影片
港鐵天后站 A2 出口, 步行約4分鐘
繼續閱讀
電話號碼
26868887
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
正所謂你話而家嚟，TVB彭嘉麗。我成日幻想自己有穿越時空既能力，由現代來往古代只需1秒，由現在同過去我都有一個伴侶，享盡齊人之福，咁樣偷食邊個知？不過「高S拉麵小籠包」就唔洗偷，我光明正大食！👇🏻📌招 牌 推 介 -▪️ 招 牌 小 籠 包 - $42/4隻▫️ 一上枱呢個「招牌小籠包」新鮮滾熱辣，皮厚薄適中，夾起裡面既湯汁絕對唔會漏出黎，一入口滿滿既湯汁係口腔爆發，絕對係正宗上海味道，呢個價錢真係無得鬥氣。▪️ 招 牌 生 煎 鍋 貼 - $48/4隻▫️ 先黎個「招牌生煎鍋貼」，呢個外層底部煎得恰到好處，就算擺耐左都唔會變到好硬，仍然夠脆口，裡面餡料夠多，但唔會死實實，夠juicy，水準之上。▪️ 麻 醬 腐 皮 卷 - $62▫️ 試左呢個「麻醬腐皮卷」間一間場，腐皮卷裡面係包住木耳絲、蘿蔔絲同埋芽菜，而且沾滿麻醬，入口夠滑溜之餘又夠惹味，真係好開胃。▪️ 花 雕 醉 雞 - $80/例▫️ 再黎就係「花雕醉雞」，花雕既酒香完美咁醃哂落雞肉裡面，食落係相當入味，肉質亦唔會煮得太熟岩岩好，保持到嫩滑口感，好食。▪️ 京 燒 羊 腩 - $148▫️ 主菜方面試左個「京燒羊腩」份量十足，個羊羶味係好突出但係好自然果種，幾對唔係好腥果隻，而且羊腩裡面肉汁豐富，又夠腍滑，鍾意食羊既朋友會知我講咩，一定要試。▪️ 鮮 百 合 秋 葵 炒 蝦 球 - $148▫️ 最後呢個「鮮百合秋葵炒蝦球」，首先要大讚蝦球做得非常爽彈，入口完全無雪藏味，鮮甜無比，而秋葵炒得好夠味，加上質感係完全唔硬，好軟滑，加埋百合既香味，整體好清新，好食。▪️ 高 力 豆 沙 - $56/4件▫️ 甜品方面呢個經典「高力豆沙」上面灑滿糖粉，咬開裡面豆沙餡比例岩岩好，食落唔會太甜太膩，相當地道。
繼續閱讀
放工過嚟同朋友食飯，每日都食西式日式嘢，經過見到呢間小籠包好似好吸引就入咗去，入到去叫咗個小籠包同鍋貼，大概10分鐘左右，謝謝同埋佢會配埋蕎麥茶，忍唔住即刻食，其實一上菜嘅時候幾驚艷，因為佢啲小籠包好大隻，但強烈建議要攤凍少少先食，如果唔係好容易焫親個口，因為我第一隻就已經落到，佢背陳醋同埋薑絲，食落更加開胃，其實仲有叫到糖醋魚同雞雞肉燴面，但係冇影到出嚟，會面嘅質地好特別，一開始聽到個名唔係好想食，但係我個朋友叫到就一齊試吓，以為好似我阿媽整咗啲上海麵咁嘅質地，但係食落去勁香口，好腍身，但係又唔會吸晒啲湯，所以我覺得都可以叫下。
繼續閱讀
今日一行六人特登黎食呢一間大約半年前？左右我同先生食過一次當時感覺幾好特別係個砂鍋雲吞雞真係幾好食特別係個湯，雞我反而冇乜點食，專門食佢啲菜同埋雲吞，我覺得幾入味小籠包真係物超所值我先生反而就鍾意食呢個松子魚佢話佢酸酸甜甜咁好好食好想攞嚟送飯但係估唔到成晚最大嘅驚喜，竟然係佢好坦白講，我本身對豬肉好麻麻老闆娘話呢個係新菜式，所以我哋就叫嚟俾老人家食點知一上枱面嘅時候真係嘩左一聲個元蹄好靚呀佢個皮整到晶瑩剔透咁最後尾我都忍唔住試咗一啖仔好好食呀，個皮入口即溶咁可惜老人家鍾意食我淨係可以分到啲肉啲皮冇我份🥲不過有啲驚喜因為我哋今晚其實係慶祝生日老闆娘應該聽到我哋講嘢跟住佢就攞咗呢碟上嚟話送俾我哋食話祝我哋生日快樂🥰🥰🥰老闆娘真係好好人呀呢個餅同上面嗰個沙翁一樣都係紅豆沙味嘅分別在於呢一個餅嗰個外層係脆卜卜上面嗰個就比較鬆軟啲我個人就鍾意脆卜卜呢個餅好有咬口😝今晚真係食得幾開心🥳個個都摸着個肚出去
繼續閱讀
今日中午，約了老友去炮台山食南蠻炸雞，點知去到先發覺間鋪逢星期一休息，於是便喺附近搵嘢食。嚟到清風街，見到有間裝修幾骨子嘅小店，裏面坐滿了人，食嘅係上海嘢。望望店外餐牌，午市有唔少套餐俾客人選擇，最平五十幾蚊已經有交易，包一杯豆漿，於是便決定一試。我和朋友分別叫了炸排骨湯麵同紅燒牛肉湯麵套餐，另外追加了一籠小籠包。紅燒牛肉偏鹹，但炸排骨有水準。小籠包雖然做唔到高級上海舖嘅皮薄餡靚，但味道都相當不錯，況且追加只需二十元一籠，實在抵食。總結，餐廳嘅食物性價比高，可是座位較為擠迫，但整體都非常滿意。
繼續閱讀
高s拉麵最好食係芝麻卷好好食 凍食 口感爆炸嗰醬係好多芝麻海蜇一點菜點送飯，亦都特開胃菜為一個頭盆簡直是完美！但係杯豆漿就真係沒有豆味了，其他小籠包的可以一試無妨炒年糕欠口感但係將亦都OK，環境清靜，最喜歡他的這一句愛拼才會贏反映咗華人決心做好的格言。接近日本的匠人精神！#天后美食 #高s拉麵小籠包 #hkfoodie #foodie #foodkol #foodie@hk
繼續閱讀