影片
營業時間
今日營業
11:30 - 23:00
星期一至五
11:30 - 23:00
星期六至日
12:00 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
呢間餐廳好多年前食過，印象都幾好，儲落好多熟客，今次特登搵返佢嚟食！今次叫咗佢最新出品嘅拌麵系列，嗌咗個「藤椒麻醬拌麵」（$75） 配四大名醋之鎮江骨拉麵，佢都有唔同麵底可以配，我就覺得麻醬拌嘅話，都係拉麵正啲，呢款麵雖然有啲邪惡，但真係正到不得了，佢嘅藤椒好香口，入口真係一秒麻痺神經，加埋啲椒麻油香氣，惹味非常，撈埋麻醬，補足返啲芝麻甜香，再加上一大堆青瓜，整個菜式又清新，味道又夠複雜。而鎮江骨係另上嘅，令兩個汁唔會撈埋一齊，鎮江骨都炆得好冧，酸酸甜甜，十分好食。懷念藥膳湯底，所以另一個就嗌咗「成年人不作選擇刀削麵」（$80），個名夠曬盞鬼，其實就係指「香滑落湯雞、牛頸脊同豬軟骨」，首先要讚嘅係個藥膳湯真係好正，Keep到水準！雞嘅數量唔算好多，但都夠食，落湯雞就唔係追求嫩滑嘅口感，但就好配到個藥膳底；而牛頸脊同豬軟骨都幾有水準，煮得夠冧同入味，一碗麵有咁多配料我已經好滿意喇！食得豐富啲加啲小食，加咗一隻「藥膳糖心蛋」（+$12），糖心蛋真係game changer，加落個麵度超好食，流啲蛋漿出嚟超yummy另外加咗一客「蒸鮮肉大白菜及小棠菜雲吞（兩粒）」（+$12），大粒到爆！而且有好多肉，更加飽肚，又唔會太heavy最後呢款「香酥炸小雲吞（十粒）」（+$12）比較少見，脆卜卜之餘又細細粒，可以過吓口癮最後加杯凍奶茶（+$9）（少甜少冰），作為奶茶控嚟講，呢杯我覺得都中上，奶同茶嘅搭配都幾均衡，奶味出少少埋單都係一人一百蚊，食到攬住個肚走！
繼續閱讀
去維園睇花卉展，朋友說去食一間歷史悠久的刀削麵。店舖門面簡單，一個大大隻「麵」字。原來麵店創於1994年，是香港第一家引進刀削麵的餐廳，現在已經是第二代經營。最出名係口水雞，花雕醉雞。還有雲吞、水餃🥟。也有不同的小食。花雕醉雞，刀削麵，藥膳湯底 $68。醉雞剛剛好是雞髀位置，雞肉滑嫩，花雕酒味濃郁，的而且確值得推介。刀削麵用砂鍋上枱，熱辣辣，份量很多，湯有輕微的藥膳味道，刀削麵粗幼長短不一，口感層次豐足。秘製麻辣口水雞，刀削麵藥膳湯（小辣） $68口水雞剛剛是雞胸位置，雖然是小辣， 但辣味香口突出，雞胸肉沒有肥膏，質感比較硬。太子雞翼5隻 $36雞翼大大隻，炸得非常香脆。價錢不貴，份量頗多。埋單$172， 銅鑼灣這個商家必爭之地，這個價錢，這個份量，這個質素，真心值得推薦。非常支持小店，加上是第二代，並不是連鎖店，希望能夠繼續保持下去。
繼續閱讀
