豪华，服務鄉親星期六同朋友去嘆下午茶，肚子不舒服所以不叫了太多東西，服務員有趕客態度，未食完就收晒你餐具咁係咩意思呢？叫買單嘅時候叫你好耐都未到，於是去你個收銀處到自己俾錢，點知有個女經理係度撞你個手踭，撞來撞去三四次完全唔識講對唔住，叫我發惡佢先至講對唔住，呢啲係咩態度呢！！

今日諗住去唐宫壹號點知轉咗龍皇，咁叫咗個午市套餐老火湯加龍皇海鮮炒飯，點知嚟到見碟飯得幾粒蝦真失望😞個老火湯都唔差，其他食物都算ok，可能係對龍皇有啲期望掛。

The setting is typical restaurant serving typical dim sum at lunch time (and other dishes on main menu). One surprise was that pigeon was also served here - and it was really good! Everything else we ordered were nice too. Good experience overall - cannot fault the food nor the service.

剛剛同成家食完晚飯，本身黎過幾次（3次lunch,1次晚飯），野食都幾好的，但係今晚過後真係以後都唔會再幫襯。1. 坐低已經即刻叫左隻燒鵝（19：13）全部之後哎既菜都食完成20分鐘 隻鵝都未到，結果20：05先到。2. 咁其實遲單都少事，黎到隻鵝，我食左6,7舊，連暖都叫唔上，仲要'un'到咬唔開。老實，大家樂d鵝起碼都會暖呀3.都算，咁食到20：15食到谷鬼氣，叫埋單，等到20：30，成15分鐘都出唔到單，行去櫃檯到問，呀姐仲要寸：“我唔知你坐邊張檯wor“等到20：33先埋到單講真，其他野食都ok，尤其個雜菜煲真係堅好食。但你整隻咁既燒鵝，仲要咁既服務態度，下次請都唔會去。

第一次去龍皇食飯, 揀咗中午飲茶.除咗平時果d點心, 仲有好多特別的菜式.於是叫咗試下, 大愛!!推薦首先有一兜脆米, 即炸的, 小心熱.食落勁香脆, 微微米香.主角係一鍋龍蝦湯泡飯, 一打開蓋, 香氣撲鼻.然後見到一遍金黃色, 賣相好吸引.即刻試食, 龍蝦湯鮮味爆發, 唔會過鹹.材料有蝦, 魚, 泡飯, 記得加埋脆米一齊食.軟中帶脆, 一啖飯有兩種口感, 好豐富.份量唔多, 只有4碗左右, 唔夠喉><下次一定會再叫, 兩個人share, 滿足!!=]

第一次去龍皇食飯, 揀咗中午飲茶.除咗平時果d點心, 仲有好多特別的菜式.於是叫咗試下, 大愛!!推薦首先有一兜脆米, 即炸的, 小心熱.食落勁香脆, 微微米香.主角係一鍋龍蝦湯泡飯, 一打開蓋, 香氣撲鼻.然後見到一遍金黃色, 賣相好吸引.即刻試食, 龍蝦湯鮮味爆發, 唔會過鹹.材料有蝦, 魚, 泡飯, 記得加埋脆米一齊食.軟中帶脆, 一啖飯有兩種口感, 好豐富.份量唔多, 只有4碗左右, 唔夠喉><下次必點之選, 兩個人share, 可以盡情食!!

上一手開咗唔夠一年就易手，保留裝修，所以硬係覺得有啲食物仲留有多少前朝影子；但份量比上一手多~鮑汁鳯爪 - 鮑汁好有味，惟鳯爪同花生再蚊得林啲就更好和風豆腐 - 炸得乾身唔油，外微脆內嫩，可口春風得意腸 - 腸粉軟糯，包住充實嘅蝦膠唔係油炸鬼，食唔出但香口，蝦膠彈牙，讚蟹籽燒賣 - 唔夠分，冇試 ......水晶盒 - 係素餃嚟，皮通透又煙韌，味清淡香煎鮮蝦腐皮卷 - 脆脆嘅腐皮裏面又係好充實嘅蝦膠，炸得唔油，讚龍皇一品炒飯 - 名好勁，食落普通且比較油，麻麻蠔皇叉燒包 - 正常叉包富貴黃金糕 - 好煙韌，微甜，但個人不喜歡一梳梳嘅口感千層薑汁糕 - 非常軟糯，有撲鼻嘅薑汁香味，唔太甜新彊棗皇糕 - 食落同薑汁糕頗相似後記： 比普通酒樓貴少少，食物質素都高啲，恰如其份