麥子拉麵居酒屋 (已結業)

咁耐以來第一次寫食評，好味忍唔住想贊下。每次放工都唔知食乜，平時都係女人街食得多，今日都唔例外，經過間叫麥子拉麵居酒屋，望入去入唔多，就入左去試下，有幾張餐牌，睇左下決定試下個酒煮海鮮star war手打烏冬。海鮮好鮮味，有我最愛的蜆肉，烏冬係好靚的稻庭烏冬，好滑好有口感，值得一贊，好少見到稻庭烏冬唔使加錢就可以食到。滿足的一餐。聽個店員講拉面個湯底係師傅自己煮無味精，下次再來試下！

收工經過旺角，本來想去大家樂食個邊爐，點知人山人海，唯有轉入女人街睇下有乜食。行過呢間打開咗門既鋪頭，老公突然話想食拉麵，所以坐低咗。老公叫咗個自選拉麵，個湯底唔係味精湯，清清地我鐘意！ 老公都好like！ 叉燒我無食到，所以唔知係點。我自己就叫咗個燒青魚套餐，個青魚實在太有驚喜啦！ 係真係燒而唔係煎熟果隻！仲有少少蛋黃醬跟上，"正"！跟餐既沙律同個汁無俾行貨！外面食十之其九係西生菜加醋，而呢個就唔同！除咗個湯我唔鐘意之外，因為咸咗😰最後加個刺身拼盤，只蝦差不多有我隻手長。都幾新鮮同夠凍。由於個燒魚好得，我下次一定要試下佢地既串燒。