餐廳：麵館皇 (銅鑼灣)地址：銅鑼灣登龍街32號地舖由1994年到依家已經有30年歷史，銅鑼灣登龍街呢間麵館皇最近由第二代接班人接手，重新裝修個餐廳同更新咗餐牌，繼續將刀削麵嘅精粹發揮得淋漓盡致。餐廳基本上手工整到嘅食物都喺自家製，包括麵底、餃子🥟、雲吞、小籠包等，而佢哋嘅藥膳湯底更加喺招牌，唔少人食過都大讚👍，平日午市過嚟仲成日大排長龍㗎老闆堅持每日一早就返到餐廳開始熬製湯底👨🏼🍳，真材實料唔落味精，希望食客可以品嘗得到濃郁真味道；配埋佢哋自己整嘅麵條，加上大份夾抵食嘅價錢，試問又有邊個抵擋得到😋✝️成年人不作選擇 $80叫咗刀削麵，手工刀削每條粗幼都不一，口感食落煙韌彈牙，配上新鮮豬骨清湯🐷，連埋超足料嘅香滑落湯雞、家鄉祖傳豬軟骨同特級手切牛頸脊，豬牛雞樣樣齊唔洗揀😌，雞件多肉唔會得啲骨同皮，豬軟骨原件上唔會碎濕濕，牛頸脊更加帶有陣陣牛羶香🐮，份量幾乎多到兩個人Share食都夠飽✝️羊腩煲灌湯麵 $98咁凍嘅天氣緊喺要叫返個秘製羊腩手擀麵暖暖胃❄️，手擀麵有啲似我哋平時食嘅千層麵同闊條麵合體版，口感比較爽滑軟身，浸喺加咗紅棗、杞子、當歸、黨參等材料熬製而成嘅藥膳湯底，補氣補血又益身💪，男女老少都好啱，羊肉份量都足，但比起另一碗麵感覺份量就有啲少，羊羶香加上腐乳嘅配搭真喺無敵。加$12叫多咗個蒸鮮肉大白菜同小棠菜雲吞，皮薄餡料勁足，差啲撐爆塊皮咁濟，試完一次搞到我好想下次過嚟食佢哋啲雲吞同餃子🥟食完嘢飲埋餐廳自己整嘅無糖冷泡茶🍵，定時會用唔同茶葉🌱，今次我飲嘅喺鴨屎香，清新甘香，解膩解渴一流
繼續閱讀
最近食咗好多唔同地方嘅刀削麵，今次呢間算係我最常食嘅刀削麵店！基本上每三四個月就會嚟食一次，平時比較多食藥膳醉雞米線🤫今次就試吓新嘢！✨成年人不作選擇 藥膳灌湯麵🍜 $80選擇困難症嘅人表示我全都要🫢有齊最想食嗰三樣，香滑落湯雞、家鄉組傳豬軟骨、特級手切牛頸脊😋之前已經嚟過食幾次，藥膳雞永遠唔會失望，第一次食豬軟骨同埋牛頸脊，豬軟骨經過醃製味道香濃同好夠腍，牛頸脊厚度適中，大大塊好有口感😋麵方面就揀咗手擀麵，之前嚟食過幾次都係刀削麵，今次試新嘢👀個人覺得相對下手擀麵較闊身✨韭菜鮮肉雲吞 蕃茄肉碎拌麵🍜 $65前幾個月嚟都冇見過👀應該係夏天新嘗試嘅拌麵，個人覺得米線比較襯拌麵🤣蕃茄肉碎味超級香濃，豬肉碎份量好多，而且好有肉味，唔會得個酸👍🏻另外本身以為係涼拌，但原來係熱拌😮有驚喜！韭菜鮮肉雲吞用咗餃子皮，較厚身，配上份量爆燈嘅餃子餡😮韭菜同肉嘅份量啱啱好✨太子雞翼 3隻 $26炸到脆卟卟嘅香脆雞翼！外皮超級脆，完全冇炸粉嘅口感，雞翼好嫩口之餘唔會太油膩👍🏻下次叫五隻🤣✨凍豆漿 $9凍豆漿磨得好細滑，豆味好天然👍🏻但個人覺得味道再香濃啲就更加好
繼續閱讀
呢間餐廳銅鑼灣登龍街，價格都幾平民！番茄肉碎拌麵: - 酸甜適中的番茄醬和鮮嫩多汁的肉碎搭配,蕃茄味唔假而且好香濃！拌麵索汁好惹味！韭菜鮮肉雲吞入邊唔算多肥豬肉！減肥人士都可以食！香。藥膳刀削麵: 麵條厚實彈牙湯汁帶著藥膳的濃郁甘醇,滋養身體,令人暖意融融 而且雞都係用咗雞背，唔會嚡！仲有牛都唔算好肥！香酥炸小雲吞: - 外皮酥脆可口,一口咬下脆卜卜！一啖一嚿凍檸檬紅茶: 完全冇令我失望嘅港式檸檬茶！茶香與檸檬酸甜交織,喝下去回甘無比！太子雞翼: - 外皮酥脆金黃,一口咬下,肉質鮮嫩多汁！呢度而且仲有高質素畫滿晒，我最鍾意動漫人物嘅黑板包括有排球少年，獵人，spy family 火影忍者等等超可愛嘅黑板！超級有愛
繼續閱讀