影片
港鐵觀塘站 A2 出口, 步行約2分鐘
繼續閱讀
付款方式
其他資料
Wi-Fi
酒精飲品
自帶酒水
加一服務費
以上資料只供參考, 請與餐廳確認詳情
📍觀塘｜點茶館心血來潮想飲茶食點心，如果去茶樓呢就要俾茶錢又要俾+1 ，好唔抵呀！觀塘APM新開嘅點茶館就幫到你幫到你！🤣🤣點茶館除咗有賣蒸飯，仲有埋唔同嘅點心，例如蝦餃、燒賣、腐皮卷、叉燒包等等，全部都係用蒸籠上架，就同喺酒樓食冇分別！全部點心都非常之美味，熱辣辣又香噴噴，蝦餃皮薄餡靚好好味！必叫之選就係鮮蝦炸腐皮卷！又脆又薄嘅腐皮卷包住鮮蝦同埋唔同嘅蔬果，雖然係炸嘅，但係一啲都唔會令人覺得油膩！點埋沙律醬令人回味無窮！叉燒包亦都好鬼死甜😍😍我最鍾意！蒸飯我哋揀咗蟲草花蒸雞飯，荷葉包住嘅蒸飯真係非常之有風味，好特別，每粒飯都有荷葉嘅香氣雖然等得比較耐，但係應該係即叫即整幾好啊😌@go.neverland
繼續閱讀
apm換咗新foodcourt之後都冇食過，都係第一次食呢間點心，喺foodcourt都有點心食到，好似幾好，所以就試吓。叫咗個套餐，首先6款飯揀一款，揀咗窩蛋牛肉餅飯。再配有一款點心，都係有幾款可以揀。自己將隻溫泉蛋打落去，蛋黃撈牛肉餅個肉餅本身已經超淋，可能因為包咗荷葉蒸？加咗蛋黃之後好似食糊仔咁，肉餅零口感，啲牛肉甚至好似粟咗，有啲怪味，都冇食晒了。燒賣正常普通，都係偏淋，燒賣嘅豬肉有啲肥肉有筋。另外配一杯茶。
繼續閱讀
位於觀塘APM Food Court嘅點心，細工出細貨，即叫即蒸，上枱時食物熱辣辣，炸物保持酥脆！✨自選荷葉蒸飯套餐 $68價錢相當吸引，份量慷慨，套餐會包括荷葉蒸飯同一份自選點心。我揀咗蟲草花雲耳雞件飯，米飯有淡淡荷葉香氣。而棗皇糕口感Q陣，棗味香濃，好適合作為飯後甜品😛✨流沙奶皇包一搣開，流心奶黃就大爆發😳 真係好誇張～流沙奶黃餡鹹鹹甜甜，配埋個包啱啱好！✨籠仔馬拉糕口感鬆軟，一定要趁熱食！✨炸雲吞坊間越嚟越少見嘅炸雲吞😍 脆卜卜，唔油膩，冇多餘嘅油分，香口惹味嘅小食！
繼續閱讀
去開apm，發現係美食廣場有一間點心專門店佢地即叫即蒸的，仲有套餐比你揀，套餐係包左荷葉蒸飯+點心+精選茗茶。堂食就有個籠裝起啲野食，幾岩影相打卡😚我地揀左北海道溫泉蛋馬蹄牛肉飯+牛肉球+香菇燒賣(3粒)，另外加個籠仔馬拉糕同埋流沙奶黃包(2個)北海道溫泉蛋馬蹄牛肉飯溫泉蛋係自己加落去架，都好滑牛肉份量好滿足，仲好多汁添，好似食緊牛肉球咁啲飯粒粒分明，帶有好香既荷葉味😳牛肉球好大粒，又多汁，口感彈牙，有陣陣陳皮既香味出黎😳香菇燒賣(3粒)豬肉味幾出，有少少冬菇味，同埋都食到冬菇粒😝籠仔馬拉糕質感好鬆軟，仲有少少香味😌流沙奶黃包(2個)流心奶黃極濃極香，唔會過甜，入面既餡好多😍精選茗茶佢地話係白茶，飲落好清新😗下次再試下其他點心先😏
繼續閱讀
除左去酒樓食點心近年都多左好多新式食點心既餐廳上星期就試一試點茶館位於APM food court聽講葡撻好出名好可惜當日已經賣晒啦唯有試吓其他點心因為係food court所以價錢更合理又唔需要加一 非常值得一試 因為比較彈性就算食開其他嘢都可以點幾款點心好開心，喺food court都食到蝦餃燒賣仲要係高質嗰隻蝦餃皮夠薄 而且會蒸得太耐真係即蒸排骨+豉汁蒸鳳爪豉汁排骨夠香濃，好食過唔少酒樓鳳爪好入味整體好滿意！飲茶必食北海道溫泉蛋馬蹄牛肉飯＋山竹牛肉球一向飲茶都會食蒸飯，牛肉軟有少許馬蹄粒，溫泉蛋蛋味香濃，同埋比較創新整體嚟講都好推介人均消費大概80左右 比較推薦套餐，因為包括自選荷葉飯、點心！一個人食都唔錯😌
繼續閱讀